Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મોટી પવાલી ભરીને લોકોને પીવડાવવા દારૂ તૈયાર કરાયો, VIDEO:અમદાવાદમાં એક પ્રંસગમાં દારૂ-બિયરની ખુલ્લેઆમ મહેફીલ, તેરે પ્યાર મેં ગીત પર હાથમાં બિયર લઈ મહિલાનો ડાન્સ

    16 hours ago

    ગુજરાતમાં દારૂબંધી હોવા છતાં કરોડો રૂપિયાનો દોરૂ દરરોજ રાજ્યમાં આવી રહ્યો છે, ત્યારે અમદાવાદ શહેરમાં દારૂબંધીના ધજાગરા ઉડાડતા દૃશ્યો સામે આવ્યા છે. એક પ્રસંગ દરમિયાન ખુલ્લેઆમ દારૂ અને બિયરની પાર્ટી કરવામાં આવી હોવાનો વીડિયો સોશિયલ મીડિયામાં વાઈરલ થયો છે. વીડિયોમાં જોવા મળી રહ્યું છે કે, મોટા પ્રમાણમાં કેટલાક લોકો ભેગા મળીને મોટી પવાલી ભરીને દારૂ તૈયાર કરી રહ્યા છે. એક મહિલા તો હાથમાં બિયરનું ટિન લઇને ડાન્સ કરતી પણ જોવા મળી રહી છે. આ વીડિયો સરદારનગર પોલીસ સ્ટેશનની હદમાં આવતા નંદીગ્રામ સોસાયટી નજીકના શિવ બંગ્લોઝના હોવાનું જાણવા મળ્યું છે. જોકે, આ વીડિયો અંગે હજી સુધી કોઈ સ્પષ્ટતા કરવામાં આવી નથી. સરદારનગર પોલીસ સ્ટેશનના પીઆઇ એસ.એ. ગોહિલે દિવ્ય ભાસ્કર સાથેની વાતચીતમાં જણાવ્યું હતું કે, વીડિયો સોશિયલ મીડિયામાં વાઈરલ કરવામાં આવ્યા છે તે અંગે હું તપાસ કરીને જણાવીશ. ફ્રૂટ, બરફ, લીંબૂ અને દારૂ મિક્સ કરી તૈયાર કરાયો દારૂ એક તરફ અમદાવાદ પોલીસ ડ્રગ્સ વેચનારા તત્વો સામે કડક કાર્યવાહી કરી રહી છે, તો બીજી તરફ હવે ખુલ્લેઆમ અમદાવાદમાં દારૂબંધીના ધજાગરા ઉડાડવામાં આવી રહ્યા છે. વાઈરલ થયેલા વીડિયોમાં એક પ્રસંગ દરમિયાન મોટી પવાલીમાં બરફ, લીબું, ફ્રૂટ કાપીને નાખવામાં આવે છે, ત્યારબાદ દારૂની બોટલો અને અન્ય કોલ્ડ્રિંક્સ તેમાં ઠાલવવામાં આવે છે. જ્યારે દારૂ બનીને તૈયાર થઈ જાય છે, ત્યારે યુવક અને યુવતીઓ ભેગા મળીને તેને ચિયર્સ કરી પીતા હોવાનું પણ જોવા મળી રહ્યું છે. હાથમાં બિયરનું ટીન લઈને મહિલાનો ખુલ્લેઆમ ડાન્સ એક મહિલા સહિત કેટલાક લોકો દારૂને ચાખતા હોવાનું પણ વીડિયોમાં સામે આવ્યું છે. જે વીડિયો વાઈરલ થયો છે તેમાં વોડકા પ્રકારનો દારૂ બનાવી અને મહેફીલ માણવામાં આવી હોવાનું જણાય છે. જે પ્રકારે દારૂની મહેફિલ માણવા માટે દારૂ બનાવવામાં આવ્યો છે તે આખા દારૂ બનાવવાની તૈયારીથી લઇને પીવા સુધીના વીડિયો ઈન્સ્ટાગ્રામ પર પોસ્ટ કરવામાં આવ્યો હતો. સોશિયલ મીડિયામાં અન્ય એક વીડિયો પણ વાઈરલ થયો છે જેમાં તેરે પ્યાર મેં, દિલ ચાહતા હૈ બસ ભીગે ગીત પર હાથમાં બિયરનું ટીન લઈને લોકો વચ્ચે ખુલ્લેઆમ મહિલા ડાન્સ પણ કરતી જોવા મળી રહી છે. દારૂની મહેફિલના વીડિયો પોસ્ટ કરી પોલીસને ખુલ્લો પડકાર ગુજરાતમાં દારૂબંધી વચ્ચે અમદાવાદ પોલીસની આબરૂના ધજાગરા ઉડાડતા દારૂની મહેફિલ માણતા અને બિયર સાથે નાચતા હોવાના વીડિયો વાઈરલ કરી પોલીસને જાણે ખુલ્લો પડકાર ફેંકવામાં આવ્યો હોય તેવા દૃશ્યો જોવા મળ્યા હતા. શહેરમાં વેચાતા દારૂ અને બિયરના અડ્ડાઓ પોલીસ બંધ કરાવવામાં નિષ્ફળ રહી હોવાની ચર્ચા છે. શહેરના અલગ અલગ પોલીસ સ્ટેશન વિસ્તારોમાં દારૂનું વેચાણ અમદાવાદ પોલીસ દ્વારા એક તરફ શહેરમાં ડ્રગ્સ વેચનાર લોકોને પકડી પકડીને સર્વિસ કરવામાં આવી હતી, પરંતુ શહેરના અલગ અલગ પોલીસ સ્ટેશન વિસ્તારોમાં દારૂનું વેચાણ થતું હોવાના વીડિયો દરરોજ વાઈરલ થઈ રહ્યા છે, ત્યારે સ્થાનિક પોલીસ અને એજન્સીઓ પણ નિષ્ફળ રહી હોય તેમ જણાઈ આવી રહ્યું છે.
    Click here to Read More
    Previous Article
    સ્વામીઓની છેતરપિંડીનો ભોગ બનેલા નિવૃત્ત અધિકારીએ VIDEO જાહેર કર્યો:ભાસ્કરને કહ્યું- 'મેં ખેડૂતના ઘરે જઈને રૂ. 1.24 કરોડ આપ્યા'તા, પોલીસે મને ખુશ કરવા સામાન્ય કલમ સાથે ફરિયાદ નોંધી'
    Next Article
    India vs New Zealand Free LIVE Telecast, 1st Test LIVE Streaming: When And Where To Watch IND vs NZ For Free

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment