Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બેચરાજીમાં ST ડ્રાઇવર બસ રસ્તા પર મૂકી ફરાર:નશાની હાલતમાં બસ ચલાવ્યાનો મુસાફરોનો આક્ષેપ, પેસેન્જર અધવચ્ચે જ રઝળી પડતાં રોષ

    2 days ago

    મહેસાણાના બેચરાજી તાલુકામાં રાજ્યમાં અમલી દારૂબંધીના કાયદાના ધજાગરા ઉડાવતી અને મુસાફરોના જીવ જોખમમાં મૂકતી એક ગંભીર ઘટના સામે આવી છે. મહેસાણાથી સૂરજ-સાપાવાડા રૂટ પર જતી એસટી બસનો ચાલક નશાની હાલતમાં બસ હંકારતો હોવાના મુસાફરોએ આક્ષેપ કર્યો હતો. બાદમાં ડ્રાઇવર બેચરાજીના આદિવાડા ગામ નજીક બસને રોડની સાઈડમાં ઊભી રાખીને ફરાર થઈ ગયો હતો. આ ઘટનાને પગલે બસમાં સવાર મુસાફરો અધવચ્ચે જ રઝળી પડ્યા હતા. એસટી તંત્રની ગંભીર બેદરકારી સામે મુસાફરોમાં ભારે રોષ જોવા મળ્યો હતો. નશાની હાલતમાં બસ ચલાવી હોવાનો મુસાફરોનો આક્ષેપ મહેસાણા એસટી ડેપોની GJ-18-Z-7291 નંબરની બસ બપોરે ત્રણ વાગ્યે મહેસાણાથી ઉપડીને સૂરજ-સાપાવાડા રૂટ તરફ જઈ રહી હતી. મુસાફરી દરમિયાન બસના ચાલક ભરત ગઢવી નશાની હાલતમાં બસ ચલાવતા હોવાનું મુસાફરોના ધ્યાને આવ્યું હતું. પોતાની સુરક્ષાને લઈને ચિંતિત બનેલા મુસાફરોએ ડ્રાઇવરની આ હરકતનો વીડિયો ઉતારી સોશિયલ મીડિયામાં વાયરલ કર્યો હતો અને તાત્કાલિક 112 નંબર પર ફોન કરીને પોલીસને જાણ કરી હતી. બસને રોડની સાઈડમાં ઉતારીને ચાલુ ફરજે નાસી છૂટ્યો પોલીસને જાણ કરાઈ હોવાની ગંધ આવી જતાં ડ્રાઇવર ભરત ગઢવી બેચરાજીના આદિવાડા ગામ નજીક બસને રોડની સાઈડમાં ઉતારીને ચાલુ ફરજે ત્યાંથી નાસી છૂટ્યો હતો. અચાનક બસ અટકી પડતાં અને ડ્રાઇવર ગાયબ થઈ જતાં મુસાફરોને ભારે હાલાકીનો સામનો કરવો પડ્યો હતો. 'નશો કર્યો હતો કે કેમ તે પકડાયા બાદ તબીબી તપાસમાં જ સ્પષ્ટ થશે.' આ સમગ્ર મામલે મહેસાણા અને બેચરાજી બંને એસટી ડેપોના મેનેજરો દ્વારા તપાસનો ધમધમાટ શરૂ કરાયો છે. ઘટનાસ્થળ બેચરાજીની હદમાં હોવાથી બેચરાજી એસટી ડેપોના મેનેજર જી. કે. પંચાલે જણાવ્યું હતું કે, ઘટનાની જાણ થતાં જ જ્યારે હું સ્થળ પર પહોંચ્યો ત્યારે બસ રોડની સાઈડમાં ઊભી હતી અને ડ્રાઇવર ભરત ગઢવી ફરાર હતો. ‘હાલમાં બસના કંડક્ટરનું નિવેદન લેવાની કામગીરી ચાલી રહી છે. ડ્રાઇવરે ખરેખર નશો કર્યો હતો કે કેમ તે તેના પકડાયા બાદ તબીબી તપાસમાં જ સ્પષ્ટ થઈ શકશે. આ ગંભીર બેદરકારી અંગે બેચરાજી પોલીસને પણ સત્તાવાર જાણ કરવામાં આવી છે અને ફરાર ડ્રાઇવરને ઝડપી પાડવા માટે ચક્રો ગતિમાન કરાયા છે.’
    Click here to Read More
    Previous Article
    રહિયોલમાં બિરસા મુંડાની જન્મજયંતિ ઉજવાઈ:અરવલ્લીમાં જનજાતિ ગૌરવ સપ્તાહ અંતર્ગત પૂજન, ઇતિહાસ વાંચન, આરતી અને ભજન કાર્યક્રમ યોજાયો
    Next Article
    વલસાડમાં ચાર મકાન અને આંગણવાડીમાં ચોરી:લાભ પાંચમે અબ્રામાના રાજન નગરમાં તાળાં તૂટ્યાં; આશરે ₹20 લાખની મતા ચોરાયાનું અનુમાન

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment