Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વાપીના જ્વેલર્સના ભાઈનું નિવેદન નોંધાયું:હોસ્પિટલમાંથી રજા મળ્યા બાદ SOGએ કરી પૂછપરછ; દુબઈના હેરીના ઇશારે હુમલો કરાયાની તપાસ

    8 hours ago

    વાપીના મહાત્મા ગાંધી માર્કેટમાં આવેલા અભિષેક જ્વેલર્સના સંચાલક પાસે રૂ. 5 કરોડની ખંડણી માંગવાના અને રકમ આપવાનો ઇનકાર કરતાં તેમના પરિવારના સભ્ય પર જીવલેણ હુમલો કરવાના ચકચારી કેસમાં વલસાડ પોલીસે તપાસ તેજ કરી છે. દુબઈમાં રહેતા હેરી નામના શખસના ઇશારે પંજાબના 3 યુવાનોને વાપી મોકલી જ્વેલર્સ સંચાલકને ડરાવવા-ધમકાવવા અને હુમલો કરાવવામાં આવ્યો હોવાની વિગતો તપાસમાં સામે આવી છે. વાપી અને સુરતથી 3 આરોપી ઝડપાયા આ કેસમાં વલસાડ પોલીસની ટીમે કાર્યવાહી કરીને વાપીમાંથી 1 અને સુરત રેલવે સ્ટેશન પાસેથી 2 મળી કુલ 3 આરોપીને ઝડપી પાડ્યા હતા. પોલીસની પ્રાથમિક તપાસમાં બહાર આવ્યું છે કે દુબઈમાં જેલમાં બંધ હોવાનું કહેવાતા હેરીએ પંજાબના 3 યુવાનોનો સંપર્ક કરીને તેમને વાપી મોકલ્યા હતા. જ્વેલર્સ સંચાલક પાસે રૂ. 5 કરોડની ખંડણી માંગવામાં આવી હતી, પરંતુ ખંડણી આપવાનો ઇનકાર કરતાં આરોપીઓએ તેમને ડરાવવા-ધમકાવવાની સાથે નાના પર હુમલો કર્યો હતો. હુમલા બાદ 1 યુવક વાપીથી ઝડપાયો હતો, જ્યારે બાકીના 2 આરોપી ફરાર થઈ ગયા હતા. વલસાડ જિલ્લા પોલીસની સતર્કતા તેમજ પંજાબ પોલીસ અને દુબઈના બાતમીદારોની મદદથી ગણતરીના કલાકોમાં બંને ફરાર આરોપીને સુરત રેલવે સ્ટેશન ખાતેથી ઝડપી પાડવામાં આવ્યા હતા. ડિસ્ચાર્જ થતાં જ SOGએ નિવેદન નોંધ્યું હુમલામાં ઇજાગ્રસ્ત થયેલા જ્વેલર્સ સંચાલકના નાનાને સારવાર બાદ હોસ્પિટલમાંથી ડિસ્ચાર્જ કરવામાં આવતાં SOGની ટીમે તેમનું નિવેદન નોંધ્યું હતું. ઘટનાની સમગ્ર હકીકત, હુમલા અગાઉ આરોપીઓ દ્વારા આપવામાં આવેલી ધમકીઓ અને હુમલામાં સંડોવાયેલા શખસો અંગે પોલીસે જરૂરી વિગતો મેળવી હતી. સમગ્ર નેટવર્ક સુધી પહોંચવા તપાસનો વ્યાપ વધ્યો આરોપીઓની ધરપકડ બાદ પોલીસે તપાસનો વ્યાપ વધાર્યો છે. વલસાડ SOG PI દિનેશ પરમારના નેતૃત્વમાં SOG સહિતની ટીમ આરોપીઓની પૂછપરછ કરી રહી છે. આ ખંડણી અને હુમલાના ષડયંત્રમાં અન્ય કેટલા લોકો સામેલ છે, હેરી સાથે આરોપીઓનો સંપર્ક કેવી રીતે થયો હતો, હુમલા માટે કોણે મદદ કરી હતી અને આ યુવાનોએ અગાઉ અન્ય કોઈ ગુના આચર્યા છે કે કેમ તે દિશામાં તપાસ હાથ ધરવામાં આવી છે. હાલ પોલીસ આરોપીઓ પાસેથી મળતી વિગતોના આધારે સમગ્ર નેટવર્ક સુધી પહોંચવાના પ્રયાસ કરી રહી છે. કેસમાં અન્ય સંડોવાયેલા શખસોની ભૂમિકા અને ષડયંત્ર અંગેની વધુ વિગતો પોલીસ તપાસ પૂર્ણ થયા બાદ બહાર આવે તેવી શક્યતા છે.
    Click here to Read More
    Previous Article
    આમ આદમી પાર્ટીએ મોંઘવારી સામે રેલી કાઢી:ખીજડીયા હનુમાન મંદિરથી સુરેન્દ્રનગર કલેક્ટર કચેરી સુધી યોજી; ભાવ ઘટાડવા અને ખેડૂતોને રાહત આપવા આવેદનપત્ર આપ્યું
    Next Article
    Morbi News | મોરબીમાં ડોલતા કૂવાનું રહસ્ય વધુ ઘેરાયું | Mysterious Well | Seismological Activity

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment