Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    SMCની રેઇડ બાદ ભાગતા ફરતા બે આરોપીઓને વરતેજ પોલીસે ઝડપ્યા:ઘોઘારોડના ચકચારી દારૂ પ્રકરણમાં ફરાર ઈકો કાર માલિક સહિત બે આરોપી ઝડપાયા

    7 घंटे पहले

    ભાવનગર શહેરના ઘોઘારોડ પોલીસ મથક વિસ્તારમાં ગત 14 નવેમ્બરે સ્ટેટ મોનિટરિંગ સેલ દ્વારા ઝડપાયેલા 14 લાખથી વધુના દારૂના ચકચારી કેસમાં વરતેજ પોલીસને સફળતા મળી છે, જેમાં પોલીસે બાતમીના આધારે દારૂની હેરાફેરીમાં વપરાયેલી ઈકો કારના માલિક સહિત બે ફરાર આરોપીઓને દબોચી લઈ કાયદેસરની કાર્યવાહી હાથ ધરી છે. ગત તા.14 નવેમ્બર ના રોજ સ્ટેટ મોનિટરિંગ સેલની ટીમે ઘોઘારોડ વિસ્તારમાં દરોડો પાડી સિલ્વર કલરની ઇકો કાર નં. GJ-04-DN-9975 માંથી ભારતીય બનાવટના વિદેશી દારૂની નાની-મોટી કુલ 2650 બોટલ કિં.રૂ.9,10,272 ઝડપી પાડી હતી. આ દરોડા દરમિયાન પોલીસે ઇકો કાર કિં.રૂ.4,00,000, હોન્ડા શાઇન મોટરસાયકલ કિં.રૂ.80,000 મોબાઇલ ફોન તથા રોકડ રકમ મળી કુલ રૂ.14,15,882 નો મુદ્દામાલ કબજે કર્યો હતો. આ રેઇડ દરમિયાન સ્થળ પરથી ડ્રાઇવર હેમુ લખમણભાઇ ચૌહાણ રહે. દેવગાણા, તા.શિહોર અને દારૂનો જથ્થો લેવા આવનાર મહેશ કાનજીભાઇ બારૈયા રહે.સરદારનગર, ભાવનગર ઝડપાઈ ગયા હતા. જ્યારે દારૂનું કટિંગ કરનાર, જથ્થો પૂરો પાડનાર અને દારૂની હેરાફેરી માટે પોતાની ઇકો કાર પૂરી પાડનાર માલિક સહિતના અન્ય આરોપીઓ ફરાર થઈ ગયા હતા. આ અંગે ઘોઘારોડ પોલીસ સ્ટેશનમાં પ્રોહિબિશન એક્ટ તેમજ ભારતીય ન્યાય સંહિતાની સંગઠિત ગુનાખોરીની કલમો હેઠળ ગુનો દાખલ કરવામાં આવ્યો હતો. આ ગુનામાં પકડવાના બાકી આરોપીઓને ઝડપી પાડવા માટે વરતેજ પોલીસ ટીમ સતત વોચ અને તપાસમાં હતી, દરમિયાન પોલીસે દારૂની હેરાફેરીમાં વપરાયેલી ઇકો કાર ના માલિક તથા તેના સહ-આરોપીને દબોચી લીધા છે જેમાં પકડાયેલા આરોપીઓમાં પરેશ કાળુભાઇ જાદવ ઉં.વ.35, ધંધો- પ્લમ્બિંગ કામ, રહે. પ્લોટ નં. ૧૩/૧, શિવશક્તિ સોસાયટી, ખારસી વિસ્તાર, તરસમીયા રોડ તથા અરવિંદ બોઘાભાઇ શિયાળ ઉં.વ.38, ધંધો - મજૂરીકામ, રહે. સુભાષનગર, રજપુતવાડા, મઢુલીવાળા ખાંચામાં, આલ્ફા ફ્લેટના ચોકીદારના ક્વાર્ટર્સમાં વાળા ને વરતેજ પોલીસે બંને આરોપીઓની અટકાયત કરી આગળની વધુ તપાસ અને કાયદેસરની કાર્યવાહી હાથ ધરી છે.
    Click here to Read More
    Previous Article
    RTIથી બોગસ દસ્તાવેજ અને લેટરપેડનો ભાંડો ફૂટ્યો:ટ્રસ્ટમાં હોદ્દેદાર ન હોવા છતાં DEO અને ચેરિટી કમિશનર કચેરીમાં ખોટા પુરાવા રજૂ કરનાર ત્રણની ધરપકડ
    Next Article
    સુરત RTO રજાના દિવસે પણ ચાલુ રહેશે:22 અને 24 નવેમ્બરે ડ્રાઇવિંગ ટેસ્ટ આપી શકાશે, એપોઇન્ટમેન્ટ વિના પ્રવેશ નહીં

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment