Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ‘સાબરમતી એક્સપ્રેસમાં આગ લાગી નહોતી, લગાડવામાં આવી હતી’:સોનિયા ગાંધીના પુસ્તકના દાવા પર SIT ચીફે કહ્યું- આગનું કારણ 'વિવાદિત' ગણાવવું તદ્દન ખોટું

    1 day ago

    ગોધરા કાંડને 24 વર્ષ વીતી ચૂક્યાં છે, પરંતુ સાબરમતી એક્સપ્રેસમાં લાગેલી આગ પર રાજકારણ આજે પણ ચાલુ છે. ભારતીય રાષ્ટ્રીય કોંગ્રેસનાં નેતા સોનિયા ગાંધીએ પોતાની પુસ્તક 'બિલૉન્ગિંગ: એ જર્ની ઑફ લવ'ના પેજ નંબર 401થી 403 વચ્ચે 2002ના ગોધરા ટ્રેન અગ્નિકાંડ અને 2002માં થયેલા ગુજરાતના સાંપ્રદાયિક રમખાણો વિશે લખ્યું છે. આ પુસ્તકના પેજ 403 પર તેમણે ટ્રેનમાં લાગેલી આગના કારણને 'વિવાદિત' ગણાવ્યું છે. આ ઘટનાની તપાસ કરનાર ગુજરાત પોલીસ SITના તત્કાલીન વડા રાકેશ અસ્થાનાએ ખુલ્લીને વાત કરી છે. તેમણે ન્યૂઝ એજન્સી ANI સાથેની વાતચીતમાં સ્પષ્ટ કહ્યું કે આગ લાગવાનું કારણ વિવાદિત છે એવું કહેવું ખોટું છે. આગ જાણીજોઈને કાવતરાના ભાગરૂપે લગાવવામાં આવી હતી. રાકેશ અસ્થાનાએ કહ્યું- આગ જાણી જોઈને લગાવવામાં આવી હતી ભારતીય પોલીસ સેવાના ભૂતપૂર્વ અધિકારી રાકેશ અસ્થાનાએ કહ્યું કે જ્યાં સુધી આગ લાગવાની વાત છે, કેસ ફોરેન્સિક પુરાવા, પ્રત્યક્ષદર્શીઓની જુબાની, કેટલાક આરોપીઓના કબૂલાતનામા અને બળી ગયેલા કોચ તથા આસપાસના વિસ્તારોની ફોરેન્સિક તપાસ પર આધારિત છે. તેમણે કહ્યું કે પ્રોસિક્યુશનનો કેસ માત્ર આ કબૂલાતનામાઓ પર નિર્ભર ન હતો, કારણ કે ફોરેન્સિક પુરાવા અને સ્વતંત્ર સાક્ષીઓ ટ્રાયલ કોર્ટ અને ગુજરાત હાઈકોર્ટમાં સજા અપાવવા માટે પૂરતા હતા. રાકેશ અસ્થાનાએ જણાવ્યું કે ફોરેન્સિક તપાસમાં સામે આવ્યું છે કે આગ કેવી રીતે લાગી અને કાવતરું કેવી રીતે રચવામાં આવ્યું હતું. મને આ વાતનો ગર્વ છે કે તપાસને પુરાવા અને સાક્ષીઓના આધારે જ આગળ વધારવામાં આવી હતી. અસ્થાનાએ જણાવ્યું કે ટ્રેનમાં આગ કેવી રીતે લાગી હતી તેમણે જણાવ્યું કે 8:10 વાગ્યે જ્યારે ટ્રેન પ્લેટફોર્મથી આગળ વધી રહી હતી ત્યારે એકસાથે 3-4 બોગીઓમાંથી ચેન પુલિંગ કરવામાં આવી હતી, જેના કારણે ટ્રેન અટકી ગઈ હતી. ટ્રેન ફરી શરૂ થઈ ત્યારે ફરીથી 4 ડબ્બાઓમાં એકસાથે ચેન પુલિંગ કરવામાં આવી હતી. આ ચેન પુલિંગ બે ડબ્બાઓની વચ્ચે આવેલી ચાવીથી કરવામાં આવે છે. વેક્યૂમની ચાવી ફેરવીને ટ્રેનને રોકવામાં આવી હતી, જેના કારણે અડધો કિલોમીટર ચાલ્યા બાદ ટ્રેન ફરી અટકી ગઈ હતી. તેમણે જણાવ્યું કે ટ્રેન સિગ્નલ વિસ્તાર પાસે અટકી હતી, જ્યાં પહેલેથી જ 150-200 લોકોની ભીડ એકઠી થઈ હતી, જે S6 કોચની બરાબર સામે ઊભી હતી. ભીડમાં સામેલ 20-25 છોકરાઓ પહેલેથી જ પેટ્રોલ લઈને ઊભા હતા સીબીઆઈના ભૂતપૂર્વ વિશેષ નિર્દેશકે કહ્યું કે બે ડબ્બાઓ વચ્ચેના ભાગ (વેસ્ટિબ્યૂલ)ને કાપી નાખ્યો; S6નું વેસ્ટિબ્યૂલ કેનવસનું હતું, જે 1987માં બનાવવામાં આવ્યું હતું, જ્યારે S7નું વેસ્ટિબ્યૂલ રબરનું બનેલું હતું. યુવકોએ S6ના વેસ્ટિબ્યૂલને કાપીને સ્લાઇડિંગ દરવાજાથી અંદર જવાનો પ્રયાસ કર્યો, પરંતુ ભીડ દ્વારા કરવામાં આવેલા પથ્થરમારાના કારણે મુસાફરોએ દરવાજો પહેલેથી જ બંધ કરી દીધો હતો. 140 લીટર પેટ્રોલ બોગીમાં રેડ્યું અને પછી આગ લગાવી દીધી રાકેશ અસ્થાનાએ કહ્યું, "તેમનામાંથી કેટલાક છોકરાઓએ ધક્કો મારીને દરવાજો ખોલ્યો, અંદર ઘૂસ્યા, 140 લીટર પેટ્રોલ બોગીમાં રેડ્યું અને પછી બહાર કૂદી ગયા. બહાર હાજર ભીડે બારીઓમાંથી અંદર મશાલો ફેંકી. પથ્થરમારાને કારણે બારીઓ પહેલેથી જ તૂટી ગઈ હતી. 5 મિનિટની અંદર આખી બોગીમાં આગ લાગી ગઈ. આ ઘટનામાં 59 લોકોનાં મોત થયાં, જેમાં 27 મહિલા, 10 બાળકો અને 22 પુરુષો સામેલ હતા." સોનિયાના દાવાઓને પાયાવિહોણા ગણાવ્યા રાકેશ અસ્થાનાએ જણાવ્યું કે બીજી તપાસમાં સામે આવ્યું કે જે લોકો બહાર જીવ બચાવવા માટે કૂદ્યા હતા, તેમને ટોળાએ દોડાવીને મારી નાખ્યા હતા. સોનિયાના પુસ્તકમાં આગના કારણોને વિવાદાસ્પદ ગણાવવામાં આવ્યા હોવા પર ભાર મૂકતા રાકેશ અસ્થાનાએ કહ્યું કે આ અકસ્માત હતો એવું કહેવું, તપાસ તો એવું કહેતી નથી. સવારે ટોળાનું એકઠું થવું, પેટ્રોલ ભેગું કરવું, અમન ગેસ્ટ હાઉસમાં બેઠક કરીને પેટ્રોલ ભેગું કરીને આયોજન કરવું, આ બધું અકસ્માત હોવાનું દર્શાવતું નથી. ગેસ્ટ હાઉસનો માલિક રઝ્ઝાક કુરકુર પણ સૂત્રધારોમાં સામેલ હતો. સોનિયાએ પોતાના પુસ્તકમાં શું લખ્યું છે? સોનિયા ગાંધીએ પોતાના પુસ્તકમાં પેજ 403 પર લખ્યું છે કે 2002નાં રમખાણો ત્યારે ભડક્યાં હતાં જ્યારે સાબરમતી એક્સપ્રેસના 4 ડબ્બાઓમાં આગ લગાવવામાં આવી હતી, જેમાં 59 યાત્રાળુઓનાં મોત થયાં હતાં. આ યાત્રાળુઓ અયોધ્યાથી અમદાવાદ પરત ફરી રહ્યા હતા. તેમાં રામ મંદિરના સ્વયંસેવકો સવાર હતા. તેમણે આગળ એ પણ લખ્યું છે કે આગ લાગવાનું કારણ હજુ પણ વિવાદિત છે, પરંતુ ત્યારબાદ સમગ્ર રાજ્યમાં અશાંતિ ફેલાઈ ગઈ હતી, જેના ભોગ મુખ્યત્વે મુસ્લિમો બન્યા હતા.
    Click here to Read More
    Previous Article
    ગુજરાતના કાવ્યએ સદી ફટકારી ચૂકેલા પાકિસ્તાનીને પેવેલિયન ભેગો કર્યો:ઓપનર ઉસ્માન ખાન 107 રન બનાવીને આઉટ, કાવ્યને બીજી સફળતા મળી; PAKનો સ્કોર 316/6
    Next Article
    મંદીના માહોલ વચ્ચે વેપારના શ્રીગણેશ:કાપડના વેપારીઓએ લાભ પાંચમે શુભ મુહૂર્તમાં દુકાનો ખોલી, લગ્નસરાની સિઝન સારી જાય તેવી પ્રાર્થના કરી

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment