Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમદાવાદ ભાજપમાં આંતરિક વિખવાદ:ચાંદખેડામાં વોર્ડ પ્રમુખે સ્નેહમિલન યોજ્યું, SC મોરચાના પ્રમુખે અલગથી સ્નેહમિલન માટે સો. મીડિયામાં પોસ્ટ કરી

    8 hours ago

    ભાજપમાં સંગઠન અને સરકારને સાથે રાખવાની ચર્ચા વચ્ચે પાર્ટીમાં જ આંતરિક વિખવાદો અને જાતિવાદ ઊભો થયો છે. ગાંધીનગર દક્ષિણ વિધાનસભાના અમદાવાદના ચાંદખેડા વોર્ડમાં 14 નવેમ્બરના રોજ વોર્ડ પ્રમુખ દ્વારા યોજવામાં આવેલા નવા વર્ષના સ્નેહમિલન કાર્યક્રમમાં અનુસૂચિત જાતિના હોદ્દેદારો અને કાર્યકર્તાઓનું અપમાન અને અવગણના કરવામાં આવી હોવાને લઈ માત્ર અનુસુચિત જાતિના કાર્યકર્તાઓને હોદ્દેદારો માટે અલગથી સ્નેહમિલનનો કાર્યક્રમ વોર્ડના જ અનુસૂચિત જાતિના પ્રમુખ દ્વારા યોજવામાં આવ્યો છે. સોશિયલ મીડિયા પર ચાંદખેડા વોર્ડના પ્રમુખ દ્વારા પોસ્ટ કરીને આજે (15 નવેમ્બર) યોજાનાર સ્નેહમિલન કાર્યક્રમમાં અનુસૂચિત જાતિના તમામ કાર્યકર્તાઓ-હોદ્દેદારોને હાજર રહેવા આમંત્રણ પાઠવું છે. હું આ બાબતે પ્રમુખ સાથે વાત કરી લઉં છુંઃ કેતન દેસાઈ ચાંદખેડા વોર્ડના ભાજપના પ્રમુખ કેતન દેસાઈએ દિવ્ય ભાસ્કર સાથેની વાતચીતમાં જણાવ્યું કે, દિવાળી અને નવા વર્ષનો નાનો સ્નેહમિલનનો કાર્યક્રમ રાખવામાં આવ્યો હતો, જેમાં તમામ હોદ્દેદાર અને કાર્યકર્તાઓને બોલાવવામાં આવ્યા હતા. અનુસૂચિત જાતિના પ્રમુખ અને મહામંત્રીને પણ ફોન કરીને બોલાવ્યા, પરંતુ તેઓ બહાર હતા. સોશિયલ મીડિયા ઉપર અનુસૂચિત જાતિના પ્રમુખ દ્વારા અપમાન અને અવગણના અંગેની પોસ્ટ કરવામાં આવી છે તે અંગે મને જાણ નથી. હું આ બાબતે પ્રમુખ સાથે વાત કરી લઉં છું. ઘણા કાર્યક્રમોમાં અમારી અવગણના થાય છેઃ હિરેન કોરડીયા ચાંદખેડા વોર્ડના અનુસૂચિત જાતિના પ્રમુખ હિરેન કોરડીયાએ દિવ્ય ભાસ્કર સાથેની વાતચીતમાં કહ્યું કે, દિવાળીના નવા વર્ષના અમારા વિસ્તારમાં ભાજપ સંગઠનના બેનરો લગાવવામાં આવ્યા હતાં. આમાં યુવા મોરચા અને હોદ્દેદારોના બેનરો હતા, પરંતુ અનુસૂચિત જાતિના મોરચાના અને મહિલા મોરચા સહિતના બેનરો લગાવ્યા નથી. દરેક જગ્યાએ તેમના બેનર મારવામાં આવે છે, પરંતુ અમારા બેનર મારવામાં આવ્યા નથી. આ મામલે પ્રજા અમને સવાલ કરે છે. ગઈકાલે યોજાયેલા સ્નેહમિલન કાર્યક્રમમાં અમને યોગ્ય રીતે આમંત્રણ આપવામાં આવ્યું નહોતું. ઘણા બધા કાર્યક્રમમાં અમારી અવગણના કરવામાં આવે છે, જેથી અમે હવે અલગથી જ અમારા મોરચાનું સ્નેહમિલન કરીશું. અલગ સ્નેહમિલન કાર્યક્રમની સો. મીડિયામાં પોસ્ટ અમદાવાદ શહેરના ભાજપના સંગઠનમાં નાના-મોટા આંતરિક વિખવાદો સામે આવતા હોય છે. જોકે, હવે નવા વર્ષની શરૂઆતમાં જ ગાંધીનગર દક્ષિણ વિધાનસભા વિસ્તારમાં આવતા શહેરના ચાંદખેડા વોર્ડમાં સંગઠનના હોદ્દેદારો વચ્ચે ચાલતો આંતરિક વિખવાદ સામે આવ્યો છે. ચાંદખેડા વોર્ડના અનુસૂચિત જાતિના પ્રમુખ હિરેન કોરડીયા દ્વારા તેમના સોશિયલ મીડિયા એકાઉન્ટમાં પોસ્ટ કરી 15 નવેમ્બરના રોજ અનુસૂચિત જાતિના હોદેદારો અને કાર્યકર્તાઓનું અલગથી સ્નેહમિલન કાર્યક્રમ કરાયાની પોસ્ટ કરવામાં આવી છે. 'પોતાના સ્વાભિમાન માટે હાજર રહેવા ભાવભીનું આમંત્રણ' સોશિયલ મીડિયા પોસ્ટ પર જણાવવામાં આવ્યું છે કે, પ્રકાશના પાવન વર્ષ અને નવા વર્ષની શુભેચ્છાનુ આદાન-પ્રદાન કરવા માત્ર અનુસુચિત જાતિના ભાજપના તમામ હોદ્દેદારો અને કાર્યકર્તાઓનું 15/11/26ના રોજ સ્નેહમિલન કાર્યક્રમનું આયોજન કરાયું છે. 14/11/26ના રોજ ભાજપ વોર્ડ સંગઠન દ્વારા સ્નેહમિલન યોજાયું, જેમાં અનુસૂચિત જાતિના તમામ કર્મનિષ્ઠ અને પાર્ટીને વરેલા તમામ હોદ્દેદારો કાર્યકર્તાઓનું દિવાળી પર્વ નિમિત્તે અપમાન અને અવગણના વોર્ડ સંગઠને કરી છે. જેથી અમારા તમામની લાગણી દુભાઈ, તેનો રંજ અને ખેદ છે. પોતાના સ્વાભિમાન માટે અનુસૂચિત જાતિના તમામ ભાજપાના કાર્યકરો અને સમાજ અગ્રણીઓ ઉપસ્થિત રહેવા ભાવભીનું આમંત્રણ છે વિવાદથી વિધાનસભાની ચૂંટણીમાં પાર્ટીને નુકસાન થઈ શકે 14 નવેમ્બરના રોજ ચાંદખેડા વોર્ડના ભાજપના પ્રમુખ કેતન દેસાઈ દ્વારા સ્નેહમિલન કાર્યક્રમનું આયોજન કરાયું હતું, જેમાં ચાંદખેડા વોર્ડના કાર્યકર્તાઓ અને હોદ્દેદારોને બોલાવવામાં આવ્યા હતા. સોશિયલ મીડિયામાં કરવામાં આવેલી આ પોસ્ટ પરથી સ્પષ્ટ જણાય છે કે, અમદાવાદના ચાંદખેડા વોર્ડમાં ભાજપના સંગઠનમાં આંતરિક વિખવાદ અને ભાગલા પડી ગયા છે. અનુસૂચિત જાતિના હોદ્દેદારો અને કાર્યકર્તાઓને સાથે રાખવામાં ન આવતા હોવાના આક્ષેપ કરાયા છે. ચાંદખેડા વોર્ડમાં જીત માટે અનુસૂચિત જાતિના મતદારોનું મહત્વ ખૂબ છે તેની વચ્ચે હવે કાર્યકર્તાઓમાં રોષ જોવા મળતા આગામી વિધાનસભાની ચૂંટણીમાં પાર્ટીને ખૂબ મોટું નુકસાન થઈ શકે છે.
    Click here to Read More
    Previous Article
    બરડા સફારીમાં એકસાથે સિંહ નજીકથી જોવા મળતા પ્રવાસીઓ ખુશ:સિંહ દર્શન ઉપરાંત પક્ષીઓ, નીલગાય અને હરણ પણ જોવા મળ્યાં;ગાઇડ્સ અને ડ્રાઇવરોની કામગીરી વખાણી
    Next Article
    ધારીના આંબરડી સફારી પાર્કમાં સિંહની પજવણી, VIDEO:ડાલામથા પાછળ બાઈક-બોલેરો દોડાવી, વન કર્મીઓએ જ કૃત્ય કર્યાનો આક્ષેપ; PCCFએ તપાસનો આદેશ આપ્યો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment