Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાજપના વોટ્સએપ ગ્રુપમાં કથિત ₹19 લાખના તોડકાંડની ચેટ વાઇરલ:કોંગ્રેસ શહેર પ્રમુખ વિપુલ ઉધનાવાલાનો ભાજપ પર કમિશનખોરી અને પત્રકારોને દબાવવાનો આક્ષેપ

    6 hours ago

    સુરતના રાજકારણમાં વોર્ડ નં. 27ના ભાજપના વોટ્સએપ ગ્રુપમાં રૂ. 19 લાખના કથિત તોડકાંડની ચેટ વાઇરલ થતાં ભારે વિવાદ સર્જાયો છે. આ મુદ્દે સુરત શહેર ભાજપ પ્રમુખ પરેશ પટેલે સમાચાર પ્રસારિત કરનાર મીડિયાને નોટિસ આપવાની ચીમકી ઉચ્ચારતા, શહેર કોંગ્રેસ પ્રમુખ વિપુલ ઉધનાવાલાએ ભ્રષ્ટાચારની તપાસ કરવાને બદલે પત્રકારોને દબાવવાનો પ્રયાસ થઈ રહ્યો હોવાનો આક્ષેપ કરી FIR નોંધાવવાનો પડકાર ફેંક્યો છે. 'કૈલાસ બંગ્લોઝ' પ્રકરણમાં ભાગબટાઈની ચેટ વાઇરલ થતાં ગરમાવો વોર્ડ નં. 27ના ભાજપના વોટ્સએપ ગ્રુપમાં બાંધકામ સમિતિના પૂર્વ ચેરમેન અને હાલના કોર્પોરેટર ભાઈદાસ પાટીલ, પૂર્વ મહિલા કોર્પોરેટર તેમજ ભાજપ કાર્યકર મનીષ નાયક વચ્ચે થયેલી કથિત વાતચીત વાઇરલ થઈ છે. આ ચેટમાં 'કૈલાસ બંગ્લોઝ'ના પ્રકરણમાં દરેક કોર્પોરેટર રૂ. 2-2 લાખ અને ધારાસભ્યના નામે કોઈ રૂ. 10 લાખ લઈ ગયું હોવાની વિગતો ચર્ચાઈ હોવાના આક્ષેપથી રાજકીય વર્તુળોમાં ખળભળાટ મચ્યો છે. પત્રકાર પરિષદમાં શહેર ભાજપ પ્રમુખે મીડિયાને નોટિસ આપવાની ચીમકી ઉચ્ચારી ઉધના ભાજપ કાર્યાલય ખાતે સંવિધાન ગૌરવ દિવસની ઉજવણી સંદર્ભે પ્રદેશ ઉપાધ્યક્ષ ગૌતમ ગેડિયાની ઉપસ્થિતિમાં યોજાયેલી પત્રકાર પરિષદમાં પત્રકારોએ આ વાઇરલ ચેટ અંગે સવાલ કર્યો હતો. જેના જવાબમાં સુરત શહેર ભાજપ પ્રમુખ પરેશ પટેલે સમાચાર ખોટા ગણાવી પ્રસારણ કરનારાઓને ત્રણ-ચાર દિવસમાં નોટિસ ફાળવવાની અને જવાબ આપવા જવું પડશે તેવી ચીમકી ઉચ્ચારી હતી. તપાસ કરવાને બદલે પત્રકારોને દબાવવાનો પ્રયાસ: શહેર કોંગ્રેસ પ્રમુખ આ ઘટનાક્રમ બાદ સુરત શહેર કોંગ્રેસ પ્રમુખ વિપુલ ઉધનાવાલાએ આક્ષેપ કર્યો કે, શાસક પક્ષના નેતાઓ વચ્ચે ભ્રષ્ટાચારની ભાગબટાઈની લડાઈ ચાલી રહી છે, પરંતુ તપાસ કરવાને બદલે ભ્રષ્ટાચાર ઉજાગર કરનાર પત્રકારોને ડરાવવામાં આવી રહ્યા છે. તેમણે ટેન્ડરોમાં 30 ટકા સુધીનું કમિશન લેવાતું હોવાનો આરોપ લગાવી, જો ભ્રષ્ટાચાર ન થયો હોય તો તાત્કાલિક FIR નોંધાવી તપાસ કરાવવા ભાજપને પડકાર ફેંક્યો હતો અને કોંગ્રેસ મીડિયાની પડખે ઊભી રહેશે તેમ જણાવ્યું હતું.
    Click here to Read More
    Previous Article
    બર્થ ડે મનાવવા જતા મિત્રો કારમાં જીવતા સળગ્યા:જાણીતા કવિ રાજેન્દ્ર શુક્લનું નિધન, રેલવે સ્ટેશન પરથી ત્રણ વર્ષના બાળકનું અપહરણ, રાજ્યમાં ઠંડીનું જોર વધ્યું
    Next Article
    સરકારનો જવાબ ન મળતા ખેડૂતો મહાપંચાયત કરશે:10 જાન્યુઆરી 2027એ મોરબીના જેતપર ગામે યોજાશે કિસાન અધિકાર મહાપંચાયત

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment