Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુમુલ ડેરીએ દૂધના ભાવમાં ₹1થી 6નો વધારો ઝીંક્યો:આજથી નવો દર લાગુ, ગાયના ₹2 અને ભેંસના દૂધમાં સીધો ₹6નો વધારો

    2 दिन पहले

    મોંઘવારીના માર વચ્ચે સામાન્ય અને મધ્યમવર્ગીય પરિવારોના ઘરના બજેટને વધુ એક મોટો ફટકો પડ્યો છે. ગુજરાતમાં અમૂલ દ્વારા દૂધના ભાવમાં વધારો કરાયા બાદ હવે સુરત અને તાપી જિલ્લાની અગ્રણી સુમુલ ડેરીએ પણ દૂધના વેચાણ ભાવમાં વધારો કરવાનો નિર્ણય લીધો છે. ડેરી દ્વારા દૂધની અલગ-અલગ વેરાયટી અને પેકિંગ સાઈઝ મુજબ પ્રતિ પેકેટ ₹1થી લઈને ₹6 સુધીનો ભાવવધારો ઝીંકવામાં આવ્યો છે, જેનો અમલ આજથી એટલે કે 19મી નવેમ્બરથી શરૂ થઈ ગયો છે. ભેંસના દૂધમાં સીધો ₹6નો તોતિંગ વધારો સુમુલ ડેરીના આ નિર્ણયથી ખાસ કરીને ભેંસનું દૂધ વાપરતા ગ્રાહકોને સૌથી મોટો આર્થિક ફટકો પડ્યો છે. અમૂલ બફેલો મિલ્ક (ભેંસનું દૂધ) ના 1 લિટરના પેકેટમાં સીધો ₹6નો વધારો કરવામાં આવતા તેનો જૂનો ભાવ ₹78થી વધીને ₹84 થઈ ગયો છે. આ ઉપરાંત, સૌથી વધુ વેચાતા અમૂલ ગોલ્ડના 1 લિટરના પેકેટમાં ₹4નો વધારો થતાં હવે ગ્રાહકોએ ₹72ના બદલે ₹76 ચૂકવવા પડશે, જ્યારે 500 મિ.લી.નું પેકેટ ₹36થી વધીને ₹38નું થયું છે. અન્ય વેરાયટીના દૂધના નવા અને જૂના દર રોજિંદા વપરાશની અન્ય વેરાયટીઓ પર નજર કરીએ તો, અમૂલ તાઝાના 500 મિ.લી. પાઉચમાં ₹2નો વધારો થતાં તે ₹28થી વધીને ₹30 થયું છે. અમૂલ સ્લીમ એન્ડ ટ્રીમના 500 મિ.લી. પેકેટમાં ₹1નો વધારો થતાં ₹26ના ₹27 અને 180 મિ.લી.ના પેકેટમાં ₹1ના વધારા સાથે ₹10ના ₹11 થયા છે. તેવી જ રીતે, અમૂલ શક્તિ (500 મિ.લી.) ₹33થી વધીને ₹34 અને સુમુલ ગાયનું દૂધ (500 મિ.લી.) ₹30થી વધીને ₹32 પર પહોંચી ગયું છે. રોજિંદા 12.50 લાખ લિટર દૂધના વેચાણ પર અસર સુમુલ ડેરી દ્વારા સુરત અને તાપી જિલ્લામાં દરરોજ અંદાજે 12.50 લાખ લિટર દૂધનું વિશાળ વેચાણ કરવામાં આવે છે. આ આંકડો દર્શાવે છે કે ભાવવધારાની અસર માત્ર ગણતરીના લોકો પૂરતી મર્યાદિત નહીં રહે, પરંતુ લાખો પરિવારોના માસિક ખર્ચમાં સીધો વધારો કરશે. ખાસ કરીને જે પરિવારોમાં નાના બાળકો અને વૃદ્ધો માટે નિયમિત દૂધની ખરીદી થાય છે, તેમને હવે દર મહિને વધુ રકમ ખર્ચવી પડશે. જીવનજરૂરી વસ્તુ મોંઘી થતાં ગૃહિણીઓ ચિંતિત દૂધ એ દરેક ઘરની અત્યંત જીવનજરૂરી વસ્તુ છે, જેના વપરાશમાં સામાન્ય પરિવારો ભાગ્યે જ કાપ મૂકી શકે છે. સવારની ચા-નાસ્તાથી લઈને રસોડાના રોજિંદા ઉપયોગમાં દૂધ અનિવાર્ય હોવાથી આ ભાવવધારાની સીધી અસર ગૃહિણીઓના બજેટ પર જોવા મળશે. 19મી નવેમ્બરથી નવા દરો લાગુ થઈ જતાં આજ સવારથી જ દૂધ ખરીદવા જતા ગ્રાહકોના ખિસ્સા પર વધારાનો ભાર પડવાનું શરૂ થઈ ગયું છે.
    Click here to Read More
    Previous Article
    ચક્રવાત અકવાન આજે બપોરે આંધ્ર-ઓડિશાના દરિયાકાંઠે ટકરાઈ શકે છે:110 કિમી પ્રતિ કલાકની ઝડપે પવનો ફૂંકાશે, ઓડિશાના 6 જિલ્લાઓમાં સ્કૂલો બંધ; 10 રાજ્યોમાં અસર
    Next Article
    તેં પ્રેમલગ્ન કરેલા છે, તેથી દસ્તાવેજમાં તારું નામ ચડાવવાનું નથી:પ્રેમલગ્નની અદાવતમાં મકાનના દસ્તાવેજમાં નામ ચડાવવા બાબતે યુવાન પર સસરા અને સાળાઓનો હુમલો

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment