Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સોમવારે વૈકુંઠ ચતુર્દશી:ભગવાન વિષ્ણુ અને ભગવાન શિવની એકસાથે પૂજા કરવાનો પર્વ, જાણો માન્યતાઓ અને કથા

    5 hours ago

    કાર્તિક માસના શુક્લ પક્ષની ચતુર્દશીને વૈકુંઠ ચતુર્દશી કહેવામાં આવે છે. માન્યતા છે કે આ તિથિએ ભગવાન વિષ્ણુ ભગવાન શિવ પાસેથી સૃષ્ટિના સંચાલનની જવાબદારી ફરીથી લઈ લે છે. તેથી આ પર્વને હરિ-હર મિલન પણ કહેવામાં આવે છે. ભગવાન વિષ્ણુને હરિ અને ભગવાન શિવને હર કહેવામાં આવે છે. આ દિવસે બંનેની એકસાથે પૂજા કરવાની પરંપરા છે. ભગવાન વિષ્ણુ-શિવનો અભિષેક કરવાથી ભક્તોની મનોકામનાઓ પૂર્ણ થાય છે. ઉજ્જૈનના જ્યોતિષાચાર્ય પં. મનીષ શર્મા મુજબ, કાર્તિક માસમાં સૂર્યોદય પહેલાં સ્નાન, ભગવાન વિષ્ણુની પૂજા, તુલસી પૂજન અને સાંજે દીવા પ્રગટાવવાની પરંપરા છે. માનવામાં આવે છે કે આ મહિનામાં કરવામાં આવેલા જપ, તપ અને દાનનું અક્ષય પુણ્ય મળે છે. વૈકુંઠ ચતુર્દશીના દિવસે પણ શ્રદ્ધાળુઓ સવારે વહેલા ઊઠીને સ્નાન કરશે અને પૂજા-અર્ચના કરશે. અન્ન, વસ્ત્ર, તલ, ગોળ અને ઘીનું દાન પણ કરવામાં આવે છે. વૈકુંઠ ચતુર્દશીના દિવસે કરી શકાય છે આ શુભ કાર્યો પૌરાણિક કથા- વૈકુંઠ ચતુર્દશી પાછળ એક રસપ્રદ પૌરાણિક પ્રસંગ પ્રચલિત છે. કથા અનુસાર, એક વાર ભગવાન વિષ્ણુએ ભગવાન શિવની આરાધના માટે એક હજાર કમળનાં પુષ્પો અર્પણ કરવાનો સંકલ્પ લીધો. તેઓ પુષ્પો ચઢાવીને શિવજીની પૂજા કરી રહ્યા હતા. ભગવાન શિવે તેમની ભક્તિની પરીક્ષા લેવા માટે એક કમળનું પુષ્પ છુપાવી દીધું. જ્યારે ભગવાન વિષ્ણુને એક પુષ્પ ઓછું જણાયું ત્યારે તેમણે પૂજાનો સંકલ્પ અધૂરો ન છોડવાનો નિર્ણય કર્યો. તેમણે પોતાની એક આંખ ભગવાન શિવને અર્પણ કરવાની તૈયારી કરી. ભગવાન વિષ્ણુને કમળનયન પણ કહેવામાં આવે છે. તેમની આ અતૂટ ભક્તિથી પ્રસન્ન થઈને ભગવાન શિવ પ્રગટ થયા અને તેમને સુદર્શન ચક્ર પ્રદાન કર્યું. માનવામાં આવે છે કે આ ઘટના કાર્તિક શુક્લ ચતુર્દશીના દિવસે જ બની હતી, આ પ્રસંગને કારણે આ તિથિએ ભગવાન વિષ્ણુ સાથે ભગવાન શિવની પૂજાનું વિશેષ મહત્વ છે.
    Click here to Read More
    Previous Article
    A private odyssey: Belonging without reckoning
    Next Article
    પ્રોહીબીશનના ગુનામાં બે આરોપી પાસા હેઠળ જેલમાં:ટંકારા પોલીસે રાજકોટથી અટકાયત કરી, એકને વડોદરા અને બીજાને જૂનાગઢની મધ્યસ્થ જેલમાં મોકલ્યા

    Related Religion Updates:

    Are you sure? You want to delete this comment..! Remove Cancel

    Comments (0)

      Leave a comment