Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સિદ્ધુ મૂસેવાલાના ગીત 'ફેન્ટમ'ની રિલીઝને લઈને વિવાદ:માતા-પિતાએ કાયદાકીય કાર્યવાહી કરવાની ચેતવણી આપી; મ્યુઝિક કંપનીએ સિંગરનો કરાર શેર કર્યો

    7 hours ago

    પંજાબી સિંગર સિદ્ધૂ મૂસેવાલાના મૃત્યુના લગભગ સાડા ચાર વર્ષ બાદ તેમના એક અનરિલીઝ્ડ ગીત 'ફેન્ટમ'ને લઈને વિવાદ શરૂ થયો છે. સિદ્ધૂના માતા-પિતા બલકૌર સિંહ અને ચરણ કૌરે મ્યુઝિક કંપની સાગા મ્યુઝિકના ગીત રિલીઝ કરવાના નિર્ણય સામે વાંધો ઉઠાવ્યો છે. પરિવારનું કહેવું છે કે કંપની તેમની મંજૂરી વિના સિદ્ધૂનું ગીત રિલીઝ કરી રહી છે. તેમણે ગીતનું રિલીઝ રોકવાની માંગ કરી છે અને કંપની સામે કાનૂની કાર્યવાહી કરવાની વાત કહી છે. બીજી તરફ, સાગા મ્યુઝિકનો દાવો છે કે આ ગીતને લઈને સિદ્ધૂ સાથે પહેલેથી જ સમજૂતી થઈ ગઈ હતી અને કંપનીએ તેના માટે તેમને પૈસા પણ આપ્યા હતા. પરિવારે કહ્યું- અમારી મંજૂરી વિના રિલીઝ થઈ રહ્યું છે ગીત સિદ્ધૂના માતા-પિતાએ સોશિયલ મીડિયા પર એક સત્તાવાર નિવેદન જાહેર કર્યું છે. તેમાં તેમણે કહ્યું છે કે સાગા મ્યુઝિક તેમની મંજૂરી વિના સિદ્ધૂનું ગીત 'ફેન્ટમ' રિલીઝ કરી રહી છે. પરિવારના જણાવ્યા અનુસાર, તેમણે કંપનીને ગીતનું રિલીઝ રોકવા અને વાતચીત દ્વારા મામલો ઉકેલવાની અપીલ કરી હતી. તેમ છતાં કંપનીએ તેમની સંમતિ વિના ગીત રિલીઝ કરવાની તૈયારી ચાલુ રાખી. માતા-પિતાએ કહ્યું કે તેઓ સિદ્ધૂની વિરાસત અને તેમની સાથે જોડાયેલા અધિકારોની રક્ષા માટે કાનૂની કાર્યવાહી કરી રહ્યા છે. તેમણે અન્ય કલાકારો અને મ્યુઝિક કંપનીઓને પણ અપીલ કરી કે જો તેમની પાસે સિદ્ધૂના ગીતો સાથે જોડાયેલા કોઈ દસ્તાવેજો અથવા અધિકારો હોય, તો ગીત રિલીઝ કરતા અથવા તેની જાહેરાત કરતા પહેલાં પરિવારનો સંપર્ક કરે. સાગા મ્યુઝિકે સિદ્ધૂ સાથે થયેલો કરાર શેર કર્યો પરિવારના વિરોધ બાદ સાગા મ્યુઝિકે સિદ્ધૂ મૂસેવાલા સાથે થયેલા કથિત 'કન્ટેન્ટ અસાઇનમેન્ટ એગ્રીમેન્ટ'નું પહેલું પાનું સોશિયલ મીડિયા પર શેર કર્યું. કંપનીનું કહેવું છે કે સિદ્ધૂ સાથે ગીતના ઑડિયો રાઇટ્સને લઈને કરાર થયો હતો. તેના માટે તેમને ચુકવણી પણ કરવામાં આવી હતી. કંપનીએ સમગ્ર એગ્રીમેન્ટ જાહેર કર્યું નથી. તેનું કહેવું છે કે દસ્તાવેજમાં કેટલીક ખાનગી જાણકારીઓ અને ગોપનીય શરતો છે. આ ઉપરાંત સાગા મ્યુઝિકે સિદ્ધુ મૂસેવાલાના એક જૂના લાઇવ સેશનનો વીડિયો પણ જાહેર કર્યો છે, જેમાં તેઓ કહી રહ્યા છે- મારું ગીત ફેન્ટમ, સાગા મ્યુઝિક પર આવી રહ્યું છે. 'જાંદી વાર' ગીતની રિલીઝ પર પણ થયો હતો વિવાદ સિદ્ધુના મૃત્યુ બાદ તેમના ગીતોને રિલીઝ કરવા અંગે અગાઉ પણ વિવાદ થઈ ચૂક્યો છે. વર્ષ 2022માં મ્યુઝિક કમ્પોઝર સલીમ-સુલેમાને સિદ્ધુ અને ગાયિકા અફસાના ખાનનું ગીત 'જાંદી વાર' રિલીઝ કરવાની જાહેરાત કરી હતી. આ અંગે સિદ્ધુના પરિવારે વાંધો ઉઠાવ્યો હતો અને અદાલતમાં અરજી દાખલ કરી હતી. ત્યારબાદ નવેમ્બર 2022માં માનસાની અદાલતે ગીતની રિલીઝ પર રોક લગાવી દીધી હતી. સિદ્ધૂના મૃત્યુ પછી જૂન 2022માં તેમના પરિવારે તમામ મ્યુઝિક કંપનીઓ અને પ્રોડ્યુસર્સને અપીલ કરી હતી કે તેમના રેકોર્ડ કરાયેલા અથવા અધૂરા ગીતો પરિવારની પરવાનગી વિના રિલીઝ ન કરવામાં આવે. પરિવારે કહ્યું હતું કે સિદ્ધૂના તમામ રેકોર્ડિંગ તેમના પિતા બલકૌર સિંહને સોંપવામાં આવે. 2022માં થઈ હતી સિદ્ધૂ મૂસેવાલાની હત્યા સિદ્ધૂ મૂસેવાલાનું અસલી નામ શુભદીપ સિંહ સિદ્ધૂ હતું. તેમનો જન્મ 11 જૂન 1993ના રોજ પંજાબના માનસા જિલ્લામાં આવેલા મૂસા ગામમાં થયો હતો. તેમણે 'સો હાઈ', '295', 'ધ લાસ્ટ રાઈડ' અને 'લેજેન્ડ' જેવા ગીતોથી દુનિયાભરમાં ઓળખ બનાવી હતી. 29 મે 2022ના રોજ માનસામાં ગોળી મારીને તેમની હત્યા કરવામાં આવી હતી. તે સમયે તેઓ માત્ર 28 વર્ષના હતા. તેમના મૃત્યુ બાદ પણ તેમના ઘણા ગીતો રિલીઝ થયા. તેમાં 'SYL', 'મેરા ના', 'ડ્રિપ્પી' અને '410'નો સમાવેશ થાય છે.
    Click here to Read More
    Previous Article
    UPSC टॉपर IAS जागृति अवस्थी ने सरकारी अस्पताल में दिया बेटे को जन्म, पति IPS अध‍िकारी
    Next Article
    વડોદરામાં પત્ની સાથેના ઝઘડાનો ઉકેલ પતિ ChatGPTમાં શોધતો:AIએ પુરાવા રાખવા સલાહ આપતા પત્નીના ગુસ્સાવાળા વીડિયો ઉતાર્યાં, છૂટાછેડા સુધી વાત પહોંચી; અભયમનો સમાધાનનો પ્રયાસ

    Related Entertainment Updates:

    Are you sure? You want to delete this comment..! Remove Cancel

    Comments (0)

      Leave a comment