Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સત્તા ગુમાવવાનો ડર કે નવું સમીકરણ?:વિપક્ષ સાથે હાથ મિલાવવા નેતન્યાહૂ તૈયાર, અરબ પાર્ટીઓએ યાશારને સમર્થન આપ્યું; ઇઝરાયલના રાજકારણમાં ગેમ ચેન્જ

    2 days ago

    1

    0

    👍 ❤️ 😂 😮 😢 😡 😘 🤐 🥰

    ઇઝરાયલના વડાપ્રધાન બેન્જામિન નેતન્યાહૂ વિપક્ષના નેતા ગાદી આઇઝનકોટ સાથે મળીને સરકાર બનાવવા તૈયાર છે. ઇઝરાયલી મીડિયા i24 ન્યૂઝના અહેવાલ મુજબ, નેતન્યાહૂએ આ ગઠબંધનની શક્યતાને નકારી નથી. બીજી તરફ, અરબ પાર્ટીઓ જૉઇન્ટ લિસ્ટ અને રાઅમે આઇઝનકોટની યાશાર પાર્ટીને સમર્થન આપવાનો નિર્ણય કર્યો છે. ખરેખરમાં, 27 ઓક્ટોબરે યોજાયેલી ચૂંટણીમાં કોઈપણ ગઠબંધનને બહુમતી મળી નહોતી. 120 બેઠકો ધરાવતી સંસદમાં સરકાર બનાવવા માટે 61 બેઠકો જરૂરી છે. આઇઝનકોટની પાર્ટી યાશાર 21 બેઠકો જીતીને વિપક્ષની સૌથી મોટી પાર્ટી બની છે. હવે જો આઇઝનકોટની યાશાર પાર્ટી અરબ પાર્ટીઓ સાથે ગઠબંધન કરે છે, તો તેમની પાસે 67 બેઠકો થઈ જશે. નેતન્યાહૂ તમામ વિકલ્પો પર વિચાર કરી રહ્યા છે ઇઝરાયલી મીડિયા i24 ન્યૂઝ મુજબ, નેતન્યાહૂની પાર્ટી લિકુડના નજીકના સૂત્રોએ જણાવ્યું કે વડાપ્રધાન તમામ વિકલ્પો પર વિચાર કરી રહ્યા છે. તેઓ આઇઝનકોટ સાથે ગઠબંધનની શક્યતાને પણ નકારી રહ્યા નથી, જોકે જાહેરમાં તેઓ સંયુક્ત સરકાર બનાવવાની યોજનાનો ઇનકાર કરી ચૂક્યા છે. સૂત્રોના જણાવ્યા મુજબ, નેતન્યાહૂને ચિંતા છે કે આઇઝનકોટ આરબ પાર્ટીઓ અને કટ્ટરપંથી યહૂદી ધાર્મિક પક્ષો સાથે મળીને વૈકલ્પિક સરકાર બનાવી શકે છે. આના કારણે તેમને સત્તા પરથી હટવું પડી શકે છે. નેતન્યાહૂ પાસે સરકાર બનાવવાના ત્રણ રસ્તા પહેલો રસ્તો: વિપક્ષી દળોનું સમર્થન મેળવવું નેતન્યાહૂ વિપક્ષી ગઠબંધનમાં સામેલ કેટલાક દળો અથવા સાંસદોને પોતાની સાથે લાવવાનો પ્રયાસ કરી શકે છે. વિપક્ષ પાસે કુલ 48 બેઠકો છે. જો આમાંથી કેટલાક દળો અથવા સાંસદો નેતન્યાહૂને સમર્થન આપવા તૈયાર થઈ જાય, તો તેઓ બહુમતી માટે જરૂરી 61 બેઠકોનો આંકડો મેળવી શકે છે. પડકાર- વિપક્ષી નેતાઓએ ચૂંટણીમાં નેતન્યાહૂને સત્તા પરથી હટાવવાનું વચન આપ્યું હતું. આવી સ્થિતિમાં તેમના માટે હવે નેતન્યાહૂને સમર્થન આપવું સરળ નહીં હોય. બીજો રસ્તો: રાષ્ટ્રીય એકતા સરકાર બનાવવી નેતન્યાહૂ વિપક્ષી નેતા ગાદી આઇઝનકોટ અને તેમના સહયોગીઓ સાથે મળીને રાષ્ટ્રીય એકતા સરકાર બનાવી શકે છે. તેમાં અલગ-અલગ વિચારધારા ધરાવતી પાર્ટીઓ એકસાથે આવી શકે છે. પડકાર- નેતન્યાહૂના કેટલાક સહયોગીઓ પણ આ વિકલ્પ પર ચર્ચા કરી ચૂક્યા છે. તેનાથી નેતન્યાહૂને વડાપ્રધાન પદ પર યથાવત્ રહેવાની તક મળી શકે છે. પરંતુ આઇઝનકોટ પહેલેથી જ નેતન્યાહૂના નેતૃત્વનો વિરોધ કરી ચૂક્યા છે. આવી સ્થિતિમાં બંને વચ્ચે સહમતી બનવી મુશ્કેલ બની શકે છે. ત્રીજો રસ્તો: લઘુમતી સરકાર બનાવવી નેતન્યાહૂ લઘુમતી સરકાર બનાવવાનો વિકલ્પ પણ પસંદ કરી શકે છે. આવી સરકાર પાસે પોતાના ગઠબંધનમાં 61 સાંસદો હોતા નથી. તેમ છતાં તે સંસદમાં અન્ય પક્ષોના સમર્થન અથવા તેમના વિરોધ ન કરવાની ખાતરીના આધારે ચાલી શકે છે. પડકાર- આવી સરકારને બજેટ પસાર કરાવવા, વિશ્વાસ મત જીતવા અને અન્ય જરૂરી નિર્ણયો માટે વારંવાર બીજા પક્ષોનું સમર્થન મેળવવું પડે છે. તેથી લઘુમતી સરકાર બનાવવી જ નહીં, તેને લાંબા સમય સુધી ચલાવવી પણ મુશ્કેલ હશે. આઇઝનકોટ પાસે સરકાર બનાવવાના બે રસ્તા પહેલો રસ્તો: આરબ પક્ષોના સમર્થનથી સરકાર બનાવવી આઇઝનકોટ આરબ પક્ષો જૉઇન્ટ લિસ્ટ અને રાઅમના સમર્થનથી સરકાર બનાવી શકે છે. વિપક્ષી ગઠબંધનની 48 અને આરબ પક્ષોની 19 બેઠકો મળીને તેમને 67 સાંસદોનું સમર્થન છે. આ બહુમતી માટે જરૂરી 61 બેઠકો કરતાં વધુ છે. પડકાર- આઇઝનકોટ અને આરબ પક્ષો વચ્ચે ઘણા નૈતિક મતભેદો છે. સાથે જ નેતન્યાહૂ પણ તેને દેશ સાથે ગદ્દારી ગણાવી ચૂક્યા છે. આવી સ્થિતિમાં આ ગઠબંધનને લઈને રાજકીય વિરોધનો સામનો કરવો પડી શકે છે. બીજો રસ્તો: યહૂદી પક્ષોને ગઠબંધનમાં સામેલ કરવા આઇઝનકોટ કટ્ટરપંથી યહૂદી ધાર્મિક પક્ષો અને અન્ય નાના રાજકીય પક્ષોને પોતાની સાથે લાવવાનો પ્રયાસ કરી શકે છે. તેનાથી તેઓ આરબ પક્ષો પર નિર્ભર થયા વિના પણ બહુમતી મેળવવાનો રસ્તો કાઢી શકે છે. પડકાર- અલગ-અલગ વિચારધારા ધરાવતા પક્ષોને એકસાથે લાવવું સરળ નહીં હોય. ખાસ કરીને સૈન્ય સેવા જેવા મુદ્દાઓ પર આ પક્ષો વચ્ચે મતભેદ થઈ શકે છે. ઇઝરાયલ ચૂંટણી બાદ અત્યાર સુધી શું-શું થયું 27 ઑક્ટોબર: ચૂંટણીમાં કોઈને બહુમતી નહીં ઇઝરાયલમાં સંસદીય ચૂંટણી યોજાઈ. વડાપ્રધાન બેન્જામિન નેતન્યાહૂના ગઠબંધનને 53, વિપક્ષના નેતા ગાદી આઇઝનકોટના ગઠબંધનને 48 અને આરબ પક્ષોને 19 બેઠકો મળી. સંસદમાં બહુમતી માટે 61 બેઠકો જરૂરી છે. આશરે 77.9% મતદાન થયું, જે 1999 પછીનું સૌથી વધુ હતું. 29 ઑક્ટોબર: ચૂંટણીમાં વિદેશી દખલ અને વોટ ચોરીનો આરોપ લાગ્યો નેતન્યાહૂની પાર્ટી લિકુડે આરબ પક્ષો પર મત ખરીદવાનો આરોપ લગાવ્યો. ચૂંટણી પંચના આદેશ પર શિન બેટે વિદેશી દખલની તપાસ શરૂ કરી. પોલીસે મત ખરીદવાની શંકામાં 7 લોકોની ધરપકડ કરી. રાઅમ પાર્ટીએ આરોપોનો ઇનકાર કર્યો. 30 ઑક્ટોબર: કતારે ચૂંટણીમાં દખલના આરોપો ફગાવ્યા ઇઝરાયલમાં ચૂંટણીને પ્રભાવિત કરવા માટે કતારમાંથી નાણાં મળ્યાના આરોપો લગાવવામાં આવ્યા. કતારે સ્પષ્ટતા કરી કે તેણે ચૂંટણીને અસર કરતી કોઈપણ પ્રવૃત્તિ માટે નાણાં આપ્યાં નથી. 31 ઓક્ટોબર: યહૂદી-આરબ ગઠબંધનના સમર્થનમાં પ્રદર્શન ઇઝરાયલમાં કેટલાક લોકોએ યહૂદી અને આરબ પક્ષોને એકસાથે લાવીને સરકાર બનાવવાની માંગ કરી. બીજી તરફ, નેતન્યાહૂના સમર્થકોએ આવા ગઠબંધનનો વિરોધ કર્યો. 31 ઑક્ટોબર: આઇઝનકોટએ સરકાર બનાવવા માટે 4 શરતો મૂકી આઇઝનકોટએ ગઠબંધન માટે ચાર શરતો મૂકી. તેમાં લોકતાંત્રિક મૂલ્યોનું પાલન, તમામ નાગરિકો માટે લશ્કરી સેવા ફરજિયાત બનાવવી અને હમાસને ગાઝાની સત્તા પરથી હટાવવાનો સમાવેશ થાય છે. બીજી તરફ, જૉઇન્ટ લિસ્ટના નેતા અહમદ તિબીયે કહ્યું કે તેમની પાર્ટી નેતન્યાહૂને હટાવવામાં વિપક્ષની મદદ કરશે અને બહારથી સમર્થન આપી શકે છે. 1 નવેમ્બર: નેતન્યાહૂએ આઇઝનકોટ સાથે સરકાર બનાવવાનો વિકલ્પ ખુલ્લો રાખ્યો ઇઝરાયલી મીડિયા i24 ન્યૂઝના અહેવાલ મુજબ, નેતન્યાહૂએ આઇઝનકોટ સાથે સહિયારી સરકાર બનાવવાની શક્યતાને નકારી નથી.
    Click here to Read More
    • Share:
    શાહરુખના બર્થડે પર ફેન્સને રિટર્ન ગિફ્ટ:'કિંગ'નું પહેલું ગીત રિલીઝ; તાજમાં આખી રાત પાર્ટી કર્યા બાદ ચાહકોને આપી ફ્લાઇંગ કિસ, મન્નત બહાર લખ્યો ખાસ મેસેજ
    Previous Article
    શાહરુખના બર્થડે પર ફેન્સને રિટર્ન ગિફ્ટ:'કિંગ'નું પહેલું ગીત રિલીઝ; તાજમાં આખી રાત પાર્ટી કર્યા બાદ ચાહકોને આપી ફ્લાઇંગ કિસ, મન્નત બહાર લખ્યો ખાસ મેસેજ
    Next Article
    પંજાબમાં AAP છોડનારા ત્રણેય ધારાસભ્યો BJPમાં જોડાયા:દિલ્હીમાં સભ્યપદ લીધું; ત્રણેયે છેલ્લા બે દિવસમાં રાજીનામું આપ્યું
    પંજાબમાં AAP છોડનારા ત્રણેય ધારાસભ્યો BJPમાં જોડાયા:દિલ્હીમાં સભ્યપદ લીધું; ત્રણેયે છેલ્લા બે દિવસમાં રાજીનામું આપ્યું

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment

      Send