Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અમારું પાણી રોક્યું તો હાથ કાપી નાખીશું:પાકિસ્તાનની ભારતને ફરી ધમકી, કહ્યું- સિંધુ જળ સંધિ હજુ પણ લાગુ, ભારત તેને એકતરફી તોડી શકે નહીં

    1 day ago

    1

    0

    👍 ❤️ 😂 😮 😢 😡 😘 🤐 🥰

    પાકિસ્તાને સિંધુ જળ સંધિ પર ફરી એકવાર ભારતને ધમકી આપી છે. પાકિસ્તાનના જળવાયુ પરિવર્તન મંત્રી મુસાદિક મલિકે કહ્યું કે જો કોઈએ પાકિસ્તાનના હિસ્સાનું પાણી રોકવાનો પ્રયાસ કર્યો તો અમે તે હાથ કાપી નાખીશું. તેમણે દાવો કર્યો કે ભારત પાકિસ્તાનના હિસ્સાનું પાણી રોકવા માગે છે. મુસાદિક મલિકે સૂચના મંત્રી અતાઉલ્લાહ તરાર સાથે સંયુક્ત પ્રેસ કોન્ફરન્સમાં કહ્યું, પડોશી દેશના વડાપ્રધાનના હાથમાં એક નળ છે. તેઓ કહે છે કે પાકિસ્તાનમાં પાણીનું એક ટીપું પણ જવા દેશે નહીં. જેઓ અમારા હિસ્સાના પાણી પર દાવો કરશે, તેમના હાથ કાપી નાખવામાં આવશે. જ્યારે અતાઉલ્લાહ તરારે કહ્યું કે સિંધુ જળ સંધિ કાયદેસર રીતે હજુ પણ લાગુ છે. તેમના મતે, ભારત તેને ન તો એકતરફી સ્થગિત કરી શકે છે, ન રદ કરી શકે છે અને ન તો તેમાં ફેરફાર કરી શકે છે. પાકિસ્તાન સિંધુ જળ સંધિ પર સેમિનાર યોજશે પાકિસ્તાની મંત્રીઓએ જણાવ્યું કે મંગળવારે ઇસ્લામાબાદમાં સિંધુ જળ સંધિ પર પ્રથમ આંતરરાષ્ટ્રીય સેમિનાર આયોજિત કરવામાં આવશે. આમાં કાનૂની નિષ્ણાતો, જળ નિષ્ણાતો અને વિદેશી પ્રતિનિધિઓ ભાગ લેશે. સેમિનારમાં સંધિના કાનૂની અને તકનીકી પાસાઓ પર ચર્ચા થશે. ડોન અનુસાર, તરારે કહ્યું કે આંતરરાષ્ટ્રીય કાયદા હેઠળ પાકિસ્તાનના અધિકારો સુરક્ષિત છે. તેમણે કહ્યું કે વડાપ્રધાન શાહબાઝ શરીફ અને સેના પ્રમુખ ફિલ્ડ માર્શલ આસિમ મુનીર પહેલા પણ સ્પષ્ટ કરી ચૂક્યા છે કે પાણી આપણી જીવનરેખા છે અને તે આપણી રેડ લાઇન પણ છે. 21 જૂને PAK સંરક્ષણ મંત્રીએ કહ્યું હતું કે- ભારત વિરુદ્ધ યુદ્ધ છેડી શકે છે પાકિસ્તાનના સંરક્ષણ મંત્રી ખ્વાજા આસિફે 21 જૂને સિંધુ જળ સંધિ સ્થગિત રહેવા અંગે ભારતને ધમકી આપી હતી. પાકિસ્તાની ચેનલ ARY ન્યૂઝ સાથેની વાતચીતમાં આસિફે કહ્યું કે જો પાકિસ્તાનને લાગશે કે તેની જળ સુરક્ષા જોખમમાં છે, તો તે ભારત વિરુદ્ધ યુદ્ધ છેડી શકે છે. તેમણે આરોપ લગાવ્યો કે ભારત પાકિસ્તાનના હિસ્સાના પાણીના પ્રવાહમાં દખલ કરી રહ્યું છે અને વ્યૂહાત્મક હથિયાર તરીકે તેનો ઉપયોગ કરી રહ્યું છે. જોકે, તેમણે એ પણ સ્વીકાર્યું કે છેલ્લા એક વર્ષમાં આ મામલે શું નવા ઘટનાક્રમ થયા છે, તેની તેમને સંપૂર્ણ જાણકારી નથી. એપ્રિલ 2025માં પહેલગામ આતંકી હુમલામાં 26 લોકોના મોત બાદ ભારતે 1960ની સિંધુ જળ સંધિને સ્થગિત કરી દીધી હતી. ભારતનું કહેવું છે કે જ્યાં સુધી પાકિસ્તાન સરહદ પાર આતંકવાદ વિરુદ્ધ નક્કર કાર્યવાહી નહીં કરે, ત્યાં સુધી સંધિ ફરીથી શરૂ કરવામાં આવશે નહીં. ભારત-પાકિસ્તાન વચ્ચે સિંધુ જળ કરાર શું છે? સિંધુ નદી પ્રણાલીમાં કુલ 6 નદીઓ છે - સિંધુ, ઝેલમ, ચિનાબ, રાવી, બિયાસ અને સતલુજ. તેના કિનારાનો વિસ્તાર લગભગ 11.2 લાખ ચોરસ કિલોમીટરમાં ફેલાયેલો છે. તેમાં 47% જમીન પાકિસ્તાન, 39% જમીન ભારત, 8% જમીન ચીન અને 6% જમીન અફઘાનિસ્તાનમાં છે. આ તમામ દેશોના લગભગ 30 કરોડ લોકો આ વિસ્તારોમાં રહે છે. 1947માં ભારત અને પાકિસ્તાનના ભાગલા પહેલાથી જ ભારતના પંજાબ અને પાકિસ્તાનના સિંધ પ્રાંત વચ્ચે નદીઓના પાણીની વહેંચણીનો ઝઘડો શરૂ થઈ ગયો હતો. 1947માં ભારત અને પાકિસ્તાનના ઇજનેરો વચ્ચે 'સ્ટેન્ડસ્ટિલ કરાર' થયો. આ અંતર્ગત બે મુખ્ય નહેરોમાંથી પાકિસ્તાનને પાણી મળતું રહ્યું. આ કરાર 31 માર્ચ 1948 સુધી ચાલ્યો. 1 એપ્રિલ 1948 ના રોજ જ્યારે કરાર અમલમાં ન રહ્યો ત્યારે ભારતે બંને નહેરોનું પાણી રોકી દીધું. આનાથી પાકિસ્તાનના પંજાબ પ્રાંતની 17 લાખ એકર જમીન પર ખેતી બરબાદ થઈ ગઈ. ફરીથી થયેલા કરારમાં ભારત પાણી આપવા સંમત થયું. આ પછી 1951 થી 1960 સુધી વર્લ્ડ બેંકની મધ્યસ્થીમાં ભારત-પાકિસ્તાન વચ્ચે પાણીની વહેંચણી અંગે વાતચીત ચાલી અને આખરે 19 સપ્ટેમ્બર 1960 ના રોજ કરાચીમાં ભારતના PM નેહરુ અને પાકિસ્તાનના રાષ્ટ્રપતિ અયુબ ખાન વચ્ચે હસ્તાક્ષર થયા. આને ઇન્ડસ વોટર ટ્રીટી અથવા સિંધુ જળ સંધિ કહેવાય છે. સિંધુ જળ કરાર સ્થગિત કરવાની પાકિસ્તાન પર અસર પાકિસ્તાનમાં ખેતીની 90% જમીન એટલે કે 4.7 કરોડ એકર વિસ્તારમાં સિંચાઈ માટે પાણી સિંધુ નદી પ્રણાલીમાંથી મળે છે. પાકિસ્તાનની રાષ્ટ્રીય આવકમાં કૃષિ ક્ષેત્રનો હિસ્સો 23% છે અને તેનાથી 68% ગ્રામીણ પાકિસ્તાનીઓની આજીવિકા ચાલે છે. આવી સ્થિતિમાં પાકિસ્તાનમાં સામાન્ય લોકોની સાથે-સાથે ત્યાંની કથળતી અર્થવ્યવસ્થા વધુ ખરાબ થવા લાગી છે. પાકિસ્તાનના મંગલા અને તારબેલા હાઈડ્રોપાવર ડેમને પાણી મળી રહ્યું નથી. આનાથી પાકિસ્તાનના વીજ ઉત્પાદનમાં 30% થી 50% સુધીનો ઘટાડો આવી શકે છે. સાથે જ ઔદ્યોગિક ઉત્પાદન અને રોજગાર પર અસર પડશે. ----------------- આ પણ વાંચો… ભારત-પાકિસ્તાન વચ્ચે ફરી યુદ્ધનાં ભણકારા, પાણી માટે તરફડિયા મારતું PAK:આર્મી ચીફ આસિમ મુનીર યુદ્ધનું કાવતરું ઘડવામાં લાગ્યા, LoC પર 35 ડ્રોન યુનિટ તૈનાત કર્યા ભારતે સિંધુ નદીનું પાણી રોકીને પાકિસ્તાનને તરસાવ્યું છે. પહેલગામ આતંકી હુમલાના જવાબમાં શરૂ કરાયેલા ‘ઓપરેશન સિંદૂર’ પછી સિંધુનું પાણી રોકવાથી પાકિસ્તાનની કમર તૂટી ગઈ છે. પાણી માટે આંતરરાષ્ટ્રીય કોર્ટમાં પણ મોંની ખાધા પછી જ્યાં પાકિસ્તાનના રક્ષા મંત્રી ખ્વાજા આસિફ યુદ્ધ છેડવાની ધમકીઓ આપી રહ્યા છે... સંપૂર્ણ સમાચાર અહીં વાંચો…
    Click here to Read More
    • Share:
    હવે મહિલા ટીમમાં પણ લેડી વૈભવ સૂર્યવંશીની એન્ટ્રી શક્ય:અક્ષરાએ 8 વર્ષની ઉંમરે બેટ પકડ્યું, 15 વર્ષે જ ટ્રિપલ સેન્ચુરી ફટકારી; સ્મૃતિ અને વિરાટની છે બિગ ફેન
    Previous Article
    હવે મહિલા ટીમમાં પણ લેડી વૈભવ સૂર્યવંશીની એન્ટ્રી શક્ય:અક્ષરાએ 8 વર્ષની ઉંમરે બેટ પકડ્યું, 15 વર્ષે જ ટ્રિપલ સેન્ચુરી ફટકારી; સ્મૃતિ અને વિરાટની છે બિગ ફેન
    Next Article
    ગુજરાતમાં ચોમાસાની આગેકૂચ: સુરત-તાપી, ઊનામાં વરસાદ:આજે ડાંગ, નવસારી અને વલસાડમાં ભારે વરસાદની આગાહી; 3થી 6 જુલાઈ વચ્ચે મેઘરાજા રૌદ્ર સ્વરૂપ ધારણ કરશે
    ગુજરાતમાં ચોમાસાની આગેકૂચ: સુરત-તાપી, ઊનામાં વરસાદ:આજે ડાંગ, નવસારી અને વલસાડમાં ભારે વરસાદની આગાહી; 3થી 6 જુલાઈ વચ્ચે મેઘરાજા રૌદ્ર સ્વરૂપ ધારણ કરશે

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment

      Send