હિન્દુ બનીને દોસ્તી, પછી જન્નત જવા માટે ગેંગરેપ:સાહિલ નીકળ્યો ફહીમ, પીડિતને કહ્યું- ગૌમાંસ ખા, આ મુસ્લિમ બનવાની શરત

14 મે 2026, દિલ્હીના જામિયા નગર પોલીસ સ્ટેશનમાં 23 વર્ષની યુવતીએ 6 લોકો વિરુદ્ધ FIR નોંધાવી. તેણે મેરઠના રહેવાસી ફહીમ, તેના માતા-પિતા અને બે ભાઈ વિરુદ્ધ અપહરણ, બંધક બનાવવું, ગેંગરેપ, બ્લેકમેલિંગ અને ધર્માંતરણ માટે દબાણ કરવાનો આરોપ લગાવ્યો. યુવતી હિંદુ છે. તેણે જણાવ્યું કે 32 વર્ષના ફહીમે સાહિલ બનીને પહેલા મિત્રતા કરી. પછી તેને મેરઠમાં પોતાના ઘરે લઈ ગયો. ત્યાં ફહીમ, તેના પિતા, ભાઈ અને મૌલવીએ બળાત્કાર કર્યો. તેઓ કહેતા હતા કે હિંદુ યુવતી સાથે આવું કરવાથી જન્નત મળે છે. આખો પરિવાર બુરખો પહેરવા અને ગૌમાંસ ખાવા માટે દબાણ કરતો હતો. તેમના પંજામાંથી બહાર નીકળવામાં પાંચ વર્ષ લાગ્યા. ઇન્સ્ટાગ્રામ પર મિત્રતા, પછી નશો આપીને અશ્લીલ વીડિયો બનાવ્યા પીડિતાએ જણાવ્યું, 'નવેમ્બર 2021માં ઇન્સ્ટાગ્રામ પર સાહિલની રિક્વેસ્ટ આવી હતી. થોડા જ મહિનાઓમાં મિત્રતા ગાઢ બની ગઈ. માર્ચ 2022માં સાહિલે મને દિલ્હીના બાટલા હાઉસ (ઝાકીર નગર) બોલાવી.' 'હું તેને મળવા પહોંચી, તો તે વાતોમાં ફસાવીને દોસ્ત અલીના ફ્લેટ પર લઈ ગયો. અલી પાસે મારા માટે જ્યુસ મગાવ્યો. તે પીતાની સાથે જ નશો થવા લાગ્યો. ત્યારબાદ સાહિલ અને અલીએ મારો રેપ કર્યો. વીડિયો પણ બનાવી લીધો.' 'ભાનમાં આવી ત્યારે સાહિલે કહ્યું, તારા માટે સરપ્રાઇઝ છે. તેણે બધા વીડિયો અને ફોટા બતાવ્યા. બોલ્યો- કોઈને કહેતી નહીં. જ્યારે બોલાવું ત્યારે આવી જજે, નહીં તો તારા માતા-પિતાને બધી રેકોર્ડિંગ મોકલી દઈશ. તેને વાયરલ પણ કરી દઈશ.' પિસ્તોલ બતાવીને કિડનેપિંગ, સાહિલના ઘરે પહોંચીને ખબર પડી કે તે મુસ્લિમ છે પીડિતાએ આગળ જણાવ્યું, 'સાહિલે મને ફરી એકવાર બાટલા હાઉસ બોલાવી. પિસ્તોલ બતાવીને ધમકાવી અને દોસ્ત ગોવિંદા સાથે મેરઠના સાઠલા ગામે લઈ ગયો. અહીં સાહિલનું ઘર છે. ત્યાં પહોંચ્યા પછી ખબર પડી કે તે મુસલમાન છે. તેનું સાચું નામ ફહીમ છે. અત્યાર સુધી મારી સાથે જેટલું ખરાબ થયું હતું, તેનાથી પણ વધુ ખરાબ થવાનું બાકી હતું.' 'તે જ રાત્રે સાહિલ અને પછી તેના અબ્બુએ મારી સાથે સંબંધ બાંધ્યા. હું સાહિલને કંઈક કહી શકું તે પહેલાં જ તે જણાવ્યા વગર સહારનપુર જતો રહ્યો. મેં સાહિલની માતા તસ્લીમા અને બહેન ઇકરા પાસે રડતાં-રડતાં ઘરે મોકલવા વિનંતી કરી, પરંતુ તેઓ ન માની. બંનેએ મળીને મને માર માર્યો અને કહ્યું- હવે તારે અહીં જ રહેવાનું છે.' 'એક દિવસ સાહિલના પરિવારવાળાએ માતાને જબરદસ્તી ફોન કરાવ્યો. કહ્યું કે હું તેમને કહું કે મેં કોર્ટ મેરેજ કરી લીધા છે અને હવે મારી શોધ ન કરે. મેં તેમના દબાણમાં આવીને આ બધું કહી દીધું. આ પછી મારી માતાએ મને શોધવાનું પણ બંધ કરી દીધું. તેમને લાગ્યું કે બધું મારી મરજીથી થઈ રહ્યું છે.' સાહિલ સાથે નિકાહ પઢાવ્યા, મૌલવી બોલ્યો- નસીબદાર છે, મુસલમાનના ઘરે આવી ગઈ પીડિતાએ આગળ જણાવ્યું, 'આશરે 7 દિવસ પછી સાહિલની માતા અને બહેન મને અગવાનપુરના એક મદરેસામાં લઈ ગયા. સાહિલના મામા હાફિઝ મંજૂર ત્યાં મૌલવી હતા. તેણે મને મળતાની સાથે જ કહ્યું, 'તું નસીબદાર છે કે મુસલમાનના ઘરે આવી ગઈ. હવે તને જન્નત મળશે.' હું મારા ઘરે જવા માટે રડવા લાગી, તો બોલ્યા- તારા નિકાહ ફહીમ (સાહિલ) સાથે જ થશે. પછી તેની સાથે મારા નિકાહ પઢાવી દીધા.' 'સાહિલના ઘરવાળા મને પાછા ઘરે લઈ આવ્યા. તેઓ મને ગૌમાંસ ખાવા માટે દબાણ કરતા હતા. કહેતા કે આ નહીં ખાય તો મુસ્લિમ કેવી રીતે બનીશ. મારી પાસે માંસ ધોવડાવતા અને રાંધવા માટે કહેતા. એક દિવસ મારી સામે જ મરઘી કાપી અને તેનું લોહી મારા પર નાખી દીધું.' કેટલા લોકો મારા રૂમમાં આવ્યા, ગણતરી પણ યાદ નથી પીડિતાએ જણાવ્યું- 'નિકાહ પછી સાહિલના પરિવારવાળા મને એક મૌલવી પાસે લઈ ગયા. તેણે મારી સાથે ખોટી હરકત કરી. પછી તે અવારનવાર ઘરે આવવા લાગ્યો. પરિવારવાળા તેને મારા રૂમમાં મોકલી દેતા. તે જોર-જબરદસ્તી કરતો, પરંતુ કોઈ મદદ કરવા આવતું નહીં. પછી તે પોતાની સાથે બીજા લોકોને પણ લાવવા લાગ્યો.' 'મેં વિરોધ કર્યો તો મૌલવીએ કહ્યું, આ બધું મફતમાં નથી કરતા, તારી સાસુને પૈસા આપીએ છીએ. ત્યારે મને સમજાયું કે મારી સાસુ મારી પાસે ધંધો કરાવી રહી છે. તે કહેતી હતી કે અમારે ત્યાં હિન્દુ છોકરી લાવવાનો મતલબ જન્નત જવાનો રસ્તો સાફ કરવો છે. તે પોતાના બીજા બંને દીકરાઓને પણ હિન્દુ છોકરી લાવવા માટે કહેતી હતી.' 'ગામમાં બીજી પણ હિન્દુ છોકરીઓ છે, જેમને છોકરાઓ ફસાવીને લાવ્યા છે' ગામમાં કોઈને ખબર ન પડી કે તમને જબરદસ્તી ઘરમાં રાખવામાં આવી છે? પીડિતા કહે છે, 'બધા જાણતા હતા, પણ કોઈને વાંધો નહોતો. મુસ્લિમોના ગામમાં બીજી પણ હિન્દુ છોકરીઓ છે, જે મારી જેમ ફસાવીને લાવવામાં આવી છે. ગામના લોકો મને પરિવારના કહ્યા મુજબ રહેવાની સલાહ આપતા.' '3 મહિના પછી હું પ્રેગ્નન્ટ થઈ ગઈ, તો બાળક રાખવા માટે દબાણ કરવામાં આવ્યું. બોલ્યા- જો આને કંઈ થયું તો તું ભોગવશે. ગામના પ્રધાન ફિરોઝ દ્વારા મારા આધાર કાર્ડ પરથી પિતાનું નામ હટાવીને સાહિલનું નામ લખાવી દીધું. માર્ચ 2023માં મારે દીકરી થઈ. હવે તે 3 વર્ષની છે.' 'દીકરીને લઈને ટ્રેન નીચે કપાઈ જવા ગઈ તો અજાણ્યા વ્યક્તિએ બચાવી લીધી' દિલ્હી પાછા કેવી રીતે ફર્યા? પીડિતાએ જણાવ્યું, 'નવેમ્બર 2024ની વાત છે. સાહિલની પરિવાર સાથે કંઈક અણબનાવ થઈ ગયો. તે મને અને દીકરીને લઈને બાટલા હાઉસ આવી ગયો. બે જ મહિના પછી જાન્યુઆરીમાં હથિયારોની હેરાફેરીના કેસમાં તે જેલ ભેગો થઈ ગયો.' સાહિલના જેલ ગયા પછી ક્યાં રહ્યા? તે જણાવે છે, 'સાહિલનો પરિવાર ડરાવતો-ધમકાવતો, તેથી ઘણા દિવસો સુધી બાટલા હાઉસમાં રહી. એક દિવસ હિંમત કરીને મારા ઘરે ચાલી ગઈ. ત્યાં પણ માતા-પિતાનો સહારો ન મળ્યો. પિતા દારૂ પીએ છે. માતા એકલી શું કરે. સાહિલ અને તેના પરિવાર સામે હું એકલી લડી-લડીને થાકી ગઈ હતી.' 'આ જ વર્ષે 10 મેના રોજ દીકરીને લઈને ટ્રેન નીચે કપાવા જઈ રહી હતી, ત્યારે જ એક ભાઈએ રોકી લીધી. તેમણે સમજાવી અને મદદનો ભરોસો આપ્યો. ત્યારે મેં સાહિલ અને તેના પરિવારવાળા વિરુદ્ધ FIR કરાવી.' ફહીમ પર ઘણા કેસ, હિન્દુ છોકરી સાથે નિકાહ પર ગામવાળા ચૂપ આ પછી અમે સાહિલ ઉર્ફે ફહીમનો બેકગ્રાઉન્ડ જાણવા માટે તેના ગામ સાઠલા પહોંચ્યા. પાંચ વર્ષ પહેલાં તેનો પરિવાર ગામનું ઘર છોડી ચૂક્યો છે. કસબામાં એક ઘર છે, ત્યાં તાળું મારેલું છે. આસપાસ રહેતા લોકો ફહીમ (સાહિલ)નું નામ સાંભળીને વાત કરવા તૈયાર ન થયા. ઓફ ધ રેકોર્ડ એટલું જરૂર જણાવ્યું કે તેનો પરિવાર ક્રિમિનલ છે. ફહીમ પર ઘણા કેસ ચાલી રહ્યા છે. પિતા ખુર્શીદ પર ડબલ મર્ડરનો આરોપ છે. ગામમાં રહેતા માજિદે જ વાત કરી. તેઓ જણાવે છે, 'ફહીમ પર મવાના પોલીસ સ્ટેશનથી ગેંગસ્ટર એક્ટ હેઠળ કાર્યવાહી થઈ ચૂકી છે. લૂંટના પણ કેસ છે. ખંડણી માંગવાના આરોપો લાગતા રહ્યા છે. તે સોશિયલ મીડિયા પર હથિયારોના વીડિયો અને ફોટા મૂકે છે.' હિન્દુ છોકરી સાથે જબરદસ્તી લગ્નની વાત પર માજિદ કહે છે, 'કોઈ છોકરી કોઈની સાથે તેના ઘરે આવી ગઈ. પરિવારવાળા તેને વહુ ગણાવી રહ્યા છે, તો કોઈ શું શંકા કરશે. અમને જબરદસ્તી લગ્ન કરાવવાની ખબર મીડિયા દ્વારા પડી.' ખોટી રીતે પીડિતાનું આધાર કાર્ડ અપડેટ કરાવવાના આરોપમાં જેલ ભેગા કરાયેલા ગામના પ્રધાન ફિરોઝ જામીન પર બહાર આવ્યા છે. તેઓ કેમેરા સામે આવ્યા વિના કહે છે, 'ફહીમ સાથે મારો કોઈ સંબંધ નથી. મારા પર ખોટા આરોપો લાગ્યા છે. આનાથી વધુ કંઈ જણાવી શકું તેમ નથી, પોલીસે કેસ પર વાત કરવાની ના પાડી છે.' હિન્દુ છોકરીને દગામાં રાખીને લગ્ન કરવાના સવાલ પર તેઓ કહે છે, 'ગામમાં કોના ઘરમાં શું થઈ રહ્યું છે, પ્રધનને ખબર નથી પડતી. છોકરી પણ મારી પાસે આવી નહોતી. મને સમાચારોથી જ ખબર પડી.' અમે સાહિલના મામા મંજૂર હુસૈનનો પણ સંપર્ક કરવાનો પ્રયાસ કર્યો, પરંતુ વાત થઈ શકી નહીં. પોલીસે કહ્યું- 5 આરોપી અરેસ્ટ, ફહીમની બહેન અને ભાઈ ફરાર પોલીસે આ મામલામાં ફહીમ સહિત 5 લોકોની ધરપકડ કરી છે. જેમાં અબ્બુ ખુર્શીદ, અમ્મી તસ્લીમ, ભાઈ ઝૈદ અને મૌલવી સામેલ છે. એક બહેન અને ભાઈ ફરાર છે. કેસની તપાસ SI શરણ્યા કરી રહ્યા છે. તેમણે જણાવ્યું કે ધરપકડ કરાયેલા આરોપીઓની પૂછપરછ ચાલી રહી છે. મેરઠના ગામમાં હિન્દુ છોકરીઓને જબરદસ્તી લાવવાના છોકરીના આરોપ પર કહ્યું કે દરેક એન્ગલથી તપાસ ચાલી રહી છે. અત્યારે વધુ કંઈ જણાવી શકીએ તેમ નથી.