Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મોદીએ કહ્યું- ન્યૂઝની જેમ જિંદગીમાં પણ ડેડલાઇન જરૂરી:દિવાળી મિલન સમારોહમાં PMએ કહ્યું- CM બન્યો ત્યારે મારા કરતાં પહેલાં મીડિયાને ખબર પડી ગઈ હતી, તમામને દિવાળી- છઠની શુભકામનાઓ

    1 day ago

    પીએમ નરેન્દ્ર મોદી ગુરુવારે દિલ્હીમાં આવેલા બીજેપી હેડકવાર્ટર ખાતે આયોજિત દિવાળી મિલન કાર્યક્રમમાં સામેલ થયા. પત્રકારોને સંબોધન કરતાં તેમણે કહ્યું કે ન્યૂઝરૂમમાં કંઈ પણ અશક્ય માનવામાં આવતું નથી. ભૂકંપ હોય કે પૂર, જ્યારે લોકો જીવ બચાવીને ભાગી રહ્યા હોય છે, ત્યારે રિપોર્ટર પોતાનો જીવ જોખમમાં મૂકીને અને પરિવારની ચિંતા છોડીને સમાચારનું કવરેજ કરે છે. સમાચારની દુનિયામાં ડેડલાઇન સૌથી મહત્વપૂર્ણ હોય છે. એ જ રીતે જીવનમાં પણ ડેડલાઇન મહત્વપૂર્ણ હોય છે. મોદીએ કહ્યું- હું અહીં 11 અશોકા રોડ પર રહેતો હતો. એક દિવસ પત્રકારો અચાનક મારા રૂમમાં આવી ગયા. તેમણે મજાકિયા અંદાજમાં મારું ગળું પકડીને કહ્યું કે મીઠાઈ ખવડાવો. મેં પૂછ્યું કે શેની મીઠાઈ ખવડાવું, તો તેમણે કહ્યું કે તમે ગુજરાતના મુખ્યમંત્રી બની ગયા છો. મને પોતાને પણ આ વાતની ખબર નહોતી, પરંતુ પત્રકારોને તેની જાણકારી પહેલેથી જ થઈ ગઈ હતી. પીએમ મોદીએ કહ્યું- આવા જ કાર્યક્રમોમાં ખુરશીઓ ગોઠવતો હતો તેમણે કહ્યું, "મારો લાંબા સમયથી આપ સૌ સાથે સ્વાભાવિક જોડાણ રહ્યું છે. પ્રેસ નોટથી લઈને ઇન્સ્ટાગ્રામ રીલ્સ સુધી, મેં મીડિયા અને તેની સાથે સંવાદ કરવાની રીતમાં લાંબા સમયગાળા દરમિયાન આવેલા ફેરફારો જોયા છે. મને યાદ છે કે 1990ના દાયકાની શરૂઆતમાં દેશભરમાં કાઢવામાં આવેલી બે મોટી યાત્રાઓ દરમિયાન મને સંગઠનની જવાબદારીઓ સોંપવામાં આવી હતી. તે સમયે પ્રેસ નોટ મોકલવા માટે પણ ફેક્સ મશીન શોધવું પડતું હતું. જ્યારે હું દિલ્હી આવ્યો, ત્યારે પણ આ જવાબદારીઓ મારી પાસે હતી." તેમણે કહ્યું, “તે સમયે પાર્ટીનું કાર્યાલય અશોક રોડ પર આવેલું હતું. ત્યારે પણ દિવાળી મિલન સમારોહ યોજાતો હતો. આ કાર્યક્રમોમાં મારી જવાબદારી ખુરશીઓની વ્યવસ્થા કરવાની અને આપ સૌનું ધ્યાન રાખવાની હતી. હું આ જ કામ કરતો હતો. તે સમયે કેમેરાની સંખ્યા ઓછી હતી, પરંતુ પરસ્પર સંબંધોમાં એ જ આત્મીયતા અને નિકટતા જળવાઈ રહી હતી.” 25 વર્ષોમાં ઘણું બધું બદલાઈ ગયું પીએમએ કહ્યું કે આ 25 વર્ષોમાં ઘણું બધું બદલાઈ ગયું છે. દેશ, દુનિયા, રાજકારણ અને મીડિયાનું સ્વરૂપ સંપૂર્ણપણે બદલાઈ ગયું છે. કેટલાક કામ સરળ બન્યાં છે, તો કેટલાક મુશ્કેલ પણ બન્યાં છે. પહેલાં ઓબી વેન દ્વારા સમાચારોનું કવરેજ થતું હતું, પરંતુ હવે મોબાઇલ જ ઓબી વેન બની ગયો છે. પહેલાં કહેવામાં આવતું હતું કે ગલી-ગલીમાં ક્રિકેટના નિષ્ણાતો મળી જાય છે, જે જણાવતા હતા કે સચિને ક્યાં ભૂલ કરી. હવે પરિસ્થિતિ એવી છે કે ગલી-ગલીમાં રાજકારણના નિષ્ણાતો મળી જાય છે. પીએમએ કહ્યું કે તહેવારોના સમયે દરેક વ્યક્તિ પોતાના પરિવાર અને સ્વજનો સાથે સમય વિતાવવાનો પ્રયાસ કરે છે. તમારું કામ એવું છે, જેમાં બ્રેકિંગ ન્યૂઝની દોડધામ સતત ચાલુ રહે છે. તેમ છતાં તમે આ નોન-બ્રેકિંગ ન્યૂઝ કાર્યક્રમમાં સામેલ થવા માટે આવ્યા, તે બદલ હું તમારો આભારી છું. પીએમએ કહ્યું કે જૂના લોકો જાણે છે કે મારો આપ સૌ સાથે લાંબા સમયથી સંબંધ રહ્યો છે. પ્રેસ રિલીઝથી લઈને ઇન્સ્ટાગ્રામ રીલ સુધી મેં મીડિયા સંવાદના બદલાતા દોરને નજીકથી જોયો છે. 90ના દાયકાની શરૂઆતમાં મને બે લાંબી યાત્રાઓની વ્યવસ્થા કરવાની જવાબદારી મળી હતી. એ એવો સમય હતો, જ્યારે પ્રેસ રિલીઝ મોકલવા માટે ફેક્સ મશીન શોધવું પડતું હતું. દિલ્હી આવ્યા પછી પણ મારી પાસે આ જ જવાબદારી હતી. તે સમયે પણ દિવાળી મિલન કાર્યક્રમો યોજાતા હતા અને મારું કામ ખુરશીઓ ગોઠવવાથી લઈને પત્રકારોના સ્વાગત સુધીનું રહેતું હતું. મોદીએ કહ્યું કે તે સમયમાં કેમેરા ઓછા રહેતા હતા, પરંતુ સૌ સાથે મારી સારી ઓળખાણ હતી અને વાતાવરણ ઘણું ઉત્સાહભર્યું રહેતું હતું. તે સમયના અનુભવોમાંથી મેં ઘણું શીખ્યું, જે આજે પણ મારા કામ આવે છે. પીએમએ કહ્યું કે જ્યારે કોઈ રિપોર્ટરથી એડિટર બને છે, ત્યારે તેની ભૂમિકા બદલાઈ જાય છે. એ જ રીતે સરકારમાં આવ્યા પછી મારી જવાબદારીઓ પણ બદલાઈ છે. ગયા મહિને સરકારના વડા તરીકે મારા 25 વર્ષ પૂર્ણ થયા છે. પીએમ મોદીએ દિલ્હીથી ગુજરાતના મુખ્યમંત્રી બનવાના સમાચાર મળ્યાનો પ્રસંગ સંભળાવ્યો પીએમ મોદીએ દિવાળી મિલન સમારોહ દરમિયાન પોતાના પત્રકાર મિત્રોને ગુજરાતના મુખ્યમંત્રી બનવાના સમાચાર મળ્યાનો પ્રસંગ સંભળાવ્યો. તેમણે જણાવ્યું, હું અશોક રોડના કાર્યાલયમાં હતો. તે દરમિયાન મારા રૂમમાં મારા પત્રકાર મિત્રોનું એક ગ્રુપ આવ્યું. તેઓ બધા મારી પાસે મીઠાઈ ખવડાવવાની માંગ કરવા લાગ્યા. મેં પૂછ્યું કે એવું શું થયું છે કે મીઠાઈ ખવડાવું? તો તેમણે જણાવ્યું કે તમે ગુજરાત જઈ રહ્યા છો. તમને ગુજરાતના મુખ્યમંત્રી બનાવવામાં આવી રહ્યા છે.
    Click here to Read More
    Previous Article
    કરીના કપૂરે પહેર્યું ભોપાલ રજવાડાની બેગમનું પેન્ડન્ટ:સ્ટાઈલિસ્ટે ઇન્સ્ટાગ્રામ પર ફોટા શેર કર્યા; કોંગ્રેસ નેતાએ લિગલ નોટિસ મોકલી
    Next Article
    'તુજે જહન્નમમેં પહોચા દેગે' કહી છરી-ધારીયાથી હુમલો:ફતેવાડીમાં પૈસા આપવાની બાબતમાં બે સગા ભાઈ પર પાંચ શખ્સો તૂટી પડ્યા, હત્યાના પ્રયાસની ફરિયાદ

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment