મોર્નિંગ ન્યૂઝ બ્રીફ:'મુરાસુ' વાવાઝોડાએ વિનાશ વેર્યો, અડધી રાતે ભયાનક લેન્ડફોલ, રાહુલ ગાંધી કેમ PM નહીં બની શકે-અમિત શાહે કારણ બતાવ્યું, ગુજરાતના નિર્ભયાકાંડના દોષિતનું મોત

નમસ્તે, ચક્રવાત 'અર્નબ'ના 4 દિવસ બાદ 'મુરાસુ' વાવાઝોડું આંધ્રપ્રદેશના દરિયાકાંઠે ત્રાટક્યું. દિલ્હીમાં પ્રદૂષણ વધ્યું છે, પરંતુ દિવાળી પર ફટાકડા ફોડી શકાશે. આગળ જાણો - કેન્દ્રીય ગૃહ મંત્રી અમિત શાહે રાહુલ ગાંધીને લઈને મોટું નિવેદન આપ્યું. ⏰ આજની ઈવેન્ટ્સ, જેના પર રહેશે નજર 1. પીએમ મોદી વીડિયો કોન્ફરન્સિંગ દ્વારા મહારાષ્ટ્રમાં પુણે મેટ્રોની ત્રીજી લાઈનનું ઉદ્ઘાટન કરશે. 2. અમેરિકામાં મિડટર્મ ચૂંટણી માટે મતદાન યોજાશે. 📰 કાલના મોટા સમાચારો 1. અમિત શાહ બોલ્યા-રાહુલે નકલી સંસદ યોજી, તેના PM બની જાઓ:સોનિયાજીના દિલને શાંતિ મળી જાય, અસલી સંસદમાં ક્યારેય વડાપ્રધાન નહીં બની શકે અમિત શાહ સોમવારે હૈદરાબાદમાં ‘લોકતંત્ર બચાવો, અરાજકતા હટાવો’ માર્ચમાં જોડાયા. આ કાર્યક્રમ INDIA બ્લોકના SIR વિરુદ્ધ ચાલી રહેલા વિરોધના જવાબમાં યોજાઈ રહ્યો છે. શાહે કહ્યું કે રાહુલ ગાંધીએ ઘૂસણખોરોને બચાવવાની રેલી યોજી. તેઓ કહે છે કે 13 કરોડ મતદારોના નામ કાપી નાખવામાં આવ્યા છે. તેઓ ખોટું બોલી રહ્યા છે. અમિત શાહે કહ્યું- કોંગ્રેસ પાર્ટી SIR રોકીને દેશની મતદાર યાદીમાંથી બાંગ્લાદેશી ઘૂસણખોરોને બચાવવા માગે છે. આ ઘૂસણખોરો તેમની વોટ બેંક છે. રાહુલજી, જેટલું જોર લગાવવું હોય તેટલું લગાવી લો, ભાજપ એક-એક ઘૂસણખોરને દેશ અને મતદાર યાદીમાંથી બહાર કાઢીને જ શ્વાસ લેશે. વાંચો સંપૂર્ણ સમાચાર 2. રાહુલની પોસ્ટ- મોદી વિદેશી મદદથી વડાપ્રધાન બન્યા:ભાજપ અધ્યક્ષે કહ્યું- વિદેશી તાકાતો દેશમાં અસ્થિરતા ઇચ્છે છે, રાહુલનો ઉપયોગ થઈ રહ્યો છે રાહુલ ગાંધીએ સોમવારે સોશિયલ મીડિયા X પર પોસ્ટ કરી. તેમણે લખ્યું કે નરેન્દ્ર મોદી વિદેશી મદદથી વડાપ્રધાન બન્યા અને તેમની જ મદદથી વડાપ્રધાન પદે ટકેલા છે. દરમિયાન, ભાજપ દેશભરમાં 'લોકતંત્ર બચાવો, અરાજકતા હટાવો' અભિયાન ચલાવી રહી છે. આ જ કડીમાં ભાજપ અધ્યક્ષ નીતિન નબીને કોલકાતામાં રેલી યોજી. કોલકાતામાં નીતિન નબીને કહ્યું કે રાહુલ ગાંધી એ તાકાતોની એક ટૂલકિટ છે, જેમણે નેપાળ અને અન્ય પાડોશી દેશોમાં અશાંતિ પેદા કરી. તેઓ એવી તાકાતોનું નેતૃત્વ કરી રહ્યા છે, જે સમગ્ર દેશમાં અરાજકતા લાવવા માગે છે. તેમની પાસે કોઈ વિઝન નથી. કોંગ્રેસના સંપૂર્ણપણે ખતમ થવા માટે તેઓ જ જવાબદાર હશે. વાંચો સંપૂર્ણ સમાચાર 3. સત્તા ગુમાવવાનો ડર કે નવું સમીકરણ?:વિપક્ષ સાથે હાથ મિલાવવા નેતન્યાહૂ તૈયાર, અરબ પાર્ટીઓએ યાશારને સમર્થન આપ્યું; ઇઝરાયલના રાજકારણમાં ગેમ ચેન્જ ઇઝરાયલના વડાપ્રધાન બેન્જામિન નેતન્યાહૂ વિપક્ષના નેતા ગાદી આઇઝનકોટ સાથે મળીને સરકાર બનાવવા તૈયાર છે. ઇઝરાયલી મીડિયા i24 ન્યૂઝના અહેવાલ મુજબ, નેતન્યાહૂએ આ ગઠબંધનની શક્યતાને નકારી નથી. બીજી તરફ, અરબ પાર્ટીઓ જૉઇન્ટ લિસ્ટ અને રાઅમે આઇઝનકોટની યાશાર પાર્ટીને સમર્થન આપવાનો નિર્ણય કર્યો છે. ખરેખરમાં, 27 ઓક્ટોબરે યોજાયેલી ચૂંટણીમાં કોઈપણ ગઠબંધનને બહુમતી મળી નહોતી. 120 બેઠકો ધરાવતી સંસદમાં સરકાર બનાવવા માટે 61 બેઠકો જરૂરી છે. આઇઝનકોટની પાર્ટી યાશાર 21 બેઠકો જીતીને વિપક્ષની સૌથી મોટી પાર્ટી બની છે. હવે જો આઇઝનકોટની યાશાર પાર્ટી અરબ પાર્ટીઓ સાથે ગઠબંધન કરે છે, તો તેમની પાસે 67 બેઠકો થઈ જશે. વાંચો સંપૂર્ણ સમાચાર 4. 'તમારી રોજીરોટી આ દેશમાં ચાલે છે...':'SIR' પ્રોટેસ્ટમાં સામેલ એક્ટર ઈમરાન ખાને હાઈકોર્ટમાં માંગી માફી, કહ્યું- 'હવે પ્રદર્શનમાં ભાગ નહીં લઉં'; દેશ છોડવાની નોટિસ મળી'તી એક્ટર ઇમરાન ખાને 'SIR' વિરોધ પ્રદર્શનોમાં સામેલ થવા બદલ બિનશરતી માફી માંગી છે. તેમણે બોમ્બે હાઈકોર્ટને જણાવ્યું છે કે તેઓ ભવિષ્યમાં આવા કોઈપણ વિરોધ પ્રદર્શનમાં ભાગ નહીં લે. બોમ્બે હાઈકોર્ટ ઇમરાનને મળેલી 'લીવ ઇન્ડિયા' નોટિસ વિરુદ્ધ દાખલ કરવામાં આવેલી અરજી પર સુનાવણી કરી રહી હતી. કોર્ટે તેમને બિનશરતી માફી અને અન્ડરટેકિંગ આપવા આદેશ આપ્યો હતો. હાઈકોર્ટે કેન્દ્ર સરકારને 'વસુધૈવ કુટુંબકમ્'ના સિદ્ધાંતની યાદ અપાવી અને નિર્દેશ આપ્યો કે ઇમરાનને તેમના વિરુદ્ધ જારી કરવામાં આવેલી 'લીવ ઇન્ડિયા નોટિસ' (LIN)નો જવાબ આપવા માટે થોડો સમય આપવામાં આવે. વાંચો સંપૂર્ણ સમાચાર 5. દિલ્હી-NCRમાં દિવાળી પર માત્ર ગ્રીન ફટાકડા ફોડી શકાશે:હોસ્પિટલ-વૃદ્ધાશ્રમ જેવા સાઇલન્સ ઝોનમાં પ્રતિબંધ, સુપ્રીમ કોર્ટે સતત બીજા વર્ષે મંજૂરી આપી સુપ્રીમ કોર્ટે દિલ્હી-NCRમાં 7 અને 8 નવેમ્બર 2026ના રોજ ગ્રીન ફટાકડા ફોડવાની મંજૂરી આપી છે. ફટાકડા માત્ર સવારે 6થી 7 વાગ્યા સુધી અને રાત્રે 8થી 10 વાગ્યા સુધી જ ફોડી શકાશે. સુપ્રીમ કોર્ટે હોસ્પિટલો, નર્સિંગ હોમ, પ્રાથમિક અને જિલ્લા આરોગ્ય કેન્દ્રો, વૃદ્ધાશ્રમો તથા સૂચિત શાંતિ ક્ષેત્રોના 300 મીટરના પરિસરમાં ફટાકડા ફોડવા પર પ્રતિબંધ મૂક્યો છે. કોર્ટે નિર્દેશ આપ્યો છે કે આ વિસ્તારોની સાથે શૈક્ષણિક સંસ્થાઓને પણ 'નો-ક્રેકર ઝોન' જાહેર કરવામાં આવે. તેની યોગ્ય નિશાનીઓ મૂકવામાં આવે અને લોકોને તેની જાણકારી આપવામાં આવે. સુપ્રીમ કોર્ટે ગયા વર્ષે 15 ઓક્ટોબરે દિલ્હી-NCRમાં ફટાકડા ફોડવા અંગે આદેશ આપ્યો હતો. વાંચો સંપૂર્ણ સમાચાર 6. પાટીદારોના છોકરા દારૂડીયા, છોકરીઓ ગોલ્ડમેડલિસ્ટ: ગણપત યુનિ.ના ચેરમેન:રૂપાલાએ કહ્યું-સમાજમાં વિદેશી કલ્ચરની અસર, રાજકોટની દારૂ પાર્ટીને લઈ પાટીદારોમાં ચર્ચાનો વંટોળ ફુંકાયો રાજકોટની સરાઝા હોટેલમાં દારૂ પાર્ટી કરતા પકડાયેલા પાટીદાર સમાજના યુવક-યુવતીઓનો મુદ્દો હવે સમાજમાં ચર્ચાનો વિષય બન્યો છે. પોલીસે દરોડા બાદ પકડાયેલા લોકોનાં નામ જાહેર કરતાં વિવાદ પણ ઊભો થયો છે. આ સમગ્ર મામલે દિવ્ય ભાસ્કરે પાટીદાર સમાજના આગેવાનો દિનેશ બાંભણિયા, લાલજી પટેલ અને રાજકોટ લોકસભાના સાંસદ પુરુષોત્તમ રૂપાલા સાથે વાતચીત કરી હતી. સાંસદ પુરુષોત્તમ રૂપાલાએ આપણા સમાજમાં આ વિદેશી કલ્ચરની અસર હોવાનું જણાવ્યું હતું, જ્યારે મહેસાણામાં પાટીદાર સંમેલનમાં ગણપત યુનિ.ના ચેરમેન ગણપત પટેલે જણાવ્યું હતું કે, પાટીદારોના છોકરા દારૂડીયા બની રહ્યા છે અને દીકરીઓ ગોલ્ડમેડલિસ્ટ થઈ રહી છે. વાંચો સંપૂર્ણ સમાચાર 7. ગુજરાતના નિર્ભયા કાંડના દોષિતનું મોત:વડોદરા સેન્ટ્રલ જેલમાં હાર્ટ એટેક આવતા SSG હોસ્પિ.માં દાખલ કર્યો હતો, જ્યાં પીડિતાએ અંતિમ શ્વાસ લીધા ત્યાં જ નરાધમનું મોત ભરૂચના ઝઘડિયા GIDC વિસ્તારમાં 10 વર્ષીય બાળકી સાથે કરેલા અમાનવીય દુષ્કર્મ અને હત્યાના કેસના દોષિત વિજય પાસવાનનું મોત થયું છે. વડોદરા સેન્ટ્રલ જેલમાં હાર્ટ એટેક આવ્યા બાદ તેને સયાજી હોસ્પિટલમાં લઈ જવાયો હતો. જ્યાં તેનું સારવાર દરમિયાન મોત થયું હતું. આરોપી વિજયને અંકલેશ્વર સેશન્સ કોર્ટે રેરેસ્ટ ઓફ ધ રેર કેસ ગણાવી ફાંસીની સજા ફટકારી હતી. આ કેસમાં એક યોગાનુયોગ થયો છે. જે એસએસજી હોસ્પિટલમાં ગુજરાતની નિર્ભયાએ અંતિમ શ્વાસ લીધા હતા ત્યાં જ તેના હત્યારાનું પણ મોત થયું છે. 16 ડિસેમ્બર, 2024ના રોજ થયેલા આ દુષ્કર્મે દિલ્હીના નિર્ભયાકાંડની યાદ અપાવી હતી. આ બાળકીનું 23 ડિસેમ્બર, 2024ના રોજ વડોદરાની સયાજી હોસ્પિટલમાં 180 કલાક બાદ મોત થયું હતું. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : રાજસ્થાનમાં કરંટ લાગવાથી 8 લોકોનાં મોત:ઝુંઝુનૂમાં રસ્તો બનાવી રહ્યા હતા, 11,000 વોલ્ટની હાઈટેન્શન લાઈનની ઝપેટમાં આવ્યા; CM ભજનલાલે દુઃખ વ્યક્ત કર્યું વાંચો સંપૂર્ણ સમાચાર 2.ઈન્ટરનેશનલ : ‘હે ભગવાન, હવે અમારી પાસે સમય બચ્યો નથી’:ટ્રમ્પના ઘરથી 14 કિમી દૂર મિસાઈલની જેમ ત્રાટક્યું પ્રાઇવેટ જેટ, 9નાં જીવ હોમાયા; પાયલટની ચીસોથી હચમચી ગયો કંટ્રોલ રૂમ વાંચો સંપૂર્ણ સમાચાર 3.નેશનલ : ભાઈ-બહેન વચ્ચે મતભેદ કે રાજકીય ડર?:પ્રિયંકાને સાઇડલાઇન કરવા રાહુલે INDIA ગઠબંધનની રેલીમાં બોલવા ન દીધાં; કોંગ્રેસમાં બે ફાંટા પડ્યાનો ભાજપનો દાવો વાંચો સંપૂર્ણ સમાચાર 4.ઈન્ટરનેશનલ : રિપોર્ટ- ટ્રમ્પ રક્ષા મંત્રી હેગસેથને હટાવી શકે છે:ઈરાન પર હુમલો કરવા માટે ઉશ્કેર્યા હતા, 8 મહિના બાદ પણ યુદ્ધ પૂરું થયું નથી વાંચો સંપૂર્ણ સમાચાર 5.બિઝનેસ : ધનતેરસ પહેલાં ખરીદીનો ગોલ્ડન ચાન્સ:સોના-ચાંદીના ભાવ ઘટ્યાં; સોનું ₹2282 સસ્તું થઈ 1.38 લાખ પર આવ્યું, ચાંદીનો ભાવ ₹1.80 લાખ પ્રતિ કિલો થયો વાંચો સંપૂર્ણ સમાચાર 6.સ્પોર્ટ્સ : રાઇઝિંગ સ્ટાર એશિયા કપમાં ચમકશે 15 વર્ષનો વૈભવ:તિલક કેપ્ટન, પાટીદાર વાઇસ કેપ્ટન; 22 નવેમ્બરે પાકિસ્તાન સામે હાઈ-વોલ્ટેજ મુકાબલો વાંચો સંપૂર્ણ સમાચાર 7.ધર્મ તહેવાર જ્યોતિષ : રમા એકાદશી બે દિવસ ઉજવાશે:જાણો અગિયારસનું વ્રત ક્યારે કરવું, વ્રતની પૂજા વિધિ અને પૌરાણિક કથા વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ રીંછોએ કારમાંથી બીયર ચોરી લીધી અમેરિકામાં ચાર રીંછ પિકઅપ ટ્રકમાં ઘૂસી ગયા, સ્નેક્સના પેકેટ ઉડાવ્યા, પછી બીયરની પેટી પર હાથ સાફ કરવા લાગ્યા. જ્યારે ગાડીના માલિકે તેમને ભગાડ્યા તો રીંછ તેમની જ તરફ આગળ વધવા લાગ્યા. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર ઇન્વેસ્ટિગેશન : ગુજરાતમાં રિજેક્ટેડ લેબ્સનો કાળો કારોબાર ખુલ્લો પડ્યો: બ્લડ-યુરીન ટેસ્ટના નામે દર્દીઓના જીવ સાથે ખતરનાક ખેલ; જાણો તમારા શહેર-જિલ્લાની કઇ લેબ સલામત? 2. Editor's View : પટેલોમાં દારૂ અને દૂષણનો ધૂંધવાટ: 'પાટીદારોએ પેઢી બચાવવાની જરૂર', ગણપતકાકાએ અરીસો બતાવ્યો, રાજકોટની મહેફિલ પછી સમાજમાં બંધારણ ઘડવા ચર્ચા ઊઠી 3. પારકી પંચાત : રાજકોટના દારૂડિયા દિવાલો ઠેકતા ગયા: પાછલા બારણે નિકળવા જતા પકડાયા; કોંગ્રેસી યુવાનનો બસ ઉપરથી છુટ્ટો ઘા થયો, જુઓ VIDEO 4. આજનું એક્સપ્લેનર: 8 વર્ષનો છોકરો, 6 વર્ષની બાળકી પર હત્યારાની જેમ તૂટી પડ્યો, 12 વાર ઈંટ મારી, આખરે આટલો ગુસ્સો કેમ આવ્યો? 5. મંડે મેગા સ્ટોરી : ટ્રમ્પ માત્ર 2 વર્ષથી રાષ્ટ્રપતિ, તો આવતીકાલે કેમ ફરી મતદાન?: મિડટર્મ ચૂંટણી શું હોય છે, ભારતથી કેટલી અલગ સિસ્ટમ; હાર્યા તો શું થશે? 6. દર મહિને 50,000 રૂપિયાનું પેન્શન મળશે: નિવૃત્તિ પછી ટેક્સના પૈસા બચાવવા અપનાવો આ સ્ટ્રેટેજી, એક્સપર્ટ પાસેથી જાણો ઇન્વેસ્ટમેન્ટ ટિપ્સ 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ રાશિફળ મંગળવારનું રાશિફળ:મેષ રાશિના લોકો માટે ગ્રહનું ગોચર લાભદાયી, મિથુન અને કુંભ રાશિના જાતકો માટે દિવસ શુભ (વાંચો સંપૂર્ણ રાશિફળ)