Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સાહેબ મીટિંગમાં છે:PMને મળવા ગયેલા એક મંત્રી બોલી ગયા- 'ના જાણ્યું જાનકીનાથે કાલે શું થવાનું!', એરપોર્ પર ઉતરતા જ વડાપ્રધાને લાલ જાજમ દૂર કરાવી

    6 hours ago

    દિવ્ય ભાસ્કરના વાચકો માટે દર સોમવારની સવારે ‘સાહેબ મિટિંગમાં છે’ વિભાગ આપીએ છીએ. આ વિભાગમાં નેતાજીઓ અને અધિકારીઓની અંદરની વાતોને રમૂજી શૈલીમાં પ્રસ્તુત કરવામાં આવી છે. સો, ટેઈક ઈટ ઈઝી… અંબાજીનો કાર્યક્રમ મોકૂફ, છતાં PM મોદી ગુજરાત આવ્યા; રાજકીય વર્તુળોમાં સસ્પેન્સ! વડાપ્રધાન નરેન્દ્ર મોદીની અંબાજી મુલાકાતનો કાર્યક્રમ મોકૂફ રહ્યો, પરંતુ તેઓ કોઈ જાહેર કાર્યક્રમ વિના ગુજરાત આવી પહોંચ્યા અને ગાંધીનગરમાં લોકભવન ખાતે રોકાયા. સામાન્ય રીતે વડાપ્રધાનની મુલાકાત હોય ત્યારે જાહેર કાર્યક્રમો, વિકાસકાર્યોના લોકાર્પણ કે રાજકીય સભાઓનું આયોજન હોય છે, પરંતુ આ વખતે મુલાકાતનું સ્વરૂપ અલગ જ જોવા મળ્યું. અંબાજીનો કાર્યક્રમ રદ થયા બાદ પણ ગુજરાત આવવાનું અને મંત્રીઓ સાથે મુલાકાત કરવાનું નક્કી થતાં રાજકીય વર્તુળોમાં અનેક સવાલો ઊભા થયા. શું આ માત્ર નવા વર્ષની શુભેચ્છા માટેની મુલાકાત હતી કે પછી ગુજરાતના રાજકારણને લઈને કોઈ વિશેષ ચર્ચા કરવાની હતી? નરેન્દ્ર મોદીની રાજકીય કાર્યશૈલી જ એવી રહી છે કે તેઓ પોતાના મનમાં શું વિચારી રહ્યા છે તેની જાણ આસપાસના લોકોને પણ છેલ્લી ઘડી સુધી થવા દેતા નથી. પરિણામે આ મુલાકાત બાદ પણ સસ્પેન્સ યથાવત્ છે. અમદાવાદ એરપોર્ટ પર ઉતરતા જ PMએ લાલ જાજમ દૂર કરાવી વડાપ્રધાન નરેન્દ્ર મોદી બે દિવસના ગુજરાતના પ્રવાસે આવ્યા હતા. તેઓ નવી દિલ્હીથી એરફોર્સના ખાસ વિમાનમાં 13મીએ એટલે કે શુક્રવારે સાંજે સાડા સાત વાગ્યાની આસપાસ અમદાવાદ એરપોર્ટ પર આવી ગયા હતા. તેમનુ સ્વાગત કરવા માટે કેટલાક નેતાઓને બોલાવાયા હતા. વડાપ્રધાન ખુશ થાય અને પોતાનુ સારુ લાગે તે માટે એરપોર્ટના રનવેથી એરપોર્ટ લોન્જ સુધી પહોંચવા માટે લાલ જાજમ બિછાવાઈ હતી. રન વે પર વિમાન ઉભુ રહ્યુ અને દરવાજા ખુલ્યા બાદ મોદી વિમાનમાંથી નીચે ઉતરવાના હતા આ સમયે તેઓએ જોયુ કે, તેઓ સીડી ઉપરથી નીચે ઉતરીને ચાલે ત્યાં જ લાલ જાજમ બિછાવેલી છે. આથી તેઓએ કોઈને સૂચના આપીને આ લાલ જાજમને હટાવડાવી દીધી હતી બાદમાં તેઓ નીચે આવ્યા હતા. જેને લઈને નેતાઓ અંદરો અંદર ચર્ચા કરી રહ્યા છે કે, આ અગાઉ પણ લાલ જાજમ બિછાવેલી જ હતી પરંતુ સાહેબે આ વખતે લાલ જાજમ કેમ ઉતરાવી નાખી તે સમજાતુ નથી, શું આવુ કરીને વડાપ્રધાન કોઈ મેસેજ આપવા માગે છે કે શું? મંત્રીઓના ધબકારા વધ્યા, એક મંત્રી બોલી ગયા – 'ના જાણ્યું જાનકીનાથે કાલે શું થવાનું!' વડાપ્રધાન નરેન્દ્ર મોદીને મળવા જવાનું હોય ત્યારે મંત્રીઓમાં ઉત્સુકતા કરતાં ચિંતા વધારે હોય તેવું આ વખતે જોવા મળ્યું. લોકભવન ખાતે સાંજે 7 વાગ્યે હાજર રહેવાની સૂચના મળતાં મંત્રીઓએ પણ મુલાકાતને લઈને અલગ અલગ ગણતરીઓ શરૂ કરી હતી. વડાપ્રધાન કયા મુદ્દે વાત કરશે, કોને શું પૂછશે અને કયા વિભાગની કામગીરી અંગે ચર્ચા કરશે તેની કોઈને સ્પષ્ટ જાણ નહોતી. એક મંત્રી તો પોતાની લાગણી વ્યક્ત કરતાં બોલી ગયા કે, 'ના જાણ્યું જાનકીનાથે કાલે શું થવાનું!' એટલે કે કાલે શું થવાનું છે તેની ચિંતા કરવાને બદલે વર્તમાનમાં જીવવું જોઈએ. મંત્રીઓ માટે વડાપ્રધાન સાથેની મુલાકાત માત્ર શુભેચ્છા મુલાકાત નહોતી, પરંતુ તેમાં શું વાત થશે તેની ઉત્સુકતા પણ હતી. જોકે આખરે મુલાકાત બાદ બહાર આવેલા મંત્રીઓએ કોઈ ખાસ ચર્ચા થઈ હોવાનો સંકેત આપ્યો નહીં. સાબરડેરીની ચૂંટણીમાં બળવાના એંધાણ, ભાજપનું મેન્ડેટ કે સ્થાનિક નેતાઓનું ગણિત? ઉત્તર ગુજરાતના સહકારી રાજકારણમાં સાબરડેરીની ચૂંટણીએ ભારે ગરમાવો પેદા કર્યો છે. ચેરમેન અને વાઇસ ચેરમેનની ચૂંટણી છેલ્લી ઘડીએ મોકૂફ રાખવામાં આવતાં અનેક રાજકીય તર્કવિતર્ક શરૂ થયા છે. વર્તમાન ચેરમેન શામળ પટેલ સામે અસંતોષ અને ડો. વિપુલ પટેલને મળતા સમર્થનને કારણે ડિરેક્ટરોમાં જૂથબંધીની સ્થિતિ ઊભી થયાની ચર્ચા છે. નવા વર્ષના પ્રથમ દિવસે કેન્દ્રીય ગૃહ મંત્રી અમિત શાહના નિવાસ સ્થાન પર સ્નેહ મિલન હતું ત્યારે પણ શામળ પટેલને અમિત શાહે અવગણ્યા અને તેમની વાત સાંભળી નહીં હોવાની ચર્ચા છે. ભાજપના પ્રદેશ નેતૃત્વએ ડિરેક્ટરોને ગાંધીનગર બોલાવીને પક્ષના મેન્ડેટ પ્રમાણે નિર્ણય સ્વીકારવા સમજાવ્યા હોવાનું કહેવાય છે. હવે સૌથી મોટો સવાલ એ છે કે સાબરડેરીમાં પ્રદેશ ભાજપનું ચાલશે કે સ્થાનિક સહકારી આગેવાનો પોતાનું રાજકીય ગણિત સફળ બનાવશે? સહકારી સંસ્થાની આ ચૂંટણીમાં ચેરમેન કોણ બનશે તેના કરતાં ભાજપના સંગઠનનો આદેશ કેટલો અસરકારક રહે છે તે જોવું વધુ રસપ્રદ બન્યું છે. દિવાળી-બેસતુ વર્ષ પૂરું,હવે મંત્રીઓ-આઈએએસ અધિકારીઓ વાયબ્રન્ટ બનીને વિદેશની ટુર કરશે દિવાળી-નવા વર્ષના તહેવારો પૂર્ણ થઈ ગયા છે. દિવાળીના વેકેશનની મજા માણીને મોટાભાગના આઈએએસ અધિકારીઓ પરત આવી ગયા છે. જેથી જાન્યુઆરીમાં યોજાનારી વાયબ્રન્ટ સમિટની તૈયારીઓની ઝડપમાં સોમવારથી જ ગતિ આવી જશે. આગામી એક મહિનાની અંદર જ સમિટની તૈયારીઓને આખરી આપ આપી દેવાશે. હવે વિદેશના જે કોઈ પ્રવાસો બાકી છે તેનુ આયોજન ફટોફટ કરી દેવાશે. અમુક મંત્રીઓનો તેમજ કેટલાક આઈએએસ અધિકારીઓના અગાઉના શિડ્યુઅલને રી શિડ્યુઅલ કરીને વિદેશ પ્રવાસ ગોઠવી દેવાશે. નવેમ્બરના અંત સુધીમાં લગભગ તમામ વિદેશ પ્રવાસો પૂરા થઈ જાય તેવી ગણતરીથી આયોજન કરાશે. આ સ્થિતિમાં હજુ પણ કેટલાક બાબુઓ કે જેઓ વાયબ્રન્ટ સમિટમાં વિદેશ જવા માટે નસીબવંતા નથી બની શક્યા તેઓ વિદેશ પ્રવાસની તક મળે તે માટે હજુ પણ છેલ્લી ઘડીના પ્રયત્ન કરી રહ્યા છે. મુખ્યમંત્રી ફેલોશિપ યોજનામાં આ વખતે વધુ યુવાનોને લેવાશે, તંત્રની ગુણવત્તામાં સુધારા અંગે આશંકા થોડા દિવસો પહેલા મુખ્યમંત્રી ફેલોશિપ યોજનાની જાહેરાત આવી હતી.ગત વર્ષ કરતા આ વર્ષે વધુ યુવાનોને લેવાનુ નક્કી કરાયુ છે. સામાન્ય વહીવટ વિભાગે સરદાર પટેલ ગુડ ગવર્નન્સ સીએમ ફેલોશિપ પ્રોગ્રામમાં ફેલોની સંખ્યા 41થી વધારીને 60 કરી છે. એટલે કે, વધુ 19 યુવાનોને તક અપાશે. ઉપરાંત સૌથી મોટો ફેરફાર આ પ્રોગ્રામના નોલેજ પાર્ટનરનો છે. અગાઉના ઠરાવોમાં જ્યાં પણ 'ઇન્ડિયન ઇન્સ્ટિટ્યુટ ઓફ મેનેજમેન્ટ, અમદાવાદનો ઉલ્લેખ હતો, તેને બદલીને નોલેજ પાર્ટનર કરાયો છે. આ ફેરફાર માત્ર શબ્દ બદલવા જેવો લાગતો હોય, પરંતુ તેનાથી અમલદારશાહીના વર્તુળોમાં અટકળો શરૂ થઈ છે કે શું ખરેખર નોલેજ પાર્ટનર બદલાશે કે પછી માત્ર વાતો જ છે. શું સંખ્યા વધારવાથી પ્રોગ્રામની ગુણવત્તામાં પણ સુધારો થશે કે નહી. સારું શાસન માત્ર ફેલોની સંખ્યા પર જ નહીં, પરંતુ નોલેજ પાર્ટનરની વિશ્વસનીયતા અને તેની કામગીરી પર પણ નિર્ભર છે. માત્ર નામ બદલી નાખવાથી વહીવટમાં સુધારો થઈ શકતો નથી.
    Click here to Read More
    Previous Article
    ભાસ્કર એક્સક્લૂઝિવ:કેન્દ્રીય વિદ્યાલયમાં બાળકને કયો પાઠ સમજાયો અને કયો નહીં? તે વાલીને મોબાઈલ એપથી ખબર પડશે
    Next Article
    Shoaib Akhtar Reacts To India U19's Fiery Send-Off, Makes Big Pakistan Claim

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment