Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પાકિસ્તાન-શ્રીલંકા બીજી ટેસ્ટ લાહોરથી રાવલપિંડી ખસેડાઈ:સ્મોગ અને ખરાબ એર ક્વોલિટીના કારણે PCBનો નિર્ણય; 17 નવેમ્બરથી રમાશે મેચ

    9 hours ago

    પાકિસ્તાન અને શ્રીલંકા વચ્ચેની બીજી ટેસ્ટ લાહોરથી રાવલપિંડી ખસેડવામાં આવી છે. પાકિસ્તાન ક્રિકેટ બોર્ડ (PCB)એ બુધવારે આ જાહેરાત કરી હતી. મેચ 17 નવેમ્બરથી રાવલપિંડીમાં જ રમાશે, જ્યાં બંને ટીમ વચ્ચેની પ્રથમ ટેસ્ટ ચાલી રહી છે. લાહોરમાં સ્મોગને કારણે સ્થળ બદલાયું લાહોર હાલમાં સ્મોગની ઝપેટમાં છે. સ્વિસ કંપની IQAir અનુસાર, 10 નવેમ્બરે લાહોર વિશ્વનું સૌથી પ્રદૂષિત શહેર હતું. દર વર્ષે ઓક્ટોબરથી ડિસેમ્બર દરમિયાન પાકિસ્તાન અને ભારતના કેટલાક વિસ્તારોમાં સ્મોગની સમસ્યા રહે છે. બ્રોડકાસ્ટર્સને લાઇવ ટેલિકાસ્ટની ગુણવત્તા અંગે ચિંતા ઓછી વિઝિબિલિટીને કારણે બ્રોડકાસ્ટર્સે લાહોરમાં મેચના લાઇવ પ્રસારણની ગુણવત્તા અંગે ચિંતા વ્યક્ત કરી હતી. હવાની ગુણવત્તા ખરાબ થયા બાદ બ્રોડકાસ્ટિંગ ટીમને લાહોરની મુસાફરીની તૈયારીઓ રોકવા માટે કહેવામાં આવ્યું હતું. ત્યારબાદ PCBએ મેચનું સ્થળ બદલવાનો નિર્ણય લીધો. 2007 પછી નવેમ્બરમાં લાહોરમાં કોઈ આંતરરાષ્ટ્રીય મેચ રમાઈ નથી આ નિર્ણયથી PCBની લાહોરમાં શિયાળાની શરૂઆત દરમિયાન આંતરરાષ્ટ્રીય ક્રિકેટ યોજવાની કોશિશોને ઝટકો લાગ્યો છે. જો બીજી ટેસ્ટ ગદ્દાફી સ્ટેડિયમમાં યોજાઈ હોત, તો 2007 પછી પહેલી વાર 1 નવેમ્બર બાદ લાહોરમાં કોઈ આંતરરાષ્ટ્રીય મેચ રમાઈ હોત. મેચની તારીખોમાં ફેરફાર નહીં સ્થળ બદલાયા છતાં ટેસ્ટ મેચના કાર્યક્રમમાં કોઈ ફેરફાર કરવામાં આવ્યો નથી. બીજી ટેસ્ટ 17થી 21 નવેમ્બર સુધી રાવલપિંડી ક્રિકેટ સ્ટેડિયમમાં રમાશે. ભારત-શ્રીલંકા વન-ડેનું સ્થળ પણ બદલાયું ભારત અને શ્રીલંકા વચ્ચે 13 ડિસેમ્બરે રમાનારી પ્રથમ વન-ડે પણ દિલ્હીથી વિશાખાપટ્ટનમ ખસેડવામાં આવી છે. આ મુકાબલો પહેલા દિલ્હીના અરુણ જેટલી સ્ટેડિયમમાં રમાવાનો હતો. BCCI મુજબ, દિલ્હી એન્ડ ડિસ્ટ્રિક્ટ ક્રિકેટ એસોસિયેશન (DDCA)એ સંભવિત હવામાન સંબંધિત અડચણો અને સ્ટેડિયમમાં પ્રસ્તાવિત રિનોવેશનને કારણે સ્થળ બદલવાની વિનંતી કરી હતી. હવે આ મેચ વિશાખાપટ્ટનમના ACA-VDCA ક્રિકેટ સ્ટેડિયમમાં રમાશે.
    Click here to Read More
    Previous Article
    Stock Market LIVE Updates, Sensex Today: Sensex Jumps 1,200 Points As Oil Eases, Asian Markets Rally
    Next Article
    'બ્રેક કામ નથી કરી રહી...':ટ્રેન રોકવા લોકો-પાઇલટની મથામણ, 5 ડબ્બા પાટા પરથી ઉતર્યા; જુઓ એન્જિનની અંદરનો VIDEO

    Related સપોર્ટ Updates:

    Are you sure? You want to delete this comment..! Remove Cancel

    Comments (0)

      Leave a comment