Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બોલેરોએ ડિવાઈડર કૂદીને આઈસરને ટક્કર મારતા એકનું મોત:આઈસરચાલકને ગંભીર ઈજા થતા હોસ્પિટલ ખસેડાયો, વડોદરા નજીક NH 48 પર અકસ્માત

    2 दिन पहले

    વડોદરા નજીકથી પસાર થતા હાઈવે નંબર 48 પર આવેલ દરજીપુરા બ્રિજ પર આજે(18 નવેમ્બર) સુરત તરફ જતા એક બોલેરો વાહને ડિવાઈડર કૂદીને સામેથી આવતી નાઇટ્રોજનના ખાલી બોટલ ભરેલ આઈસર ગાડીને જોરદાર ટક્કર મારી હતી. આ અકસ્માતમાં બોલેરોચાલકનું ઘટનાસ્થળે જ કમકમાટીભર્યું મોત થયું હતું, જ્યારે આઈસરચાલક ગંભીર રીતે ઘાયલ થતાં તેને સારવાર માટે એસ.એસ.જી. હોસ્પિટલ ખસેડાયો હતો. આ મામલે હરણી પોલીસે વધુ તપાસ હાથ ધરી છે. નાઈટ્રોજન ગેસના ખાલી બોટલ લઈને હાલોલથી પોર જતો હતો ડ્રાઈવિંગ કરી ગુજરાન ચલાવતા અને હાલ પોર જલારામ સોસાયટીમાં રહેતા રાજેશકુમાર નારાયણભાઈ રાવ (ઉ.વ. 35) દ્વારા પોલીસ ફરિયાદ મુજબ, તેઓ ગત સાંજે આઈસર ગાડીમાં નાઈટ્રોજન ગેસના બોટલ ભરીને હાલોલ એલેમ્બિક કંપનીમાં ખાલી કરવા ગયા હતા. ત્યાં ગેસના બોટલ ખાલી કરી, ખાલી બોટલ પરત આઈસરમાં ભરીને તેઓ હાલોલથી પોર તરફ પરત આવી રહ્યા હતા. બોલેરો પિકઅપ ચાલકે ડિવાઈડર કૂદાવીને ટક્કર મારી તેઓ સાંજે પોરથી નીકળીને ગોલ્ડન ચોકડી થઈ નેશનલ હાઈવે નંબર 48 પરથી સુરત તરફ જતી વખતે સાંજના સુમારે દરજીપુરા બ્રિજ પર આ ઘટના બની હતી. સુરત તરફ જઈ રહેલી એક મહોન્દ્રા બોલેરો પિકઅપ ગાડીના ચાલકે વાહન પૂરઝડપે અને ગફલતભરી રીતે હંકારીને રોડ વચ્ચેનો ડિવાઈડર કૂદાવી દીધો હતો અને સીધો જ રાજેશકુમારની આઈસર ગાડીના આગળના ભાગમાં ભટકાવ્યો હતો. બોલેરો ચાલકનું મોત, આઈસર ચાલકને ગંભીર ઈજા આ ટક્કરને કારણે આઈસરચાલક રાજેશકુમારને શરીરે ગંભીર ઈજાઓ પહોંચી હતી. તાત્કાલિક ધોરણે 108 એમ્બ્યુલન્સને ફોન કરીને બોલાવવામાં આવતા વાહન સમયસર સ્થળ પર પહોંચી ગયું હતું. 108 ના ફરજ પરના ડૉક્ટરે તપાસીને જણાવ્યું કે બોલેરો પિકઅપ ગાડીનો ચાલક અકસ્માતસ્થળે જ મૃત્યુ પામ્યો છે, જ્યારે ઈજાગ્રસ્ત આઈસરચાલકને સારવાર માટે એસ.એસ.જી. હોસ્પિટલ ખસેડાયો હતો. હરણી પોલીસે તપાસ શરૂ કરી એસ.એસ.જી. હોસ્પિટલના સર્જિકલ આઈ.સી.યુ. વોર્ડમાં ફરજ પરના તબીબો દ્વારા રાજેશકુમારની તપાસ કરતા તેમના જમણા પગ તથા જમણા ખભા પર ફ્રેક્ચર અને પેટના ભાગે તથા શરીરે ગંભીર ઈજાઓ હોવાનું બહાર આવ્યું હતું. આ મામલે ભોગ બનનાર ડ્રાઈવરે બોલેરો પિકઅપ ગાડીના મૃતચાલક વિરુદ્ધ કાયદેસરની ફરિયાદ નોંધાવી છે, આ મામલે હરણી પોલીસે વધુ તપાસ હાથ ધરી છે.
    Click here to Read More
    Previous Article
    વિદ્યાર્થીને ટેલિગ્રામથી શેરબજારમાં ઊંચા નફાની લાલચ આપી છેતરપિંડી:ગાંધીનગરમાં DAIICTના વિદ્યાર્થી સાથે વોટ્સએપ કોલથી વાત કરી ગઠિયાએ 61 હજાર રુપિયા ટ્રાન્સફર કરાવી લીધા
    Next Article
    આજે આમળા નવમી:હરિ-હરની સાથે માતા લક્ષ્મીની કૃપા મેળવવાનો દિવ્ય અવસર, જાણો પૂજા વિધિ અને માન્યતાઓ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment