Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દિલ્હી-NCRમાં ફટાકડાંથી હવા ખતરનાક સ્તરે, AQI 418:પ્રયાગરાજમાં AQI 500ને પાર; ઉત્તર પ્રદેશમાં ઠંડી વધી, રાજસ્થાનમાં ગરમીએ રેકોર્ડ તોડ્યો

    6 hours ago

    દિવાળી પછી સોમવારે સવારે દિલ્હી-NCRની હવાની ગુણવત્તા ગંભીર કેટેગરીમાં પહોંચી ગઈ. રવિવારે દિવાળીના દિવસે લોકોએ ભારે પ્રમાણમાં ફટાકડા ફોડ્યા, જેના બાદ સોમવારે સવારે દિલ્હી-NCRના અનેક વિસ્તારોમાં વિઝિબિલિટી પણ ઘણી ઓછી રહી. કેન્દ્રીય પ્રદૂષણ નિયંત્રણ બોર્ડ (CPCB)ના આંકડા મુજબ, પટપડગંજમાં AQI 418, ITO ખાતે AQI 406, રાજીવ ચોક ખાતે AQI 381 અને સાઉથ એક્સટેન્શન આસપાસના વિસ્તારમાં AQI 360 નોંધાયો હતો. ઉત્તર પ્રદેશના નોઈડા, ગાઝિયાબાદ, કાનપુર અને વારાણસી સહિત 10 શહેરોમાં સોમવારે હવાની સ્થિતિ જોખમી રહી. સવારે 7 વાગ્યે પ્રયાગરાજ, ગોરખપુર અને લખનઉનો AQI 500ને પાર પહોંચી ગયો. બીજી તરફ, ઠંડી અને ધુમ્મસે અસર દેખાડવાનું શરૂ કરી દીધું છે. 15થી વધુ શહેરોમાં ગાઢ ધુમ્મસ છવાયેલું રહ્યું. રાત્રિનું તાપમાન 15°Cથી નીચે ગગડી ગયું છે. રાજસ્થાનના શહેરોમાં રવિવારે દિવસ દરમિયાન સામાન્ય કરતાં વધુ ગરમી રહી. બાડમેરમાં મહત્તમ તાપમાન 38°Cને પાર પહોંચી ગયું. છેલ્લા 10 વર્ષમાં આ બીજી વખત છે જ્યારે અહીં તાપમાન 38°Cથી વધુ નોંધાયું છે. મધ્ય પ્રદેશના શહેરોમાં રાત્રે ઠંડી અને સવારે ધુમ્મસ છવાઈ રહ્યું છે. ભોપાલ અને ઇન્દોરમાં પણ લઘુત્તમ તાપમાન ઘટ્યું છે. ગઈ રાત્રે 14 શહેરોમાં તાપમાન 14°Cથી ઓછું રહ્યું હતું. તેમાં એકમાત્ર હિલ સ્ટેશન પચમઢીનો પણ સમાવેશ થાય છે. દેશભરમાંથી હવામાનની તસવીરો રાજ્યોમાંથી હવામાનના સમાચાર… બિહાર: સવારે ધુમ્મસ, દિવસ દરમિયાન તીવ્ર તડકો, 4-5 દિવસ સુધી હવામાનમાં ફેરફાર નહીં બિહારમાં નવેમ્બરનો બીજો સપ્તાહ શરૂ થતાં હવામાનમાં બે અલગ-અલગ રંગ જોવા મળી રહ્યા છે. સવારે ઘરેથી બહાર નીકળતાં હળવી ઠંડી અનુભવાઈ રહી છે, પરંતુ બપોરનો તડકો હજુ પણ લોકોને ગરમીનો અહેસાસ કરાવી રહ્યો છે. રાજસ્થાન: નવેમ્બરમાં રેકોર્ડ ગરમી, તાપમાન 38થી ઉપર, રાત્રે પણ ઠંડક ઘટી રાજસ્થાનના શહેરોમાં રવિવારે દિવસ દરમિયાન સામાન્ય કરતાં વધુ ગરમી રહી. બાડમેરમાં મહત્તમ તાપમાન 38 ડિગ્રી સેલ્સિયસને પાર પહોંચી ગયું. છેલ્લા 10 વર્ષમાં આ બીજી વખત છે જ્યારે અહીં તાપમાન 38 ડિગ્રીથી ઉપર નોંધાયું છે. ઉત્તર પ્રદેશ: 3 દિવસ બાદ કડકડતી ઠંડી પડશે, 10 શહેરોની હવા ખરાબ યુપીમાં દિવાળીની રાત્રે ફટાકડા ફોડ્યા બાદ હવામાં પ્રદૂષણ વધી ગયું. સોમવારે સવારે 7 વાગ્યે પ્રયાગરાજ, ગોરખપુર અને લખનઉમાં AQI 500ને પાર નોંધાયો. નોઈડા, ગાઝિયાબાદ, કાનપુર અને વારાણસી સહિત 10 શહેરોમાં AQI ખતરનાક સ્તરે પહોંચી ગયો. પંજાબ: લુધિયાણા-મંડી ગોવિંદગઢનો AQI 300ને પાર; આગામી 3 દિવસ ધુમ્મસની શક્યતા પંજાબ અને ચંડીગઢમાં દિવાળી બાદ ફટાકડાના ધુમાડા અને પવનની ઓછી ગતિને કારણે પંજાબમાં પ્રદૂષણનું સ્તર ઘણું વધી ગયું છે. ચંડીગઢની સરખામણીએ પંજાબના અનેક શહેરોની હવા વધુ ઝેરી બની ગઈ છે. લુધિયાણાનો AQI 300 અને મંડી ગોવિંદગઢમાં AQI 399 નોંધાયો છે. ઉત્તરાખંડ: કેદારનાથ-બદરીનાથમાં પારો -9°C; પર્વતોમાં ધુમ્મસ છવાયેલું રહેશે ઉત્તરાખંડના પાંચ જિલ્લાઓમાં આજે હવામાનનો મિજાજ બદલાઈ શકે છે. પર્વતીય વિસ્તારોની ખીણોમાં ક્યાંક-ક્યાંક હળવાથી મધ્યમ ધુમ્મસ છવાઈ શકે છે. બીજી તરફ, કેદારનાથ અને બદ્રીનાથમાં ઠંડીની અસર વધી ગઈ છે. છત્તીસગઢ: રાત્રિના તાપમાનમાં ઘટાડો થવા લાગ્યો, આગામી 2 દિવસમાં પારો 2°C સુધી ઘટશે છત્તીસગઢમાં હવામાન શુષ્ક રહ્યું છે. જ્યારે રાત્રિના તાપમાનમાં ઘટાડો નોંધાઈ રહ્યો છે. હવામાન વિભાગના જણાવ્યા અનુસાર આગામી 2 દિવસમાં રાજ્યના લઘુત્તમ તાપમાનમાં 1થી 2 ડિગ્રી સેલ્સિયસ સુધીનો ઘટાડો થવાની સંભાવના છે. ત્યારબાદ તાપમાનમાં કોઈ ખાસ ફેરફાર થવાની શક્યતા નથી. હિમાચલ પ્રદેશ: 12-13મીએ આંધી-તોફાનનું યલો એલર્ટ, પારો 3°C સુધી ગગડશે હિમાચલ પ્રદેશમાં આજે અને આવતીકાલે હવામાન સ્વચ્છ રહેશે. રાજ્યમાં પરમદિવસે એટલે કે 11 નવેમ્બરથી વેસ્ટર્ન ડિસ્ટર્બન્સ સક્રિય થશે. તેના પ્રભાવથી આગામી ચાર દિવસ સુધી પહાડો પર વરસાદ અને હિમવર્ષાની આગાહી છે. ઊંચા પહાડો પર તેના કારણે ઠંડીમાં વધારો થશે.
    Click here to Read More
    Previous Article
    On Sunday walks along Ludhiana’s Buddha Darya, a citizens’ group counts what is left to fix
    Next Article
    ખાંભામાં દિવાળીની રાત્રે જૂથ અથડામણમાં એકનું મોત, પાંચથી વધુ ઘાયલ:ટ્રકના ભાડાના મનદુઃખમાં છરીથી હુમલો; પોલીસે મોડીરાત્રે ઘટનાસ્થળે પહોંચી પરિસ્થિતિ કાબૂમાં લીધી

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment