Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ISROનું ખાનગીકરણ થયું નથી, સંસ્થા સરકારી જ છે:ચેરમેન નારાયણને કહ્યું- કર્મચારીઓની ચિંતાઓનું સમાધાન કરીશું, દેશને દર વર્ષે 50 લોન્ચ વ્હીકલ જોઈએ

    7 hours ago

    1

    0

    👍 ❤️ 😂 😮 😢 😡 😘 🤐 🥰

    ISRO ચેરમેન વી. નારાયણને કહ્યું કે સ્પેસ એજન્સી સરકારી સંસ્થા છે અને તેનું ખાનગીકરણ થયું નથી. તેમણે ISROના કર્મચારીઓની ચિંતાઓને વાજબી ગણાવતા કહ્યું કે તેનું સમાધાન કરવામાં આવશે. નારાયણન બેંગલુરુ સ્પેસ એક્સપો (BSX)ની 9મી આવૃત્તિના ઉદ્ઘાટન સમારોહ પછી પત્રકારો સાથ વાતચીત કરી રહ્યા હતા. નારાયણનું નિવેદન ISROની 9 કર્મચારી એસોસિએશનો દ્વારા 4 સપ્ટેમ્બરે મોકલવામાં આવેલા પત્ર પછી આવ્યું. એસોસિએશનોએ ISROના મેન્યુફેક્ચરિંગ અને ઓપરેશનલ કામોને ખાનગી સંસ્થાઓને સોંપવાના પ્રસ્તાવ પર જવાબ માંગ્યો હતો. નારાયણને કહ્યું કે ભારતના વધતા અંતરિક્ષ કાર્યક્રમ માટે દર વર્ષે લગભગ 50 લોન્ચ વ્હીકલની જરૂર છે. તેમણે કહ્યું કે દેશમાં અંતરિક્ષ ક્ષેત્ર અને સ્પેસ ઇકોનોમીને વધારવા માટે ISRO ખાનગી કંપનીઓ અને સ્ટાર્ટઅપ્સ સાથે કામ કરી રહ્યું છે. દેશમાં સ્પેસ ઈકોનોમીને વેગ આપવો જરુરી વી. નારાયણને કહ્યું, “ISROનું ખાનગીકરણ થયું નથી અને તે સરકારી સંસ્થા છે. અમે સરકારી રોકાણ સાથે કામ કરી રહ્યા છીએ. પરંતુ હવે અમારી સામે ઘણા પ્રકારના કામ છે. દેશમાં સ્પેસ ઇકોસિસ્ટમ અને સ્પેસ ઇકોનોમીને વધારવી જરૂરી છે.” કર્મચારી એસોસિએશનો દ્વારા ઉઠાવવામાં આવેલી ચિંતાઓ પર તેમણે કહ્યું, “મારા સાથીઓની જે પણ ચિંતાઓ છે, તે ચોક્કસપણે વાજબી છે. તેમને સ્પષ્ટ કરવી અમારી જવાબદારી છે.” અલગ-અલગ અવાજો સાથે જોડાયેલા પ્રશ્ન પર તેમણે કહ્યું, “અમે કર્મચારીઓની ચિંતાઓનું સમાધાન કરીશું.” 6 વર્ષ પહેલા લાગુ થયા હતા સ્પેસ સેક્ટરના સુધારા નારાયણને જણાવ્યું કે ભારતનો અંતરિક્ષ કાર્યક્રમ 64-65 વર્ષ જૂનો છે. આ સમયે દેશના 56 સ્પેસ એસેટ્સ અંતરિક્ષમાં છે, જે સામાન્ય લોકોના કામ આવી રહ્યા છે. જોકે, દેશની જરૂરિયાત આનાથી ક્યાંય વધારે છે. તેમણે કહ્યું કે લગભગ 6 વર્ષ પહેલા સ્પેસ સેક્ટરમાં સુધારા લાગુ કરવામાં આવ્યા હતા. તેમના મતે, આ સુધારાઓ હેઠળ ISROએ પ્રાઇવેટ સેક્ટર અને સ્ટાર્ટઅપ કંપનીઓને સહયોગ આપવાનો અને દેશના સ્પેસ ઇકોસિસ્ટમને વધારવાનો છે. નારાયણને કહ્યું, “જ્યારે પણ PSLV કે GSLV લોન્ચ થાય છે, ત્યારે તેના બજેટનો લગભગ 80% હિસ્સો ભારતીય ઈન્ડસ્ટ્રીમાં રોકાણ થાય છે. કુલ 450 ઈન્ડસ્ટ્રી અમારા માટે કામ કરી રહી છે.” દર વર્ષે 50 લોન્ચ વ્હીકલનું લક્ષ્ય ભારતની વધતી અંતરિક્ષ જરૂરિયાતો પર નારાયણને કહ્યું, “દેશની જરૂરિયાત દર વર્ષે લગભગ 50 લોન્ચ વ્હીકલની છે. આપણે આગળ વધવું પડશે.” દર વર્ષે 50 લોન્ચની ક્ષમતા પુરી કરવાની વ્યવહારિકતા પર તેમણે ISRO સાથે જોડાવાના તેમના સમયને યાદ કર્યો. તેમણે કહ્યું કે 43 વર્ષ પહેલાં, જ્યારે તેઓ ISROમાં આવ્યા હતા, ત્યારે 3 વર્ષમાં એક લોન્ચ થતું હતું. નારાયણને કહ્યું, “હવે ઘણી બધી પ્રવૃત્તિઓ ચાલી રહી છે. બહારના લોકોને કદાચ એક-બે વસ્તુઓ વિશે જ ખબર હોય, પરંતુ ISRO તરફથી દરેક કામને આગળ વધારવું એ અમારી જવાબદારી છે. દર વર્ષે 50 લોન્ચ એક વાસ્તવિકતા બનવા જઈ રહ્યા છે.” તેમણે કહ્યું કે આ કામ “ભારતમાં ભારતીયો દ્વારા” પૂરું કરવામાં આવશે. આ સમાચાર પણ વાંચો… કર્મચારીઓનો સવાલ- શું ISRO રોકેટ નહીં બનાવે:9 સંગઠનોએ ખાનગીકરણ પર સ્પષ્ટતા માંગી; કોંગ્રેસે કહ્યું- સારાભાઈનો વારસો ખતમ કરવામાં આવી રહ્યો છે ISROના નવ કર્મચારી સંગઠનોએ સ્પેસ એજન્સીના ચેરપર્સન વી. નારાયણનને પત્ર લખીને ખાનગીકરણ પર સ્પષ્ટતા માંગી છે. આ પત્ર 4 સપ્ટેમ્બરે લખવામાં આવ્યો હતો. આ માહિતી બાદમાં સામે આવી હતી.
    Click here to Read More
    • Share:
    ઈશાનની રેકોર્ડ બ્રેક ઈનિંગ, ગર્લફ્રેન્ડ થઈ ગદગદ:દિલીપ ટ્રોફી ફાઇનલમાં 250 રન પૂરા થતા જ પ્રેમ વરસાવ્યો, 'પ્રાઉડ ઓફ ઈશુ'... લખતા જ ઈન્સ્ટાગ્રામ સ્ટોરી વાઇરલ
    Previous Article
    ઈશાનની રેકોર્ડ બ્રેક ઈનિંગ, ગર્લફ્રેન્ડ થઈ ગદગદ:દિલીપ ટ્રોફી ફાઇનલમાં 250 રન પૂરા થતા જ પ્રેમ વરસાવ્યો, 'પ્રાઉડ ઓફ ઈશુ'... લખતા જ ઈન્સ્ટાગ્રામ સ્ટોરી વાઇરલ
    Next Article
    જામનગરમાં શ્રાવણના છેલ્લા સોમવારે શિવાલયોમાં ભક્તોની ભારે ભીડ:શહેરના મંદિરોમાં ખાસ પૂજા, શણગાર દર્શન અને મહાઆરતી
    જામનગરમાં શ્રાવણના છેલ્લા સોમવારે શિવાલયોમાં ભક્તોની ભારે ભીડ:શહેરના મંદિરોમાં ખાસ પૂજા, શણગાર દર્શન અને મહાઆરતી

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment

      Send