Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    દૂષિત પાણીના કારણે અસંખ્ય માછલીઓના મોત:જહાંગીરપુરા-સરોલી કેનાલ રોડ પરની ઘટના, સ્થાનિકોમાં ભારે રોષ બાદ GPCB અને સિંચાઇ વિભાગની તપાસ શરૂ

    6 hours ago

    સુરતના જહાંગીરપુરા-સરોલી કેનાલ રોડ પર આવેલી નહેરમાં મોટી સંખ્યામાં નાની અને મોટી માછલીઓ મૃત હાલતમાં મળી આવતા ચકચાર મચી ગઈ છે. કેનાલના પાણીમાં અસંખ્ય મૃત માછલીઓ તરતી નજરે પડતા આસપાસના રહીશો અને રાહદારીઓમાં ભારે રોષ જોવા મળી રહ્યો છે. કેનાલમાં કોઈ અજાણ્યા તત્વો દ્વારા પાઇપ મારફતે કાળા રંગનું દૂષિત પાણી છોડવામાં આવ્યું હોવાની પ્રબળ આશંકા વ્યક્ત કરવામાં આવી રહી છે. આ દૂષિત પાણીના કારણે નહેરમાં રહેલા જળચર જીવોનો ભોગ લેવાયો હોવાનો સ્થાનિકો દ્વારા ગંભીર આક્ષેપ કરવામાં આવ્યો છે. દૂષિત પાણી ઠલવાતા વીડિયો સામે આવ્યા આ સમગ્ર ઘટના અંગે સ્થાનિક જાગૃત નાગરિકોએ મોબાઇલમાં વીડિયો ઉતારીને સોશિયલ મીડિયામાં વાયરલ કર્યા છે. સામે આવેલા વીડિયોમાં કેનાલની અંદર મોટી સંખ્યામાં મૃત માછલીઓ પાણીની સપાટી પર તરતી સ્પષ્ટપણે જોઈ શકાય છે. આ ઉપરાંત, અન્ય એક વીડિયોમાં કેનાલની બાજુમાં રહેલી એક પાઇપ મારફતે કાળા રંગનું દૂષિત પાણી સીધું નહેરમાં ઠલવાતું હોવાનું પણ કેદ થયું છે. ગંદા અને દૂષિત પાણીના કારણે પર્યાવરણ અને જળચર સૃષ્ટિને મોટું નુકસાન પહોંચ્યું હોવાથી સ્થાનિકોમાં ઉગ્ર નારાજગી ફેલાઈ છે અને જવાબદારો સામે કડક કાર્યવાહીની માંગ ઉઠી છે. GPCB અને સિંચાઇ વિભાગ દ્વારા તપાસ શરૂ ઘટનાની ગંભીરતાને ધ્યાનમાં રાખીને વહીવટી તંત્ર દોડતું થયું છે. આ મામલે ગુજરાત પોલ્યુશન કંટ્રોલ બોર્ડ (GPCB) અને સિંચાઇ વિભાગના અધિકારીઓ દ્વારા સંયુક્ત રીતે તપાસ શરૂ કરવામાં આવી છે. અધિકારીઓ દ્વારા કેનાલના પાણીના સેમ્પલ લેવાની તેમજ નહેરમાં દૂષિત પાણી છોડતી પાઇપલાઇન ક્યાંથી આવે છે તે દિશામાં તપાસ હાથ ધરવામાં આવી છે, જેથી જવાબદાર તત્વો સામે કાયદેસરના પગલાં ભરી શકાય.
    Click here to Read More
    Previous Article
    ગુનાખોરી પર અંકુશ માટે પોલીસની નવી પહેલ:વડોદરામાં મેન્ટર પ્રોજેક્ટ હેઠળ ગુનાહિત પ્રવૃત્તિમાં સંડોવાયેલા લોકોનું કાઉન્સેલિંગ કરી ગુનાખોરીનો માર્ગ છોડવા સમજાવ્યા
    Next Article
    બોટાદમાં જવાહર નવોદય વિદ્યાલય પાસેની ડમ્પિંગ સાઇટ હટાવવા માંગ:વારંવાર આગથી વિદ્યાર્થીઓના સ્વાસ્થ્ય સામે જોખમ, AAPએ ઘટનાની ઉચ્ચસ્તરીય તપાસની માંગ કરી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment