Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    જમીનમાં ભાગ ન મળતા યુવાનનો આપઘાત:રાજકોટમાં ભૂલથી એસિડવાળું પાણી પી જતા મહિલાનું મોત, પડોશી યુવાને ફટાકડા ફોડતા યુવતી દાઝતા FIR

    8 hours ago

    રાજકોટ તાલુકાના સોખડા ગામે જમીનમાં ભાગ ન મળવાને કારણે 40 વર્ષીય યુવાને અનાજમાં નાખવાની દવા પી જતા તેને સારવારમાં દમ તોડ્યો છે તો એક મહિલાએ ભૂલથી એસિડવાળું પાણી પી જતા તેનું મૃત્યુ નીપજ્યું છે. જ્યારે પડોશીએ ફટાકડા ફોડતા યુવતી દાઝતા FIR દાખલ થઈ છે. રાજકોટના સોખડા ગામમાં રહેતા 40 વર્ષીય વલ્લભાઈ ગોરિયાએ તા. 14 નવેમ્બરના રોજ બપોરના આશરે 2:30 વાગ્યાના અરસામાં પોતાના ઘરે અનાજમાં નાખવાની દવા પી લીધી હતી. બનાવને પગલે તેમને તાત્કાલિક સારવાર માટે રાજકોટની ખાનગી હોસ્પિટલ ખાતે ખસેડવામાં આવ્યા હતા.હોસ્પિટલમાં ફરજ પરના તબીબે તપાસ અને સારવાર દરમિયાન સાંજે 6:30 વાગ્યે વલ્લભાઈને મૃત જાહેર કર્યા હતા. બનાવ અંગે હોસ્પિટલ તરફથી જાણ કરવામાં આવતાં કુવાડવા રોડ પોલીસ સ્ટેશન દ્વારા અકસ્માતે મોત અંગેની નોંધ કરવામાં આવી છે. પોલીસ પાસેથી પ્રાપ્ત વિગત મુજબ યુવાનને માતા-પિતા તરફથી સાયપરની 20 વીઘા જમીનમાં ભાગ આપવામાં આવ્યો ન હતો અને એક પણ જગ્યાએ જમીનમાં ભાગ આપતા ન હતા. જેને કારણે આ યુવાને આપઘાતનું અંતિમ પગલું ભરી લીધું હતું અને આ યુવાને જ્યારે દવા પીધી અને તેને શહેરના સોરઠીયાવાડી સર્કલ પાસે આવેલી ખાનગી હોસ્પિટલ ખાતે દાખલ કરવામાં આવ્યો ત્યારે પણ તેના પત્ની અને બાળકો સિવાય કોઈપણ ત્યાં ઉપસ્થિત ન હતું. જોકે આ સમગ્ર મામલે પોલીસ ફરિયાદના આધારે આગળની તપાસ હાથ ધરવામાં આવી છે. રાણપુર નવાગામમાં જૂની અદાવતમાં લોહીયાળ જંગ, મામા- ભાણેજ પર તલવાર - પાઇપથી હુમલો રાજકોટના કુવાડવા ગામની સીમમાં રાણપુર નવાગામમાં ધમલપર ચોકડી પાસે જૂની અદાવતના કારણે ચાર શખ્સોએ એક યુવક અને તેના ભાણેજ પર તલવાર તથા લોખંડના પાઇપ વડે ઘાતક હુમલો કરી ગંભીર ઇજા પહોંચાડી હોવાની ઘટના સામે આવી છે.33 વર્ષીય ચંદનસિંગ સંતોકસિંગ દુદાણીના જણાવ્યા મુજબ, કુવાડવા રોડ ઉપર શક્તિ સોસાયટી ખાતે રહે છે. ગત તા.15 નવેમ્બરના રોજ બપોરના ધમલપર ચોકડી પાસે હતા ત્યારે અત્યારે જગજીતસિંગ બગ્ગા, ઓમકારસિંગ બગ્ગા, દીપસિંગ બગ્ગા અને મલીનદરસિંગ મહેન્દરસિંગ બગ્ગા (તમામ રહે. વાંકાનેર, જી.મોરબી) ત્યાં આવી પહોંચ્યા હતા. અગાઉના ધંધાકીય કે જૂના અદાવત બાબતે બોલાચાલી કરી ઉશ્કેરાઈને ગાળો આપી હતી. જેમાં દીપસિંગે શરીરે અને વાસામાં પાઇપ મારી ઇજા કરી હતી. જ્યારે ઓમકારસિંગે ડાબા કાનના પાછળના ભાગે તલવારનો ઘા મારી ગંભીર ઇજા પહોંચાડી હતી. જ્યારે મલીનદરસિંગે યુવાનના ભાણેજ જોગેન્દરસિંગને પાઇપથી અને ઓમકારસિંગ તથા જગદીશસિંગે તલવાર વડે માર મારી જમણા હાથ તથા ડાબા પગમાં ફેક્ચર જેવી ગંભીર ઇજાઓ કરી હતી.આરોપીઓએ બોલેરો ગાડી (નં. GJ-36-T-2324) માં પણ પાઇપ અને તલવારથી તોડફોડ કરી નુકસાન પહોંચાડ્યું હતું. જેથી પોલીસે બી.એન.એસ. કલમ 115(2), 118, 117(2), 324(5), 351(2), 352, 54 તથા જી.પી. એક્ટ કલમ 135 મુજબ ગુનો નોંધી વધુ તપાસ હાથ ધરી છે. માલીયાસણ ગામમાં યુવક અને તેના પિતરાઈ ભાઈ પર હુમલો રાજકોટના કુવાડવા રોડ પોલીસ મથક વિસ્તારમાં આવેલા માલીયાસણ ગામમાં તકરારમાં યુવક અને તેના મામાના દીકરા પર હુમલો કર્યાની ફરિયાદ નોંધાઈ છે.મળતી માહિતી મુજબ, માલીયાસણ ગામના શિવશક્તિ પ્લોટ પાછળ રહેતા અને રિક્ષા ડ્રાઇવિંગનો વ્યવસાય કરતા અંકિતભાઈ કાન્તિલાલ મકવાણા (ઉં.વ.23) તેમના મામાના દીકરા તન્મયભાઈ સાથે ગામમાં દિનેશભાઈ પરમારના ઘરે હાજર હતા ત્યારે હરેશ સોલંકી, જીતેન્દ્રભાઈ ચૌહાણ અને ઈલાબેન ચૌહાણે ભેગા મળી અંકિતભાઈને પકડી રાખી ગાળાગાળી કરી હતી. દરમિયાન હર્ષભાઈએ હાથમાં પહેરેલા કડાથી અંકિતભાઈના માથા, કાન, ખભા અને છાતીના ભાગે માર મારી મુંઢ ઈજાઓ પહોંચાડી હતી. તેમજ તન્મયભાઈને પણ માર મારી ઈજા પહોંચાડી હતી. આ ઉપરાંત જાનથી મારી નાખવાની ધમકી આપ્યાનો આક્ષેપ કરવામાં આવ્યો છે.આ મામલે અંકિતભાઈની ફરિયાદના આધારે કુવાડવા રોડ પોલીસે ત્રણેય આરોપીઓ વિરુદ્ધ BNSની સંબંધિત કલમો હેઠળ ગુનો નોંધી આગળની કાર્યવાહી હાથ ધરી છે. સફાઈ કરતી વખતે ભૂલથી એસિડવાળું પાણી પી જતાં મહિલાનું મોત રાજકોટના સાધુવાસવાણી રોડ પર આવેલા પાટીદાર ચોક પાસે સાઈદર્શન એપાર્ટમેન્ટમાં રહેતાં 52 વર્ષીય પૂજાબેન ભરતભાઈ ભીમાણીનું સારવાર દરમિયાન મોત નીપજ્યું હતું. ઘરમાં સફાઈ કરતી વખતે ભૂલથી એસિડવાળું પાણી પી જતાં તેમની તબિયત લથડી હોવાનું પોલીસમાં જાહેર થયું છે.પ્રાપ્ત વિગતો અનુસાર, ગત તા. 14 નવેમ્બરના રોજ સવારે આશરે 8:30 વાગ્યાના અરસામાં પૂજાબેન પોતાના ઘરે સફાઈ કરી રહ્યાં હતાં. આ દરમિયાન ભૂલથી એસિડવાળું પાણી પી જતાં તેમને પેટમાં અસહ્ય દુખાવો ઉપડ્યો હતો. જેથી પરિવારજનો દ્વારા તાત્કાલિક તેમને વાહન મારફતે સિદ્ધાર્થ હોસ્પિટલ ખાતે સારવાર માટે ખસેડવામાં આવ્યાં હતાં.હોસ્પિટલમાં ફરજ પરના તબીબે આ બનાવ અંગે ગાંધીગ્રામ-2 પોલીસને જાણ કરી હતી. જોકે, સારવાર દરમિયાન તા. 14 નવેમ્બરના રોજ રાત્રિના આશરે 10:25 વાગ્યે તેમનું મોત નીપજ્યું હોવાનું પોલીસ નોંધમાં જણાવાયું છે.આ બનાવ અંગે ગાંધીગ્રામ-2 પોલીસે અકસ્માતે મોત અંગે નોંધ કરી વધુ તપાસ હાથ ધરી છે. વૃંદાવન આવાસ સોસાયટીમાં પડોશી યુવાને ફટાકડા ફોડતા યુવતી દાઝી રાજકોટના વૃંદાવન આવાસ સોસાયટીમાં જોખમી રીતે ફટાકડા ફોડવાની બેદરકારીનો બનાવ સામે આવ્યો છે. સોસાયટીમાં બાકડા પર બેઠેલી મહિલાઓ પાસે ફટાકડા ફોડવામાં આવતાં એક યુવતીને સાથળના ભાગે ઈજા થતાં આ મામલે ગાંધીગ્રામ-2 પોલીસ સ્ટેશનમાં ફરિયાદ નોંધાવવામાં આવી છે. વૃંદાવન આવાસ સોસાયટીમાં રહેતા અર્જુનભાઈ ચાવડાએ નોંધાવેલી ફરિયાદમાં જણાવ્યું હતું કે, તા.8 નવેમ્બરના રોજ રાત્રિના આશરે સવા બાર વાગ્યાની આસપાસ તેમની બહેન કિરણબેન, માતા હંસાબેન અને અન્ય બહેન રીંકુબેન સોસાયટીની એલ વિંગ નીચે બાકડા પર બેઠાં હતાં.તે દરમિયાન સોસાયટીમાં જ રહેતા આશિષ ગોંડલિયાએ માનવજીવન જોખમાય તે રીતે સ્ફોટક ફટાકડા ફોડ્યા હતા જેને કારણે કિરણબેનને સાથળના ભાગે ઈજા થતાં દાઝી ગયાં હતાં.આ બનાવ અંગે ફરિયાદીના જણાવ્યા મુજબ, બેદરકારીપૂર્વક અને જોખમી રીતે ફટાકડા ફોડીને ઈજા પહોંચાડવા બદલ આશિષ ગોંડલિયા સામે ગાંધીગ્રામ-2 પોલીસ સ્ટેશનમાં BNSની કલમ 288 અને 125(એ) મુજબ ગુનો નોંધવામાં આવ્યો છે.
    Click here to Read More
    Previous Article
    જન્મદિવસે વાત્સલ્ય સેવા મિત્ર મંડળે વૃક્ષારોપણ કર્યું:જન્મેશભાઈ પ્રવિણભાઈ પરમારના જન્મદિવસે પર્યાવરણ સંરક્ષણનો સંદેશ આપ્યો
    Next Article
    તું મારી બહેન સાથે કેમ વાતચીત કરે છે?:ઇન્સ્ટાગ્રામ ચેટ મુદ્દે મોરબીના વેપારી પાસે 50 લાખની ખંડણી મગાઈ અને મારપીટ કરાઈ, 4 આરોપીની ધરપકડ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment