Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ‘અમે પ્રજાને શું જવાબ આપીએ? બધી બેદરકારી વહીવટી તંત્રની છે!’:ગુરુવારે CMના આગમન પહેલાં મંત્રી કનુ દેસાઈની તાબડતોબ બેઠક, MLA કુમાર કાનાણી અને મનુ પટેલ અધિકારીઓ પર લાલઘૂમ

    10 hours ago

    1

    0

    👍 ❤️ 😂 😮 😢 😡 😘 🤐 🥰

    સુરત શહેરમાં ખાડી પૂરના કારણે સર્જાયેલી ભયાનક અને કટોકટીભરી પરિસ્થિતિની રૂબરૂ સમીક્ષા કરવા માટે રાજ્યના મુખ્યમંત્રી ભૂપેન્દ્ર પટેલ આવતીકાલે ગુરુવારે સુરતની મુલાકાતે આવી રહ્યા છે. મુખ્યમંત્રી સુરત આવીને સીધા જ 'ઇન્ટિગ્રેટેડ કમાન્ડ એન્ડ કંટ્રોલ સેન્ટર' (I-CCC) ખાતે પહોંચશે અને ત્યાં વહીવટી તંત્રના ઉચ્ચ અધિકારીઓ સાથે એક અત્યંત મહત્વપૂર્ણ બેઠક યોજશે. આ બેઠકમાં પૂરના કારણે પ્રભાવિત વિસ્તારોની વર્તમાન સ્થિતિ, રાહત અને બચાવ કામગીરી અને ભવિષ્યની યોજનાઓ અંગે વિગતવાર સમીક્ષા કરવામાં આવશે. સીએમના અચાનક ગોઠવાયેલા આ પ્રવાસને પગલે સુરત મહાનગરપાલિકા અને જિલ્લા વહીવટી તંત્રમાં ભારે દોડધામ મચી ગઈ છે. CMના પ્રવાસ પૂર્વે કનુ દેસાઈની અધ્યક્ષતામાં તાબડતોબ હાઈ-લેવલ બેઠક મુખ્યમંત્રીના આગમન પૂર્વે જ સુરત શહેરમાં પૂરની ગંભીર પરિસ્થિતિને ધ્યાનમાં રાખીને નાણાં અને ઊર્જા મંત્રી કનુભાઈ દેસાઈની આગેવાની હેઠળ એક તાબડતોબ અને હાઈ-લેવલ સમીક્ષા બેઠકનું આયોજન કરવામાં આવ્યું હતું. આ બેઠકમાં વર્તમાન મ્યુનિસિપલ કમિશનર, પૂર્વ કમિશનર શાલિની અગ્રવાલ સહિત શહેરના તમામ ધારાસભ્યો અને સાંસદો ખાસ ઉપસ્થિત રહ્યા હતા. આ બેઠકનો મુખ્ય હેતુ ખાડી વિસ્તારમાં આવેલા પૂરને કારણે ઊભી થયેલી તકલીફો અને લોકો સુધી પહોંચાડવામાં આવતી રાહત સામગ્રી અંગે ચર્ચા કરવાનો હતો. આ બેઠકમાં મુખ્યમંત્રીના પ્રવાસ પૂર્વે તમામ તૈયારીઓને આખરી ઓપ આપવામાં આવ્યો હતો, પરંતુ બેઠક દરમિયાન નેતાઓનો આક્રોશ પણ બહાર આવ્યો હતો. વહીવટી તંત્ર પર ભડક્યા ધારાસભ્યો લાલઘૂમ સુરતના પૂર પ્રભાવિત વિસ્તારોના લોકોની વેદના જોઈને ભાજપના જ વરિષ્ઠ ધારાસભ્ય કુમાર કાનાણી અને ધારાસભ્ય મનુ પટેલ બેઠકમાં અધિકારીઓ અને મંત્રી સમક્ષ લાલઘૂમ થઈ ગયા હતા. ધારાસભ્યોએ વહીવટી તંત્રની કામગીરી સામે ગંભીર સવાલો ઉઠાવ્યા હતા અને ઉગ્ર સુરમાં પૂછ્યું હતું કે, "દર વર્ષે આ જ પરિસ્થિતિ સર્જાય છે, તો અમે જનતાની વચ્ચે જઈને શું જવાબ આપીએ? આ પરિસ્થિતિ માટે જવાબદાર કોણ?" નેતાઓએ આક્ષેપ કર્યો હતો કે અધિકારીઓની બેદરકારી અને આયોજનના અભાવના કારણે આજે હજારો લોકોના ઘરોમાં પાણી ઘૂસી ગયા છે અને પ્રજા ભારે મુશ્કેલીનો સામનો કરી રહી છે. ‘તમામ બેદરકારી તંત્રની છે, અમારી કોઈ જવાબદારી નથી’ – કુમાર કાનાણી બેઠક બાદ ધારાસભ્ય કિશોર (કુમાર) કાનાણીએ વહીવટી તંત્ર પર આકરા પ્રહારો કર્યા હતા. તેમણે ખુલ્લેઆમ જણાવ્યું હતું કે, "તંત્રની જે કંઈ પણ બેદરકારી હતી, એ તમામ પ્રકારની ખામીઓ અને ક્ષતિઓની વાત મેં મંત્રી સમક્ષ બેધડક રીતે મૂકી દીધી છે." જ્યારે પત્રકારોએ પૂછ્યું કે આ આખી પરિસ્થિતિ માટે કોણ જવાબદાર છે, ત્યારે કાનાણીએ સ્પષ્ટ શબ્દોમાં કહ્યું કે, "આ તમામ પ્રકારની જવાબદારી માત્ર ને માત્ર વહીવટી તંત્રની છે. અમારી એટલે કે ચૂંટાયેલા પ્રતિનિધિઓની કોઈ જવાબદારી બનતી નથી, કારણ કે અમે તો લોકોની વચ્ચે રહીને કામ કરીએ છીએ અને પ્રજાના મુદ્દાઓ ઉઠાવીએ છીએ." કાચા સાધનો અને સુવિધાઓના અભાવે પ્રજાને વેઠવી પડી હાલાકી કુમાર કાનાણીએ વધુમાં ઉમેર્યું કે, શહેરમાં પાણી ભરાવવાની જે સમસ્યા છે તે વહીવટી તંત્રના મિસમેનેજમેન્ટને કારણે છે. પૂરના સમયે તંત્ર પાસે પૂરતા અને આધુનિક સાધનો નહોતા, જે કાચા સાધનો હતા તેના કારણે બચાવ કામગીરીમાં વિલંબ થયો હતો. પ્રજા જે મુશ્કેલીઓનો સામનો કરી રહી છે તેની પાછળ તંત્રની અણઆવડત છતી થઈ છે. તેમણે મંત્રી કનુ દેસાઈ સમક્ષ રજૂઆત કરી છે કે જવાબદાર અધિકારીઓ સામે કડક પગલાં લેવામાં આવે જેથી ભવિષ્યમાં આવી બેદરકારીનું પુનરાવર્તન ન થાય અને લોકોને મુશ્કેલી ન પડે. ‘ક્લાયમેટ ચેન્જ અને 16 ઇંચ ભારે વરસાદ કારણ’ બીજી તરફ, રાજ્યના મંત્રી કનુભાઈ દેસાઈએ પત્રકારો સાથેની વાતચીતમાં સરકાર અને તંત્રનો બચાવ કરવાનો પ્રયાસ કર્યો હતો. તેમણે જણાવ્યું હતું કે, "આ વખતે સુરતમાં એકસાથે 16 ઇંચ જેટલો અતિભારે વરસાદ ખાબક્યો હતો અને તે જ સમયે દરિયામાં ભારે ભરતી (હાઇટાઇડ) હોવાને કારણે નદીઓ અને ખાડીઓમાં પાણી ઓસર્યા નહીં." જ્યારે પત્રકારોએ ઘેરીને પૂછ્યું કે દર વર્ષે ખાડી પૂર કેમ આવે છે, ત્યારે મંત્રીએ ગ્લોબલ વોર્મિંગનો હવાલો આપતા કહ્યું કે, "સમગ્ર દુનિયામાં જે રીતે ક્લાઇમેટ ચેન્જ થઈ રહ્યું છે, તેના કારણે આવી અણધારી પરિસ્થિતિઓ સર્જાય છે. જો કે, સરકાર પોતાની મર્યાદામાં રહીને પૂરા પ્રયત્નો કરી રહી છે." ખાડી પૂર એક્શન પ્લાન હજુ પણ અધૂરો જ્યારે મંત્રી કનુ દેસાઈને પૂછવામાં આવ્યું કે, ગાંધીનગર અને દિલ્હી સુધી હાઈ-લેવલ મીટિંગો થવા છતાં સુરત કેમ દર વર્ષે ડૂબે છે અને આનું કાયમી નિરાકરણ ક્યારે આવશે? ત્યારે તેમણે સ્વીકાર્યું હતું કે, "ગયા વર્ષે ખાડી પૂરના કાયમી ઉકેલ માટે જે એક્શન પ્લાન બનાવવામાં આવ્યો હતો, તેની કામગીરી હજુ સુધી પૂર્ણ થઈ શકી નથી. હાલમાં ખાડી કિનારેથી ઝીંગા તળાવો હટાવવાની કામગીરી અને અન્ય આયોજનો ચાલુ છે." આ બેઠકથી એ સ્પષ્ટ થઈ ગયું છે કે સુરતના નેતાઓ અને વહીવટી અધિકારીઓ વચ્ચે ભારે સંકલનનો અભાવ છે, જેના કારણે કરોડો રૂપિયાના પ્રોજેક્ટ્સ કાગળ પર જ રહી ગયા છે અને જનતા પૂરના પાણીમાં સલવાયેલી છે.
    Click here to Read More
    • Share:
    બોટાદમાં વી.સી.ઈ. મંડળ કમિટીની રચના:પ્રમુખ, ઉપપ્રમુખ, મહામંત્રી અને સહમંત્રીની બિનહરીફ વરણી
    Previous Article
    બોટાદમાં વી.સી.ઈ. મંડળ કમિટીની રચના:પ્રમુખ, ઉપપ્રમુખ, મહામંત્રી અને સહમંત્રીની બિનહરીફ વરણી
    Next Article
    Fitness Issues Still Remains A Concern For Pakistan, Says Sarfaraz Ahmed
    Fitness Issues Still Remains A Concern For Pakistan, Says Sarfaraz Ahmed

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send