Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    એનવિડિયાના ભૂતપૂર્વ CEO જેન્સનના 'સીક્રેટ અફેર'ની હેટ્રિક!:ચીની મહિલા, કંપનીની વાઇસ પ્રેસિડેન્ટ સાથે સંબંધ હતો; 18 નવેમ્બરે અમેરિકી સંસદમાં થશે અગ્નિપરીક્ષા

    11 hours ago

    વિશ્વની સૌથી મોટી AI ચિપ કંપની એનવિડિયાના ભૂતપૂર્વ CEO જેન્સેન હુઆંગને લઈને વધુ એક નવો ખુલાસો સામે આવ્યો છે. રોયટર્સના અહેવાલ મુજબ, હુઆંગનો વધુ એક મહિલા કર્મચારી સાથે સંબંધ હતો. આ મહિલાનું નામ જણાવવામાં આવ્યું નથી. અત્યાર સુધીમાં કુલ 3 મહિલાઓ સાથે જેન્સેનના સંબંધો સામે આવ્યા છે. આ પહેલાં ચીનની મહિલા એલિસ અને એનવિડિયાની જ એક કર્મચારી કિમ્બર્લી સાથે જેન્સેનના સંબંધોનો ખુલાસો થઈ ચૂક્યો છે. રોયટર્સે મામલાથી વાકેફ 2 લોકોના હવાલાથી જણાવ્યું છે કે હુઆંગનો વધુ એક મહિલા કર્મચારી સાથે પણ સંબંધ હતો. આ મહિલા કોણ છે, તે અંગે હજુ સુધી માહિતી આપવામાં આવી નથી. એનવિડિયાએ પણ આ અંગે કોઈ ટિપ્પણી કરી નથી. જેન્સેન હુઆંગે 12 નવેમ્બરે પોતાના પદ પરથી રાજીનામું આપી દીધું છે. તેમની જગ્યાએ કંપનીના ચીફ ફાઇનાન્સિયલ ઓફિસર અને એક્ઝિક્યુટિવ વાઇસ પ્રેસિડેન્ટ કોલેટ ક્રેસને વચગાળાના CEOની જવાબદારી સોંપવામાં આવી છે. વૈવાહિક સંબંધો બહારના અફેરને કારણે વિવાદોમાં આવેલા જેન્સેનના કારણે એનવિડિયાનું મૂલ્ય 5.5 ટ્રિલિયન ડૉલરથી ઘટીને લગભગ 4 ટ્રિલિયન ડૉલર થઈ ગયું છે. વૉલ સ્ટ્રીટ જર્નલનો દાવો- જેન્સેને રાજીનામું આપ્યું નથી, તેમને હટાવવામાં આવ્યા વૉલ સ્ટ્રીટ જર્નલનું કહેવું છે કે હુઆંગે પોતે રાજીનામું આપ્યું નથી, બોર્ડે તેમને હટાવવાનો નિર્ણય કર્યો હતો. 11 નવેમ્બરની રાત્રે બોર્ડની ઇમર્જન્સી બેઠક યોજાઈ હતી, જેમાં 11માંથી 10 ડિરેક્ટરો હુઆંગને હટાવવાના પક્ષમાં હતા. કંપનીએ સત્તાવાર નિવેદનમાં માત્ર રાજીનામાનો ઉલ્લેખ કર્યો છે, કારણ જણાવ્યું નથી. FBIની એન્ટ્રી, જેન્સેન 18 નવેમ્બરે સંસદમાં હાજર થશે અત્યાર સુધી માત્ર એનવિડિયાની આંતરિક તપાસ ચાલી રહી હતી. હવે FBI એ પણ પોતાની અલગ તપાસ શરૂ કરી દીધી છે. આ તપાસ બે બાબતો પર છે- શું એલિસ હુઆંગે ચિપ્સ ચીન પહોંચાડી હતી? શું હુઆંગ પાસેથી કોઈ ગુપ્ત માહિતી લેવામાં આવી હતી? ન્યાય વિભાગ (DOJ) પણ એલિસ સાથે જોડાયેલી ઘણી તપાસ કરી રહ્યો છે. એનવિડિયાની કમાણીના પરિણામો 17 નવેમ્બરે જાહેર થશે. તેના બીજા જ દિવસે, 18 નવેમ્બરે, હુઆંગને અમેરિકી સંસદમાં બંધ બારણે બ્રીફિંગ માટે બોલાવવામાં આવ્યા છે. જેન્સનની સંપત્તિ ઘટીને 6.92 લાખ કરોડ રૂપિયા થઈ એલિસ-જેન્સનના સંબંધો અને જાસૂસી મામલે તપાસ શરૂ થયા બાદથી એનવિડિયાના શેર 5% સુધી ઘટી ચૂક્યા છે. જેન્સનની સંપત્તિ ઘટીને 6.92 લાખ કરોડ રૂપિયા થઈ ગઈ છે. ફોર્બ્સની અમીરોની યાદીમાં જેન્સન બે સ્થાન નીચે સરકીને 10મા ક્રમે આવી ગયા છે. આ ઉથલપાથલ વચ્ચે રોકાણકારોની નજર 17 નવેમ્બરે જાહેર થનારા કંપનીના ત્રિમાસિક પરિણામો પર ટકેલી છે.
    Click here to Read More
    Previous Article
    શુભમન ગિલની જગ્યાએ શ્રેયસ અય્યર કેપ્ટન:ગુરનુર બરારે ટિમ સેફર્ટને આઉટ કરીને એગ્રેસિવ સેલિબ્રેશન કર્યું; ન્યૂઝીલેન્ડની બીજી વિકેટ પણ પડી
    Next Article
    ‘મને ઘરમાં નજરકેદ કરાયો’:પ્રદર્શન પહેલાં જ સોનમ વાંગચુકની 'ઘેરાબંધી', લદ્દાખ ચૂંટણીના વિરોધનું રણશિંગુ ફૂંકતા પહેલાં જ અવાજ દબાવવાનો પ્રયાસ?

    Related International Updates:

    Are you sure? You want to delete this comment..! Remove Cancel

    Comments (0)

      Leave a comment