Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાજપના પૂર્વ કાઉન્સિલરના ઘરે અજાણ્યા શખ્સોએ રેકી કરી, CCTV:વડોદરામાં ફોર્ચ્યુનર અને ટેક્સીમાં આવેલા 3 શખ્સ ઘરમાં પ્રવેશ્યા, 'વેપારીઓ જગ્યા જોવા આવ્યા ને ભૂલથી તેમના ઘરે પહોંચી ગયા હતા'

    4 days ago

    1

    0

    👍 ❤️ 😂 😮 😢 😡 😘 🤐 🥰

    વડોદરા શહેરના માંજલપુર વિસ્તારમાં રહેતા વોર્ડ નં. 18ના ભાજપના પૂર્વ કાઉન્સિલર કલ્પેશ પટેલ ઉર્ફે જય રણછોડના નિવાસસ્થાને અજાણ્યા શખ્સોએ રેકી કર્યાની ઘટના સામે આવી છે. આ મામલે તેમણે માંજલપુર પોલીસ સ્ટેશનમાં અરજી આપી છે અને માંજલપુર પોલીસ દ્વારા તપાસ હાથ ધરવામાં આવી છે. વેપારીઓ જગ્યા જોવા આવ્યા હતા, ભૂલથી તેમના ઘરે પહોંચી ગયા હતા વાઘોડિયાના યોગેશભાઈ કાપડિયા હતા, જેઓ જાણીતા બિઝનેસમેન છે, તેમની સાથે તેમના બે ભત્રીજા હર્ષ શૈલેષભાઈ કાપડિયા અને પર્વ શૈલેષભાઈ કાપડિયા પણ હતા. તેઓ આ વિસ્તારમાં 'બ્લિંકિટ' માટે કોઈ પ્લોટ ભાડે રાખવા માટે જોવા આવ્યા હતા. સરનામું શોધવામાં ભૂલ થવાને કારણે તેઓ એક નંબરના પ્લોટ કે મકાનની જગ્યાએ 25 નંબરમાં પ્રવેશ્યા હતાં. તેઓ ગેટ ખોલીને અંદર ગયા, ત્યાં આંટો માર્યો અને પછી બહાર નીકળી ગયાં. બપોરનો સમય હોવાથી તેમણે કોઈને હેરાન નહોતા કર્યા કે ઉઠાડ્યા નહોતા. પર્વ કાપડિયા તો વાઘોડિયા તાલુકા ભાજપ પ્રમુખ પદે કાર્યરત છે. પર્વ કાપડિયાએ જણાવ્યું હતું કે, ગેરસમજને કારણે આ બધું થયું હતું. બીજું કંઈ નથી. 'અજાણ્યા પુરુષોને જોઈને તેઓ ખૂબ જ ગભરાઈ ગયા' ભાજપના પૂર્વ કાઉન્સિલર કલ્પેશ પટેલે જણાવ્યું હતું કે, ગઈકાલે હું કોઈ કામ અર્થે બહાર હતો. તે દરમિયાન કેટલાક અજાણ્યા શખ્સો મારા ઘરે આવી પહોંચ્યા હતા. તે સમયે ઘરમાં ફક્ત મહિલાઓ જ હતી. મારી પત્ની, માતા અને તેમના કેર-ટેકર અજાણ્યા પુરુષોને જોઈને તેઓ ખૂબ જ ગભરાઈ ગયા હતાં. મને ફોન આવતા જ મેં તાત્કાલિક પોલીસ કંટ્રોલ રૂમ પર ફોન કરીને પોલીસની મદદ માંગી અને પોલીસને અરજી પણ આપી. હું રાત્રે મોડો ઘરે પહોંચ્યો, ત્યાં સુધીમાં પોલીસની કાર્યવાહી પૂરજોશમાં ચાલી રહી હતી.. 'ભૂલથી તેઓ મારા 25 નંબરના મકાને આવી ગયા હતાં' તેઓએ વધુમાં જણાવ્યું હતું કે, પોલીસની કામગીરી ખૂબ જ સુંદર અને પ્રશંસનીય રહી. પોલીસ ઇન્સ્પેક્ટર અને તેમની ટીમે રાત્રે 2 વાગ્યા સુધી સતત CCTV ફૂટેજ તપાસ્યા અને મહેનત કરી. છેવટે, પેલા ત્રણ શખ્સોનો સંપર્ક થયો અને આજે સવારે તેઓ અહીં હાજર પણ થયા હતાં. તેમની સાથે વાતચીત કરતા માલૂમ પડ્યું કે તેઓ વ્યવસાયે વેપારી છે અને એક પ્લોટની શોધમાં આવ્યા હતાં. તેમને 1 નંબરના મકાને જવાનું હતું, પરંતુ ભૂલથી તેઓ મારા 25 નંબરના મકાને આવી ગયા હતાં. આ એક ગેરસમજ હતી, પણ તેમના અચાનક આવવાથી ઘરનું વાતાવરણ ગંભીર બની ગયું હતું. 'ત્વરિત તપાસને કારણે સાચી હકીકત સામે આવી' તેઓએ કહ્યું કે, જે રીતે પરિસ્થિતિ ઊભી થઈ હતી, તેનાથી પરિવારમાં ડર હતો. પરંતુ પોલીસની સક્રિયતા અને ત્વરિત તપાસને કારણે સાચી હકીકત સામે આવી છે અને અમને રાહત મળી છે. હું પોલીસની આ કામગીરીને ખરેખર બિરદાવું છું. 'ત્રણેય વ્યક્તિઓની ઓળખ કરી હતી' ACP પ્રણવ કટારિયાએ જણાવ્યું હતું કે, ગઈકાલે માંજલપુર પોલીસ સ્ટેશનમાં વોર્ડ નંબર 18ના કોર્પોરેટર કલ્પેશ પટેલ દ્વારા એક અરજી આપવામાં આવી હતી. આ અરજીમાં જણાવવામાં આવ્યું હતું કે, રવિવારના રોજ બપોરે આશરે 3 વાગ્યાની આસપાસ તેમના ઘરે ત્રણ અજાણ્યા ઇસમો આવ્યા હતાં. અરજી મળતા જ માંજલપુર પોલીસ દ્વારા ગંભીરતાપૂર્વક તપાસ શરૂ કરવામાં આવી હતી. અમે ઘટનાસ્થળના સીસીટીવી ફૂટેજ તપાસ્યા હતા, જેમાં આવનાર વ્યક્તિઓ અને તેઓ જે ફોર્ચ્યુનર ગાડી લઈને આવ્યા હતા તેની વિગતો મળી હતી. આ પુરાવાઓના આધારે અમે ઊંડાણપૂર્વક તપાસ હાથ ધરી અને તે ત્રણેય વ્યક્તિઓની ઓળખ કરી હતી. 'કોઈ પણ પ્રકારની ગુનાહિત હકીકત સામે આવી નથી' તેઓએ વધુમાં જણાવ્યું હતું કે, ઓળખાયેલા ત્રણ વ્યક્તિઓના નામ યોગેશકુમાર કાપડિયા, પર્વ કાપડિયા અને હર્ષ કાપડિયા છે. તપાસ દરમિયાન જાણવા મળ્યું કે, તેઓ પોતાના વ્યવસાય માટે એક પ્લોટ જોવા આવ્યા હતા. હકીકતમાં તેઓ પ્લોટ નંબર 1 જોવા જવાના હતા, પરંતુ એડ્રેસ સમજવામાં ભૂલ થવાને કારણે તેઓ ભૂલથી પ્લોટ નંબર 25 પહોંચી ગયા હતા. આ મામલે કોઈ પણ પ્રકારની ગુનાહિત હકીકત સામે આવી નથી. આ માત્ર એડ્રેસની ગેરસમજને કારણે બનેલી ઘટના હતી. અમે તે વ્યક્તિઓના નિવેદનો લીધા છે અને આ અંગે કોર્પોરેટરને પણ જાણ કરી દેવામાં આવી છે. ‘અજાણ્યા શખ્સોએ ઘરમાં ઘૂસી રેકી કરી’ રવિવારે (22 માર્ચ)બપોરે લગભગ સવા બેથી અઢી વાગ્યાની વચ્ચે એક ફોર્ચ્યુનર અને એક ટેક્સી કલ્પેશ પટેલના ઘર નજીક આવી હતી. આ દરમિયાન અજાણ્યા શખ્સો તેમના ઘરના કમ્પાઉન્ડમાં ઘૂસ્યા હતા. તેઓએ ઘરમાં પ્રવેશીને રેકી કરી ગયા હોવાનો પણ દાવો કલ્પેશ પટેલે કર્યો છે. રેકી કરતા શખ્સો CCTVમાં કેદ CCTV ફૂટેજમાં ત્રણ જેટલા અજાણ્યા શખ્સો નજરે પડ્યા હતા. તેમના ચહેરા અને હલચલના આધારે લૂંટ અથવા અન્ય ગુનાહિત ઇરાદાથી આવ્યા હોવાની શંકા વ્યક્ત કરવામાં આવી છે. ઘટના બાદ CCTV તપાસતા જાણવા મળ્યું કે અજાણ્યા શખ્સો રેકી કર્યા બાદ સ્થળ પરથી ભાગી ગયા હતા. સમગ્ર મામલો માંજલપુર પોલીસ સુધી પહોંચ્યો છે અને પોલીસે તપાસ શરૂ કરી છે. એક ફોર્ચ્યુનર અને એક ટેક્સી મારા ઘર પાસે આવી: પૂર્વ કાઉન્સિલર ભાજપના પૂર્વ કાઉન્સિલર કલ્પેશ પટેલે જણાવ્યું હતું કે, રવિવારે બપોરે લગભગ 2:15 થી 2:30 વાગ્યાની વચ્ચે આ ઘટના બની હતી. અચાનક બે ગાડીઓ એક ફોર્ચ્યુનર અને એક ટેક્સી મારા ઘર પાસે આવી હતી. CCTV ફૂટેજમાં જોતા લગભગ ત્રણ અજાણ્યા શખ્સો મારા ઘરમાં પ્રવેશતા દેખાય છે. તેમના ચહેરા અને હાવભાવ પરથી ચોક્કસપણે એવું લાગે છે કે તેઓ લૂંટના ઈરાદે જ આવ્યા હતા. ‘મને ન્યાયની પૂરી આશા છે’ તેઓએ વધુમાં જણાવ્યું હતું કે, મેં આ અંગે માંજલપુર પોલીસમાં અરજી આપી દીધી છે. હવે આ પોલીસ તપાસનો વિષય છે કે તેઓ કોણ હતા અને તેમનો સાચો હેતુ શું હતો. મને ન્યાયની પૂરી આશા છે. અત્યારે રાજ્યમાં ભાજપની સરકાર છે અને આપણા ગૃહમંત્રી હર્ષ સંઘવી પોલીસ તંત્ર માટે દિવસ-રાત મહેનત કરી રહ્યા છે. મને વિશ્વાસ છે કે પોલીસ તંત્ર આ મામલે ત્વરિત તપાસ કરીને મને ચોક્કસપણે ન્યાય અપાવશે.
    Click here to Read More
    • Share:
    સુરેન્દ્રનગરમાં શહીદ દિવસની ઉજવણી:ભગતસિંહ, રાજગુરુ, સુખદેવને શ્રદ્ધાંજલિ અર્પણ, પદયાત્રા યોજાઈ
    Previous Article
    સુરેન્દ્રનગરમાં શહીદ દિવસની ઉજવણી:ભગતસિંહ, રાજગુરુ, સુખદેવને શ્રદ્ધાંજલિ અર્પણ, પદયાત્રા યોજાઈ
    Next Article
    4 વર્ષથી ફરાર છેતરપિંડીનો આરોપી પકડાયો:પોરબંદર LCB એ સુરતમાંથી ધરપકડ કરી
    4 વર્ષથી ફરાર છેતરપિંડીનો આરોપી પકડાયો:પોરબંદર LCB એ સુરતમાંથી ધરપકડ કરી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send