Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    'BJPના વોશિંગ મશીનમાં દાખલ થતા જ બધા પાપ ધોવાય ગયા':વડોદરામાં યુસુફ પઠાણને પ્લોટ આપવાની તૈયારી, કોંગ્રેસે કહ્યું- 'ભાજપની વિરુદ્ધમાં હતા તો નોટિસ મળી'ને હવે ગિફ્ટ મળશે'

    6 hours ago

    TMCમાંથી સાંસદ તરીકે ચૂંટાયા બાદ NDAના સમર્થમાં આવતા જ પૂર્વ ક્રિકેટ યુસુફ પઠાણના વડોદરાની જમીનનો 14 વર્ષ જૂનો વિવાદ ઉકેલાવાની તૈયારી થઈ ચૂકી છે. તાંદલજા સ્થિત નિવાસ સ્થાન પાસેની TP-22ના ફાઇનલ પ્લોટ નં.90ની ₹20.53 કરોડની 978 ચો.મી. જમીન ફાળવી દેવાનો રાજ્ય સરકાર દ્વારા નિર્ણય કરાયો છે, જેમાં વુડા 478 ચોરસ મીટર જમીન તેના પ્રવર્તમાન વેલ્યુએશનના 55% રકમ વસૂલીને ફાળવશે, જ્યારે 500 ચો.મી. જગ્યા વડોદરા મનપા યુસુફ પઠાણને ભેટ સ્વરૂપે આપવાની તૈયારી થઈ ચૂકી છે. ત્યારે કોંગ્રેસે રાજય સરકાર અને વડોદરા મહાનગરપાલિકાની કાર્યવાહીને લઈ સવાલ ઉઠાવ્યો છે. પ્રદેશ પ્રમુખ અમિત ચાવડાએ આક્ષેપ કરતા કહ્યું કે, યુસુફ પઠાણ NDAના સમર્થનમાં આવતા જ તેના માટે જાણે કાયદાઓ બદલાઈ ગયા. આગામી દિવસોમાં વડોદરા મહાનગરપાલિકાની મળનારી સામાન્ય સભામાં કોંગ્રેસે વિરોધની તૈયારી કરી છે. સરકારી સાથે ગોઠવણ થઈ જાય તો બધા કાયદા બદલાય જાય- અમિત ચાવડા ગુજરાત કોંગ્રેસના પ્રદેશ પ્રમુખ અમિત ચાવડાએ જણાવ્યું કે, ભાજપની સરકાર જ્યાંરથી આવી ત્યારથી દરેક બાબતમાં બેવડા ધોરણ અપનાવવામાં આવે છે. ગુજરાતમાં કોઈ સામાન્ય પરિવારને કે BPLના પરિવારને 100 ચોરસ ફૂટનો પ્લોટ લેવો હોય તો તેને ચંપલ ઘસવા પડે અને પેઢીઓ નીકળી જાય તેમ છતાં 100 ચોરસ ફૂટનો પ્લોટ મળતો નથી. કોઈ સામાજિક કાર્યકર્તા હોય અને તે રાહત દરે પ્લોટ માંગવા જાય તો તેને કાયદા બતાવવામાં આવે છે. જો તમે શિક્ષણ કે આરોગ્ય માટે સરકારી જગ્યા પર વ્યવસ્થા ઊભી કરી તો તમારી પાસે લેન્ડ ગ્રેબિંગનો ગુનો દાખલ કરવામાં આવે. જો સરકાર સાથે ગોઠવણ થઈ જાય તો બધા કાયદા બદલાઈ જાય છે. 'જેની સામે લેન્ડગ્રેબિંગની ફરિયાદ થવાની હતી તેને હવે જમીન ગિફ્ટમાં મળશે' જાણીતા ક્રિકેટર યુસુફ પઠાણ જે વડોદરાના વતની છે જેમને પોતાના ઘરની બાજુની સરકારી જગ્યા રહેણાક માટે ફાળવવા માટે વર્ષ 2012માં કોર્પોરેશન પાસે માંગણી કરી હતી. વધુમાં અમિત ચાવડાએ જણાવ્યું હતું કે, જે બાદ પ્રતિ સ્ક્વેર મીટરે 57,270 ભાવ નક્કી થાય છે. જે બાદ સ્ટેન્ડિંગ કમિટીની મીટીંગ બાદ જૂન 2012માં યુસુફ પઠાણને જમીન આપવા માટેની દરખાસ્ત કરે છે. જાણીતા ક્રિકેટર હોવાથી અને દેશનું નામ રોશન કર્યું હોવાથી જમીન આપવા માટે દરખાસ્ત થાય છે તે વખતે યુસુફ પઠાણ કોઈ પાર્ટી સાથે જોડાયેલા ન હતા. જે બાદ દરખાસ્ત શહેરી વિકાસમાં જાય છે, જે બાદ જૂન 2014માં નામંજૂર કરીને દરખાસ્ત પરત મોકલવામાં આવે છે. યુસુફ પઠાણી ઘણી બધી મેચ રમી દેશનું રામ રોશન કર્યું ત્યારે એક પણ વખત ભાજપે તેમને સન્માન આપ્યું નહીં. 2014માં દરખાસ્ત મંજૂર થયા બાદ યુસુફ પઠાણને 2024માં નોટિસ મોકલવામાં આવે છે. 10 વર્ષ સુધી કોઈ કાર્યવાહી થતી નથી. જેવા TMCમાંથી સંસદ સભ્ય બને તેવો કબજો ખાલી કરવા નોટિસ આપવામાં આવે છે. નહીં તો તમારી સામે લેન્ડ ગ્રેબિંગની કાર્યવાહી કરવામાં આવશે. જેની સામે યુસુફ પઠાણ હાઇકોર્ટમાં જાય છે જ્યાં ડબલ જજની બેન્ચ જંત્રી મુજબની કિંમત વસૂલ કરવા ડાયરેક્શન આપે છે. જે જમીન ની કિંમત 20 કરોડ રૂપિયા છે. જમીન વિવાદમાં ક્યારે શું થયું? 3 માર્ચ, 2012 : યુસુફ પઠાણે પ્લોટ માગ્યો યુસુફ પઠાણે મ્યુ.કમિશનરને પત્ર લખી પોતાના બંગલાની બાજુના 978 ચો. મીટરના પ્લોટની ફાળવણી કરવા માગ કરી હતી.30 માર્ચ અને 8 જૂન, 2012ના રોજ સભામાં પ્લોટની ફાળવણીની દરખાસ્ત આગળ વધારાઈ હતી. પ્લોટની જાહેર હરાજી વિના 99 વર્ષના ભાડાપટે ફાળવણી કરવાની પ્રક્રિયા હાથ ધરાઈ હતી. 9 જૂન, 2014: સરકારે દરખાસ્ત નામંજૂર કરી રાજ્ય સરકારે જાહેર હરાજી વિના પ્લોટની ફાળવણીની દરખાસ્તને મંજૂરી આપી ન હતી. 6 જૂન, 2024: મામલો કોર્ટમાં પહોંચ્યો પાલિકાએ પ્લોટની ફાળવણીની દરખાસ્ત નામંજૂર થયેલી હોવાનો ઉલ્લેખ કરી કથિત દબાણ દૂર કરવા તાત્કાલિક કાર્યવાહી કરવાનો આદેશ આપ્યો હતો. યુસુફ પઠાણે આ નિર્ણયને હાઈકોર્ટમાં પડકાર્યો હતો. 21 ઑગસ્ટ, 2025ના રોજ ગુજરાત હાઇકોર્ટે યુસુફ પઠાણની અરજી ફગાવી દીધી હતી. 4 ફેબ્રુઆરી, 2026: સિંગલ જજના ચુકાદા સામે અપીલ સિંગલ જજના ચુકાદાને પડકારવા યુસુફ પઠાણે હાઈકોર્ટની ડિવિઝન બેન્ચ સમક્ષ અપીલ દાખલ કરી હતી. 8 જૂન, 2026ના રોજ હાઇકોર્ટે જમીનની કાયદેસરની ફાળવણી થઈ ન હોય અને રકમ ચૂકવાઈ ન હોય તો સરકારી જમીન પર કબજો કેવી રીતે મેળવ્યો? કોર્ટે પાલિકાના અધિકારીઓની ભૂમિકા અંગે સવાલ ઉઠાવ્યા હતા. 15 જૂન, 2026: સમય માગવાની કાર્યવાહી પઠાણના વકીલે આંતરરાષ્ટ્રીય ક્રિકેટરોને જમીન ફાળવણી અંગેની રાજ્ય સરકારની નીતિનો આધાર લઈને રજૂઆત આગળ વધારવા સમય માગ્યો હતો. 18 જૂન, 2026: પાલિકાએ પ્લોટની હરાજીની તૈયારી કરી પાલિકાએ શહેરના 7 પ્લોટની હરાજી માટેની દરખાસ્ત સ્થાયી સમિતિમાં મૂકી હતી. તેમાં તાંદલજાનો 978 ચો.મીટરનો પ્લોટ પણ સામેલ હતો. આ પ્લોટ માટે અંદાજિત અપસેટ વેલ્યૂ પ્રતિ ચો. મીટર 2.10 લાખ દર્શાવાઈ હતી. આ પ્રમાણે કુલ કિંમત આશરે 20.53 કરોડ થતી હતી. 13 ઓગસ્ટ, 2026: સરકારનો ઠરાવ રાજ્ય શહેરના વિકાસ મંત્રાલયે ગિફ્ટમાં જમીન આપવા ઠરાવ કર્યો. 31 ઓગસ્ટ, 2026: યુસુફ પઠાણે હાઈકોર્ટમાંથી અપીલ પાછી ખેંચી આ કેસનો સૌથી મહત્ત્વનો વળાંક 31 ઑગસ્ટ, 2026ના રોજ આવ્યો હતો. જેમાં યુસુફ પઠાણે કોર્ટમાં કરેલી અપીલ પાછી ખેંચી હતી. પઠાણે 2012માં પ્લોટ માગ્યો હતો, ઓગસ્ટ-2026માં હાઇકોર્ટમાંથી અપીલ પાછી ખેંચી હતી. 20 ઓક્ટોબર, 2026: સ્ટેન્ડિગ કમિટીને દરખાસ્ત વડોદરા મ્યુનિસિપલ કમિશનરે પ્લોટ ફાળવવવા માટે સ્ટેન્ડિગ કમિટીને દરખાસ્ત મોકલી.
    Click here to Read More
    Previous Article
    કુખ્યાત ભાવેશ ઝીલિયા પર હુમલાના આરોપી પર ફાયરિંગ:પાટણમાં બાઇક પર આવેલા બે બુકાનીધારી શખસ 5-6 રાઉન્ડ ગોળીબાર કરી ફરાર, જમીન મામલે હુમલાની ચર્ચા
    Next Article
    Mercedes And Question Of Sins: Tamil Nadu Judge vs MP Battle Shifts Gears

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment