Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સ્વચ્છતામાં પ્રથમ નંબર બદલ AMC સફાઈ કર્મચારીઓનું મીઠાઈ ખવડાવી સન્માન:મેયરે નાગરિકોનો આભાર માન્યો, કોર્પોરેશનની દાણાપીઠ ઓફિસે ફટાકડા ફોડી ઉજવણી કરી

    7 hours ago

    અમદાવાદ અને સાણંદને સ્વચ્છતા સર્વેક્ષણ 2025-26માં સ્વચ્છ શહેર જોડી તરીકેનું દેશમાં પ્રથમ સ્થાન મળ્યું છે. આજે(12 નવેમ્બર) અમદાવાદ મ્યુનિસિપલ કોર્પોરેશનની મુખ્ય ઓફિસ દાણાપીઠ ખાતે એવોર્ડ મળવા બદલ ફટાકડા ફોડીને ઉજવણી કરવામાં આવી હતી. મેયર સહિતના મ્યુનિસિપલ કોર્પોરેશનના ભાજપના પદાધિકારીઓ અને અધિકારીઓ દ્વારા સફાઈ કર્મચારીઓનું સન્માન કરીને મીઠાઈ ખવડાવવામાં આવી હતી. ‘સફાઈ કર્મચારીઓ અને નાગરિકોની મદદથી સ્વચ્છ શહેર બન્યું’ મેયર હિતેશ બારોટે મળેલા એવોર્ડને બિરદાવતા કહ્યું હતું કે, કોર્પોરેશનના સફાઈ કર્મચારીઓ અને નાગરિકોની મદદથી શહેરના સ્વચ્છ બનાવવામાં સફળતા મળી છે. સાણંદ 573માં નંબર પર હતું જે આજે પ્રથમ સ્થાન મેળવ્યું છે. શહેરમાં એક સમયે કચરાના ઢગલા જોવા મળતા હતા જેમાં ડોર ટુ ડોર અને સેગ્રીગેશન કરવામાં આવ્યું અને ઘરેથી સીધો કચરો ડમ્પ સાઈડ પર પહોંચે તે પ્રકારની વ્યવસ્થા ગોઠવવામાં આવી છે. રાત્રી અને દિવસ દરમિયાન કરવામાં આવતી સફાઈથી સ્વચ્છ શહેર બનાવવામાં આવ્યું છે. જેમાં નાગરિકોનો પણ ખૂબ સારો સહયોગ રહ્યો છે. સફાઈ કર્મચારીઓ અને નાગરિકોની મદદથી સ્વચ્છ શહેરમાં પ્રથમ નંબર સતત જાળવી રાખવા માટે પ્રયાસ કરવામાં આવશે. સફાઈ કર્મચારીઓનું ફૂલોથી સન્માન કરાયું આજે 12 નવેમ્બરના રોજ નવા વર્ષની સૌપ્રથમ સ્ટેન્ડિંગ કમિટીની બેઠક મળી હતી. જેમાં સ્વચ્છતાના એવોર્ડ બદલ તમામ અધિકારીઓનો આભાર માનવામાં આવ્યો હતો. સ્વચ્છતા સર્વેક્ષણ 2025- 26માં અમદાવાદ મ્યુનિસિપલ કોર્પોરેશનને પ્રથમ નંબર મળવા બદલ મ્યુનિસિપલ કોર્પોરેશનના પદાધિકારીઓમાં મેયર હિતેશ બારોટ, ડેપ્યુટી મેયર અંજુબેન શાહ, સ્ટેન્ડિંગ કમિટી ચેરમેન કમલેશ પટેલ, શાસક પક્ષના નેતા જશુ ઠાકોર અને દંડક અતુલ મિશ્રા તેમજ ડેપ્યુટી મ્યુનિસિપલ કમિશનર, સોલિડ વેસ્ટ મેનેજમેન્ટ વિભાગના અધિકારીઓ દ્વારા મહિલા અને પુરુષ સફાઈ કર્મચારીઓનું ફૂલો અને મીઠાઈ ખવડાવીને સન્માન કરવામાં આવ્યું હતું. ફટાકડા ફોડીને સફાઈ કરવામાં આવી શહેરને સ્વચ્છ બનાવવામાં સફાઈ કર્મચારીઓનો ખૂબ મોટો ફાળો રહ્યો હતો, ત્યારે સફાઈ કર્મચારીઓએ સ્વચ્છ શહેરના પ્રથમ નંબર મેળવવાની ઉજવણીના ભાગરૂપે મ્યુનિસિપલ કોર્પોરેશનની મુખ્ય ઓફીસ દાણાપીઠ ખાતે ફટાકડા ફોડીને ઉજવણી કરી હતી. મેયર સહિતના પદાધિકારીઓને અધિકારીઓની હાજરીમાં ફટાકડા ફોડવામાં આવ્યા હતા. જોકે ત્યારબાદ કોર્પોરેશન પરિસરમાં ફટાકડા ફોડવાથી થયેલા કચરાની પણ તાત્કાલિક ધોરણે મેયર સહિતના પદાધિકારીઓ દ્વારા સફાઈ કરી દેવામાં આવી હતી જેથી સ્વચ્છતાનો પણ એક સંદેશ આપવામાં આવ્યો હતો.
    Click here to Read More
    Previous Article
    કાવડ સાથે પદયાત્રાએ નીકળેલો યુવાન મોરબી જિલ્લામાં પહોંચ્યો:618 દિવસમાં 5,300 કિલોમીટર પદયાત્રા પૂર્ણ કરી; હજુ 11 મહિના ચાલશે;સનાતન ધર્મના સંદેશનો હેતુ
    Next Article
    "Work On Success Stories" Of Country: PM Modi To Indian Media At Diwali Milan

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment