Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ન્યૂઝીલેન્ડમાં ઈન્ડિયા-A અને ન્યૂઝીલેન્ડ-A વચ્ચેની ત્રીજી અન-ઑફિશિયલ ટેસ્ટ ડ્રો:સતત બીજા દિવસે વરસાદને કારણે એક પણ બોલ ફેંકાયો નહીં; સિરીઝ 0-0થી બરાબર

    9 hours ago

    ન્યૂઝીલેન્ડના લિંકનમાં ઈન્ડિયા-A અને ન્યૂઝીલેન્ડ-A વચ્ચેની ત્રીજી અને અંતિમ અન-ઑફિશિયલ ટેસ્ટ મંગળવારે વરસાદના કારણે ડ્રો થઈ ગઈ. ચોથા દિવસે બપોરે 1 વાગ્યે (સ્થાનિક સમય) મેચ સમાપ્ત કરવાનો નિર્ણય લેવામાં આવ્યો. સતત બીજા દિવસે વરસાદને કારણે એક પણ બોલ ફેંકી શકાયો નહીં. આ સાથે જ ત્રણ મેચની સિરીઝ કોઈ પરિણામ વિના 0-0થી સમાપ્ત થઈ. આ સિરીઝ 19 નવેમ્બરથી ભારત અને ન્યૂઝીલેન્ડ વચ્ચે શરૂ થનારી બે ટેસ્ટ મેચની સિરીઝની તૈયારીની દૃષ્ટિએ મહત્વપૂર્ણ હતી. નંબર-3ની રેસમાં પડિકલ અને સાઈ સુદર્શનની દાવેદારી મજબૂત સિનિયર ટીમમાં નંબર-3ના સ્થાન માટે દાવેદારી કરી રહેલા દેવદત્ત પડિકલ અને સાઈ સુદર્શને આ સિરીઝમાં સારું પ્રદર્શન કર્યું. પડિકલે પ્રથમ અન-ઑફિશિયલ ટેસ્ટમાં 199 રનની ઇનિંગ રમી હતી. જ્યારે સાઈ સુદર્શને પ્રથમ મેચમાં 91 અને ત્રીજી મેચમાં 88 રન બનાવ્યા. તેણે સિરીઝમાં બે ફિફ્ટી ફટકારી. જયસ્વાલે ફટકારી બીજી સદી, જુરેલ અને તિલકે પણ બનાવ્યા રન ઓપનર યશસ્વી જયસ્વાલે ત્રીજી મેચમાં 102 રનની ઇનિંગ્સ રમી. આ સિરીઝમાં તેની બીજી સદી હતી. તેણે 5 ઇનિંગ્સમાં 69.75ની સરેરાશથી 279 રન બનાવ્યા. વિકેટકીપર બેટર ધ્રુવ જુરેલે 71 રન બનાવ્યા. રિષભ પંત સાઇડ સ્ટ્રેનમાંથી સાજો થઈ રહ્યો છે, તે દરમિયાન જુરેલ પ્રથમ ટેસ્ટની પ્લેઇંગ-11માં સ્થાન મેળવવાના દાવેદાર છે. બીજી તરફ, તિલક વર્માએ અણનમ 81 રન બનાવીને ઈન્ડિયા-Aની પ્રથમ ઇનિંગ્સ 464/5ના સ્કોર પર ડિક્લેર કરવામાં યોગદાન આપ્યું. બુમરાહ અને પ્રસિદ્ધને બોલિંગની ઓછી તક મળી, જાડેજા બોલિંગ કરી શક્યો નહીં સિનિયર ટેસ્ટ સિરીઝની તૈયારી માટે ઈન્ડિયા-Aની ટીમમાં જસપ્રીત બુમરાહ, પ્રસિદ્ધ ક્રિષ્ના અને રવીન્દ્ર જાડેજાને સામેલ કર્યા હતા. જોકે, વરસાદને કારણે બુમરાહ અને પ્રસિદ્ધ મળીને માત્ર 11 ઓવર બોલિંગ કરી શક્યા. જાડેજાને બોલિંગ કરવાની તક મળી નહીં. હેમસ્ટ્રિંગની ઈજામાંથી સ્વસ્થ થઈને કમબેક કરી રહેલા પ્રસિદ્ધ ક્રિષ્નાએ ન્યૂઝીલેન્ડ-Aની બંને વિકેટ ઝડપી. તેણે 12 રન આપીને 2 વિકેટ ઝડપી. બીજી તરફ, બુમરાહને કોઈ વિકેટ મળી નહીં. ફોક્સક્રોફ્ટે બનાવ્યા 196 રન, ગિબ્સન સિરીઝનો ટોપ વિકેટટેકર ન્યૂઝીલેન્ડ-A માટે ઓલરાઉન્ડર ડીન ફોક્સક્રોફ્ટ સૌથી સફળ બેટર રહ્યો. તેણે 4 ઇનિંગ્સમાં 65.33ની સરેરાશથી 196 રન બનાવ્યા. જ્યારે અનકેપ્ડ ઝડપી બોલર જેક ગિબ્સને સમગ્ર સિરીઝમાં સૌથી વધુ 8 વિકેટ લીધી. ન્યૂઝીલેન્ડની સિનિયર ટેસ્ટ ટીમની જાહેરાત થવાની બાકી છે. ટોમ લેથમ, ડેરીલ મિચેલ અને ગ્લેન ફિલિપ્સ જેવા સિનિયર ખેલાડીઓ વન-ડે સિરીઝ બાદ ટેસ્ટ સિરીઝની તૈયારીઓમાં જોડાશે.
    Click here to Read More
    Previous Article
    જુહી ચાવલાએ લલિત મોદીના સૂચનનું સમર્થન કર્યું:કહ્યું- એપ્રિલ-મેની ભીષણ ગરમીને બદલે જાન્યુઆરીમાં IPL યોજાવું જોઈએ
    Next Article
    અદનાન સામી સાથે મુંબઈ એરપોર્ટ પર થઈ ગેરવર્તણૂક:સ્ટાફ પર ભડક્યા, એરલાઈને આશ્વાસન આપ્યું તો કહ્યું- નામ લેવાની રીત પણ નથી આવડતી, શિષ્ટાચાર શીખો

    Related સપોર્ટ Updates:

    Are you sure? You want to delete this comment..! Remove Cancel

    Comments (0)

      Leave a comment