Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ગીતામંદિરથી રિક્ષામાં બેસાડી દાણીલીમડા લઈ જઈ નણંદ-ભાભીને લૂંટનાર બે ઝડપાયા:રાજસ્થાનથી આવી રામોલ જવા મહિલાઓ નીકળી હતી, પંચરનું બહાનું કાઢી છરીથી હુમલો કરી 91 હજાર પડાવ્યા હતા

    1 day ago

    અમદાવાદમાં રિક્ષામાં મુસાફરોને બેસાડી લૂંટ ચલાવવાના બનાવ સતત વધી રહ્યા છે. ત્યારે વધુ એક બનાવ સામે આવ્યો. દાણીલીમડામાં રીક્ષા ચાલક સહિત બે શખસોએ રાજસ્થાનના નણંદ-ભાભીને આર.વી.ડેનિમની ગલીમાં લઈ જઈ પંચર પડ્યાનું બહાનું કાઢી નીચે ઉતરવા જણાવ્યું પરંતુ મહિલાઓએ નીચે ઊતરવાની ના પાડતાં બંને શખસે છરીથી હુમલો કરી સોનાના દાગીના સહિત રૂપિયા 91 હજારની મત્તા લૂંટી ફરાર થઈ ગયા હતા. આ અંગે દાણીલીમડા પોલીસે બંને શખસ સામે ગુનો નોંધી આરોપીઓની ધરપકડ કરી છે. રાજસ્થાનથી ગીતા મંદિરે ઉતર્યાંથી ત્યાંથી રામોલ જવા રિક્ષામાં બેઠા રાજસ્થાનના પાલી જિલ્લાના ધનાપુરા ગામે રહેતાં 52 વર્ષીય રાજકુંવરબેન નરપતસિંગ પરમાર અને સિરોહી જિલ્લાના ભેવ ગામે રહેતાં તેમનાં નણંદ ગૌરીકવર છગનસિંગ રાઠોડ 11 નવેમ્બરે ટ્રાવેલ્સમાં અમદાવાદ આવવા નીકળ્યાં હતાં. રામોલના અદાણી સર્કલ પાસે દેવસ્ય સિટીમાં રહેતા ભાણેજ પર્વતસિંહ ચૌહાણના પિતાનું ઓપરેશન થયું હોવાથી બંને તેમનાં ખબરઅંતર પૂછવા આવ્યા હતા. 12 નવેમ્બરે વહેલી સવારે બંને મહિલા ગીતામંદિર એસટી સ્ટેન્ડ ખાતે ઊતર્યાં હતાં. ત્યાંથી રામોલ જવા રિક્ષામાં બેઠાં હતાં. એ જ રીક્ષામાં ચાલકનો સાગરીત પણ હતો. રિક્ષા ચાલક રામોલના બદલે દાણીલીમડાની ગલીમાં લઈ ગયો રિક્ષા ચાલકે બંને મહિલાને રામોલ લઈ જવાને બદલે દાણીલીમડાની આર.વી.ડેનિમની ગલીમાં લઈ ગયો હતો. ત્યાં રિક્ષા ઊભી રાખી પંચર પડ્યું હોવાનું કહી બંને મહિલાને નીચે ઊતરવા કહ્યું હતું. પરંતુ ઊતરવાની ના પાડતાં બંને શખસોએ મહિલાઓ પર છરીથી હુમલો કરી મોઢું દબાવી ₹ 91 હજારની મતા લૂંટી બંને શખસ ફરાર થઈ ગયા હતા. ઈજાગ્રસ્ત હાલતમાં બંને મહિલાઓ થોડે દૂર જઈ બીજી રિક્ષામાં સિંગરવામાં રહેતા નાના ભાણેજ વિષ્ણુસિંહ ચૌહાણના ઘરે પહોંચ્યાં હતાં. લૂંટ ચલાવનાર બંનેની ધરપકડ અને ગુનાહિત પ્રવૃતિવાળા જે બાદ સમગ્ર મામલે મહિલાએ દાણીલીમડા પોલીસ સ્ટેશનમાં અજાણ્યા શખસો સામે ફરિયાદ નોંધાવી હતી. જેના આધારે પોલીસે રિક્ષા ચાલક મોહમદ જુનેદ કલીમ રંગરેજ અને મોહસીન ઈકબાલ મેમણની ધરપકડ કરી છે. આ અંગે દાણીલીમડા પીઆઈ સી.ટી.દેસાઈએ જણાવ્યું કે રૂપિયાની લાલચમાં લૂંટ કરી હતી. આરોપી જુનેદ સામે અગાઉ જાહેરનામા ભંગના બે ગુના નોંધાયેલા છે અને મોહસીન સામે ઘરફોડ, ચોરી સહિતના 6 ગુના નોંધાયેલા છે. તેમજ મોહસીને લૂંટનું આયોજન કર્યું અને જુનેદને રૂપિયાની લાલચ આપી તેની સાથે સામેલ કર્યો હતો.
    Click here to Read More
    Previous Article
    ગુજરાતમાં પરિવર્તનનું વાવાઝોડું ફૂંકાશે ને 2027માં કોંગ્રેસ આવશે:રાજકોટમાં પ્રદેશ અધ્યક્ષે કહ્યું - GEN-Z પેઢીની દેશમાં આઝાદીની લડત, ચૂંટણીમાં ભણેલા યુવાનોને ટિકિટ અપાશે
    Next Article
    Charity Owns Commerce, Listing Will Change The Tata Way: Noel Tata

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment