મોર્નિંગ ન્યૂઝ બ્રીફ:ઇરાનમાં વિનાશ વેરવા ટ્રમ્પે સેનાને ત્રણ ટાર્ગેટ આપ્યા, ભારત સહિત 9 દેશોમાં હાહાકાર, ગુજરાતમાં ગરમીનો બાટલો ફાટ્યો, રાજકોટ ધખધખ્યું

નમસ્તે, ગઈકાલના મોટા સમાચાર ઈરાન યુદ્ધને કારણે ભારતમાં સર્જાયેલા કોમર્શિયલ સિલિન્ડર સંકટના છે. ઘણી જગ્યાએ હોટલોમાં જમવાનું મળી રહ્યું નથી. બીજી તરફ દુનિયાના 9 દેશોમાં ઓઈલની તંગી સર્જાઈ છે. ⏰ આજની ઈવેન્ટ્સ, જેના પર રહેશે નજર 1. PM મોદી તમિલનાડુ-કેરળની મુલાકાત લેશે. 16,450 કરોડના પ્રોજેક્ટ્સનું ઉદ્ઘાટન અને શિલાન્યાસ કરશે. 2. સંસદમાં બજેટ સત્રના બીજા તબક્કાનો ત્રીજો દિવસ. સ્પીકર ઓમ બિરલા વિરુદ્ધ અવિશ્વાસ પ્રસ્તાવ પર ચર્ચા થશે. 📰 કાલના મોટા સમાચારો 1. ભારતમાં રાંધણ ગેસ માટે હાહાકાર: MPથી મહારાષ્ટ્ર સુધી સપ્લાય ઠપ:‘ESMA’ લાગુ; હોટલ-રેસ્ટોરન્ટ્સ બંધ થવાના આરે, ગેસ મળતો નથી કેન્દ્ર સરકારે દેશભરમાં 'એસેન્શિયલ કોમોડિટી એક્ટ 1955(ESMA)' લાગુ કરી દીધો છે. હોર્મુઝ જળમાર્ગના રસ્તે થતી ગેસ સપ્લાય ઠપ થયા બાદ સરકારે આ પગલું ભર્યું છે. ગેસની અછતને ધ્યાનમાં રાખીને દિલ્હી, મધ્યપ્રદેશ, મહારાષ્ટ્ર, ઉત્તર પ્રદેશ, રાજસ્થાન અને છત્તીસગઢ સહિત ઘણા રાજ્યોએ કોમર્શિયલ ગેસના સપ્લાય પર હાલ પૂરતો પ્રતિબંધ મૂક્યો છે. આ પ્રતિબંધને કારણે રેસ્ટોરન્ટ્સ અને હોટલો બંધ થવાની નોબત આવી ગઈ છે. નાના હોટલ અને ભોજનાલય ચલાવનારાઓએ સરકારને કહ્યું છે કે સપ્લાય ફરી શરૂ કરવામાં આવે. વાંચો સંપૂર્ણ સમાચાર 2. એશિયાના 9 દેશોમાં ઈમરજન્સી જેવી સ્થિતિ:ઓઈલ-ગેસ માટે હાહાકાર, ક્યાંક લિફ્ટ બંધ તો ક્યાંક પગારમાં કાપ, શું ભારત પર સંકટ વધશે? ઈરાન યુદ્ધની અસર હવે એશિયાના ઘણા દેશોમાં દેખાવા લાગી છે. ઓઇલ અને ગેસના પુરવઠાને અસર થવાને કારણે ઓછામાં ઓછા 9 એશિયન દેશોમાં ઉર્જા સંકટ ઘેરું બનવા લાગ્યું છે. પરિસ્થિતિ એવી છે કે અલગ-અલગ દેશોને ઇંધણ બચાવવા અને ઉર્જા સંકટનો સામનો કરવા માટે કડક પગલાં ભરવા પડ્યા છે. બાંગ્લાદેશમાં તમામ યુનિવર્સિટીઓ બંધ કરી દેવામાં આવી છે, જેથી વીજળી અને ઇંધણનો વપરાશ ઘટાડી શકાય. જ્યારે થાઈલેન્ડમાં સરકારી કચેરીઓમાં લિફ્ટના ઉપયોગ પર પ્રતિબંધ મૂકીને કર્મચારીઓને સીડીઓનો ઉપયોગ કરવાના નિર્દેશ આપવામાં આવ્યા છે અને વર્ક ફ્રોમ હોમ લાગુ કરવામાં આવ્યું છે. વાંચો સંપૂર્ણ સમાચાર 3. અમેરિકાએ કહ્યું- આજે ઈરાન પર સૌથી મોટા હુમલા થશે:ઈરાન બોલ્યું- ટ્રમ્પની ધમકીથી ડરતા નથી, અમને મારવાના ચક્કરમાં ક્યાંક તમે જ ખતમ ન થઈ જાઓ અમેરિકા-ઈઝરાયલ અને ઈરાન વચ્ચેના યુદ્ધનો આજે 11મો દિવસ છે. આ દરમિયાન અમેરિકી સંરક્ષણ મંત્રી પીટ હેગસેથે કહ્યું છે કે મંગળવારે ઈરાન પર અત્યાર સુધીના સૌથી મોટા અને સૌથી તીવ્ર હુમલા કરવામાં આવશે. હેગસેથના મતે, આ હુમલામાં મોટી સંખ્યામાં ફાઈટર જેટ અને બોમ્બર વિમાનો સામેલ હશે. તેમણે દાવો કર્યો કે ઈરાનની સૈન્ય ક્ષમતાઓ નબળી પડી રહી છે અને તે ખરાબ રીતે હારી રહ્યું છે. બીજી તરફ, ઈરાને પણ વળતો જવાબ આપતા કહ્યું છે કે તે ધમકીઓથી ડરનારા નથી અને જે લોકો ઈરાનને ખતમ કરવાની વાત કરે છે, તેમણે પોતાના અંજામ વિશે વિચારી લેવું જોઈએ. લારીજાનીએ ટ્રમ્પને ચેતવણી આપતા કહ્યું કે જે લોકો ઈરાનને મિટાવવાની વાત કરી રહ્યા છે, તેમણે સાવધાન રહેવું જોઈએ, ક્યાંક એવું ન થાય કે ઈરાનને મારવાના ચક્કરમાં તેઓ પોતે જ ખતમ થઈ જાય. વાંચો સંપૂર્ણ સમાચાર 4. સ્પીકર બિરલા સામે અવિશ્વાસ પ્રસ્તાવ:ગોગોઈએ કહ્યું- રાહુલને 20 વખત ટોકવામાં આવ્યા; રિજિજુએ જવાબ આપ્યો: પ્રિયંકાને વિપક્ષના નેતા બનાવ્યા હોત તો સારું થાત લોકસભામાં મંગળવારે વિપક્ષ સ્પીકર ઓમ બિરલાને પદ પરથી હટાવવા માટે અવિશ્વાસ પ્રસ્તાવ લાવ્યો. 50થી વધુ સાંસદોએ પ્રસ્તાવની તરફેણમાં મતદાન કર્યું. આ પછી પીઠાસીને પ્રસ્તાવ રજૂ કરવાની પરવાનગી આપી દીધી. હવે આ પ્રસ્તાવ પર 10 કલાક ચર્ચા ચાલી રહી છે. વિપક્ષે ઓમ બિરલા પર સદનની કાર્યવાહીમાં પક્ષપાત કરવાનો આરોપ લગાવ્યો છે. ચર્ચાની શરૂઆત કોંગ્રેસ સાંસદ ગૌરવ ગોગોઈએ કરી. તેમણે કહ્યું કે બજેટ સત્ર દરમિયાન 20 વખત નેતા પ્રતિપક્ષ રાહુલ ગાંધીને રોકવામાં આવ્યા. તેમને વારંવાર રૂલિંગ બુક બતાવવામાં આવી. તેમણે પોતાની સ્પીચમાં એક આર્ટિકલનો હવાલો આપ્યો. તેના પર તેમને રોકવામાં આવ્યા, પરંતુ સત્તા પક્ષના સાંસદોએ ભારતમાં પ્રતિબંધિત પુસ્તકો સદનમાં બતાવી. વાંચો સંપૂર્ણ સમાચાર 5. ટીમ ઈન્ડિયા પર રૂપિયાનો વરસાદ:BCCI ₹131 કરોડ આપશે, ખેલાડીઓ, સ્ટાફ અને સિલેક્ટર્સને અભિનંદન પાઠવ્યા, ભારત ત્રીજી વખત T20 વર્લ્ડ ચેમ્પિયન ભારતીય ક્રિકેટ કંટ્રોલ બોર્ડ (BCCI) એ T20 વર્લ્ડકપ 2026 જીતવા બદલ ટીમ ઈન્ડિયા માટે 131 કરોડ રૂપિયાના ઈનામની જાહેરાત કરી છે. ભારતે રવિવારે ફાઇનલમાં ન્યુઝીલેન્ડને હરાવીને આ ખિતાબ પોતાના નામે કર્યો. અમદાવાદના નરેન્દ્ર મોદી સ્ટેડિયમમાં રમાયેલી ફાઇનલ મેચમાં ભારતે શાનદાર પ્રદર્શન કરતા ન્યુઝીલેન્ડને હરાવી ટ્રોફી જીતી લીધી. આ સાથે જ ટીમ ઈન્ડિયાએ પોતાનો ખિતાબ જાળવી રાખ્યો અને T20 વર્લ્ડકપના ઇતિહાસમાં સતત બે વાર ટ્રોફી જીતનારી પ્રથમ ટીમ બની ગઈ. BCCI એ ખેલાડીઓ, સપોર્ટ સ્ટાફ અને સિલેક્ટર્સને આ ઐતિહાસિક સિદ્ધિ બદલ અભિનંદન પાઠવ્યા છે. બોર્ડે આશા વ્યક્ત કરી કે ટીમ ભવિષ્યમાં પણ આ જ રીતે શાનદાર પ્રદર્શન કરીને દેશનું નામ રોશન કરતી રહેશે. વાંચો સંપૂર્ણ સમાચાર 6. ‘દરેક ઘરમાં ચૂલો સળગે એ સરકારની પ્રાયોરિટી’:કોમર્શિયલ સિલિન્ડર પણ મળતો રહેશે, ફર્ટિલાઇઝર-દૂધ માટે 40% કાપ; મિડલ ઇસ્ટમાં તણાવ વચ્ચે ઊર્જા મંત્રીની હૈયાધારણા અમેરિકા-ઇઝરાયલ અને ઇરાનના યુદ્ધના કારણે રાજ્યમાં ગેસ પુરવઠાને લઈને ઉદ્યોગોમાં મર્યાદા મૂકવામાં આવ્યા બાદ રાંધણ ગેસ અંગે લોકોમાં ઊભી થયેલી ચિંતાઓ વચ્ચે ઊર્જા મંત્રી ઋષિકેશ પટેલે સ્પષ્ટતા કરી છે કે સામાન્ય નાગરિકોને મળતા રાંધણ ગેસના પુરવઠામાં કોઈ તકલીફ ન થાય તે માટે સરકાર સતત પ્રયત્નશીલ છે. તેમણે જણાવ્યું કે રાજ્ય સરકાર આ મુદ્દે કેન્દ્ર સરકાર સાથે સતત સંપર્કમાં છે અને પરિસ્થિતિ પર નજીકથી નજર રાખી રહી છે. દરેક ઘરમાં ચૂલો સળગે એ સરકારની પ્રાયોરિટી છે અને કોમર્શિયલ સિલિન્ડર પણ મળતો રહેશે. મિડલ ઇસ્ટમાં તણાવ વચ્ચે રાજ્યના નાગરિકોને ઊર્જા મંત્રીએ હૈયાધારણા આપી છે. વાંચો સંપૂર્ણ સમાચાર 7. અમદાવાદમાં ડામર પીગળતા ચંપલ ચોંટ્યા:42 ડિગ્રી સાથે રાજકોટ સૌથી ગરમ, 5 શહેરનો પારો 41ને પાર; હજુ 3 દિવસ અંગ દઝાડતી ગરમી પડશે ગુજરાતમાં ગરમીનો પારો આસમાને પહોંચતા જનજીવન પ્રભાવિત થયું છે. આજના મહત્તમ તાપમાનની વાત કરવામાં આવે તો 42 ડિગ્રી સાથે રાજકોટ સૌથી ગરમ રહ્યું છે. તો અમદાવાદ, દીવ, વડોદરા, ડીસા, ભૂજનું મહત્તમ તાપમાન પણ 41 ડિગ્રીને પાર રહ્યું છે. હવામાન વિભાગ દ્વારા રાજ્યના 9 જિલ્લામાં ઓરેન્જ અને 11 જિલ્લામાં યલો એલર્ટ સાથે હીટવેવનું એલર્ટ જાહેર કરવામાં આવ્યું છે, જ્યારે આગામી 3 દિવસ સુધી કાળઝાળ ગરમીનો પ્રકોપ યથાવત્ રહેવાની આગાહી કરવામાં આવી છે. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : સુપ્રીમ કોર્ટે કહ્યું- UCC લાગુ કરવાનો સમય આવી ગયો છે:સંસદ નિર્ણય કરે, શરિયત કાયદાની કલમો રદ કરવાથી કાયદાકીય શૂન્યાવકાશ સર્જાઈ શકે છે વાંચો સંપૂર્ણ સમાચાર 2.ઈન્ટરનેશનલ : ઈરાનના ખાર્ગ આઈલેન્ડ પર હુમલો થયો તો વિશ્વયુદ્ધ નક્કી!:એક્સપર્ટે કહ્યું- આ ઇરાનનું કરોડરજ્જુ, અહીંથી 90% ઈરાની તેલનું એક્સપોર્ટ વાંચો સંપૂર્ણ સમાચાર 3.નેશનલ : જમ્મુ-કાશ્મીરના નૌશેરામાં એક આતંકવાદી ઠાર:સેનાને બે આતંકવાદીઓની ઘૂસણખોરીની જાણકારી મળી હતી, બીજાની શોધખોળ ચાલુ વાંચો સંપૂર્ણ સમાચાર 4.ઈન્ટરનેશનલ : ઈરાનથી ખામેનીની તસવીર લઈને બાળક થાઈલેન્ડ પાછો ફર્યો:લેબનાનમાં પરિવારો સ્કૂલોમાં રહેવા મજબૂર, 22 તસવીરોમાં યુદ્ધનો વિનાશ વાંચો સંપૂર્ણ સમાચાર 5.બિઝનેસ : હવે વિદેશ પ્રવાસ મોંઘો થયો:ઈન્ટરનેશનલ ફ્લાઇટ્સનું ભાડું 15% વધ્યું, ક્રૂડ ઓઇલના ભાવમાં વધારાથી જેટ ઇંધણના ભાવ બમણા થયા; ઈરાન યુદ્ધની અસર વાંચો સંપૂર્ણ સમાચાર 6.સ્પોર્ટ્સ : જસપ્રીત બુમરાહ T-20 ઓછી, વનડે વધુ રમશે:2027 વનડે વર્લ્ડ કપની તૈયારી પર રહેશે ફોકસ, વર્કલોડ મેનેજ કરશે બોર્ડ વાંચો સંપૂર્ણ સમાચાર 7.ધર્મ તહેવાર જ્યોતિષ : ગુરુની ચાલ બદલાશે: 2 જૂન સુધી મિથુન રાશિમાં રહેશે, કન્યા-ધનના જાતકોનો રાજયોગ શરૂ; જાણો ગ્રહનું ગોચર તમારા માટે કેટલું શુભ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ સ્વપ્નમાં જીજાજીએ છેડતી કરી, 7 વર્ષ ચાલ્યો કેસ કાનપુરમાં સગીર સાળી સાથે છેડતીના આરોપમાં ફસાયેલા જીજાજીને 7 વર્ષ બાદ કોર્ટે નિર્દોષ જાહેર કરીને મુક્ત કર્યા છે. સાળીએ હવે કહ્યું કે જીજાજીએ હકીકતમાં છેડતી કરી ન હતી, પરંતુ તેને સ્વપ્નમાં છેડતી થઈ હોવાનો ભ્રમ થયો હતો. પહેલા આપેલા નિવેદનને કારણે એરફોર્સના કર્મચારીને 19 દિવસ જેલમાં રહેવું પડ્યું હતું. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. આજનું એક્સપ્લેનર: આગામી 24 કલાકમાં અમેરિકા-ઈરાન યુદ્ધનો અંત આવશે? કયા 5 મોટા સંકેતો મળી રહ્યા છે, નેતન્યાહુ કઈ શરત પર માનશે 2. પેટ્રોલપંપમાં ઘૂસીને અંધાધૂંધ ફાયરિંગ કર્યું: ખૂંખાર ગુનેગાર મનીષસિંહે ડબલ મર્ડર કરી બોટાદને ધ્રૂજાવ્યું, નાસ્તાની લારીથી શરૂ થયેલું ઓપરેશન મુંબઇ પહોંચ્યું 3. ગુજરાતની વેપારી સંસ્થાએ યુદ્ધમાં ફસાયેલા માટે હેલ્પ ડેસ્ક શરૂ કર્યું: સામાન ઓછો રાખવાની અપીલ કરી, બિઝનેસમેન સહિત 6 લોકો સુરક્ષિત અમદાવાદ પાછા ફર્યા 4. ગ્રાઉન્ડ રિપોર્ટ : મુસ્લિમ સાથે લગ્ન, ભાઈનું ભણતર અને રાશન બંધ: મંદિરમાં એન્ટ્રી નહીં, છોકરી શહેર ભાગી ગઈ; ગામના લોકો બોલ્યા- આ ધર્માંતરણનું ષડયંત્ર 5. ભાસ્કર એક્સપ્લેનર : રોકેટ બનાવવાનો સામાન લઈને ચીનથી 2 જહાજ રવાના: ઈરાનની મદદ કેમ કરી રહ્યા છે જિનપિંગ?, શું અમેરિકા રસ્તામાં ઊડાવી દેશે? 6. Editor’s View : યુદ્ધ વખતે જ ઈરાનના બે દોસ્ત ચૂપ: પડદા પાછળ રશિયા અને ચીન ખિચડી રાંધે છે; કેમિકલ વેપન ભરેલા ચીનથી નીકળેલા બે જહાજનું રહસ્ય ઘેરાયું 🌍 કરંટ અફેર્સ ⏳ આજના દિવસનો ઈતિહાસ 📊​​​​​​​ માર્કેટની સ્થિતિ 🌦️ મોસમનો મિજાજ બુધવારનું રાશિફળ: મિથુન-કુંભ રાશિના જાતકો માટે પ્રગતિના દ્વાર ખુલશે, કન્યા રાશિના લોકોને રોકાણથી મોટો ફાયદો થશે વાંચો સંપૂર્ણ રાશિફળ