Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    કૃષ્ણનગરમાં જૈન દેરાસરમાંથી પૂજારીએ 9 કિલો ચાંદી ચોરી:વતનમાં મકાનનું કામ ચાલતું હોવાથી દેવું વધી જતા ચોરી કરી, આરોપીની ધરપકડ

    6 hours ago

    અમદાવાદના કૃષ્ણનગર સ્થિત મહાસુખનગર જૈન દેરાસરમાંથી ભગવાન શ્રી વાસુપૂજ્ય સ્વામીની મૂર્તિની રૂ. 4 લાખની કિંમતની આશરે 9 કિલો ચાંદીની આંગી (વસ્ત્રો) ચોરાઈ હોવાની ઘટના સામે આવી છે. વતનમાં મકાનનું બાંધકામ ચાલતું હોવાથી દેવું વધી જતાં દેરાસરના પૂજારીએ જ આ ચોરી કરી હોવાનું ખુલ્યું છે. કૃષ્ણનગર પોલીસે ફરિયાદના આધારે આરોપી પૂજારીની ધરપકડ કરી તેની પાસેથી 6.224 કિલો ચાંદી રિકવર કરી વધુ તપાસ હાથ ધરી છે. પર્યુષણ બાદ મૂર્તિ પર ચાંદીના વસ્ત્રો ન દેખાતા ચોરીની જાણ થઈ ​કૃષ્ણનગરમાં સિનેપ્રાઇઝ સિનેમા પાસે મંગલદીપ સોસાયટીમાં રહેતા 63 વર્ષીય કનુભાઈ રતિલાલ શાહ સેજપુર બોઘા જીડી હાઈસ્કૂલ પાસે આભૂષણ જ્વેલર્સ નામની દુકાન ધરાવે છે. તેઓ છેલ્લા 9 વર્ષથી મહાસુખનગર સ્થિત જૈન દેરાસરમાં પ્રમુખ તરીકે વહીવટી કામ અને દેખરેખની સેવા આપે છે. દેરાસરમાં પૂજા-પાઠ, ભગવાનના આભૂષણ તથા વસ્ત્રો પહેરાવવા અને સાફ-સફાઈ માટે ટ્રસ્ટ દ્વારા 8 વર્ષ પહેલાં સાબરકાંઠા જિલ્લાના વિજયનગર તાલુકાના ડગલા ગામના રહેવાસી અશ્વિનભાઈ રમેશભાઈ સોલંકીને પૂજારી તરીકે નોકરી પર રાખવામાં આવ્યા હતા. ગત 27 સપ્ટેમ્બરે જૈન સમાજના પર્યુષણ મહોત્સવ દરમિયાન ટ્રસ્ટ દ્વારા 15 વર્ષ પહેલાં રૂ. 4 લાખની કિંમતે બનાવવામાં આવેલા આશરે 9 કિલો ચાંદીના વસ્ત્રો ભગવાન વાસુપૂજ્ય સ્વામીની મૂર્તિને પહેરાવેલા જોવા મળ્યા હતા. ત્યારબાદ 17 નવેમ્બરે પ્રમુખ કનુભાઈ શાહ દેરાસરમાં ગયા, ત્યારે મૂર્તિ પર ચાંદીના વસ્ત્રો જોવા મળ્યા ન હતા. દેવું ચૂકતે કરવા દેરાસરની ચાવીનો ઉપયોગ કરી ચોરી કરી આ અંગે દેરાસરના અન્ય કારોબારી સભ્યોને પૂછપરછ કરતા જાણવા મળ્યું કે, ઘણા સમયથી ભગવાનને ચાંદીના વસ્ત્રો પહેરાવવામાં આવતા ન હતા. બીજી તરફ, દેરાસરના પૂજારી અશ્વિન સોલંકી 2 નવેમ્બરે નોકરી છોડીને જતા રહ્યા હતા. જેથી 27 સપ્ટેમ્બરથી 17 નવેમ્બર, 2026ના સમયગાળા દરમિયાન પૂજારી અશ્વિન સોલંકી જ આ ચાંદીના વસ્ત્રો ચોરી કરીને લઈ ગયા હતા. આ અંગે કૃષ્ણનગર પોલીસ સ્ટેશનમાં પૂજારી અશ્વિન સોલંકી સામે ફરિયાદ નોંધાવતા પોલીસે આરોપીની ધરપકડ કરીને 6.224 કિલો ચાંદી રિકવર કરી છે. આરોપીની પૂછપરછ કરતા તેને વતનમાં મકાનનું કામ ચાલતું હોવાથી લોકો પાસેથી રૂપિયા લીધા તે દેવું ચૂકતે કરવા દેરાસરની ચાવી તેની પાસે રહેતી હોવાથી ચોરી કરી હતી.
    Click here to Read More
    Previous Article
    'BJP-RSSને ભારતીય પરંપરાઓની સમજ નથી':રાહુલ ગાંધીએ કહ્યું- આ લોકો અસંસ્કારી, લોભી અને પુરુષપ્રધાન છે; અર્ધનારીશ્વરની તસવીર શેર કરી
    Next Article
    હિંમતનગરમાં 14 ગોળના પરિવારો એક મંચ પર મળ્યા:કડવા પાટીદાર સમાજના સ્નેહમિલનમાં શિક્ષણ, આરોગ્ય અને યુવાધનના વિકાસ માટે સહયોગનો સંકલ્પ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment