Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    વાવાઝોડું અકવાન: ઓડિશામાંથી 80 હજાર લોકોને સુરક્ષિત સ્થળે ખસેડાયા:6 જિલ્લાઓમાં 3 દિવસ સ્કૂલો બંધ; 10 રાજ્યોમાં અસર રહેશે, 110 કિમી પ્રતિ કલાકની ઝડપે પવન ફુંકાશે

    13 घंटे पहले

    ચક્રવાત અકવાન પહેલાં ઓડિશામાંથી 80 હજાર લોકોને સુરક્ષિત સ્થળોએ ખસેડવામાં આવ્યા છે. 6 જિલ્લાઓમાં 19થી 21 નવેમ્બર સુધી સ્કૂલો અને આંગણવાડીઓ બંધ રહેશે. ચક્રવાતને કારણે 10 રાજ્યોમાં અસર થવાની આશંકા છે. ચક્રવાતી વાવાઝોડું અકવાન શુક્રવારે બપોરે આંધ્ર પ્રદેશના નરસાપુર અને ઓડિશાના પુરી વચ્ચેના દરિયાકાંઠે ટકરાઈ શકે છે. આ દરમિયાન 90થી 110 કિમી પ્રતિ કલાકની ઝડપે પવન ફૂંકાવાની શક્યતા છે. આ પહેલાં સમાચાર એજન્સી ANIએ ગુરુવારે ચક્રવાત અકવાન દરિયાકાંઠે ટકરાવાની આગાહી કરી હતી. વાવાઝોડાની અસરને કારણે ઓડિશા, પશ્ચિમ બંગાળ અને આંધ્ર પ્રદેશમાં ભારે વરસાદ પડી રહ્યો છે. IMD અનુસાર, વાવાઝોડાનો સામનો કરવા માટે નૌકાદળ અને અન્ય એજન્સીઓ તૈયારીઓમાં વ્યસ્ત છે. બીજી તરફ, રેલવેએ ગુરુવારે ત્રણ ટ્રેનોના ઉપડવાના સમયમાં ફેરફાર કર્યો છે. નકશામાં જુઓ, અકવાનની દિશા અને ક્યાં કેટલી અસર ઓડિશામાં વાવાઝોડાની અસરની 2 તસવીરો આંધ્ર પ્રદેશમાં વાવાઝોડાની અસરની તસવીરો… 8 રાજ્યો પર વાવાઝોડાની અસર, બચાવની તૈયારી 1. આંધ્ર પ્રદેશ: ચક્રવાત અકવાનની સૌથી વધુ અસર આંધ્ર પ્રદેશમાં થવાની આશંકા છે. હવામાન વિભાગના જણાવ્યા અનુસાર, 19 અને 20 નવેમ્બરે દરિયાકાંઠા વિસ્તારોમાં ભારેથી અતિ ભારે વરસાદ પડી શકે છે. 20 નવેમ્બરે વાવાઝોડું નેલ્લોર અને વિશાખાપટ્ટનમ વચ્ચેના દરિયાકાંઠે ટકરાઈ શકે છે. આ દરમિયાન પવનની ઝડપ 100થી 110 કિમી પ્રતિ કલાક સુધી હોઈ શકે છે. દરિયાકાંઠાના જિલ્લાઓમાં એલર્ટ જાહેર કરવામાં આવ્યું છે. NDRFની 13 અને SDRFની 11 ટીમો તહેનાત કરવામાં આવી છે. માછીમારોને દરિયામાં ન જવાની અને ખેડૂતોને પાકને સુરક્ષિત કરવાની સલાહ આપવામાં આવી છે. 2. ઓડિશા: 18થી 21 નવેમ્બર દરમિયાન ભારે વરસાદની આગાહી છે. ગંજામ, ગજપતિ, રાયગડા, કોરાપુટ અને મલકાનગિરી જેવા દક્ષિણના જિલ્લાઓમાં વધુ અસર થઈ શકે છે. નીચાણવાળા વિસ્તારોમાં પાણી ભરાવા અને પહાડી વિસ્તારોમાં ભૂસ્ખલનનું જોખમ છે. સરકારે 8 જિલ્લાઓમાં 2 લાખ 4 હજારથી વધુ લોકોની ઓળખ કરી છે, જેમને જરૂર પડ્યે સુરક્ષિત સ્થળે પહોંચાડવામાં આવશે. વહીવટીતંત્રે રાહત કેન્દ્રોને તૈયાર રાખવાની અને સંવેદનશીલ ગામોમાં લોકોને સુરક્ષિત રીતે બહાર કાઢવાની તૈયારી કરી છે. હરભંગી અને બદનાળા ડેમમાંથી પાણી છોડવામાં આવી રહ્યું છે, જેથી ભારે વરસાદનું પાણી સંગ્રહિત કરવા માટે જગ્યા રહે. સમુદ્રમાં 14 મીટરથી ઊંચા મોજા ઉછળવાની આશંકા છે. 3. તમિલનાડુ: ઉત્તરી તમિલનાડુમાં 18 અને 19 નવેમ્બરે ભારેથી અતિભારે વરસાદ પડી શકે છે. ચેન્નાઈ સહિતના દરિયાકાંઠાના વિસ્તારોમાં પાણી ભરાવાની આશંકા છે. પવનની ઝડપ 60થી 70 કિમી પ્રતિ કલાક સુધી પહોંચી શકે છે. સમુદ્રમાં ઊંચાં મોજાં ઉછળી શકે છે. માછીમારોને સમુદ્રમાં ન જવાની સલાહ આપવામાં આવી છે. 4. પુડુચેરી: પુડુચેરી અને કરાઈકલમાં 18થી 20 નવેમ્બર દરમિયાન ભારે વરસાદ અને ભારે પવન ફૂંકાવાની આગાહી છે. સમુદ્રમાં ઊંચાં મોજાં ઉછળી શકે છે, જેના કારણે દરિયાકાંઠાના વિસ્તારોમાં મુશ્કેલી ઊભી થઈ શકે છે. અહીં પણ માછીમારોને સમુદ્રમાં ન જવાની સલાહ આપવામાં આવી છે. વહીવટીતંત્રને વરસાદ અને સમુદ્રની સ્થિતિ પર નજર રાખવાના નિર્દેશ આપવામાં આવ્યા છે. 5. તેલંગાણા: તેલંગાણામાં 20 અને 21 નવેમ્બરે ભારેથી અતિભારે વરસાદ પડી શકે છે. ખાસ કરીને રાજ્યના પૂર્વ ભાગોમાં ભારે વરસાદની આગાહી છે. નીચાણવાળા વિસ્તારોમાં પાણી ભરાવાની અને સ્થાનિક સ્તરે પૂર જેવી સ્થિતિ ઊભી થઈ શકે છે. વહીવટીતંત્રને સતર્ક રહેવા અને વરસાદથી અસર થનારા વિસ્તારો પર નજર રાખવા માટે કહેવામાં આવ્યું છે. 6. પશ્ચિમ બંગાળ: પશ્ચિમ બંગાળના દક્ષિણ ભાગોમાં 19 અને 20 નવેમ્બરે વરસાદ પડી શકે છે. દક્ષિણ 24 પરગણા, પૂર્વ મિદનાપુર, પશ્ચિમ મિદનાપુર અને ઝારગ્રામના કેટલાક વિસ્તારોમાં ભારે વરસાદની શક્યતા છે. 7. ઝારખંડ: ઝારખંડના કેટલાક વિસ્તારોમાં 20 અને 21 નવેમ્બરે વરસાદ થવાની આગાહી છે. કેટલીક જગ્યાએ ભારે વરસાદ પણ પડી શકે છે. હવામાન વિભાગની આગાહી અનુસાર સ્થાનિક વહીવટીતંત્રને સતર્ક રહેવા જણાવાયું છે. 8. છત્તીસગઢ: રાજ્યમાં ચક્રવાત સીધું અથડાશે નહીં, પરંતુ છત્તીસગઢના કેટલાક ભાગોમાં 20 અને 21 નવેમ્બરે વરસાદ પડી શકે છે. દક્ષિણ અને ઉત્તર જિલ્લાઓમાં કેટલીક જગ્યાએ ભારે વરસાદની આગાહી છે. ઈરાને દૈત્યના નામ પરથી અકવાન નામ રાખ્યું બંગાળની ખાડી અને અરબી સમુદ્રમાં ઉદ્ભવતા ચક્રવાતોના નામ રાખવાની શરૂઆત વર્ષ 2000માં થઈ હતી. આ માટે ભારત સહિત અનેક દેશોએ મળીને એક યાદી તૈયાર કરી હતી. વર્ષ 2018માં ઈરાન, કતાર, સાઉદી અરેબિયા, UAE અને યમન પણ આ જૂથમાં સામેલ થયા. આ દેશોના વારાના ક્રમ મુજબ ચક્રવાતોના નામ રાખવામાં આવે છે. નામ નક્કી કરતી વખતે ધ્યાન રાખવામાં આવે છે કે તે કોઈ રાજકારણ, ધર્મ, સંસ્કૃતિ અથવા વ્યક્તિ સાથે જોડાયેલા ન હોય. ઈરાને આ વખતે ચક્રવાતનું નામ અકવાન રાખ્યું છે. અકવાન ઈરાનની પૌરાણિક કથાઓમાં એક દૈત્યનું નામ છે. તેનો ઉલ્લેખ પર્શિયાના પ્રસિદ્ધ મહાકાવ્ય 'શાહનામા'માં મળે છે. કથા અનુસાર, અકવાન એક શક્તિશાળી દાનવ હતો, જેનો મુકાબલો યોદ્ધા રૂસ્તમ સાથે થયો હતો.
    Click here to Read More
    Previous Article
    ટ્રમ્પ-જિનપિંગ અને પુતિનની પહેલીવાર એકસાથે બેઠક:જિનપિંગ બોલ્યા- પરમાણુ શસ્ત્રો માનવજાતના માથા પર લટકતી તલવાર છે, તેનો સંપૂર્ણપણે નાશ કરી દેવો જોઈએ
    Next Article
    ભરૂચ અનાથ આશ્રમમાંથી દત્તક લીધેલા પુત્રને બેફામ ડમ્પરે કચડ્યો:સુરતમાં સાયકલ સવાર પ્રિન્સનું ઘટનાસ્થળે જ મોત, વડોદરામાં હોસ્પિટલ જઈ રહેલા દંપતીનું હિટ એન્ડ રનમાં મોત

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment