Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    પ્રેમીએ 8 લાખ માંગતા પરિણીતાનો આપઘાતનો પ્રયાસ:પતિ જેલમાંથી છૂટતા સંબંધ તોડ્યા; પ્રેમીએ ફોટા વાયરલ કરવાની ધમકી આપી; અભયમે મામલો થાળે પાડ્યો

    6 hours ago

    ​વસ્ત્રાપુરમાં રહેતી 27 વર્ષીય પરિણીતાનો પતિ 4 વર્ષ બાદ જેલમાંથી બહાર આવતા પરિણીતાએ પ્રેમી સાથે સંબંધો તોડી નાખ્યા હતા. જેથી પ્રેમીએ ચાર વર્ષમાં પરિણીતા પાછળ ખર્ચેલા રૂપિયા 8 લાખનો હિસાબ કાઢી પરત માંગ્યા હતા અને જો પૈસા ન આપે તો તેના ફોટા વીડિયો વાયરલ કરી બદનામ કરવાની ધમકી આપી હતી. પ્રેમીના બ્લેકમેઈલિંગ અને બદનામીના ડરથી ગભરાઈ પરિણીતાએ બ્લેડથી હાથ કાપી આત્મહત્યાનો પ્રયાસ કર્યો હતો. જો કે પરિણીતાની બહેનપણીએ 181 મહિલા હેલ્પલાઈનની મદદ લેતા અભયમની ટીમે ઘટનાસ્થળે પહોંચી પ્રેમીને કાયદાકીય સમજ આપી મામલો થાળે પાડ્યો હતો. પરણિતાનો પતિ 4 વર્ષ પહેલા જેલમાં ગયો હતો વસ્ત્રાપુર વિસ્તારમાં રહેતી 27 વર્ષીય પરિણીતાના પતિની ચાર વર્ષ પહેલાં એક ગુનામાં પોલીસે ધરપકડ કરી જેલ હવાલે કર્યો હતો. પતિ જેલમાં હોવાથી પરિણીતા ઘરે એકલી રહેતી હતી. તે દરમિયાન એક યુવકના સંપર્કમાં આવી હતી અને બંને વચ્ચે પ્રેમસંબંધ બંધાયો હતો. છેલ્લા ચાર વર્ષથી બંને અવારનવાર બહાર હરવા-ફરવા જતા હતા. પતિ જેલમાંથી છુટીને આવતા પ્રેમી સાથે સંબંધો તોડી નાખ્યા તાજેતરમાં જ પરિણીતાનો પતિ જેલમાંથી છૂટીને પરત ઘરે આવતા તેને પ્રેમી સાથે સંબંધ તોડી નાખ્યો હતો. સંબંધ તૂટી જતા પ્રેમીએ એક કાગળ પર ચાર વર્ષ દરમિયાન યુવતી પાછળ ખર્ચેલા ₹ 8 લાખનો હિસાબ લખ્યો હતો અને તે પરત માંગી હતી. પરિણીતાએ પૈસા આપવાની ના પાડતા પ્રેમીએ અંગત પળોના ફોટા અને વીડિયો સોશિયલ મીડિયામાં વહેતા કરવાની ધમકી આપી હતી. આત્મહત્યાનો પ્રયાસ કર્યો, યુવકે વીડિયો ડિલિટ કર્યાં પ્રેમીની ધમકીથી કંટાળી અને સમાજમાં બદનામી થશે તેવા ડરથી પરિણીતાએ બ્લેડથી પોતાના હાથમાં ચેકા મારી આત્મહત્યા કરવાનો પ્રયાસ કર્યો હતો. જેની જાણ પરિણીતાની બહેનપણીને થતા તેને 181 પર ફોન કરી મદદ માંગી હતી. મહિલા અભયમની ટીમે ઘટનાસ્થળે પહોંચીને પરિણીતા અને તેના પ્રેમીનું કાઉન્સેલિંગ કરીને મામલો થાળે પાડ્યો હતો. આટલું જ નહીં કાયદાકીય કાર્યવાહીના ડરથી પ્રેમીને પોતાની ભૂલ સમજાઈ હતી અને તેણે યુવતીના તમામ ફોટા તથા વીડિયો પોતાના મોબાઈલમાંથી ડિલીટ કરી દીધા હતા.
    Click here to Read More
    Previous Article
    માનવાધિકાર વિભાગની ટીમ 19મીએ અગરિયાઓને મળશે:ખારાઘોડા પંચાયત, સેતુ હોસ્પિટલની મુલાકાત લેશે; પ્રાથમિક સુવિધાઓ અંગે તપાસ કરી સરકારને રિપોર્ટ સોંપશે
    Next Article
    સુરતમાં એન્ટી હ્યુમન ટ્રાફિકિંગ ટીમની રેડ દરમિયાન મોટી દુર્ઘટના:ચોથા માળેથી છલાંગ લગાવનાર સ્પા સંચાલકનું સારવાર દરમિયાન મોત

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment