મોર્નિંગ ન્યૂઝ બ્રીફ:શિક્ષણ મંત્રી પ્રધાનનું રાજીનામું, પ્રહ્લાદ જોશીને ચાર્જ; કોકરોચ જનતા પાર્ટીનું આંદોલન સમાપ્ત; ગુજરાત-આસામમાં પૂરથી 8 લાખ લોકો પ્રભાવિત

નમસ્તે, ગઈકાલના મોટા સમાચાર ધર્મેન્દ્ર પ્રધાનના રાજીનામા સંબંધિત રહ્યા. સાથે જ નવા શિક્ષણ મંત્રી તરીકે પ્રહ્લાદ જોશીને વધારાનો ચાર્જ આપવામાં આવ્યો છે. ગુજરાતમાં 200થી વધુ તાલુકાઓમાં મેઘમહેર જોવા મળી છે. વાંચો મોર્નિંગ ન્યૂઝ બ્રીફ… ⏰ આજની ઈવેન્ટ્સ, જેના પર રહેશે નજર 1. PM મોદીના મન કી બાતનો 136મો એપિસોડ, કારગિલ દિવસ પર ચર્ચા કરી શકે છે. 2. કારગિલ વિજય દિવસની 27મી વર્ષગાંઠ, રક્ષા મંત્રી રાજનાથ સિંહ દ્રાસમાં આયોજિત કાર્યક્રમમાં સામેલ થશે. 📰 કાલના મોટા સમાચારો 1. શિક્ષણ મંત્રી ધર્મેન્દ્ર પ્રધાનનું રાજીનામું, પ્રહ્લાદ જોશીને ચાર્જ સોંપવામાં આવ્યો:જંતર-મંતર પર દીપકેએ કહ્યું- ઝુકતી હૈ દુનિયા, ઝુકાનેવાલા ચાહિએ શિક્ષણ મંત્રી ધર્મેન્દ્ર પ્રધાને રાજીનામું આપી દીધું છે. NEET પેપર લીક કેસમાં તેમના રાજીનામાની માગ કરતા કોકરોચ જનતા પાર્ટી છેલ્લા 36 દિવસથી જંતર-મંતર પર ધરણા કરી રહી હતી. શનિવારે સાંજે લગભગ 8.15 વાગ્યે પ્રધાનના મંત્રાલયનો ચાર્જ પ્રહ્લાદ જોશીને સોંપવામાં આવ્યો છે. જોશી ખાદ્ય અને સાર્વજનિક વિતરણ, ઉર્જા અને ઉપભોક્તા બાબતોના મંત્રી છે. રાજીનામા પછી જંતર-મંતર પર કોકરોચ જનતા પાર્ટીના પ્રમુખ અભિજીત દીપકે કહ્યું- તેઓ કહેતા હતા કે આ સરકારમાં રાજીનામા નથી થતા, પરંતુ ઝુકતી હૈ દુનિયા, ઝુકાનેવાલા ચાહિએ. પ્રધાને રાજીનામાને લઈને સોશિયલ મીડિયા પર પત્ર પોસ્ટ કર્યો. બે પેજ અને 575 શબ્દોમાં લખેલા આ પત્રમાં પ્રધાને બાકીની વાતો સાથે બે જગ્યાએ યુવાનોને ભ્રમિત કરવાની વાત પણ લખી. વાંચો સંપૂર્ણ સમાચાર 2. કોકરોચ જનતા પાર્ટીનું આંદોલન પૂરું:કહ્યું- ત્રણેય માંગણીઓ સ્વીકારી, પ્રધાનનું રાજીનામું મંજૂર; જંતર-મંતર ખાલી થવાનું શરૂ, પ્રદર્શનકારીઓ પાછા ફરવા લાગ્યા કોકરોચ જનતા પાર્ટીએ શનિવારે આંદોલન સમાપ્ત કર્યું. કેન્દ્રીય મંત્રી જેપી નડ્ડા, જિતેન્દ્ર સિંહ સાથે પ્રવક્તા સૌરભ દાસ, આશુતોષ રાંકાએ સંયુક્ત પ્રેસ કોન્ફરન્સમાં તેની જાહેરાત કરી. સૌરભ દાસે કહ્યું કે જંતર-મંતર પર હાજર તમામ પ્રદર્શનકારીઓ હવે પોતાના ઘરે પાછા ફરે. રાંકાએ કહ્યું કે છેલ્લા કેટલાક દિવસોમાં સરકાર સાથે 3 વખત વાતચીત થઈ. અમારી ત્રણેય માંગણીઓ સ્વીકારી લેવામાં આવી છે. તેમાં ધર્મેન્દ્ર પ્રધાનનું રાજીનામું, તમામ કેસ પાછા ખેંચવા અને NEET પીડિતોને એક કરોડ રૂપિયાનું વળતર આપવાનો સમાવેશ થાય છે. આ પહેલાં શિક્ષણ મંત્રી ધર્મેન્દ્ર પ્રધાનના રાજીનામાના સમાચાર આવતા જ જંતર-મંતર પર ઉત્સવનો માહોલ છે. વિદ્યાર્થીઓએ 'છાત્ર એકતા ઝિંદાબાદ'ના નારા લગાવ્યા. રાષ્ટ્રગાન ગાયું. વાંચો સંપૂર્ણ સમાચાર 3. રાહુલ ગાંધી બોલ્યા-પ્રધાન ભ્રષ્ટાચારનું પ્રતીક, તેમને જવાનું જ હતું:શિક્ષણ વ્યવસ્થા ખોખલી થઈ ગઈ છે, સરકારે તેને બદલવા માટે પગલાં લેવા જોઈએ વિરોધ પક્ષના નેતા રાહુલ ગાંધીએ ધર્મેન્દ્ર પ્રધાનના રાજીનામા બાદ મીડિયાને કહ્યું - પ્રધાનને તો જવાનું જ હતું. સારું થયું કે તે ચાલ્યા ગયા. તે ભ્રષ્ટાચારનું પ્રતીક છે. દેશની શિક્ષણ પ્રણાલીને ખોખલી કરી દેવામાં આવી છે. તેમાં જેટલી ભૂલ પીએમની છે, તેટલી જ RSSની છે. આ પહેલાં પણ આજે સવારે તેમણે પેપર લીક મુદ્દે પ્રેસ કોન્ફરન્સ કરી હતી. તેમણે કહ્યું હતું કે, ‘શિક્ષણ મંત્રી ધર્મેન્દ્ર પ્રધાનને પદ પરથી હટવું જ પડશે. સરકાર વિચારી રહી છે કે તેમનું મંત્રાલય બદલી દેવામાં આવે, પરંતુ આ મંજૂર નથી.’ રાહુલ ગાંધીએ કહ્યું, ‘નરેન્દ્ર મોદીએ યુવાનોની માફી માંગવી જ પડશે. તેઓ ભારતના ભૂતકાળ છે અને ભૂતકાળ ક્યારેય ભવિષ્ય સાથે લડી શકતો નથી.’ વાંચો સંપૂર્ણ સમાચાર 4. આસામમાં પૂર, 24 કલાકમાં 14નાં મોત:MP- યુપી, રાજસ્થાનમાં વરસાદનું એલર્ટ; અમરનાથ યાત્રા ફરી શરૂ ગુજરાતમાં સતત થઈ રહેલા ભારે વરસાદને કારણે ઘણા જિલ્લાઓ પૂરની ઝપેટમાં છે. અત્યાર સુધીમાં પૂરગ્રસ્ત વિસ્તારોમાંથી 40,500 થી વધુ લોકોને સુરક્ષિત સ્થળોએ ખસેડવામાં આવ્યા છે. વરસાદ સંબંધિત અકસ્માતોમાં 5 લોકોના મોત થયા છે. અમદાવાદમાં આજે તમામ શાળા, કોલેજ અને આંગણવાડી કેન્દ્રો બંધ રહેશે. આસામમાં પૂરને કારણે છેલ્લા 24 કલાકમાં 14 લોકોના મોત થયા બાદ મૃત્યુઆંક વધીને 61 થયો છે. રાજ્યના 12 જિલ્લાઓમાં પૂરથી 7.05 લાખથી વધુ લોકો પ્રભાવિત છે. મધ્યપ્રદેશમાં ચોમાસાના વરસાદની મજબૂત સિસ્ટમ સક્રિય છે, જેના કારણે આજે રાજ્યના 35 જિલ્લાઓમાં વરસાદનું એલર્ટ જાહેર કરવામાં આવ્યું છે. વાંચો સંપૂર્ણ સમાચાર 5. દાવો- હૂતી વિદ્રોહીઓનો સાઉદી અરેબિયાની રિફાઇનરી પર હુમલો:3 બેલિસ્ટિક મિસાઇલોથી અરામકોને નિશાન બનાવી, આ દેશની પાંચમી સૌથી મોટી ઓઇલ ફેસિલિટી હૂતી બળવાખોરોએ દાવો કર્યો છે કે તેમણે શનિવારે સાઉદી અરેબિયાના જઝાન સ્થિત સાઉદી અરામકો રિફાઇનરી પર 3 બેલિસ્ટિક મિસાઇલોથી હુમલો કર્યો છે. જઝાન રિફાઇનરીને સાઉદી અરબની પાંચમી સૌથી મોટી તેલ રિફાઇનરી માનવામાં આવે છે. તેની ક્ષમતા દરરોજ લગભગ 4 લાખ બેરલ ક્રૂડ ઓઇલને પ્રોસેસ કરવાની છે. તે રેડ સીના કિનારે આવેલી હોવાથી સાઉદી અરેબિયાના ઊર્જા અને તેલ નિકાસ નેટવર્કનો મહત્વનો ભાગ છે. આ હુમલો એવા સમયે થયો છે જ્યારે સાઉદી અરેબિયાએ તાજેતરમાં યમનમાં હૂતી ઠેકાણાઓ પર હવાઈ હુમલા કર્યા હતા. તેના જવાબમાં હૂતીઓએ સાઉદીના એનર્જી ઇન્ફ્રાસ્ટ્રક્ચરને નિશાન બનાવવાનો દાવો કર્યો છે. વાંચો સંપૂર્ણ સમાચાર 6. એશિયાનો સૌથી મોટો ચારણકા સોલાર પાર્કમાં તારાજીના દૃશ્યો સર્જાયા:200થી વધુ તાલુકામાં વરસાદ ખાબક્યો, અમદાવાદ-વિરમગામ હાઇ-વે વાહનચાલકો માટે શરૂ આજે સવારના 6થી રાતના 8 વાગ્યા સુધીમાં 200થી વધુ તાલુકામાં 1 મિમીથી લઈને ચાર ઇંચ સુધીનો વરસાદ નોંધાયો છે. સૌથી વધુ વલસાડના કપરાડામાં 4.21 ઇંચ, બનાસકાંઠાના ઓગાડમાં 3.39 ઇંચ વરસાદ વરસ્યો છે. નવસારી જિલ્લાના પૂરગ્રસ્તો માટે કેન્દ્રીય જળશક્તિ મંત્રી સી.આર. પાટીલે સહાયની જાહેરાત કરી છે. પૂરગ્રસ્ત પરિવારોને ઘરવખરીના નુકસાન બદલ ₹6,800ની સહાય ચૂકવવામાં આવશે, જેમાંથી ₹1,800 તાત્કાલિક ચૂકવાશે. ઉપરાંત પશુધનના નુકસાન માટે ગાય-ભેંસ દીઠ ₹37,500 અને બકરી દીઠ ₹22,000ની સહાય અપાશે. વાંચો સંપૂર્ણ સમાચાર 7. અમદાવાદના બોપલ, ઘુમા, શેલા શા માટે ડૂબ્યા?:પ્રાથમિક સુવિધા વિકસે તે પહેલા જ નેતા-બિલ્ડરોની સાંઠગાંઠથી બંગલા-ફ્લેટ ખડકી દેવાયા, વસતી વધી ડ્રેનેજ નેટવર્ક જૂનું અમદાવાદ શહેરમાં છેલ્લા ત્રણ દિવસ દરમિયાન વરસેલા સાંબેલાધાર વરસાદના કારણે સૌથી વધુ કફોડી હાલત થઈ હોય તો તે બોપલ, ઘુમા અને શેલા વિસ્તારની છે. વરસાદની ગતિ ધીમી પડી હોવા છતા આ વિસ્તારના અનેક રસ્તાઓ અને સોસાયટીઓમાંથી હજી પાણી ઓસર્યા નથી. શહેરના પોશ ગણાતા વિસ્તાર કે જ્યાં ફ્લેટ અને બંગલોની કિંમત લાખો અને કરોડો રૂપિયામાં છે તે શા માટે ડૂબ્યા? વરસાદ ધીમો પડ્યા બાદ પણ પાણીનો નિકાલ ન થવા પાછળનું કારણ શું? આ સમસ્યા માટે કોણ જવાબદાર? આ તમામ સવાલોના જવાબ મેળવીશું ભાસ્કર એનાલિસિસમાં. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : મોહન ભાગવતે કહ્યું-નવી પેઢી સાથે વાત કરો, આદેશ ન આપો:વાતચીતથી જ તેમને સાચી દિશા બતાવી શકાય છે વાંચો સંપૂર્ણ સમાચાર 2.ઈન્ટરનેશનલ : પ્રધાનના રાજીનામા પર વર્લ્ડ મીડિયા:BBCએ કહ્યું- વિદ્યાર્થીઓ સામે ઝૂકી મોદી સરકાર, CNN- એક મીમથી શરૂ થયેલા આંદોલને શિક્ષણ મંત્રીની ખુરશી છીનવી વાંચો સંપૂર્ણ સમાચાર 3.નેશનલ : ભારતે સ્વદેશી કાઉન્ટર-ડ્રોન સિસ્ટમ 'ભાર્ગવાસ્ત્ર'નું ટ્રાયલ કર્યું:સેનાના કોમ્યુનિકેશન નેટવર્ક સાથે જોડાઈ શકે છે; ડ્રોનના ઝુંડને રોકી શકે છે વાંચો સંપૂર્ણ સમાચાર 4.ઈન્ટરનેશનલ : બાંગ્લાદેશના રાષ્ટ્રપતિએ રાજીનામું આપ્યું:કહ્યું- હું બીમાર છું, ઘણી વાર બેભાન થઈ જાઉં છું; દાવો- શેખ હસીના સાથેની વાતચીતની માહિતી લીક થઈ વાંચો સંપૂર્ણ સમાચાર 5.બિઝનેસ : PFનું વ્યાજ એકાઉન્ટમાં આવવાનું શરૂ થયું:મિસ્ડ કૉલ અને SMS સહિત 4 રીતે PF બેલેન્સ જાણી શકશો, જુઓ પ્રોસેસ વાંચો સંપૂર્ણ સમાચાર 6.સ્પોર્ટ્સ : ભારતે T20 વર્લ્ડ કપ પછી પહેલી સિરીઝ જીતી:ઝિમ્બાબ્વેને 90 રનથી હરાવ્યું; ઈશાન-તિલકની ફિફ્ટી, અભિષેક શર્માએ 3 વિકેટ ઝડપી વાંચો સંપૂર્ણ સમાચાર 7.ધર્મ તહેવાર જ્યોતિષ : મીન રાશિમાં શનિની વક્રી!:કર્ક-તુલા સહિત 6 રાશિઓને મોજેદરિયા, મેષ-વૃશ્ચિકનું વધશે ટેન્શન; જુઓ ન્યાયના દેવતાનો હિસાબ-કિતાબ વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ રેપ કેસ દાખલ કરાવનાર યુવતીએ તે જ યુવક સાથે લગ્ન કર્યા છત્તીસગઢના બસ્તરમાં રેપ કેસ દાખલ કરાવનાર યુવતીએ તે જ યુવક સાથે લગ્ન કરી લીધા. કોર્ટના આદેશ પર જગદલપુર સેન્ટ્રલ જેલમાં મંડપ સજાવવામાં આવ્યો અને બંનેએ સાત ફેરા લીધા. લગ્નમાં એક કોન્સ્ટેબલે યુવતીનું કન્યાદાન કર્યું, ત્યારબાદ યુવકને ફરી જેલમાં મોકલી દેવામાં આવ્યો. 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. અભિજિત દીપકેએ ગુજરાતી છોકરાનો ફોટો હાથમાં ઊંચો કરી બધાને બતાવ્યો: NEET પેપર લીક બાદ આત્મહત્યા કરી હતી, સોનમ વાંગચુકે તોડેલા ઉપવાસ અંગે કહાનના પિતા શું બોલ્યા? 2. આજનું એક્સપ્લેનર: આ 5 કારણોસર સરકાર ગભરાઈ, ત્યારે ધર્મેન્દ્ર પ્રધાનનું રાજીનામું થયું; જો ન ઝૂક્યા હોત તો શું થાત, શું હવે આંદોલન સમાપ્ત? 3. પારકી પંચાત : આગળ લાકડી-પાછળ હર્ષ સંઘવી, VIDEO: અમદાવાદના વરસાદમાં CM ભૂપેન્દ્ર પટેલનું ચપ્પલ નીકળી ગયું, પૂરનાં સંકટ વચ્ચે મેડમની મહેંદી ચર્ચામાં 4. ગ્રાઉન્ડ રિપોર્ટ : જંતર-મંતર પર ઘાયલ થયેલી સાક્ષી પર પોલીસનો પહેરો કેમ: ICU, લિફ્ટ, કોરિડોરમાં જવાનો તૈનાત; રિપોર્ટરને રોક્યા, પરિવાર મૌન 5. સ્પાય ફાઈલ્સ : 'ડાર્લિંગ શરૂ કરો' કહીને છોકરીએ વિમાન હાઇજેક કર્યું: 245 લોકોને બંધક બનાવ્યા, પીરિયડનું લોહી બતાવીને ભાગેલી મહિલાએ રમત બગાડી; પાર્ટ-1 6. માથું ફૂટ્યું, પગ ભાંગ્યો... હોસ્પિટલથી પાછા ફર્યા, જંતર-મંતર પહોંચ્યા પ્રદર્શનકારી: ફૂલ લઈને ઊભા હતા, લાકડીઓ મળી, પૂછ્યું- ઘરે કેમ ન ગયા, જવાબ સાંભળો ⏳ આજના દિવસનો ઈતિહાસ 🌦️ મોસમનો મિજાજ રવિવારનું રાશિફળ: ધન રાશિ માટે નવું ઘર કે પ્રોપર્ટી લેવાનો ઉત્તમ દિવસ, કુંભ રાશિને નવી નોકરી મળશે વાંચો સંપૂર્ણ રાશિફળ