Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    રાજકોટમાં રવિવારે 7,000 શ્રદ્ધાળુઓ છઠ્ઠ પૂજા કરશે:આજીડેમ ખાતે મનપાના ફાયર વિભાગની ટીમ રેસ્ક્યુ વ્હીકલ, એમ્બ્યુલન્સ સાથે સજ્જ રહેશે

    9 hours ago

    રાજકોટ શહેરમાં દર વર્ષે છઠ્ઠ પૂજાનું મહત્ત્વ અને તેમાં ભાગ લેનારાઓની સંખ્યા ઉત્તરોત્તર વધતી જાય છે. આ વર્ષે પણ છઠ્ઠ પૂજાના આયોજનને ધ્યાનમાં રાખીને રાજકોટ મહાનગરપાલિકાના ફાયર વિભાગ દ્વારા સઘન અને વિશેષ તૈયારીઓ કરવામાં આવી છે. શહેરમાં યોજાતી છઠ્ઠ પૂજા મુખ્યત્વે આજી ડેમ ખાતે યોજાય છે. જ્યાં રવિવારી બજાર ભરાય છે તેની પાછળના ભાગના ડેમના કિનારે આ પૂજન કરવામાં આવે છે. આ પૂજામાં અંદાજે દર વર્ષે 7,000 લોકો ઉત્સાહભેર ભાગ લેશે. રાજકોટ મહાનગરપાલિકાના ઇન્ચાર્જ ડેપ્યુટી ચીફ ફાયર ઓફિસર અશોકસિંહ ઝાલાએ જણાવ્યું હતું કે, રવિવારે રાજકોટમાં આજીડેમ ખાતે છઠ્ઠ પૂજાનું વિશેષ આયોજન કરવામાં આવ્યું છે ત્યારે લોકોની સુરક્ષા માટે ફાયર વિભાગના 2 અધિકારીઓ સહિત 22 કર્મચારીઓની ટીમ પૂરા સમય માટે ત્યાં તૈનાત રહેશે. બે અલગ-અલગ સ્ટેશનના સ્ટાફ દ્વારા એક સંયુક્ત ટીમ તૈયાર કરવામાં આવી છે. આ ઉપરાંત તેમણે જણાવ્યું હતું કે, સુરક્ષા અને આપત્તિ વ્યવસ્થાપન માટે રેસ્ક્યુ વ્હીકલ (વાહન), એમ્બ્યુલન્સ અને જરૂરી રેસ્ક્યુ ઇક્વિપમેન્ટ્સ (સાધનો) સાથે ટીમ સજ્જ રહેશે. મહાનગરપાલિકાના ફાયર વિભાગ દ્વારા કરવામાં આવેલી આ અગાઉથી તૈયારીઓથી છઠ્ઠ પૂજા દરમિયાન આવનાર શ્રદ્ધાળુઓની સુરક્ષા સુનિશ્ચિત થશે.
    Click here to Read More
    Previous Article
    શાકભાજીવાળા અને રિક્ષા ચાલકોના વોટ્સએપ ગ્રુપથી 260 બાળકો શોધ્યા:સુરતમાં 20 કિ.મી. વિસ્તારમાં બે દિવસે 1 બાળક ગુમ, પોલીસે આમ પાર પાડ્યું ઐતિહાસિક ઓપરેશન
    Next Article
    આજે IND vs PAKની અંડર-19 એશિયા કપ ફાઇનલ:પાકિસ્તાને ટૉસ જીતીને બેટિંગ લીધી; આર્યવીર સહેવાગ ટુર્નામેન્ટનો ટૉપ સ્કોરર

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment