Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    શ્રેયસની સેના સિરીઝ પર કબ્જો જમાવવા મેદાને ઉતરશે:જો જીત્યા તો 7 વર્ષ બાદ ન્યૂઝીલેન્ડમાં સિરીઝ જીતી શકે છે ભારત; કિવીઝ સામે આજે પાંચમી વન-ડે

    3 days ago

    ભારત અને ન્યૂઝીલેન્ડ વચ્ચેની પાંચમી અને છેલ્લી વન-ડે આજે સવારે 7:30 વાગ્યે માઉન્ટ માઉંગાનુઈના બે ઓવલ મેદાન પર રમાશે. ભારત 2-1થી આગળ છે. જોકે છેલ્લી મેચમાં ભારત 244 રનથી હારી ગયું હતું. ન્યૂઝીલેન્ડે 333 રન બનાવ્યા હતા, જેના જવાબમાં ભારતીય ટીમ 89 રન પર સમેટાઈ ગઈ હતી. ભારત પાસે 7 વર્ષ બાદ ન્યૂઝીલેન્ડમાં વન-ડે સિરીઝ જીતવાની તક છે. ટીમે છેલ્લે 2019માં ન્યૂઝીલેન્ડમાં વન-ડે સિરીઝ જીતી હતી. ત્યારે ટીમે પાંચ મેચની સિરીઝ 4-1થી પોતાના નામે કરી હતી. ત્યારબાદ 2020માં 3-0 અને 2022માં 1-0થી હાર મળી હતી. ન્યૂઝીલેન્ડે 2019 બાદથી પોતાના ઘરઆંગણે કોઈ બાયલેટરલ વન-ડે સિરીઝ ગુમાવી નથી. હેડ-ટુ-હેડ: કોનું પલડું છે ભારે? વનડે ક્રિકેટના ઇતિહાસમાં બંને ટીમો વચ્ચે અત્યાર સુધીમાં કુલ 127 મુકાબલા રમાયા છે. જેમાં ભારતીય ટીમનું પલડું ભારે રહ્યું છે. ભારતે 65 મેચમાં જીત મેળવી છે, જ્યારે ન્યૂઝીલેન્ડે 53 મેચ જીતી છે. આ સિવાય 8 મેચ અનિર્ણિત રહી છે અને 1 મેચ ટાઈ થઈ છે. જોકે, ન્યૂઝીલેન્ડની ધરતી પર કિવિઝનો રેકોર્ડ વધુ સારો છે. ન્યૂઝીલેન્ડમાં રમાયેલી 49 મેચોમાંથી ભારતે માત્ર 16 મેચ જીતી છે, જ્યારે યજમાન ટીમે 27 મેચોમાં બાજી મારી છે. 5 મેચનું કોઈ પરિણામ આવ્યું નથી અને 1 મેચ ટાઈ રહી છે. હેનરી અને ગુરનૂર નહીં રમે છેલ્લી વન-ડેમાં બંને ટીમના બોલિંગ આક્રમણમાં ફેરફાર થશે. અગાઉની મેચમાં 6 વિકેટ લઈને ભારતની ઇનિંગ્સ સમેટનાર ન્યૂઝીલેન્ડના ઝડપી બોલર મેટ હેનરી ટેસ્ટની તૈયારી માટે ટીમમાંથી રિલીઝ થઈ ચૂક્યો છે. કાઇલ જેમીસન પણ ટેસ્ટ ટીમની તૈયારીઓમાં જોડાશે. ભારતના ઝડપી બોલર ગુરનૂર બરાર પણ આ મેચ નહીં રમે. તેને ટેસ્ટ ટીમમાં સામેલ કર્યો છે. ગુરનૂર સિરીઝમાં ભારતના સૌથી સફળ બોલર રહ્યો છે. તેણે 4 મેચમાં 9 વિકેટ લીધી છે. તેની જગ્યાએ મોહમ્મદ સિરાજને તક મળી શકે છે. કોહલી અને રોહિતના ફોર્મ પર નજર સિરીઝમાં ભારતની બેટિંગમાં સાતત્યતાનો અભાવ જોવા મળ્યો છે. વિરાટ કોહલીએ પ્રથમ મેચમાં મહત્વપૂર્ણ ઇનિંગ્સ રમી હતી, પરંતુ ત્યારબાદ તે 7 અને 0 રન પર આઉટ થયો હતો. ચાર મેચમાં તેના નામે 81 રન છે. વન-ડેમાં સૌથી વધુ વખત ઝીરોમાં આઉટ થનાર ભારતીય બેટર્સમાં કોહલી સચિન તેંડુલકર સાથે સંયુક્ત રીતે પ્રથમ ક્રમે છે. બંને 20-20 વખત ઝીરોમાં આઉટ થયા છે. રોહિત શર્મા પણ અત્યાર સુધી ન્યૂઝીલેન્ડમાં વન-ડે સદી ફટકારી શક્યો નથી. ન્યૂઝીલેન્ડમાં આ તેનો અને કોહલીનો છેલ્લો આંતરરાષ્ટ્રીય પ્રવાસ હોઈ શકે છે. વિલ યંગ સૌથી વધુ રન બનાવનાર બેટર ચાર મેચ બાદ ન્યૂઝીલેન્ડના વિલ યંગ 140 રન બનાવીને સિરીઝનો ટોપ સ્કોરર છે. ન્યૂઝીલેન્ડના મેટ હેનરીએ એક મેચમાં 6 વિકેટ લઈને સિરીઝમાં શ્રેષ્ઠ પ્રદર્શન કર્યું છે. જેકબ ડફી અને કાઇલ જેમિસનના નામે પણ 6-6 વિકેટ છે. સિરીઝમાં 32 ખેલાડીઓને તક મળી ઈજા અને ટેસ્ટ મેચની તૈયારીને કારણે બંને ટીમને સતત ફેરફાર કરવા પડ્યા. અત્યાર સુધી સિરીઝમાં કુલ 32 ખેલાડીઓ મેદાન પર ઉતરી ચૂક્યા છે. ન્યૂઝીલેન્ડે 18 અને ભારતે 14 ખેલાડીઓને તક આપી છે. ન્યૂઝીલેન્ડે કોઈ એક વન-ડે સિરીઝમાં આ પહેલાં આટલા ખેલાડીઓનો ઉપયોગ કર્યો ન હતો. કોઈ પણ ટીમ દ્વારા એક સિરીઝમાં સૌથી વધુ ખેલાડીઓને ઉતારવાનો રેકોર્ડ 21નો છે. પીચ પર ઝડપી બોલરોને મદદ મળી શકે છે બે ઓવલમાં નવી બોલથી ઝડપી બોલરોને મદદ મળી છે. છેલ્લી મેચમાં બપોરના સમયે પણ પીચે બોલરોનો સાથ આપ્યો હતો. આ મેદાન પર રમાયેલી છેલ્લી પાંચ ડે-નાઇટ ODI મેચમાં ચાર વખત ટાર્ગેટ ડિફેન્ડ કરનારી ટીમ હારી છે. જોકે છેલ્લી મેચમાં ન્યૂઝીલેન્ડે આ પાંચ મુકાબલાઓમાં પહેલીવાર ટાર્ગેટને ડિફેન્ડ કર્યો. ભારતે સિરીઝની ચારેય મેચમાં ટૉસ જીત્યો છે. ટીમ સતત 7 વન-ડે ટૉસ જીતી ચૂકી છે. આ પહેલાં ભારતે 1998માં સતત 9 ટૉસ જીતવાનો રેકોર્ડ બનાવ્યો હતો. વેધર અપડેટ રવિવારે માઉન્ટ માઉંગાનુઈમાં હવામાન સ્વચ્છ રહેવાની આગાહી છે. વરસાદની કોઈ શક્યતા નથી. બંને ટીમની સંભવિત પ્લેઇંગ-11 ભારત: રોહિત શર્મા, ઋતુરાજ ગાયકવાડ, વિરાટ કોહલી, શ્રેયસ અય્યર (કેપ્ટન), ઈશાન કિશન (વિકેટકીપર), અક્ષર પટેલ, નમન ધીર, આકીબ નબી, મોહમ્મદ સિરાજ, કુલદીપ યાદવ/યશ ઠાકુર અને અર્શદીપ સિંહ. ન્યૂઝીલેન્ડ: ટિમ સેફર્ટ (વિકેટકીપર), વિલ યંગ, નિક કેલી, ડીન ફોક્સક્રોફ્ટ/મિચ હે, ફિન એલન, માઈકલ બ્રેસવેલ, મિચેલ સેન્ટનર (કેપ્ટન), ક્રિસ્ટિયન ક્લાર્ક/જોશ ક્લાર્કસન, મેટ ફિશર, જેકબ ડફી અને બ્લેર ટિકનર/બ્રેટ રેન્ડેલ.
    Click here to Read More
    Previous Article
    મરેલી સુમિત્રા જીવતી થઈ, કહ્યું, ‘હું શિવા છું’:પ્રેતાત્માએ કબજો કર્યો હતો કે મૃત યુવતીનો પુનર્જન્મ થયેલો? કેસ સોલ્વ કરવા આવ્યા USના સંશોધકો
    Next Article
    સરસ્વતી દેવી મહાપૂજન:નવી પેઢીમાં જ્ઞાન અને સંસ્કારના સિંચન માટે બાળકોએ આરાધના કરી

    Related સપોર્ટ Updates:

    Are you sure? You want to delete this comment..! Remove Cancel

    Comments (0)

      Leave a comment