Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભરૂચના શુક્લતીર્થમાં કારતક અગિયારથી 7 દિવસનો મેળો શરૂ થયો:પરિવાર સાથે તંબુ બાંધીને રહેવાની પરંપરા આકર્ષણનું કેન્દ્ર; પાતાળમાંથી સ્વયંભૂ શિવલિંગ પ્રગટ થયું હોવાની માન્યતા

    5 hours ago

    ભરૂચ તાલુકામાં નર્મદા કિનારે આવેલા શુક્લતીર્થ ખાતે કારતકી અગિયારસથી 7 દિવસના મેળાનો પ્રારંભ થયો છે. 21થી 27 નવેમ્બર સુધી યોજાનારા આ મેળાનું ઉદ્ઘાટન ધારાસભ્ય અરુણસિંહ રાણા દ્વારા કરવામાં આવ્યું હતું. પ્રથમ દિવસથી જ શ્રદ્ધાળુઓ અને મુલાકાતીઓ પહોંચ્યા છે, જ્યાં ચકડોળ-રાઈડ્સ અને પરિવાર સાથે તંબુ બાંધીને રહેવાની પરંપરા આકર્ષણનું કેન્દ્ર બની છે. શુક્લેશ્વર મહાદેવ અને રાજા ચાણક્યની પૌરાણિક માન્યતા જોડાયેલી છે નર્મદા કિનારે આવેલા શુક્લતીર્થમાં ભગવાન વિષ્ણુનું સ્વયંભૂ મંદિર, ઓમકારનાથ તેમજ શુક્લેશ્વર મહાદેવનું મંદિર આવેલું છે. મંદિરના મહારાજ ભાવિકચંદ્ર ભટ્ટના જણાવ્યા અનુસાર, ઇક્ષ્વાકુ કુળના રાજા ચાણક્ય કુષ્ઠરોગથી પીડાતા હતા અને આકાશવાણી મુજબ અમરકંટકથી કાળાં વસ્ત્રો, કાળી ગાય અને કાળા સઢવાળી નાવ લઈને નીકળ્યા હતા. રાજા ચાણક્ય શુક્લતીર્થની ભૂમિ પર પહોંચ્યા ત્યારે આ ત્રણેય વસ્તુઓ સફેદ થઈ ગઈ અને પાતાળમાંથી સ્વયંભૂ શિવલિંગ પ્રગટ થયું હતું, ત્યારથી આ સ્થળ શુક્લેશ્વર મહાદેવ તરીકે પૂજાય છે અને ગામનું નામ શુક્લતીર્થ પડ્યું હોવાની લોકમાન્યતા છે. ટેન્ટમાં લાઇટ, પંખા, કુલર અને બાથરૂમની સુવિધા સાથે રહેણાંક આ મેળાની ઓળખ અહીંની ટેન્ટ સંસ્કૃતિ છે, જ્યાં આસપાસનાં ગામોમાંથી આવતા પરિવારો 7થી 10 દિવસ સુધી પોતાના તંબુ બાંધીને રહે છે. ટેન્ટમાં લાઇટ, પંખા, કુલરથી લઈને વ્યક્તિગત બાથરૂમ અને ટોયલેટ જેવી સુવિધાઓ ઊભી કરવામાં આવે છે, તેમજ પરિવારો ટેન્ટમાં જ ચૂલા પર રસોઈ બનાવીને સામૂહિક ભોજન કરે છે. આમોદ તાલુકાના દોરા ગામના નિમિતકુમાર પટેલે જણાવ્યું કે તેઓ વર્ષોથી પરિવાર સાથે અહીં 1 અઠવાડિયું રોકાય છે અને આજના યુવાનો ગોવા, દમણ કે આબુ ફરવા જાય છે, પરંતુ શુક્લતીર્થના મેળામાં પરિવાર સાથે વિતાવેલા દિવસોની મજા અલગ જ હોય છે. લંડનથી આવતા શ્રદ્ધાળુઓ પણ પરિવાર સાથે ટેન્ટમાં રોકાણ કરે છે છેલ્લા 4 વર્ષથી લંડનમાં રહેતા ભાર્ગવે જણાવ્યું કે તેઓ દર વર્ષે પરિવાર સાથે અહીં આવી 7થી 10 દિવસ ટેન્ટમાં રોકાઈને ભોજન, મેળાની રાઈડ્સ અને પારિવારિક માહોલનો આનંદ માણે છે. દભાલીના મીન્ટુ પટેલના જણાવ્યા અનુસાર, તેઓ દર વર્ષે 7થી 8 દિવસ ટેન્ટમાં રોકાઈને જાતે રસોઈ બનાવે છે અને બીજના દિવસે સામાન લઈને પરત ફરે છે, જ્યારે મેળામાં પોલીસ ચોકી અને સતત પેટ્રોલિંગને કારણે સુરક્ષાની વ્યવસ્થા રહે છે. વડદલાનાં જયાબેન પટેલે જણાવ્યું કે સગાંસંબંધીઓ એક જ સ્થળે ભેગા થઈને ટેન્ટમાં રહે છે, જ્યાં દરરોજ 30થી 40 સભ્યો માટે સાથે રસોઈ બનાવવામાં આવે છે અને દિવસમાં 2 વખત મેળામાં આંટો મારવામાં આવે છે. 600 પ્લોટની ફાળવણી સાથે CCTV, ફાયર બ્રિગેડ અને તરવૈયા તૈનાત મેળામાં દર વર્ષે અંદાજે 6થી 7 લાખ લોકો ઉમટી પડે છે અને ખાસ કરીને પૂનમના દિવસે શ્રદ્ધાળુઓની ભીડ જોવા મળે છે. આ વર્ષે ગ્રામ પંચાયત દ્વારા અંદાજે 600 પ્લોટની ફાળવણી કરીને લોકો માટે વીજળી, પાણી, સ્વચ્છતા અને આરોગ્યની સુવિધાઓ ઊભી કરવામાં આવી છે. સરપંચ રણધીરસિંહ માંગરોલાના જણાવ્યા મુજબ, જાહેર સલામતી માટે સમગ્ર મેળા વિસ્તારમાં CCTV કેમેરા લગાવવામાં આવ્યા છે, તેમજ કોઈ અનિચ્છનીય બનાવ ન બને તે માટે પોલીસ કર્મચારીઓ, ફાયર બ્રિગેડની ટીમ અને નર્મદા કિનારે તરવૈયાઓની ટીમ તૈનાત રાખવામાં આવી છે. ખાણીપીણી અને રમકડાંના સ્ટોલથી વેપારીઓને રોજગારીની તક મળી મેળાની શરૂઆત સાથે જ વિવિધ પ્રકારની ખાણીપીણીની દુકાનો, રમકડાંના સ્ટોલ, ઘરવખરીની ચીજવસ્તુઓ અને મનોરંજનની રાઈડ્સ મુલાકાતીઓ માટે આકર્ષણનું કેન્દ્ર બની છે. વર્ષોથી મેળામાં સ્ટોલ લગાવતા વેપારી રોમન સોલંકીના જણાવ્યા મુજબ, આ મેળો અનેક નાના-મોટા વેપારીઓ માટે રોજગારીનું માધ્યમ છે અને લોકો મેળાની મુલાકાત લેતા હોવાથી વેપારીઓને વ્યવસાય થવાની આશા છે.
    Click here to Read More
    Previous Article
    Bangladesh में हिंसा, BNP के तीन नेताओं की मौत, Sheikh Hasina की पार्टी पर आरोप? |Gopalganj |PM Modi
    Next Article
    બે શખ્સનો ધારિયા-ધોકા લઈને આધેડ પર હુમલો:વાઘાવાડી રોડ પર જમીનના પૈસા અને લખાણ મામલે ઝઘડો, ધમકી આપી કારના કાચ તોડી નાખ્યા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment