Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    બસની કેબિનનો કચ્ચરઘાણ પણ મહાદેવની મૂર્તિ સલામત:વડોદરાના કોટંબી સ્ટેડિયમ પાસે ડ્રાઇવર ટ્રકનું ટાયર ચેક કરતો હતો ને લક્ઝરી અથડાઈ, ઉંઘતા 7 પ્રવાસીઓને મોત આંબી ગયું

    19 hours ago

    1

    0

    👍 ❤️ 😂 😮 😢 😡 😘 🤐 🥰

    સ્થળ: હાલોલ-વડોદરા હાઇવે સમય: સવારના 4 વાગ્યાનો હાલોલ વડોદરા હાઇવે પર જૂનાગઢ જઈ રહેલા ટ્રકને ડ્રાઇવર પંક્ચર કે હવા ઓછી હોવાનું લાગતા વડોદરાથી 20 કિમી દૂર આવેલા ઈન્ટરનેશનલ કોટંબી સ્ટેડિયમની સામે ઉભો રાખે છે. તે ટ્રકમાંથી નીચે ઉતરીને ટાયરનું ચેકિંગ કરતો હોય છે. આ દરમિયાન રાજસ્થાનથી સુરત જતી બાલાજી નામની ખાનગી લક્ઝરી બસ ટ્રક સાથે ધડાકા સાથે પાછળના ભાગે અથડાઈ છે. જેથી ડ્રાઇવર અને ભરઉંઘમાં રહેલા 9 વર્ષના બાળક સહિત બસમાં સવાર 7 લોકોના મોત થઈ જાય છે. જ્યારે 27 પ્રવાસીઓને ઈજા પહોંચે છે. કાળમુખો અકસ્માત, છતાં મહાદેવની મૂર્તિને ઉની આંચ ન આવી આ અતિ દર્દનાક અકસ્માતને લઈ દિવ્ય ભાસ્કરે ગ્રાઉન્ડ રિપોર્ટ તૈયાર કર્યો છે. અમારી ટીમ જ્યારે ઘટનાસ્થળે પહોંચી ત્યારે જોયું કે ડ્રાઇવિંગ સીટ સહિત બસની કેબિનનો કચ્ચરઘાણ નીકળી ગયો છે. પરંતુ ભાસ્કરના કેમેરામાં એક દ્રશ્ય કેદ થયું તે આશ્ચર્ય જનક છે અને શ્રદ્ધા હોય ત્યાં પુરાવાની કોઈ જરૂર હોતી નથી તે વાતની સાબિતિ આપતું હતું, કારણ કે કેબિનમાં મુકેલી મહાદેવની મૂર્તિને આ કાળમુખા અકસ્માત છતાં ઉની આંચ પણ આવી નહોતી. જ્યારે મહાદેવની ઉપર આવેલી છત અકસ્માતમાં ડેમેજ થઈ ગઈ હતી. એમ્બ્યુલન્સ અને ફાયરના સાયરનોથી આખો માર્ગ ગુંજી રહ્યો હતો આ અકસ્માતની જાણ થતાં જ ભાસ્કરની ટીમ સવારમાં ઘટનાસ્થળે રવાના થઈ હતી. આ સમયે અહીં માત્ર ને માત્ર એમ્બ્યુલન્સ અને ફાયરના સાયરનોથી આખો માર્ગ ગુંજી રહ્યો હતો. અહીં બચાવ કામગીરી પૂરજોશમાં ચાલી રહી હતી. અકસ્મતા એટલો ભયાનક હતો કે વડોદરા ફાયર વિભાગની બે ટીમો સાથે NDRF, SDRFની ટીમો રેસ્ક્યૂ ઓપરેશન કરી રહી હતી. આ ઓપરેશન ત્રણ કલાક સુધી ચાલ્યું હતું. રેસ્ક્યુ ઓપરેશન દરમ્યાન અનેક મુશ્કેલીઓ આવી હતી. આખી બસના સ્પેરપાર્ટ જમીન પર વેરણ છેરણ આ ઘટના સ્થળે રૂંવાટા ઉભા કરી દે તેવા દ્રશ્યો સામે આવ્યા હતા. અકસ્માત એટલો ભયાનક હતો કે ખાનગી બસ આગળ કેબિનના ફૂરચે ફૂરચા ઉડી ગયા હતા. આગળ ઊભેલી ટ્રકમાં પશુઓને ખવડાવવાનું ભૂસું (દળેલું અનાજ) પણ આખા માર્ગ પર ફેલાયેલું જોવા મળ્યું હતું. કેબિન આગળ જોતા એન્જિન પણ તૂટીને માર્ગ પર પડ્યું હતું. ભયાનક ટક્કરથી જાણે આ બસને કેબિન હોય જ નહીં તેવું લાગી રહ્યું હતું. આખી બસના સ્પેરપાર્ટ જમીન પર જોવા મળ્યા હતા. બસના કાચ તૂટેલા અને બારીઓ પર લોહીના ડાઘ જોવા મળ્યા હતા. અકસ્મતા સ્થળે આસપાસ લોહી જ લોહી જોવા મળ્યું હતું. ચપ્પલ કેબિનના પતરામાં દબાયેલા, આસપાસ લોહી જ લોહી જ્યારે ડ્રાઈવિંગ સીટ અને સ્ટિયરિંગના ફૂરચા બોલી ગયા હતા ત્યાં ડ્રાઈવરની સ્થિતિ કેવી હશે તે કલ્પના માત્ર કરવી મુશ્કેલ છે. અહીં ડ્રાઈવરના ચપ્પલ પણ બસના કેબિનના ભાગે પતરામાં દબાયેલા જોવા મળ્યા હતા અને આસપાસ માત્ર લોહી જ લોહી વહેલું જોવા મળ્યું હતું. ડ્રાઈવર જે સ્ટિયરિંગ દ્વારા ગાડી ચલાવતો હતો તેના આગળના ભાગે માંસના લોચા જેવા મળ્યા હતા. બસની નંબર પ્લેટ, કમ્પ્રેશર, એન્જિન અને બસના મોટા ભાગના નીચેના સ્પેરપાર્ટ જમીન પર વિખેરાયેલા નજરે પડ્યા હતા. ત્રણ કલાક સુધી ચાલ્યું રેસ્ક્યૂ ઓપરેશન અહીં આસપાસ અફરાતફરી અને લોકોના ટોળા જોવા મળ્યા હતા. NDRF અને SDRF સાથે ફાયરની ટીમના જવાનોના ત્રણ કલાકના ભારે જહેમત બાદ રેસ્ક્યુ ઓપરેશન પૂર્ણ કરવામાં આવ્યું હતું અને બાદમાં ટ્રક અને ખાનગી બસને હટાવવા માટે કામગીરી તંત્ર દ્વારા હાથ ધરવામાં આવી હતી. આ માટે ક્રેન અને જેસીબીની મદદથી આ વાહનોને દૂર કરવામાં આવ્યા હતા. ડ્રાઈવરની બોડી રેસ્ક્યુ ટીમે પતરા કાપી બહાર કાઢી આ આખી અકસ્માતની ઘટના જોતા એવું લાગે કે, બસના આગળના ભાગમાં કોઈ ભાગ ડેમેજ થયા વગર નહીં રહ્યો હોય. બસની કેબિનમાંથી ડ્રાઈવરની બોડી રેસ્ક્યુ ટીમે પતરા કાપી બહાર કાઢી હતી. આ બસનું એન્જિન, એસી કમ્પ્રેશર અને ઇન્ડિકેટર જમીન પર જોવા મળ્યું હતું. ટૂંકમાં આગળના ભાગની એક એક સ્પેરપાર્ટ તૂટેલી હાલતમાં જમીન પર હતો. આ અકસ્માત બાદ ભારે ટ્રાફિક જામની સ્થિતિ ઊભી થઈ હતી. મુખ્ય માર્ગ હોવાથી જિલ્લા ટ્રાફિક પોલીસ અને સ્થાનિક પોલીસના જવાનો ટ્રાફિક હળવો કરવા પ્રયાસ હાથ ધર્યો હતો. ‘એક્ઝિટ ગેટથી બધાને બહાર કાઢી રેસ્ક્યુ કર્યા’ આ આખી ઘટના અંગે અકસ્માત સ્થળે પહેલા પહોંચેલા ERC(ઇમર્જન્સી રિસપોન્સ સેન્ટર) ફાયર ટીમના સર સૈનિક જીતેન્દ્ર રોહિતે દિવ્ય ભાસ્કર સાથે ખાસ વાતચીત કરતા જણાવ્યું હતું કે, અમને ફાયર કંટ્રોલ રૂમમાંથી 4.20 કલાકે કોલ મળ્યો છે અને અમે માત્ર 10 મિનિટ એટલે કે 4.30 સુધીમાં અહીંયા પહોંચી ગયા હતા. બાદમાં અમે એક્ઝિટ ગેટથી બધાને બહાર કાઢી રેસ્ક્યુ કર્યા હતા. બચાવો, બચાવોની બૂમો અને કણસતા મુસાફરો અકસ્માત બાદ લોકો કણસતી હાલતમાં જોવા મળ્યા હતા અને બચાવો બચાવોની બૂમો પાડતા હતા. શરૂઆતમાં અમે પોહચ્યા બાદ પરિસ્થિતિ જોતા તાત્કાલિક પાણીગેટ ફાયર સ્ટેશન અને NDRF અને SDRFની ટીમને બોલાવવાની ફરજ પડી હતી. આ રેસ્ક્યુ કામગીરીમાં ફાયર, એસડીઆરએફ અને એનડીઆરએફ ના 100 જવાનોએ સત્તત ત્રણ કલાક સુધી રેસ્ક્યુ ઓપરેશન હાથ ધર્યું હતું. જીવિત અને ઇજાગ્રસ્તોને પહેલા બચાવ્યા વધુમાં કહ્યું કે, ઘટનાની જાણ થતા ઘણીબધી એમ્બ્યુલન્સ ઘટના સ્થળે પોહચી હતી. પહેલા અમે એવા લોકોને બચાવ્યા કે જેઓ ઈજાગ્રસ્ત અને જીવિત હતા. બાદમાં મૃતકનો ફસાયેલા હતા તેઓને હાઇડ્રોલિક અને સ્પેડર કટર વડે કટ કરી બહાર કાઢ્યા હતા. આ આખા રેસ્ક્યુ ઓપરેશનમાં મહત્વપૂર્ણ ભૂમિકા ભજવનાર NDRFના 6 બટાલિયન કમાન્ડન્ટ સુરેન્દ્રસિંઘે જણાવ્યું હતું કે આજે સવારે 4:40 વાગ્યે કંટ્રોલ રૂમમાં માહિતી મળી હતી કે કોટંબી સ્ટેડિયમ પાસે એક બસ અને ટ્રક વચ્ચે અકસ્માત થયો છે. માહિતી મળતા જ NDRFની ટીમ ઘટનાસ્થળે જવા રવાના થઈ હતી. ત્યાં પહોંચીને જોયું તો એક પેસેન્જર બસ અને ટ્રક વચ્ચે જોરદાર ટક્કર થઈ હતી. ટીમે કટીંગ ટુલ્સ અને અન્ય અદ્યતન સાધનોનો ઉપયોગ કરીને તુરંત જ બચાવ કામગીરી શરૂ કરી દીધી હતી. બાલાજી ટ્રાવેલ્સની બસ રાજસ્થાનના બાસવાડાથી સુરત જતી હતી ને અકસ્માત થયો બાલાજી ટ્રાવેલ્સની લક્ઝરી બસ રાજસ્થાનના બાસવાડાથી સુરત જતી હતી તે દરમિયાન વડોદરામાં આ અકસ્માત સર્જાયો હતો. બસમાં અનેક મુસાફરો ફસાયાની માહિતી મળતા જ બચાવ કામગીરી યુદ્ધના ધોરણે શરૂ કરવામાં આવી હતી. SDRF, NDRF અને વડોદરા ફાયર વિભાગની ટીમોએ ઘટનાસ્થળે પહોંચી ઘાયલોને બહાર કાઢવા માટે રેસ્ક્યૂ ઓપરેશન ચલાવ્યું હતું. બાદમાં ટ્રક અને લક્ઝરી હટાવી રોડ ક્લિયર કરાયો હતો. તામમ ઇજાગ્રસ્તોને વડોદરાની એસએસજી હોસ્પિટલ ખસેડવામાં આવ્યા હતા. (વાંચો સંપૂર્ણ અહેવાલ)
    Click here to Read More
    • Share:
    ગિલનું જબરદસ્ત ફોર્મ, સતત બીજી મેચમાં ફિફ્ટી ફટકારી:છગ્ગો ફટકારીને હાફ સેન્ચુરી પૂરી કરી; રોહિત શર્મા માત્ર 2 રને ફિફ્ટ ચૂક્યો, રાશિદની ગુગલી સામે બોલ્ડ થયો
    Previous Article
    ગિલનું જબરદસ્ત ફોર્મ, સતત બીજી મેચમાં ફિફ્ટી ફટકારી:છગ્ગો ફટકારીને હાફ સેન્ચુરી પૂરી કરી; રોહિત શર્મા માત્ર 2 રને ફિફ્ટ ચૂક્યો, રાશિદની ગુગલી સામે બોલ્ડ થયો
    Next Article
    વડોદરામાં SOGની રેડમાં નસીલી દવાઓ મળી:નશાયુક્ત કોડીન સીરપ, ટ્રામાડોલ અને આલ્પ્રાઝોલમનો જથ્થો ઝડપાયો, 91 હજાર રૂપિયાથી વધુનો મુદ્દામાલ જપ્ત, એક આરોપી ઝડપાયો, સપ્લાયર વોન્ટેડ
    વડોદરામાં SOGની રેડમાં નસીલી દવાઓ મળી:નશાયુક્ત કોડીન સીરપ, ટ્રામાડોલ અને આલ્પ્રાઝોલમનો જથ્થો ઝડપાયો, 91 હજાર રૂપિયાથી વધુનો મુદ્દામાલ જપ્ત, એક આરોપી ઝડપાયો, સપ્લાયર વોન્ટેડ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment

      Send