મોર્નિંગ ન્યૂઝ બ્રીફ:રામ મંદિરના સર્વેસર્વા ચંપત રાયનું રાજીનામું, ઓપરેશન સિંદૂરના 6 શહીદોના નામ જાહેર; રાજકોટ-કચ્છમાં મેઘરાજાની ધમાકેદાર એન્ટ્રી

નમસ્તે, અયોધ્યા રામ મંદિર ચઢાવા ચોરી મામલે 8 લોકોની ધરપકડ થઈ છે. શ્રી રામ જન્મભૂમિ તીર્થ ટ્રસ્ટના મહાસચિવ ચંપત રાયે રાજીનામું આપી દીધું છે. બીજી તરફ, પહેલીવાર સરકારે ઓપરેશન સિંદૂરના 6 શહીદોના નામ જણાવ્યા. મોર્નિંગ ન્યૂઝ બ્રીફમાં આગળ NCERTના પુસ્તકમાંથી બંધારણની પ્રસ્તાવના હટાવવાના સમાચાર જણાવીશું... ⏰ આજની ઈવેન્ટ્સ, જેના પર રહેશે નજર 1. પ્રધાનમંત્રી નરેન્દ્ર મોદી સેશેલ્સની સત્તાવાર મુલાકાતે જશે. તેઓ સેશેલ્સના રાષ્ટ્રીય દિવસના સુવર્ણ જયંતી સમારોહમાં હાજરી આપશે. 2. મુખ્યમંત્રી યોગી આદિત્યનાથ ગ્રેટર નોઈડામાં યુપીના પ્રથમ ઈલેક્ટ્રોનિક પાર્કનો શિલાન્યાસ કરશે. 📰 કાલના મોટા સમાચારો 1. રામમંદિરમાં ચોરી: ટ્રસ્ટના મહાસચિવ ચંપત રાયનું રાજીનામું:ટ્રસ્ટી અનિલ મિશ્રાને પણ હટાવવામાં આવ્યા; ચંપતના ડ્રાઇવર ટીન્નુ સહિત 8ની ધરપકડ અયોધ્યા રામ મંદિરમાં ચોરીના કેસના સંદર્ભમાં મંદિર ટ્રસ્ટના મહાસચિવ ચંપત રાયે રાજીનામું આપી દીધું છે. તેમણે ટ્રસ્ટના પ્રમુખ મહંત નૃત્ય ગોપાલ દાસને પોતાનું રાજીનામું સુપરત કર્યું છે. ટ્રસ્ટી ડૉ.અનિલ મિશ્રાએ પણ રાજીનામું આપી દીધું છે. ટ્રસ્ટી નૃપેન્દ્ર મિશ્રાએ ભાસ્કરને જણાવ્યું હતું કે, મને ચંપત રાય અને અનિલ મિશ્રાના રાજીનામા અંગે માહિતી મળી છે. સૂત્રો મુજબ, મંદિર નિર્માણના પ્રભારી ગોપાલ રાવને પણ મંદિરની વ્યવસ્થામાંથી હટાવી દેવામાં આવ્યા છે. અગાઉ, ગુરુવારે મોડી રાત્રે ચંપત રાયના નજીકના રામાશંકર યાદવ (ઉર્ફે ટીન્નુ) સહીત 8 આરોપીઓની ધરપકડ કરવામાં આવી હતી. પોલીસ આજે તમામ આરોપીઓને કોર્ટમાં રજૂ કરશે અને 14 દિવસના રિમાન્ડની માંગણી કરશે. વાંચો સંપૂર્ણ સમાચાર 2. ઓપરેશન સિંદૂરના 6 શહીદોના નામ પહેલીવાર જાહેર થયા: તેમાં 5 સેનાના, 1 એરફોર્સનો જવાન; પહેલગામ હુમલા પછી PoKમાં હુમલો કર્યો હતો ઓપરેશન સિંદૂર દરમિયાન શહીદ થયેલા ભારતીય સશસ્ત્ર દળોના 6 જવાનોના નામ પહેલીવાર સત્તાવાર રીતે જાહેર કરવામાં આવ્યા છે. આ નામોને નેશનલ વોર મેમોરિયલની વેબસાઇટના 'રોલ ઓફ ઓનર'માં સામેલ કરવામાં આવ્યા છે. નવી દિલ્હી સ્થિત રાષ્ટ્રીય યુદ્ધ સ્મારકની 3D વોલ પર વર્ષ 2025ના ખંડમાં પણ તેમના નામ અંકિત કરવામાં આવ્યા છે. નેશનલ વોર મેમોરિયલના ત્યાગ ચક્રમાં 16 ગોળ ગ્રેનાઈટની દીવાલો છે, જેના પર આઝાદી પછી દેશ માટે પોતાનો જીવ આપનાર દરેક સૈનિકનું નામ, રેન્ક અને યુનિટ લખેલા છે. વાંચો સંપૂર્ણ સમાચાર 3. NATO દેશોએ યુદ્ધમાં અમેરિકાનો સાથ આપ્યો:ઈરાને કહ્યું- તેમને જવાબદાર ઠેરવવામાં આવે; હોર્મુઝમાં જહાજ પર હુમલો, પુલને નુકસાન ઈરાને આરોપ લગાવ્યો છે કે અમેરિકા અને ઈઝરાયલ દ્વારા ઈરાન પર થયેલા હુમલામાં સાથ આપનાર નાટો સભ્ય દેશોને આ માટે જવાબદાર ઠેરવવા જોઈએ. ઈરાનના વિદેશ મંત્રાલયના પ્રવક્તા ઈસ્માઈલ બઘાઈએ સોશિયલ મીડિયા પર કહ્યું કે નાટો ચીફ માર્ક રૂટે પોતે સ્વીકાર્યું છે કે ઈટાલી અને રોમાનિયાએ ઈરાન વિરુદ્ધ સૈન્ય કાર્યવાહીમાં અમેરિકાનો સાથ આપ્યો હતો. બઘાઈએ કહ્યું કે તેમણે પોતાના નાગરિકો અને આખી દુનિયાને જણાવવું જોઈએ કે તેમણે અમેરિકા અને ઈઝરાયલ સાથે મળીને ઈરાન વિરુદ્ધ આ કાર્યવાહીનું સમર્થન શા માટે કર્યું. વાંચો સંપૂર્ણ સમાચાર 4. NCERTએ 9મા ધોરણના સામાજિક વિજ્ઞાનમાંથી બંધારણની પ્રસ્તાવના હટાવી:સોશિયાલિસ્ટ અને સેક્યુલર શબ્દોનો પણ ઉલ્લેખ નથી; ઇમરજન્સી પર અલગ વિભાગ ઉમેરવામાં આવ્યો NCERTએ ધોરણ 9 ની સામાજિક વિજ્ઞાનની પુસ્તકમાંથી બંધારણની પ્રસ્તાવના હટાવી દીધી છે. આ ઉપરાંત, સમાજવાદી અને બિનસાંપ્રદાયિક શબ્દોનો પણ ઉલ્લેખ નથી. પુસ્તકમાં કટોકટી પર એક અલગ વિભાગ ઉમેરવામાં આવ્યો છે. આ માહિતી ગુરુવારે સામે આવી. પુસ્તકના ‘અંડરસ્ટેન્ડિંગ સોસાયટી: ઇન્ડિયા એન્ડ બિયોન્ડ’ પ્રકરણમાં કટોકટીને લોકશાહી સામેના સૌથી મોટા પડકારોમાંથી એક તરીકે વર્ણવવામાં આવી છે. જોકે, તેમાં બંધારણની ચર્ચા તેના નિર્માણ, લોકતાંત્રિક સંસ્થાઓ અને મૂળભૂત અધિકારો દ્વારા કરવામાં આવી છે, પરંતુ સાર્વભૌમ (સાર્વભૌમત્વ), 'સમાજવાદી' (સમાજવાદી), 'બિનસાંપ્રદાયિક' (પંથનિરપેક્ષ/ધર્મનિરપેક્ષ), 'લોકતાંત્રિક' (લોકતાંત્રિક) અને 'ગણરાજ્ય' (ગણરાજ્ય) જેવા શબ્દો વિશે જણાવવામાં આવ્યું નથી. વાંચો સંપૂર્ણ સમાચાર 5. કેતન હેર વિગ લગાવતો, હકલાતો'તો એટલે સિયાને ગમતો નહતો:પોલીસને જણાવ્યું- લગ્ન માટે ના પાડી, પણ માન્યો નહીં; સિયાના માતા-પિતાએ કહ્યું- દીકરીને પણ કિલ્લા પરથી ધક્કો મારી દો પુણેમાં કેતન અગ્રવાલ મર્ડર કેસમાં નવો ખુલાસો થયો છે. પોલીસે જણાવ્યું કે કેતન અગ્રવાલ હેર વિગ લગાવતો હતો. સિયા ગોયલને આ પસંદ નહોતું. કેતનના પિતા વિશાલ અગ્રવાલે કહ્યું, 'સિયા અને તેના પરિવારને ખબર હતી કે કેતન વિગનો એક પેચ લગાવતો હતો. તેને પસંદ નહોતું તો તે ના પાડી શકતી હતી, શું આ કોઈને મારવાનું કારણ હોઈ શકે છે? 'પોલીસ સૂત્રો અનુસાર, 'સિયા આ લગ્નથી ખુશ નહોતી. કેતનના વિગ લગાવવા અને હકલાવાને (તોતડાવાની) કારણે સિયાના મનમાં તેના પ્રત્યે નફરત બેસી ગઈ હતી.' સિયાએ જણાવ્યું કે તેણે કેતનને કહ્યું હતું કે તે તેની સાથે લગ્ન કરવા માંગતી નથી, પરંતુ તે સગાઈ તોડવા તૈયાર નહોતો. કેતનનું કહેવું હતું કે હવે બહુ મોડું થઈ ગયું છે. વાંચો સંપૂર્ણ સમાચાર 6. રાજકોટ-કચ્છમાં મેઘરાજાની ધમાકેદાર એન્ટ્રી:સિઝનના પહેલાં વરસાદથી વાતાવરણમાં ઠંડક પ્રસરી, 7 દિવસ સુધી ભારે વરસાદની કોઈ ચેતવણી નહીં આજે સાંજના કચ્છમાં મેઘરાજાની ધમાકેદાર એન્ટ્રી થઈ હતી. કચ્છના રાપર, કણખોઈ, ભરૂડીયા, સેલારી સહિતના ગ્રામ્ય વિસ્તારોમાં તોફાની પવન સાથે વરસાદ વરસ્યો હતો. કચ્છના રાપરના ગામડાઓમાં વરસાદ વરસતા ગરમીથી આંશિક રાહત મળી હતી. લાંબા સમય બાદ કચ્છમાં વરસાદ ખાબકતા ખેડૂતોમાં ખુશીની લાગણી પ્રસરી હતી. બીજી તરફ રાજકોટના વાતાવરણમાં પણ પલટો આવ્યો છે. અસહ્ય ગરમી અને ઉકળાટ બાદ સાંજે 7 વાગ્યા બાદ વરસાદી માહોલ વચ્ચે ધીમીધારે શહેરના તમામ વિસ્તારોમાં વરસાદ વરસી રહ્યો છે. અસહ્ય અકળામણ અને ગરમીમાં રાજકોટવાસીઓ જેની આતુરતાથી રાહ જોઈ રહ્યા હતા, તેનો અંત આવ્યો છે. આ ચોમાસાની સિઝનમાં રાજકોટ અને કચ્છમાં પહેલો વરસાદ નોંધાયો છે. વાંચો સંપૂર્ણ સમાચાર 7. અમદાવાદમાં 8.32 કરોડની પ્રતિબંધિત ટ્રામાડોલ દવા ઝડપાઈ:અંકલેશ્વરથી ટ્રાવેલ્સમાં ખોટા બિલ બનાવી રાજસ્થાન જથ્થો મોકલાતો હતો; મેડિકલ સ્ટોકિસ્ટ પરેશ જૈનની ધરપકડ પ્રતિબંધિત દવા ટ્રામાડોલના જથ્થા સાથે મૂળ રાજસ્થાનના અને વલસાડના રહેવાસી મેડિકલ સ્ટોકિસ્ટની ગુજરાત એટીએસ દ્વારા ધરપકડ કરવામાં આવી છે. આરોપી અંકલેશ્વર પોતાની સીમા ફાર્મા નામની કંપનીમાંથી આ જથ્થો રાજસ્થાન ખાતે ટ્રાવેલ્સમાં મોકલતો હતો, ત્યારે અમદાવાદ શાહીબાગ નમસ્તે સર્કલ પાસે ટ્રાવેલ્સમાંથી 6 મોટા બોક્સમાંથી 2.08 લાખ ટેબલેટ જેની કિંમત રૂ. 8.32 કરોડની થાય છે, તેને જપ્ત કરી છે. છેલ્લા બે મહિનાથી જ આરોપી મેડિકલ સ્ટોકિસ્ટનું કાયદેસરનું લાઇસન્સ લઈ પ્રતિબંધિત દવા ટ્રામાડોલનું વેચાણ કરતો હતો. વાંચો સંપૂર્ણ સમાચાર 🎭 આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : કોલકાતા-જયપુરમાં ભારે વરસાદ, રસ્તા પાણીમાં ગરકાવ:હોસ્પિટલો-દુકાનોમાં પાણી ભરાયું; MPમાં ઇન્દોરનાં 15 ટુરિસ્ટ પ્લેસ બંધ, UP-બિહારમાં હીટવેવ વાંચો સંપૂર્ણ સમાચાર 2.ઈન્ટરનેશનલ : પેરુની પહેલી મહિલા રાષ્ટ્રપતિ, 19 વર્ષની ઉંમરે જવાબદારી સંભાળી:અભ્યાસ છૂટ્યો, જેલમાં ગઈ અને બંકરમાં રાતો વિતાવી, કેઇકોએ પાર્ટીને વિખેરવા ન દીધી વાંચો સંપૂર્ણ સમાચાર 3.નેશનલ : રામગઢમાં ટ્રક-પિકઅપ વચ્ચે ટક્કર, 7 લોકોના મોત:ગાડીમાં ફસાયેલી લાશો,પીકઅપના ફુરચા ઉડી ગયા; ટ્રકને ઘટનાસ્થળે મુકીને ડ્રાઈવર ફરાર વાંચો સંપૂર્ણ સમાચાર 4.ઈન્ટરનેશનલ : અમેરિકામાં બાળકી પર રેપ કેસમાં સ્નેપચેટ પર કેસ:ક્વિક એડ જેવા ફીચર્સે રેપિસ્ટને બાળકી સુધી પહોંચાડ્યો, ભારતમાં એપના 25 કરોડ એક્ટિવ માસિક યુઝર્સ વાંચો સંપૂર્ણ સમાચાર 5.બિઝનેસ : કોમર્શિયલ LPG પરથી મર્યાદા હટી, હવે 100% સપ્લાય થશે:કેન્દ્ર સરકારનો નિર્ણય, ઉદ્યોગો માટે બલ્ક સપ્લાય પરનો પ્રતિબંધ પણ હટાવ્યો વાંચો સંપૂર્ણ સમાચાર 6.સ્પોર્ટ્સ : એક ફૂટબોલ વર્લ્ડકપમાં સૌથી વધુ ગોલનો રેકોર્ડ બન્યો:અત્યાર સુધીમાં 177 ગોલ, કતાર 2022નો રેકોર્ડ તૂટ્યો; ઇક્વાડોરે જર્મનીને હરાવ્યું વાંચો સંપૂર્ણ સમાચાર 7.ધર્મ તહેવાર જ્યોતિષ : અખંડ સૌભાગ્યનું મહાપર્વ 'વટ સાવિત્રી વ્રત':આજથી શરૂ ને 29 જૂને સમાપન, જાણો પૂજા વિધિ, ધાર્મિક મહત્ત્વ અને કથા વાંચો સંપૂર્ણ સમાચાર 🗣️ ચર્ચિત નિવેદન 😲 અજબ ગજબ ગાર્ડ રીલ્સ જોતા રહ્યા, રેપનો દોષિત ફરાર થઈ ગયો યુપીની બરેલી સેન્ટ્રલ જેલમાંથી આજીવન કેદની સજા ભોગવી રહેલો રેપનો દોષિત દિનેશ દીવાલ કૂદીને ફરાર થઈ ગયો હતો. આરોપ છે કે ડ્યુટી પર તૈનાત ગાર્ડ મોબાઈલ પર રીલ્સ જોઈ રહ્યા હતા. આ બેદરકારી બદલ 11 જેલકર્મીઓને સસ્પેન્ડ કરવામાં આવ્યા છે. જો કે, દિનેશને ફરીથી પકડી લેવામાં આવ્યો છે. 📸 ફોટો, જે પોતે સમાચાર છે 🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. Editor’s View : ભાજપનો ‘અયોધ્યાકાંડ’: ચંપત રાયને થાબડભાણાં; રામનાં નામે તરેલો ભાજપ આવતી ચૂંટણીમાં રામનાં નામે જ ડૂબશે? યોગીની અગ્નિપરીક્ષા 2. એ જિંદગી : આંખોમાં છરી મારી દો, ખબર નથી પડતી:13 વર્ષમાં ક્યારેય મમ્મી-પપ્પા નથી કહ્યું, બંને દીકરીઓને એક જ બીમારી, ભારતનો પહેલો કેસ 3. આજનું એક્સપ્લેનર: પાસપોર્ટ, આધાર, વોટર ID નથી, તો પછી શું છે તમારી નાગરિકતાનો પુરાવો?; શું સરકાર કંઈક નવું કરવા જઈ રહી છે? 4. એક્સક્લૂસિવ : ગુજરાતમાં પકડાયેલી 4 બાંગ્લાદેશી યુવતીઓના શોકિંગ કિસ્સા:જુમ્મી અય્યુબ ઋતુ પટેલ બની ગઇ, કિન્નર ભેગી રહી, ડાન્સ બાર અને ઇમિટેશનના કારખાનામાં કર્યું કામ 5. ચૈતર વસાવાને સજા પછી હવે શું?:ઇસુદાને કહ્યું, અમે મોદી-શાહ સામે બાથ ભીડી, રાજકીય વિશ્લેષક બોલ્યા- કોઇ માટે દાવો ન કરાય કે તે પાર્ટી નહીં બદલે 6. ફિલ્મી ફેમિલી : પેરેન્ટ્સને લીધે કોરિયોગ્રાફર રોડ પર આવી ગયો:અહમદ ખાનનો બેવાર ચમત્કારિક બચાવ, ભાઈએ 18 વર્ષ નાની સુનિધિ ચૌહાણ સાથે ભાગીને લગ્ન કર્યા 🌍 કરંટ અફેર્સ ⏳ આજના દિવસનો ઈતિહાસ 🌦️ મોસમનો મિજાજ રાશિફળ શનિવારનું રાશિફળ:મેષ રાશિના લોકો માટે 'ગોલ્ડન દિવસ', દરેક સપના સાકાર થશે; તુલા રાશિના જાતકો પર પૈસાનો વરસાદ થશે (વાંચો સંપૂર્ણ રાશિફળ)