Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ચોરીની શંકાએ યુવકની કરપીણ હત્યા:ઘાસ કાપવા ગયેલા બે મિત્રનું અપહરણ કરી થાંભલે બાંધી વાયર-લાકડીથી ફટકાર્યા, 6 આરોપી ગણતરીના કલાકોમાં ઝડપાયા

    15 hours ago

    સુરતના ડિંડોલી વિસ્તારમાં ચોરીની શંકા રાખી એક યુવકની નિર્દયતાપૂર્વક હત્યા કરવામાં આવી હોવાની ચકચારી ઘટના સામે આવી છે. સણીયા કણદે ગામના પાર્ટી પ્લોટમાં ઘાસ કાપવા ગયેલા બે મિત્રને 'ચોર' સમજી 6 શખ્સોની ટોળકીએ અપહરણ કરી કરાડવાના રાધેક્રિષ્ના પાર્ટી પ્લોટ ખાતે લઈ જઈ થાંભલા સાથે બાંધીને ઢોર માર માર્યો હતો, જેમાં એક યુવકનું મોત નીપજ્યું હતું. જોકે, ડિંડોલી પોલીસની સર્વેલન્સ ટીમે ત્વરિત કાર્યવાહી હાથ ધરી હત્યામાં સંડોવાયેલા તમામ 6 આરોપીને ગણતરીના કલાકોમાં જ રાઉન્ડઅપ કરી કાયદેસરની કાર્યવાહી હાથ ધરી છે. ચોર સમજી તાલિબાની સજા અપાઈ 11 નવેમ્બર, 2026ના રોજ બપોરે અનિલ ભીખુભાઈ રાઠોડ અને તેમના મિત્ર નિલેશ ઉર્ફે ગોપાલ રાઠોડ સણીયા કણદે ગામમાં આવેલા 'ક્રિષ્ના સેવન સ્ટાર પાર્ટી પ્લોટ'માં ઘાસ કાપવા માટે ગયા હતા. આ દરમિયાન આરોપીઓએ બંને યુવક ચોરી કરવા આવ્યા હોવાનો શક રાખ્યો હતો. ઉશ્કેરાયેલા આરોપીઓએ બંનેને જાતિવિષયક ગાળો આપી ગાડીમાં અપહરણ કર્યું હતું અને કરાડવા ગામના 'રાધેક્રિષ્ના પાર્ટી પ્લોટ' ખાતે લઈ ગયા હતા. જ્યાં પાર્ટી પ્લોટના ડોમના થાંભલા સાથે બંનેને દોરડાથી બાંધી લાકડાના ફટકા અને ઇલેક્ટ્રિક સર્વિસ વાયર વડે અમાનવીય રીતે માર માર્યો હતો, જેમાં ગંભીર ઈજાઓને કારણે અનિલભાઈનું મોત થયું હતું. ડિંડોલી પોલીસે ગણતરીના કલાકોમાં 6 આરોપીને દબોચ્યા બનાવ અંગે ફરિયાદ નોંધાતા જ ડિંડોલી પોલીસે હત્યા અને એટ્રોસિટી એક્ટ હેઠળ ગુનો દાખલ કરી તપાસનો ધમધમાટ શરૂ કર્યો હતો. સર્વેલન્સ સ્ટાફે બાતમીદારો અને ટેકનિકલ સર્વેલન્સની મદદથી ગણતરીના કલાકોમાં જ (1) વિજય ઉર્ફે સોનુ દેવરાજ મૌર્યા (2) રાહુલ દેવરાજ મૌર્યા (3) અભિષેક ઉર્ફે અભી શિવકુમાર મૌર્યા (4) સુમિત શિવમૂરત સિંહ (5) સુજીત ઉમાશંકર યાદવ અને (6) મહેન્દ્ર ઉર્ફે સોલુ વીરેન્દ્ર મૌર્યાની ધરપકડ કરી લીધી છે. પોલીસે ઘટનાસ્થળેથી પંચનામા મુજબ બાંધવા માટે વપરાયેલ દોરડું (રસ્સો) પણ કબજે કર્યું છે. આરોપીઓને કોર્ટમાં રજૂ કરી રિમાન્ડ મેળવવાની તજવીજ એ. સી. તરડે (એસીપી, સુરત)એ જણાવ્યું કે, મરણ જનાર અને ભોગ બનનાર ઘાસ કાપવા ગયા હતા ત્યારે આરોપીઓએ ચોરીનો શક રાખી ગેરકાયદેસર મંડળી રચી અપહરણ કર્યું હતું અને વાયર તથા લાકડી વડે માર મારી હત્યા નીપજાવી હતી. ડિંડોલી સર્વેલન્સ સ્ટાફે ખૂબ જ ટૂંકા સમયગાળામાં તમામ 6 આરોપીની ધરપકડ કરી લીધી છે. હાલ પ્રાથમિક તપાસમાં આરોપીઓનો કોઈ ગુનાહિત ઇતિહાસ સામે આવ્યો નથી, પરંતુ વધુ પૂછપરછ ચાલુ છે અને આવતીકાલે તમામને નામદાર કોર્ટમાં રજૂ કરી આગળની કાર્યવાહી કરવામાં આવશે.
    Click here to Read More
    Previous Article
    મોટા વરાછામાં ક્રિષ્ના એવેન્યુમાં આગ:પાર્કિંગમાં રહેલા 15થી વધુ વાહનો બળીને ખાખ, કારણ અકબંધ
    Next Article
    'AI Bubble Will Play Out Like Dotcom': Sunil Mittal Sees Opportunity For India After The Froth

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment