Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ડેડીયાપાડા ખાતે જનજાતીય ગૌરવ દિવસની જિલ્લા કક્ષાની ઉજવણી:500 ખેડૂતોને જંગલ જમીનની સનદ, 626ની મહેસૂલી એન્ટ્રી કરાઈ, ઉમરપાડાના ખેડૂતોને માત્ર 15 સનદ મળતાં અસંતોષ; જિલ્લામાં હજુ 8 હજાર જેટલા દાવા પેન્ડિંગ

    6 hours ago

    નર્મદા જિલ્લાના ડેડીયાપાડા ખાતે ભગવાન બિરસા મુંડાની 151મી જન્મજયંતિ નિમિત્તે જનજાતીય ગૌરવ દિવસની ભવ્ય ઉજવણી કરવામાં આવી હતી. આ ઉજવણી દરમિયાન આદિવાસી સમાજના વર્ષો જૂના જંગલ જમીન અધિકારનો મુદ્દો કેન્દ્રસ્થાને રહ્યો હતો. કાર્યક્રમમાં અંદાજે 500 જેટલા ખેડૂતોને જંગલ જમીનના સનદ આપવામાં આવ્યા હતા, જ્યારે 626 ખેડૂતોની જમીનની મહેસૂલી એન્ટ્રી કરવાની કામગીરી કરવામાં આવી હતી. જોકે, એક તરફ ખેડૂતોને જમીનના અધિકાર મળતાં ખુશીનો માહોલ જોવા મળ્યો હતો, તો બીજી તરફ જિલ્લામાં હજુ પણ આશરે 8 હજાર દાવા પેન્ડિંગ હોવાથી આદિવાસી પરિવારોમાં ચિંતા યથાવત્ છે. 500 ખેડૂતોને સનદ, 626ની મહેસૂલી નોંધ વર્ષોથી જંગલ જમીન પર ખેતી કરીને પોતાના અધિકાર માટે લડત આપી રહેલા ખેડૂતોને સનદ અને મહેસૂલી એન્ટ્રી મળતાં અનેક પરિવારોને મોટી રાહત મળી છે. ખાસ કરીને સાગબારા સહિતના વિસ્તારોમાં જંગલ જમીનના હકપત્રો અને મહેસૂલી નોંધ માટે લાંબા સમયથી રજૂઆતો કરવામાં આવી રહી હતી. આ કામગીરીને ખેડૂતોના અધિકારની દિશામાં મહત્વપૂર્ણ પગલું માનવામાં આવી રહ્યું છે. ઉમરપાડાના ખેડૂતોમાં અસંતોષ એક તરફ 500 ખેડૂતોને સનદ આપવામાં આવી છે, ત્યારે ઉમરપાડા વિસ્તારમાં ખેતી કરતા ખેડૂતોને માત્ર 15 સનદ મળતાં અન્ય ખેડૂતોમાં અસંતોષ જોવા મળ્યો હતો. વર્ષોથી જમીન પર ખેતી કરતા હોવા છતાં અનેક પરિવારોને હજુ સુધી જમીનનો કાયદેસર અધિકાર કેમ મળ્યો નથી તેવો સવાલ ખેડૂતો ઉઠાવી રહ્યા છે. ખેડૂતોની માગ છે કે બાકી રહેલા પાત્ર પરિવારોને પણ વહેલી તકે હકપત્રો આપવામાં આવે. જિલ્લામાં 8 હજાર જેટલા દાવા હજુ પેન્ડિંગ નર્મદા જિલ્લામાં જંગલ જમીનના અધિકાર માટે અંદાજે 8 હજાર જેટલા દાવા હજુ પેન્ડિંગ હોવાનું સામે આવ્યું છે. જેના કારણે મોટી સંખ્યામાં આદિવાસી પરિવારો પોતાના હકપત્રોની રાહ જોઈ રહ્યા છે. ખાસ કરીને સાગબારા તાલુકાના ખેડૂતો લાંબા સમયથી જમીનના અધિકાર અને મહેસૂલી નોંધ માટે રજૂઆતો તથા આંદોલન કરી રહ્યા છે. આથી તાજેતરની કામગીરી બાદ હવે બાકી રહેલા દાવાઓનો ક્યારે નિકાલ આવે છે તેના પર સૌની નજર છે. આગેવાનો અને લાભાર્થીઓની ઉપસ્થિતિ જન્મજયંતિ નિમિત્તે રાજપીપળા ખાતે મંત્રી કાંતિભાઈ અમૃતિયા, ધારાસભ્ય ડૉ. દર્શનાબેન દેશમુખ, ભાજપ અધ્યક્ષ શબ્દશરણ તડવી સહિતના આગેવાનો ઉપસ્થિત રહ્યા હતા. જ્યારે ડેડીયાપાડા ખાતે સાંસદ મનસુખ વસાવા, પૂર્વ મંત્રી ભરતસિંહ પરમાર સહિતના આગેવાનો, લાભાર્થીઓ અને આદિવાસી સમાજના લોકો મોટી સંખ્યામાં જોડાયા હતા. સમગ્ર કાર્યક્રમનું આયોજન પ્રાયોજના વહીવટદાર દ્વારા કરવામાં આવ્યું હતું. સનદ મળતાં ખુશી, બાકી ખેડૂતોને ન્યાયની રાહ આ પ્રસંગે સાંસદ મનસુખ વસાવાએ જંગલ જમીનના પ્રશ્ને પ્રતિક્રિયા આપી હતી. બીજી તરફ વર્ષોની રાહ બાદ સનદ મેળવનારા ખેડૂતોએ પણ પોતાના જમીન અધિકાર અંગે લાગણી વ્યક્ત કરી હતી. આમ, બિરસા મુંડાની જન્મજયંતિએ 500 ખેડૂતોને સનદ અને 626 ખેડૂતોની મહેસૂલી એન્ટ્રી થવાથી અનેક પરિવારોને રાહત મળી છે, પરંતુ હજારો પેન્ડિંગ દાવા અને ઉમરપાડાના ખેડૂતોનો અસંતોષ દર્શાવે છે કે જંગલ જમીનના અધિકારનો પ્રશ્ન હજુ સંપૂર્ણપણે ઉકેલાયો નથી. હવે બાકી રહેલા ખેડૂતોને ક્યારે જમીનના હક મળે છે તે જોવું રહ્યું.
    Click here to Read More
    Previous Article
    બોરતળાવ ખાતે છઠ્ઠ પર્વની ઉજવણી:મોટી સંખ્યામાં પરપ્રાંતના લોકોએ છઠ્ઠી મૈયાની પૂજા-અર્ચના કરી, સૂર્યદેવને જળ અર્પણ
    Next Article
    આધુનિકતાની દોડમાં વિસરાતું ઘેરૈયા નૃત્ય:બીલીમોરા સોમનાથ મહાદેવ મંદિર ટ્રસ્ટ દ્વારા 31 વર્ષથી કલાને જીવંત રાખવાનો પ્રયાસ

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment