Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાસ્કર એક્સક્લૂસિવ:ઉમરાહ પ્રવાસ પર યુદ્ધનું ગ્રહણ : વિમાની સેવા ઠપ થતાં 500 ટિકિટ રદ

    12 hours ago

    મધ્ય-પૂર્વમાં વકરેલી યુદ્ધ જેવી પરિસ્થિતિ અને યમનના હુતી વિદ્રોહીઓ દ્વારા સાઉદી અરેબિયાના રિયાધ અને દમ્મામ એરપોર્ટ પર કરાયેલા ડ્રોન-મિસાઈલ હુમલાની સીધી અસર પંચમહાલના ઉમરાહ યાત્રીઓ પર પડી છે. સુરક્ષાના કારણોસર 20 ઓક્ટોબરથી અમદાવાદ અને મુંબઈથી જીદ્દાહ જતી ઈન્ડિગો, એર ઈન્ડિયા અને અકાસા એર સહિતની ફ્લાઇટ્સ સ્થગિત કરવામાં આવતાં ગોધરા-પંચમહાલના 500થી વધુ યાત્રીઓની ટિકિટ રદ થઈ છે. જેના કારણે યાત્રીઓના રૂ. 2 કરોડથી વધુના નાણાં અટવાયા છે. જ્યારે સ્થાનિક ટ્રાવેલ એજન્ટોને લાખોનું નુકસાન વેઠવાનો વારો આવ્યો છે. દિવાળી વેકેશનમાં સરકારી કર્મચારીઓ અને પરિવારો 15-20 દિવસના ઉમરાહ પ્રવાસે જતા હોવાથી લોકોએ મહિનાઓ અગાઉ રૂ. 40 થી 50 હજાર પ્રતિ ટિકિટના દરે બુકિંગ કરાવ્યું હતું. પરંતુ ફ્લાઇટ્સ બંધ થતા વેકેશન બગડ્યું છે, જ્યારે મુંબઈથી કાર્યરત ગણતરીની ફ્લાઇટ્સના ભાડા આસમાને પહોંચ્યા છે. એરલાઇન્સ કંપનીઓએ રિફંડની બાંહેધરી આપી છે, પરંતુ લાંબી પ્રક્રિયાને કારણે મુસાફરો અને ઓપરેટરો ચિંતિત છે. 30 નવેમ્બર સુધી પ્રતિબંધ લંબાવાયો 10 ઓક્ટોબરે રિયાધ એરપોર્ટ પરના હુમલા બાદ ભારતીય દૂતાવાસની એડવાઇઝરીને પગલે ઉડાનો રદ કરાઈ હતી. હવાઈ ક્ષેત્ર હજુ સુરક્ષિત ન હોવાથી એરલાઇન્સે 30 નવેમ્બર સુધી ફ્લાઇટ્સ પરનો પ્રતિબંધ લંબાવ્યો છે. મુખ્ય સિઝન ફેલ જતાં મોટું નુકસાન દિવાળી વેકેશન અમારા વ્યવસાયની મહત્વની સિઝન હોય છે. કટોકટીભરી સ્થિતિમાં અનેક પ્રવાસીઓની ટિકિટ રદ કરવી પડી છે, વ્યવસાયને મોટો આર્થિક ફટકો પડ્યો છે. > સરફરાજભાઈ કાલું, અલ શાહી ટુર એન્ડ ટ્રાવેલ્સ, ગોધરા પ્રવાસની તારીખ લંબાતા આખો પ્રવાસ રદ કરવો પડ્યો હું અને મારા પરિવારના કુલ 5 સભ્યો દિવાળી વેકેશનમાં ઉમરાહ અર્થે જવાના હોવાથી અમે અગાઉથી જ ટુર ઓપરેટર પાસે બુકિંગ કરાવી દીધું હતું. પરંતુ હાલની યુદ્ધ જેવી પરિસ્થિતિને લઈને ફ્લાઇટ્સ બંધ થતા અને પ્રવાસની તારીખો લંબાવવામાં આવતા, રજાઓનું આયોજન ખોરવાયું છે. જેના કારણે અમારે નાછૂટકે સદંતર ઉમરાહ યાત્રા રદ કરવાની ફરજ પડી છે.> સદ્દામ ભાઈ, ઉમરાહ યાત્રી, ગોધરા
    Click here to Read More
    Previous Article
    છોટાઉદેપુરમાં મહાનાયકોની પ્રતિમાઓ સ્વચ્છ કરી શ્રદ્ધાંજલિ:જનજાતિય ગૌરવ દિવસની સાત્પાહિક ઉજવણી અંતર્ગત સફાઈ કરાઈ, સાંસદ સહિતના અધિકારીઓ સફાઈ અભિયાનમાં જોડાયા
    Next Article
    Blackmail, Marriage Pressure Drove 28-Year-Old UP Cop To Suicide: Police

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment