Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભગવાન દત્તાત્રેયની પૂજા-પોલીસ બેન્ડ સાથે 'લીલી પરિક્રમા'નો વિધિવત પ્રારંભ:જગતગુરુએ 50 હજાર કાપડની થેલીઓનું વિતરણ કર્યું, જંગલમાં બાળકો-વૃદ્ધોનું ધ્યાન રાખવા અપીલ

    7 hours ago

    ​જૂનાગઢના ભવનાથ ખાતે દેવઉઠી અગિયારસના પાવન અવસરે ગિરનારની ઐતિહાસિક લીલી પરિક્રમાનો વિધિવત રીતે પ્રારંભ કરાયો છે. ભવનાથમાં પરિક્રમાર્થીઓની ભારે ભીડને ધ્યાને લઈ ગઈકાલે વહેલી સવારે જ ગેટ ખોલી નાખવામાં આવ્યો હતો, પરંતુ આજે ભગવાન દત્તાત્રેયની પૂજા-અર્ચના કર્યા બાદ પોલીસ બેન્ડની સુરાવલી સાથે પરિક્રમાને સત્તાવાર રીતે ખુલ્લી મૂકવામાં આવી હતી. આ પ્રસંગે જગતગુરુ મહેન્દ્રાનંદગીરી મહારાજ, ઇન્દ્રભારતી મહારાજ, મહામંડલેશ્વર હરીહરાનંદ ભારતી બાપુ સહિતના સાધુ-સંતો તેમજ મેયર, ધારાસભ્યો, ડેપ્યુટી મેયર, જૂનાગઢ કલેક્ટર, આઈજી અને એસપી સહિતના અધિકારીઓ અને પદાધિકારીઓ ઉપસ્થિત રહ્યા હતા. ​કારતક સુદ અગિયારસથી પૂનમ સુધી ચાલતી આ પરિક્રમામાં લાખો પ્રવાસીઓની સુરક્ષા માટે 2500થી વધુ પોલીસ કર્મીઓ અને 450થી વધુ વન વિભાગનો સ્ટાફ તૈનાત કરવામાં આવ્યો છે. પરિક્રમાર્થીઓને પ્રકૃતિનું જતન અને વન્યજીવોની સુરક્ષા કરવા અપીલ ​આ વર્ષે પરિક્રમાને પ્લાસ્ટિક મુક્ત બનાવવાના વિશેષ અભિયાન હેઠળ જગતગુરુ મહેન્દ્રાનંદગીરી મહારાજ દ્વારા તૈયાર કરાયેલી સરકાર માન્ય 50,000 કાપડની થેલીઓનું સાધુ-સંતો અને અધિકારીઓના હસ્તે યાત્રાળુઓને વિતરણ કરાયું હતું. તંત્ર દ્વારા પરિક્રમાના 36 કિલોમીટરના સમગ્ર રૂટ પર કોઈ પણ પ્રકારનું પ્લાસ્ટિક લઈ જવા પર પ્રતિબંધ મૂકવામાં આવ્યો છે. સાધુ-સંતો અને તંત્ર દ્વારા પરિક્રમાર્થીઓને પ્રકૃતિનું જતન કરવા, વન્યજીવોની સુરક્ષા જાળવવા અને પ્લાસ્ટિકનો બિલકુલ ઉપયોગ ન કરીને પુણ્યનું ભાથું બાંધવા અપીલ કરવામાં આવી છે. 'ગિરનારી મહારાજ સૌની મનોકામના પૂર્ણ કરે અને રાષ્ટ્રનું કલ્યાણ થાય' ​જગતગુરુ મહેન્દ્રાનંદગીરી મહારાજે જણાવ્યું કે, ભગવાન શ્રીકૃષ્ણ દ્વારા શરૂ કરાયેલી અને ઋષિમુનિઓએ આગળ ધપાવેલી સનાતન ધર્મની આ પરંપરામાં સમગ્ર ભારતભરમાંથી લાખો ભક્તો ઉમટી પડ્યા છે. વર્ષ 2025માં વધુ વરસાદ પડવાના કારણે માત્ર પ્રતિકાત્મક પરિક્રમા કરવામાં આવી હતી અને ઘણા લોકો આવી શક્યા નહોતા, જેના કારણે આ વખતે ભક્તોની સંખ્યામાં બમણો વધારો જોવા મળી રહ્યો છે. તેમણે ગિરનારી મહારાજ સૌની મનોકામના પૂર્ણ કરે અને રાષ્ટ્રનું કલ્યાણ થાય તેવી શુભકામનાઓ પાઠવી હતી. તંત્રના કામને સાધુ સમાજ અને ગિરનાર મંડળ બિરદાવે છેઃ ઈન્દ્રભારતી ઈન્દ્રભારતી બાપુએ જણાવ્યું કે, આજે ગિરનારી મહારાજની દયાથી મધ્યરાત્રિએ 12 વાગે પરિક્રમાનો શુભ પ્રારંભ થયો છે. તેની અંદર સર્વે સાધુ-સંતો, વહીવટીતંત્ર, પોલીસ ડિપાર્ટમેન્ટ, ભારતીય જનતા પાર્ટીના આગેવાનો, ધારાસભ્ય, સાંસદ તેમજ ઘણા વેપારી બંધુઓ અને પત્રકાર મિત્રોએ સાથે મળીને પરિક્રમાનો શુભ પ્રારંભ કર્યો છે. ગયા વર્ષે વરસાદના હિસાબે પરિક્રમા મોકૂફ રાખવામાં આવી હતી, પરંતુ આ વર્ષે વરસાદ ન હોવાના કારણે તંત્રે જે કામ કર્યું છે તેને સાધુ સમાજ અને ગિરનાર મંડળ બિરદાવે છે. આગ ન લાગે તે ધ્યાનમાં રાખી બાળકો-વૃદ્ધોની સંભાળ લેવા અપીલ ​ગુજરાત ગવર્મેન્ટ અને ગુજરાત હાઈકોર્ટના આદેશ અનુસાર કોઈ પણ પ્રકારનું પ્લાસ્ટિક જંગલની અંદર ન લાવવાનો હુકમ છે, તેથી કોઈ પણ પરિક્રમાવાસી જંગલમાં પ્લાસ્ટિક ન લઈ જાય. ​આ ઉપરાંત ઈન્દ્રભારતીએ ઉમેર્યું કે, આ વર્ષે વરસાદ ન હોવાના કારણે જંગલની અંદર પાનખર ઋતુની જેમ બધા પાંદડા પડી ગયા છે, તેથી કોઈ પણ ઠેકાણે આગ ન લગાડવી કે બીડી-સિગારેટ ન ફેંકવી, જેનાથી જંગલને કોઈ મોટું નુકસાન થાય. સાથે જ વન્ય પ્રાણીઓને પણ કોઈ કનડગત ન કરે અને બાળકો તથા વૃદ્ધોની સૌ સંભાળ રાખે. -------------------- આ પણ વાંચો….'ગિરનાર પરિક્રમા', અંબાજી મંદિર પરિસરમાં હૈયે હૈયું દળાયું
    Click here to Read More
    Previous Article
    ટ્રેન સાથે અથડાઈને આગનો ગોળો બની મિનીબસ:ઇન્ડોનેશિયામાં સળગતી બસ ઘણે દુર સુધી ઘસડાતી ગઈ, ડ્રાઇવરનું મોત; તમામ 264 મુસાફરો સુરક્ષિત,
    Next Article
    ટીમ ઈન્ડિયાના બેટર્સે ન્યૂઝીલેન્ડનો વારો કાઢ્યો:કિવી બોલર્સને બરાબરના ધોયા, કેએલ રાહુલ 136 રન ફટકારીને આઉટ; ટીમ ઈન્ડિયાએ લીડ લીધી

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment