Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    જંબુસરના ઉબેર પાસે કેનાલમાં ગાબડું પડ્યું:50થી 60 એકર ખેતરોમાં પાણી ભરાયું, ડાંગર, કપાસ અને તુવેરના પાકને નુકસાનની ભીતિ

    6 hours ago

    ભરૂચ જિલ્લાના જંબુસર તાલુકાના ઉબેર ગામ પાસે વડોદરા બ્રાન્ચ કેનાલમાં વહેલી સવારે ગાબડું પડ્યું. નર્મદાનું પાણી આસપાસનાં ખેતરોમાં ફરી વળ્યું અને 50થી 60 એકર જમીનમાં ભરાયું. ડાંગર, કપાસ અને તુવેરના પાકને નુકસાનની ભીતિ છે. કેનાલની સાંકળ નંબર 85 પાસે સવારે અંદાજે 3થી 4 વાગ્યે ગાબડું પડ્યું હતું. પાણી ખેતરોમાં ફરી વળતાં ખેડૂતોમાં દોડધામ મચી હતી. ડાંગરનાં ખેતરોમાં પાણી ભરાયું છે. કપાસ અને તુવેરના પાક પણ પાણીમાં આવ્યા છે. સ્થાનિક ખેડૂત અરુણસિંહ ચૌહાણે જણાવ્યું કે કેનાલ તૂટવાથી અંદાજે 50થી 60 એકર જમીનમાં પાણી ભરાયું છે. તેમણે ડાંગર સહિતના પાકમાં પાણી ભરાયાની વાત કરી. ખેડૂતો કેનાલની જાળવણી અને સિંચાઈ વિભાગની કામગીરી સામે નારાજ છે. ખેડૂતોએ ખેતરોમાંથી પાણી કાઢવાની વ્યવસ્થા કરવા, નુકસાનગ્રસ્ત વિસ્તારોનો સર્વે કરવા અને અસરગ્રસ્ત ખેડૂતોને વળતર આપવાની માંગ કરી છે. નર્મદા યોજના પેટા વિભાગના નાયબ કાર્યપાલક ઈજનેર રોનક ગિરીશભાઈ બાગુલે જણાવ્યું કે ગાબડાની જાણ થતાં ઉપરવાસમાંથી પાણીનો પ્રવાહ બંધ કરવા અને કેનાલનું પાણીનું સ્તર શૂન્ય કરવા સૂચના અપાઈ છે. હાલ કેનાલમાં પાણીનું સ્તર ઘટી રહ્યું છે. પાણી સંપૂર્ણપણે ઓસરી ગયા પછી કેનાલનું સમારકામ શરૂ કરીને વહેલી તકે પૂરું કરાશે. ત્યારબાદ પાણીનો પ્રવાહ ફરી શરૂ કરાશે. ખેતરોમાં પાણી ભરાવાથી થયેલા નુકસાનનો સર્વે અને વળતર અંગેનો નિર્ણય હજી બાકી છે.
    Click here to Read More
    Previous Article
    વીડિયો ગેમ લવર્સની 13 વર્ષની રાહ પૂરી થઈ:GTA 6 લોન્ચ થતાં જ 1.49 કરોડ લોકોએ પ્રી-ઓર્ડર કરી, ભારતમાં કંપનીએ કર્મચારીઓને રજા આપી દીધી
    Next Article
    સફાઈ કર્મચારીએ કચરામાંથી સોનાના સિક્કા શોધી પરત કર્યા:સુરેન્દ્રનગરમાં માંગુ ડાંગીએ ચાર તોલા સોનું વીરાબેન દરજીને આપ્યું, મહાનગરપાલિકા સન્માન અને પુરસ્કાર આપશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment