Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    મોદી બોલ્યા- 50 કરોડ ગરીબોએ ગરીબીને હરાવી:પાછલા દાયકામાં કૃષિ વિકાસ દર 4%થી વધુ રહ્યો, આઝાદી પછી આવું પહેલીવાર થયું

    11 hours ago

    પીએમ નરેન્દ્ર મોદી ગુરુવારે એક ખાનગી ચેનલના કાર્યક્રમમાં સામેલ થયા. તેમણે કહ્યું, 'ખેડૂતને સશક્ત અને સ્માર્ટ બનાવ્યા વિના ખેતીને મજબૂત કરવી શક્ય નથી. ગરીબીને લઈને વર્લ્ડ બેંકનો અભ્યાસ આવ્યો છે. તેમાં જણાવવામાં આવ્યું કે ભારતના 50 કરોડ ગરીબોએ ગરીબીને માત આપી છે.' તેમણે જણાવ્યું કે ગામડાઓમાં ખૂબ જ ઝડપથી ગરીબી ઘટી છે. છેલ્લા દાયકામાં ભારતમાં કૃષિનો વિકાસ દર 4%થી વધુ રહ્યો છે. આઝાદી પછી પહેલીવાર એવું બન્યું છે, જ્યારે કૃષિ ક્ષેત્રે આટલી વૃદ્ધિ હાંસલ કરી છે. આ જ સમયગાળા દરમિયાન ગામડાઓમાં મોટી સંખ્યામાં ગરીબોએ ગરીબીને હરાવી છે. બે દિવસીય સંમેલન દિલ્હીના ભારત મંડપમમાં યોજાયું હતું. તેમાં 2,000થી વધુ ખેડૂતો, નીતિનિર્માતાઓ, ઉદ્યોગજગતના પ્રતિનિધિઓ અને વૈશ્વિક નિષ્ણાતો સામેલ થયા હતા. મોદીના ભાષણની 4 મોટી વાતો 1. ભારત દૂધ ઉત્પાદન ક્ષેત્રે નંબર-1 શ્વેત ક્રાંતિએ ભારતને વિશ્વનું સૌથી મોટું દૂધ ઉત્પાદક દેશ બનાવી દીધું છે. ભારતમાં દૂધનું ઉત્પાદન છેલ્લા એક દાયકામાં 70% વધ્યું છે. ઈંડાના ઉત્પાદનમાં 90%નો વધારો થયો છે. મધનું ઉત્પાદન આશરે 80 હજાર ટનથી વધીને દોઢ લાખ ટન થઈ ગયું છે. 2. આધુનિક સાધનો ઉત્પાદનનો ખર્ચ ઘટાડી રહ્યા છે અમારા કૃષિ વૈજ્ઞાનિકો એવા સાધનો બનાવી રહ્યા છે, જે ખેતીનો ખર્ચ ઘટાડી રહ્યા છે. વાવણી અને કાપણી સરળ બની રહી છે. આપણે અન્નદાતાને કૃષિ ઉદ્યોગસાહસિક બનાવવાના છે. જ્યાં ઉપજ થાય છે, ત્યાં મૂલ્યવર્ધન કેવી રીતે થાય, તેના પર કામ ચાલી રહ્યું છે. 3. અગાઉ ટેક્નોલોજી પર ધ્યાન આપવામાં આવ્યું નહોતું જેઓએ દાયકાઓ સુધી સરકારો ચલાવી, તેઓ એટલાથી જ સંતુષ્ટ થઈ ગયા કે ખેડૂતોએ અનાજના ભંડારો ભરી દીધા. માત્ર અનાજના ગોડાઉન ભરવા પૂરતું નથી. સમય સાથે બજારો બદલાયા, હવામાન બદલાયું, ટેક્નોલોજી બદલાઈ. પહેલાં આ બાબત પર પણ ધ્યાન આપવામાં આવ્યું નહોતું. 4. કેટલાક લોકો વિચારે છે કે લોકશાહી તેમના ખિસ્સામાં છે આજકાલ કેટલાક લોકો બંધારણને પોતાના ખિસ્સામાંથી બહાર કાઢે છે અને વિચારે છે કે દેશનું બંધારણ અને લોકશાહી તેમના ખિસ્સામાં છે. તેમને સત્તાનો એક અલગ જ નશો છે. એક જમાનામાં રાજ્યોની રેન્કિંગમાં ગુજરાત નંબર-1 પર આવ્યું હતું. ત્યારે હું ગુજરાતનો મુખ્યમંત્રી હતો. જે સંસ્થાએ રેન્કિંગ આપી હતી, તેનું નામ દેશના ભૂતપૂર્વ પ્રધાનમંત્રીના નામ પર હતું. સરકારે બાકાયદા તેમને આદેશ આપ્યો કે આવું નહીં ચાલે, અહેવાલ પ્રકાશિત કરતાં પહેલાં મંજૂરી લેવી પડશે. હવે આ લોકો લોકશાહી વિશે વાત કરે છે.
    Click here to Read More
    Previous Article
    માત્ર 8 દિવસમાં 1000 કરોડ!:બોક્સ ઓફિસ પર 'રામાયણ'નો મહારેકોર્ડ, સૌથી ઝડપી કમાણી કરનારી ત્રીજી ભારતીય ફિલ્મ બની
    Next Article
    ટેન્ડર પ્રક્રિયા વિના 600 કરોડથી વધુનો કોન્ટ્રાકટ:ઉત્તર ઝોનમાં ડોર ટુ ડોર કલેક્શન અને ટ્રાન્સપોર્ટેશન માટે પશ્ચિમ ઝોનના ઇજારદારને સીધો જ 10 વર્ષનો ઈજારો

    Related National Updates:

    Are you sure? You want to delete this comment..! Remove Cancel

    Comments (0)

      Leave a comment