Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરતની નવી સિવિલ હોસ્પિટલમાં ફટાકડાથી દાઝી જવાના 50 કેસ નોંધાયા:દિવાળીના દિવસે 26 બાળકો સહિત અનેક યુવકો દાઝ્યા, વાલીઓની ચિંતામાં વધારો

    11 hours ago

    સુરતમાં તહેવારોની ખુશીઓ વચ્ચે વાલીઓ માટે લાલબત્તી સમાન અને આંખ ઉઘાડનારા કિસ્સા સામે આવ્યા છે. દિવાળીના તહેવાર દરમિયાન સુરતમાં ફટાકડા ફોડવા ભારે સાવચેતી માંગી લે છે તેની સાબિતી આપતા ચોંકાવનારા આંકડા સામે આવ્યા છે. તારીખ 4 નવેમ્બર 2026 થી 13 નવેમ્બર 2026 સુધીના સમયગાળા દરમિયાન સુરતની નવી સિવિલ હોસ્પિટલમાં ફટાકડાથી દાઝી જવાના અંદાજે 50 જેટલા કેસ નોંધાયા હતા. આ તમામ દર્દીઓને હોસ્પિટલના બર્ન્સ વોર્ડમાં તાત્કાલિક પ્રાથમિક સારવાર આપવામાં આવી હતી, જેમાંથી ગંભીર રીતે દાઝેલા 7 જેટલા લોકોને હોસ્પિટલમાં દાખલ કરીને વિશેષ સારવાર આપવામાં આવી હતી. દિવાળીના દિવસે 26 બાળકો સહિત અનેક યુવકો દાઝ્યા દિવાળીના મુખ્ય દિવસોમાં અને ફટાકડા ફોડતી વેળાએ શહેરના અલગ-અલગ વિસ્તારોમાં બનેલી દુર્ઘટનાઓમાં 26 જેટલા માસૂમ બાળકો અને યુવકો દાઝી જવા પામ્યા હતા. ફટાકડા ફોડતી વખતે થયેલી નાની અમસ્તી બેદરકારી અથવા અકસ્માત અનેક પરિવારો માટે ચિંતાનું કારણ બન્યો હતો. દાઝી ગયેલા દર્દીઓમાં મોટાભાગના નાના બાળકો હોવાનું સામે આવ્યું છે, જેણે વાલીઓની ચિંતામાં મોટો વધારો કર્યો છે. બાળકોના હાથ, પગ અને મોઢાના ભાગે ગંભીર ઈજાઓ ઘટના અંગે વિગતો આપતા નવી સિવિલ હોસ્પિટલના ઇન્ચાર્જ આર.એમ.ઓ. ડો. લક્ષ્મણ ટેલિયાણીએ જણાવ્યું હતું કે, અગિયારસથી લઈને આજ સુધીના સમયગાળામાં ઓપીડી દ્વારા અંદાજે 50 જેટલા દાઝેલા દર્દીઓને સારવાર આપવામાં આવી છે. આ દુર્ઘટનાઓમાં કોઈ બાળક હાથમાં સળગતો ફટાકડો રાખવાને કારણે ગંભીર રીતે દાઝ્યું હતું, તો કોઈ બાળક અન્ય દ્વારા ફોડવામાં આવેલા ફટાકડાની ઉડેલી ચિંગારીથી ભોગ બન્યું હતું. મોટાભાગના બાળકોના હાથ, પગ અને મોઢાના નાજુક ભાગો ગંભીર રીતે દાઝી ગયા હોવાનું સામે આવ્યું છે. ઈજાગ્રસ્ત થયેલા તમામ બાળકોને તાત્કાલિક ધોરણે એમ્બ્યુલન્સ કે અન્ય વાહનો દ્વારા નવી સિવિલ હોસ્પિટલના બર્ન્સ વોર્ડમાં ખસેડવામાં આવ્યા હતા, જ્યાં તબીબોની ટીમ દ્વારા તેમને ત્વરિત અને યોગ્ય સારવાર પૂરી પાડવામાં આવી હતી. આ પૈકી 4 જેટલા માસૂમ બાળકોની સ્થિતિ વધુ ગંભીર જણાતા તેમને તાત્કાલિક આઈસીયુ વોર્ડમાં દાખલ કરીને ઓબ્ઝર્વેશન હેઠળ રાખવામાં આવ્યા હતા. સિવિલ પ્રશાસનની 24 કલાકની કટોકટી સેવાઓ રહી સક્રિય આ પ્રકારના અણધાર્યા અકસ્માતો અને ઈમરજન્સીને પહોંચી વળવા માટે નવી સિવિલ હોસ્પિટલનું તંત્ર પહેલેથી જ સજ્જ હતું. હોસ્પિટલ પ્રશાસન દ્વારા 24 કલાક ઈમરજન્સી સેવાઓ અને તબીબી સ્ટાફ સતત કાર્યરત રાખવામાં આવ્યો હતો, જેના કારણે તમામ ઈજાગ્રસ્તોને સમયસર યોગ્ય સારવાર મળી રહે અને કોઈ મોટી જાનહાનિ ટળી શકે. વાલીઓ માટે વિશેષ લાલબત્તી અને સાવચેતીનો સંદેશ આ સમગ્ર ઘટનાક્રમ બાદ તંત્ર અને તબીબો દ્વારા વાલીઓ માટે વિશેષ ચેતવણી જારી કરવામાં આવી છે. નવી સિવિલ હોસ્પિટલના ઇન્ચાર્જ આર.એમ.ઓ. ડો. લક્ષ્મણ ટેલિયાણીએ વાલીઓ અને મા-બાપને ખાસ અપીલ કરતા જણાવ્યું છે કે, જ્યારે પણ નાના બાળકો ફટાકડા ફોડતા હોય ત્યારે કોઈપણ વડીલ કે માતા-પિતાએ હંમેશાં તેમની સાથે રહીને સજ્જડ સુપરવિઝન રાખવું અનિવાર્ય છે. ફટાકડા ફોડતી વખતે રાખવામાં આવતી થોડી સાવધાની અને વડીલોની હાજરી આવા દુઃખદ અકસ્માતો અને ગંભીર ઈજાઓથી બાળકોને સુરક્ષિત રાખી શકે છે.
    Click here to Read More
    Previous Article
    માતાજીના દર્શને પગપાળા જતી સગીરાને ઇકોએ ટક્કર મારી:રોંગ સાઈડમાં આવીને ઉડાવી દીધી, લાઘણજની સેફ્રોની કોલેજ પાસે અકસ્માત
    Next Article
    દિવાળીમાં વલસાડમાં 108ના ઇમરજન્સી કેસ વધ્યા:દિવસે 255 કેસ નોંધાયા; નવસારીમાં નવા વર્ષે 145 અને ભાઈબીજે 136 કેસ આવ્યા

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment