Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    આજે અખંડ સૌભાગ્યનું વ્રત- કરવા ચોથ:જાણો પૂજા-વિધિ ને વ્રત કથા, ચંદ્ર ન દેખાય તો શું કરવું; પિરિયડ્સમાં વ્રત રખાય કે નહીં? આવા 5 જરૂરી પ્રશ્નોના જવાબ

    11 hours ago

    1

    0

    👍 ❤️ 😂 😮 😢 😡 😘 🤐 🥰

    આજે, 29 ઑક્ટોબર 2026ને ગુરુવારે કરવા ચોથ છે. આજે આસામના ગુવાહાટીમાં સાંજે લગભગ 7:23 વાગ્યે ચંદ્ર દેખાશે, જ્યારે ગુજરાતના દ્વારકામાં રાત્રે આશરે 9:09 વાગ્યે ચંદ્રદર્શન થશે. રાત્રે 9 વાગ્યા સુધીમાં દેશભરમાં ચંદ્ર દેખાઈ જશે. દિલ્હીમાં રાત્રે 8:17 વાગ્યે, ભોપાલમાં 8:31 વાગ્યે અને મુંબઈમાં રાત્રે 9 વાગ્યા સુધીમાં ચંદ્ર દેખાશે. પતિ બીજા શહેરમાં અથવા વિદેશમાં હોય, તો પણ મહિલાઓ પોતાના શહેરના ચંદ્રોદય અનુસાર વ્રત ખોલી શકે છે. સરગી અને ચાળણીમાં પતિને જોવાની વિધિ કોઈ પુરાણમાં લખાયેલી નથી. આ વિધિ વિના પણ વ્રત પૂર્ણ માનવામાં આવે છે. વાદળોને કારણે ચંદ્ર દેખાય નહીં, પૂજાનું મુહૂર્ત પસાર થઈ જાય અથવા પિરિયડ્સની સ્થિતિ હોય, ત્યારે વ્રત અને પૂજા સાથે જોડાયેલા અલગ નિયમો છે. જાણો સંપૂર્ણ પૂજા વિધિ, શાસ્ત્રીય નિયમો, મૂળ કથા અને મહિલાઓના 5 જરૂરી પ્રશ્નોના જવાબ. કરવા ચોથની વીરવતી કથા સંસ્કૃતના વ્રતરાજ નામના વ્રત-સંગ્રહમાં મળે છે. 1897માં પ્રકાશિત આ ગ્રંથમાં 41 શ્લોકોની કથા છે. તેને વામન પુરાણ સાથે જોડાયેલી કથા તરીકે વર્ણવવામાં આવી છે. દ્રૌપદીએ શ્રીકૃષ્ણને પતિનું સંકટ દૂર કરવાનો ઉપાય પૂછ્યો હતો અર્જુન તપસ્યા કરવા ઇન્દ્રકીલ પર્વત પર ગયા હતા. તેઓ લાંબા સમય સુધી પાછા ન ફરતા દ્રૌપદી ચિંતિત થઈ ગયાં હતાં. તેમણે શ્રીકૃષ્ણને પતિની કુશળતા અને સંકટ દૂર કરવાનો ઉપાય પૂછ્યો. શ્રીકૃષ્ણે આ કથા સંભળાવીને દ્રૌપદીને પણ કરક ચતુર્થીનું વ્રત કરવાની સલાહ આપી. કથાના અંતે જણાવવામાં આવ્યું છે કે, દ્રૌપદીએ આ વ્રત કર્યું અને તેના ધાર્મિક ફળથી પાંડવોને પોતાનું રાજ્ય પાછું મળ્યું. શ્રીકૃષ્ણે જણાવ્યું કે, એક વખત દેવી પાર્વતીએ પણ શિવજીને આવો જ પ્રશ્ન પૂછ્યો હતો. ત્યારે શિવજીએ તેમને કરક ચતુર્થીનું વ્રત અને તેની સાથે જોડાયેલી વીરવતીની કથા સંભળાવી હતી. કરવા ચોથની ત્રણ અનોખી પરંપરાઓ: ક્યાંક ખાંડમાંથી બનાવાય છે કરવા, તો ક્યાંક ચંદ્રમાને અર્પણ કરાય છે કાચી લસ્સી 1. પંજાબમાં ગૌરા માતાની સામે સાત વખત થાળીઓ ફેરવવામાં આવે છે, ચંદ્રમાને ચઢે છે કાચી લસ્સી પંજાબની કરવા ચોથની પરંપરામાં મહિલાઓ સાંજે ગૌરા માતાની સામે સામૂહિક પૂજા કરે છે. આ માટે થાળીમાં નાળિયેર, ફળો, સૂકા મેવા, મીઠાઈ, દીવો અને કાચી લસ્સી રાખવામાં આવે છે. કાચી લસ્સી દૂધ અને પાણી ભેળવીને તૈયાર કરવામાં આવે છે. મહિલાઓ ગૌરા માતાની સામે ગોળ ઘેરો બનાવીને બેસે છે. તેમાંની મોટી મહિલા કરવા ચોથની કથા સંભળાવે છે. પૂજા દરમિયાન મહિલાઓ ગીતો ગાતી પોતાની થાળીઓ સાત વખત ફેરવે છે. તેને થાળી બટાણા કહેવામાં આવે છે. ચંદ્રમા દેખાય ત્યારે મહિલાઓ લોટથી બનેલા દીવા અને ચાળણી સાથે અગાસી અથવા ખુલ્લી જગ્યાએ જાય છે. ચાળણીમાંથી ચંદ્રમાના દર્શન કરે છે અને તેને કાચી લસ્સી અર્પણ કરે છે. ત્યાર બાદ પતિ પત્નીને એ જ પ્રકારની લસ્સી અને મીઠાઈ આપીને વ્રત ખોલાવે છે. 2. રાજસ્થાનના કરૌલીમાં મુસ્લિમ કારીગરો ખાંડમાંથી બનાવે છે ત્રણ પ્રકારનાં કરવા રાજસ્થાનના કરૌલીમાં કરવા ચોથ પર માટીને બદલે ખાંડમાંથી બનેલાં કરવા ખરીદવાની પરંપરા છે. તેને મુસ્લિમ કારીગરો તૈયાર કરે છે. સૌપ્રથમ ખાંડની ઘટ્ટ ચાસણી બનાવવામાં આવે છે. ત્યાર બાદ ચાસણીને માટીના બીબાંમાં ભરવામાં આવે છે. ઠંડી થયા પછી તેને કરવા (કળશ)ના આકારમાં બનાવવામાં આવે છે. આ કરવાને અલગ-અલગ રંગો અને ડિઝાઇનમાં બજારમાં વેચવામાં આવે છે. 3. ગ્વાલિયરમાં તુરીયાનાં પાંદડાંથી રંગવામાં આવે છે દીવાલને લીલી, ચોખાના લોટથી દોરવામાં આવે છે વ્રતની કથા ગ્વાલિયરની પરંપરાગત પૂજા ચિત્રકળામાં કરવા ચોથની કથા ઘરની દીવાલ પર બનાવવામાં આવે છે. આ માટે તુરીયાનાં પાંદડાં દીવાલ પર ઘસીને તેને લીલા રંગના કેનવાસની જેમ તૈયાર કરવામાં આવે છે. ત્યાર બાદ ચોખાના લોટનું ખીરું બનાવીને તેના પર પાંચ ભાઈઓ, એક બહેન, વડનું ઝાડ, સૂર્ય, ચંદ્રમા, સ્વસ્તિક, કરવા અને તુલસીની આકૃતિઓ બનાવવામાં આવે છે. આ ચિત્રો પર મહાવરથી ગુલાબી ટપકાં મૂકવામાં આવે છે. કેટલીક મહિલાઓ સીતા-રામ અને પોતાના પતિનું નામ પણ લખે છે. આ ચિત્રકળા ખાસ કરીને કાયસ્થ અને ઠાકુર પરિવારોમાં કરવામાં આવતી હતી. , કરવાચોથ સંબંધિત આ સમાચાર પણ વાંચો…. 1. કરવાચોથનું વ્રત કેવી રીતે ખોલવું?: ડાયેટિશિયન પાસેથી જાણો, શું ખાવું ને શું નહીં; 6 હેલ્ધી ડિનર ઓપ્શન, 7 ભૂલો બિલકુલ ન કરો આજે કરવાચોથ છે. આ પર્વ પર મહિલાઓ પતિના લાંબા આયુષ્ય અને સુખી વૈવાહિક જીવન માટે સવારે સૂર્યોદયથી લઈને રાત્રે ચંદ્ર નીકળે સુધી નિર્જળા વ્રત રાખે છે. આ તહેવાર પ્રેમ, આસ્થા અને સમર્પણનું પ્રતીક છે. ‘કરવાચોથ’ નામના શબ્દમાં ‘કરવા’નો અર્થ માટીનો કળશ અને ‘ચોથ’નો અર્થ ચતુર્થી તિથિ છે. પૂજામાં કરવાથી ચંદ્રમાને અર્ઘ્ય આપવાની પરંપરા છે. ધાર્મિક માન્યતા અનુસાર, કરવાચોથની શરૂઆત એ મહિલાઓની પ્રાર્થનાઓથી થઈ, તે યુદ્ધ માટે દૂર ગયેલા પતિની સુરક્ષિત વાપસીની કામના કરતી હતી. કરવાચોથના વ્રતમાં ચંદ્રને અર્ઘ્ય આપ્યા પછી વ્રત ખોલવામાં આવે છે. એવામાં દિવસભર ભૂખ્યા-તરસ્યા રહ્યા પછી વ્રત ખોલતી વખતે એવી વસ્તુઓ ખાવી જરૂરી છે, જે શરીરને ઊર્જા આપવાની સાથે પોષણ પણ આપે. સંપૂર્ણ સમાચાર વાંચો…. 2. ચાંદની શોધમાં પત્ની પ્રિયંકાને વાદળો ઉપર લઈ ગયો નિક: પત્નીને કેન્સર, આયુષ્માને રાખ્યું વ્રત; બોલિવૂડથી લઈને રાજકારણીનું સ્પેશિયલ કરવાચોથ સેલિબ્રેશન કરવાચોથનો તહેવાર. હાથમાં ચાળણી, ચાંદની રાહ અને જીવનસાથી સાથે વિતાવેલી કેટલીક ખાસ ક્ષણો. તહેવારથી જોડાયેલી યાદો દરેક માટે ખાસ હોય છે. પરંતુ જ્યારે વાત સેલિબ્રિટીઝની આવે ત્યારે આ ક્ષણોમાં કેટલાક રસપ્રદ કિસ્સાઓ પણ જોડાઈ જાય છે. બોલિવૂડ સિતારાઓથી લઈને ભારતીય રાજકારણની જાણીતી હસ્તીઓ સુધી, કરવાચોથ ઉજવવાનો અંદાજ ચોક્કસ અલગ છે, પરંતુ પ્રેમ, સન્માન અને સમર્પણની વાર્તા એક જ છે. સંપૂર્ણ સમાચાર વાંચો….
    Click here to Read More
    • Share:
    'કરવાચોથના દિવસે પણ ઓફિસ જવાનું છે':'પૂજાની તૈયારી પણ એકલાએ જ કરવી પડે છે', 'પતિ અને સાસુ મદદ નથી કરતાં, હું શું કરું?'
    Previous Article
    'કરવાચોથના દિવસે પણ ઓફિસ જવાનું છે':'પૂજાની તૈયારી પણ એકલાએ જ કરવી પડે છે', 'પતિ અને સાસુ મદદ નથી કરતાં, હું શું કરું?'
    Next Article
    ગુરુનું રાશિ પરિવર્તન, ભાગ-2:તુલા-ધન રાશિના લોકો માટે સુખનો સૂરજ ઉગશે, મકર-મીન રાશિના જાતકોએ સાવધાની રાખવી
    ગુરુનું રાશિ પરિવર્તન, ભાગ-2:તુલા-ધન રાશિના લોકો માટે સુખનો સૂરજ ઉગશે, મકર-મીન રાશિના જાતકોએ સાવધાની રાખવી

    Related Religion Updates:

    Are you sure? You want to delete this comment..! Remove Cancel

    Comments (0)

      Leave a comment

      Send