Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    સુરતમાં દિવાળીથી અત્યાર સુધી 5 દિવસમાં 5 મર્ડર:ડિંડોલી પાર્ટી પ્લોટમાંથી અપહરણ, ટોળકીએ થાંભલા સાથે બાંધી ઢોર માર મારતા યુવકનું મોત

    11 hours ago

    સુરતમાં છેલ્લા 5 દિવસમાં હત્યાની 5 ઘટનાઓ નોંધાતા શહેરીજનોમાં ભયનો માહોલ જોવા મળી રહ્યો છે. દિવાળીના પર્વે ખટોદરા અને લિંબાયતમાં બે હત્યા, ત્યારબાદ લસકાણા અને અશ્વિનીકુમારમાં હત્યાની ઘટનાઓમાં પોલીસે આરોપીઓને જેલના સળિયા પાછળ ધકેલી દીધા છે. આ વચ્ચે હવે ડીંડોલી વિસ્તારમાં 6 શખ્સોની ટોળકીએ બે યુવકોનું અપહરણ કરી, પાર્ટી પ્લોટના થાંભલા સાથે બાંધી ઢોર માર મારતા એક યુવકનું મોત નીપજ્યું છે, જે શહેરમાં 5 દિવસમાં 5મી હત્યા છે. પ્રથમ બનાવ ડીંડોલી વિસ્તારમાં આવેલા સણીયા કણદે ગામેથી 2 યુવકોનું અપહરણ કરી, થાંભલા સાથે બાંધી ઢોર માર મારતા એક યુવકનું કરપીણ મોત નીપજ્યું છે. આ ઘટના અંગે સણીયા કણદે ગામના ગાંજરીયા ટેકરા ફળીયામાં રહેતા પ્રકાશભાઈ શંકરભાઈ રાઠોડે (ઉં.વ. 25) ડીંડોલી પોલીસ સ્ટેશનમાં ફરિયાદ નોંધાવી છે. 11 નવેમ્બર 2025ના રોજ સાંજે 6:15 વાગ્યા પહેલાં વિજય ઉર્ફે સોનું, અભિષેક, સુજીત, સુમીત, મહેન્દ્ર અને રાહુલ નામના 6 આરોપીઓએ ટોળકી બનાવી ફરિયાદીના બનેવી અનિલ રાઠોડ અને પડોશી નીલેશ રાઠોડની જાતિ પૂછી અપશબ્દો કહ્યા હતા. ત્યારબાદ સણીયા કણદે સ્થિત 'ક્રિષ્ના સેવન સ્ટાર પાર્ટી પ્લોટ'માંથી બંનેનું અપહરણ કરી કરાડવા ગામના 'રાધેક્રિષ્ના પાર્ટી પ્લોટ' ખાતે લઈ જવામાં આવ્યા હતા. લાકડાના ફટકા અને ઇલેક્ટ્રિક વાયરથી માર મારતા યુવકનું મોત આરોપીઓએ બંને યુવકોને રાધેક્રિષ્ના પાર્ટી પ્લોટના ડોમના થાંભલા સાથે બાંધી દીધા હતા અને લાકડાના ફટકા તથા ઇલેક્ટ્રિકના સર્વિસ વાયર વડે શરીરે અમાનવીય રીતે ઢોર માર માર્યો હતો. આ જીવલેણ હુમલામાં નીલેશ રાઠોડને ગંભીર ઈજા થઈ હતી, જ્યારે ફરિયાદીના બનેવી અનિલ રાઠોડનું ઘટનાસ્થળે જ મોત નીપજ્યું હતું. ઘટના બાદ તમામ 6 આરોપીઓ ફરાર થઈ ગયા હતા. ડીંડોલી પોલીસે આ મામલે ભારતીય ન્યાય સંહિતા (BNS) 2023ની હત્યા, અપહરણ સહિતની કલમો તેમજ એટ્રોસિટી એક્ટ હેઠળ ગુનો દાખલ કર્યો છે, જેની વધુ તપાસ 'જે' ડિવિઝનના મદદનીશ પોલીસ કમિશનર એસ.સી. તરડે દ્વારા હાથ ધરવામાં આવી છે. બીજો બનાવ ખટોદરામાં યુવકની હત્યા કરનારા પાંચ આરોપી ઝડપાયા દિવાળીના દિવસે ખટોદરા પોલીસ સ્ટેશન વિસ્તારના રસૂલાબાદ આઝાદનગરમાં અગમ્ય કારણોસર પ્રસિદ ઉર્ફે સની નામના યુવકની જાહેર રોડ પર તીક્ષ્ણ હથિયારો વડે હત્યા કરવામાં આવી હતી. પાંચ આરોપીઓએ એકજૂથ થઈ પ્રસિદની છાતી, પેટ અને માથાના ભાગે ઘાતક ઘા ઝીંક્યા હતા. પોલીસે ટેકનિકલ સર્વેલન્સ અને બાતમીદારોની મદદથી ગણતરીના કલાકોમાં જ તમામ પાંચેય આરોપીઓને ઝડપી પાડી કાયદેસરની કાર્યવાહી હાથ ધરી છે. ત્રીજો બનાવ લિંબાયતમાં ફટાકડા ફોડવા બાબતે બે ભાઈઓએ યુવકને પતોવી દીધો દિવાળી પર્વ પર લિંબાયત વિસ્તારમાં ફટાકડાના તણખા ઉડવા જેવી નજીવી બાબતે થયેલા ઝઘડામાં નિલેશ અને પંકજ મોર્યા નામના બે સગા ભાઈઓએ વિકાસ ઉર્ફે નેપાલીની હત્યા કરી નાખી હતી. તકરાર વધતા પંકજે વિકાસને પકડી રાખ્યો હતો અને નિલેશે ચપ્પુના જીવલેણ ઘા માર્યા હતા, તેમજ વચ્ચે પડેલા અન્ય લોકોને પણ ઈજા પહોંચાડી હતી. લિંબાયત પોલીસે તાત્કાલિક કાર્યવાહી કરી બંને હત્યારા ભાઈઓને ઝડપીને જેલના સળિયા પાછળ ધકેલી દીધા છે. ચોથો બનાવ અશ્વિનીકુમારમાં બાઇક ચલાવવા બાબતની તકરારમાં યુવકની હત્યા સુરતના અશ્વિનીકુમાર વિસ્તારમાં ફટાકડા ફોડતી વખતે બાઇક કટ મારીને ચલાવવા જેવી સામાન્ય બાબતે થયેલી બોલાચાલી બાદ 28 વર્ષીય રાજેન્દ્ર માળીની છરીના ઘા ઝીંકી કરપીણ હત્યા કરવામાં આવી હતી. ઝઘડાના બે દિવસ પછી આરોપીઓએ સમાધાન અને માફી મંગાવવાના બહાને ફરિયાદીને બોલાવ્યો હતો, જ્યાં પાંચ શખ્સોએ હુમલો કરી રાજેન્દ્રની જાહેરમાં હત્યા કરી નાખી હતી. અશ્વિનીકુમાર પોલીસે પાંચ આરોપીઓ સામે હત્યાનો ગુનો નોંધી તેમની શોધખોળ શરૂ કરી છે. પાંચમો બનાવ લસકાણામાં પતિની હત્યા કરનાર પત્ની અને દિયર દબોયાયા દિવાળી વેકેશન દરમિયાન લસકાણા BRTS બસ સ્ટેન્ડ સામેના સર્વિસ રોડ પરથી 30 વર્ષીય કારખાનાના શ્રમિક અમરબાબુ નિષાદનો મૃતદેહ શંકાસ્પદ હાલતમાં મળી આવ્યો હતો. આગલી રાત્રે પત્ની સાથે ઝઘડો થયા બાદ નશાની હાલતમાં કચરો ફેંકવા નીકળેલો અમરબાબુ ગુમ થયો હતો. તેના ગળા પર ગળું દબાવીને હત્યા કરાઈ હોવાના સ્પષ્ટ નિશાન મળતા લસકાણા પોલીસે અજાણ્યા હત્યારા સામે ગુનો નોંધી તપાસ હાથ ધરી હત્યા કરનાર પત્ની અને દિયરની ધરપકડ કરી છે.
    Click here to Read More
    Previous Article
    વેપારીઓએ દીપક ટોકીઝ-ચાંદી બજારનો CC રોડ મોકૂફ રાખવા કહ્યું:15 નવેમ્બરથી શરૂ થનારા કામને બદલે હાલ માઇનર પેચવર્કની માગ
    Next Article
    Can Son Claim Birthright In Father's Exclusive Property? What Supreme Court Said

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment