Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    અલ્ટો કાર અને બાઈકની ટક્કરમાં બાળકીનું મોત:શંખેશ્વર-પાનવા રોડ પર અકસ્માત; દંપતી અને 5 વર્ષનો પુત્ર ગંભીર રીતે ઘાયલ

    एक दिन पहले

    વઢિયાર પંથકના શંખેશ્વર-પાનવા માર્ગ પર અલ્ટો કાર અને બાઈક વચ્ચે સર્જાયેલા ગમખ્વાર અકસ્માતમાં બાઈક સવાર એક જ પરિવારની 6 વર્ષીય બાળકીનું ઘટનાસ્થળે જ કરુણ મોત નીપજ્યું છે, જ્યારે દંપતી અને તેમનો 5 વર્ષીય પુત્ર ગંભીર રીતે ઈજાગ્રસ્ત થતા તેઓને વધુ સારવાર માટે ધારપુર હોસ્પિટલ ખાતે રિફર કરવામાં આવ્યા છે. વઢિયાર પંથકના શંખેશ્વર વિસ્તારમાં માર્ગ અકસ્માતની વધુ એક દુ:ખદ ઘટના સામે આવી છે. પ્રાપ્ત વિગતો અનુસાર, બજાણા ગામના રહેવાસી મોસીનભાઈ મુસ્તાકભાઈ સમા (ઉં.વ. 28) પોતાની પત્ની રૂબીનાબેન મોસીનભાઈ સમા (ઉં.વ. 26), 6 વર્ષીય પુત્રી આફીયા અને 5 વર્ષીય પુત્ર વાહીદ સાથે બાઈક પર સવાર થઈને પોતાના સાસરે જારૂસા ગામે જઈ રહ્યા હતા. આ દરમિયાન શંખેશ્વર-પાનવા રોડ પર સામેથી આવતી અલ્ટો કાર અને તેમની બાઈક વચ્ચે જોરદાર ટક્કર થઈ હતી. અકસ્માત સર્જાતા જ બાઈક પર સવાર ચારેય સભ્યો રોડ પર પટકાયા હતા અને તેઓને ગંભીર ઈજાઓ પહોંચી હતી. અકસ્માતની જાણ થતાં જ ત્યાંથી પસાર થતા રાહદારીઓ અને સ્થાનિકો તાત્કાલિક મદદ માટે દોડી આવ્યા હતા અને 108 ઈમરજન્સી એમ્બ્યુલન્સ સેવાને જાણ કરી હતી. ઘટનાસ્થળે પહોંચેલી 108ની ટીમે તમામ ઈજાગ્રસ્તોને તાત્કાલિક સારવાર અર્થે શંખેશ્વર સામૂહિક આરોગ્ય કેન્દ્ર ખાતે ખસેડ્યા હતા. જ્યાં ફરજ પર હાજર તબીબે તપાસ બાદ 6 વર્ષીય બાળકી આફીયા મોસીનભાઈને મૃત જાહેર કરી હતી. માસૂમ બાળકીના મોતના સમાચાર મળતા જ પરિવારજનોમાં ઘેરા શોકની લાગણી ફેલાઈ ગઈ હતી. બીજી તરફ, અકસ્માતમાં ગંભીર રીતે ઘવાયેલા મોસીનભાઈ સમા, તેમના પત્ની રૂબીનાબેન અને 5 વર્ષીય પુત્ર વાહીદની હાલત નાજુક જણાતા શંખેશ્વર આરોગ્ય કેન્દ્ર ખાતે પ્રાથમિક સારવાર આપ્યા બાદ તેઓને વધુ સારવાર અર્થે બે અલગ-અલગ 108 એમ્બ્યુલન્સ મારફતે ધારપુર હોસ્પિટલ ખાતે રિફર કરવામાં આવ્યા હતા. આ ઘટનાની જાણ થતાં શંખેશ્વરના સ્થાનિક સેવાભાવી યુવાનો પણ હોસ્પિટલ દોડી આવ્યા હતા અને ઈજાગ્રસ્તોના પરિવારજનોનો સંપર્ક કરી દર્દીઓને ધારપુર ખસેડવા સહિતની તમામ જરૂરી વ્યવસ્થાઓમાં મદદરૂપ બન્યા હતા.
    Click here to Read More
    Previous Article
    26 એન્કાઉન્ટર કરનાર પોલીસ અધિકારી બન્યો કેદી:'પ્રતાપ'માં અમિત સાધની દમદાર એક્ટિંગ; એક્શન, સસ્પેન્સ અને લાગણીઓથી ગૂંથાયેલી વાર્તા
    Next Article
    ગિરનારની 'લીલી પરિક્રમા' વહેલી શરૂ, બે લાખથી વધુ શ્રદ્ધાળુ રવાના:ભારે ભીડને પગલે વિધિવત મુહૂર્ત પહેલાં જ ઈટવા ગેટ ખોલી દેવાયો, રાતે સાધુ-સંતો પ્રારંભ કરાવશે

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment