Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    BijnorNews
    Bijnor news

    ભાસ્કર ઈન્વેસ્ટિગેશન:5 ગણા વળતરનો ખેલ, ભારતમાલાનો રૂટ નક્કી થતાં જ પૂર્વ મંત્રીના પુત્રની જમીન 20 દિવસમાં ગેરકાયદે બિનખેતી થઈ

    13 hours ago

    ભારતમાલા પ્રોજેક્ટ હેઠળ એનએચ-151એના ધ્રોલ બાયપાસમાં 18 લાખને બદલે રૂ. 88 લાખ (પાંચ ગણું વળતર) મેળવવા પૂર્વ કૃષિ મંત્રી રાઘવજી પટેલના પુત્ર જયેન્દ્ર પટેલ સહિતના ભાગીદારોની ખેતીની જમીન જામનગરના પૂર્વ કલેકટર બિજલ શાહે (હાલ મહેસુલ સચિવ) નિયમોના ધજાગરા ઉડાડી બિનખેતી એનએ કરી દઈ સરકારી તિજોરી પર 70 લાખનો બોજ નાખવાનું કૌભાંડ સામે આવ્યું છે. ધ્રોલથી આમરણ સુધી હાઇવે એલાઇનમેન્ટ નક્કી થયો અને 26 મે 2023ના રોજ એનએચએઆઈએ ચેતવણી આપી કે સૂચિત લાઇન પર જમીન વપરાશ ન બદલવો. છતાં તત્કાલિન કલેક્ટરે મામલતદારના અભિપ્રાય વિના માત્ર 20 દિવસમાં એનએ મંજૂરી આપી. સંપાદન અધિકારીએ પણ ગેઝેટમાં ‘ખેતી’ હોવા છતાં બિનખેતીના આધારે પ્રતિ ચો.મી. ~570ના બદલે ~2,900 લેખે વળતર નક્કી કર્યું. જેથી 1,439 ચો.મી.ના 18.51 લાખના બદલે સીધા ~88.45 લાખ ચૂકવવાનો નિર્ણય કર્યો. NHAIએ હાઇકોર્ટના દરવાજા ખટખટાવતા આને ગેરરીતિ ઠેરવી સંપાદન થવાપાત્ર જમીનને ખેતી ગણી વળતર ચૂકવવા આદેશ કર્યો છે. હાઈકોર્ટની ઝાટકણીને પગલે મહેસૂલ વિભાગે તા. 02/06/2026ના એક પરિપત્ર બહાર પાડ્યો હતો. જેમાં લખ્યું કે, ડીપીઆર તૈયાર કરતી વખતે સંપાદક સંસ્થા સંભવિત ગામોની યાદી બનશે, એનએ કાર્યવાહી 60 દિવસ સ્થગિત રહેશે. વળતરનું ગણિત 18 લાખને બદલે 88 લાખ થઇ ગયા વળતર કૌભાંડની ટાઇમલાઇન સરવે નં. 621ના 4 ભાગીદારો: દિલીપ હમીર, જયેન્દ્ર રાઘવજી, વિરમ નાગજી, મગન હંસરાજ. તમામ વતી જયેન્દ્ર ઉર્ફે બાબુ પટેલે 10% પ્રીમિયમ ભરી ફાઇલ ચલાવી. 12 કિ.મી.માં મળતિયાઓની અન્ય જમીનોમાં પણ વધુ વળતર અપાયું ધ્રોલ આમરણ બાયપાસ આશરે 12 કિમીનો બની રહ્યો છે. આ રૂટ પર માત્ર રાઘવજીના પુત્રની જ જમીન નથી પણ તેના સગાઓ, ભાઈ-ભત્રીજાના નામની જમીનો છે. આ ઉપરાંત રાઘવજી પટેલ અને તેના પુત્રના ભાગીદારોની પણ જમીનો છે. આ પૈકી અમુક જમીન ગેઝેટ નોટિફિકેશનના થોડા દિવસો પહેલા જ બિનખેતી થઈ છે. બંનેએ કહ્યું, હવે કંઈ ખબર નથી! સવાલ: સરવે નં. 621ની જમીન 20 દિવસમાં NA કરી તેમાં રાઘવજી પટેલનું પ્રેશર કે ભલામણ હતી? બિજલ શાહ: એ હવે મને યાદ નથી, ત્યારે હશે પણ કોઈની ભલામણ કે પ્રેશર ન હતું. બીજા જિલ્લામાં પણ 20 દિવસમાં બિનખેતી થયાં જ છે ને. (તત્કાલિન કલેક્ટર) સવાલ: તમારી જમીન 20 દિવસમાં એનએ કરી તે બાબતને ગેરરીતિ બતાવાઈ છે, શું કહેશો? જયેન્દ્ર પટેલ : મને એ કંઈ ખબર ન હોય, મારા પાર્ટનર વિરમભાઈ એ જમીન સંભાળે છે, મારા સુધી આવી કોઈ વાત જ નથી આવી. (રાઘવજીના પુત્ર)
    Click here to Read More
    Previous Article
    સિટી એન્કર:શિયાળાની શરૂઆતમાં શાકભાજીના ભાવમાં ફીફટી-ફીફટી લીંબુ, આદુ, વટાણા સસ્તા, ગુવાર અને લીલું લસણ મોંઘા
    Next Article
    Mathura का मुसलमान Yogi को PM बनाएगा, हिंदू नहीं? BJP Mathura strategy| Krishna Janmabhoomi dispute

    Related Gujarat Updates:

    Are you sure? You want to delete this comment..! Remove Cancel

    Comments (0)

      Leave a comment